040.0001.110199
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«11» հունվարի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 հունվարի 1999 թվականի թիվ 1
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1998 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ
«Հայաստանի Հանրապետության 1998 թվականի պետական բյուջեի մասին» Հայաստանի Հանրապետության օրենքի 13 հոդվածի «ա» ենթակետին համապատասխան` Հայաստանի Հանրապետության կառավարությունը որոշում է.
1. «Հայաստանի Հանրապետության 1998 թվականի պետական բյուջեի մասին» Հայաստանի Հանրապետության օրենքի թիվ 1 հավելվածի 04 խմբի 03 ենթախմբի համապատասխան աղյուսակի «ՀՀ կրթության և գիտության նախարարություն» սյունակի ընթացիկ ծախսերի «այլ, այդ թվում» ծախսերի «ֆինանսավորման համար նախատեսված հատկացումներն ավելացնել 25093 հազ. դրամով նույն չափով պակասեցնելով 04 խմբի 03 ենթախմբով միջազգային ֆինանսական կազմակերպությունների և օտարերկրյա պետությունների աջակցությամբ իրականացվող նպատակային ծրագրերին Հայաստանի Հանրապետության կառավարության մասնակցության ծախսերի ֆինանսավորման համար նախատեսված հատկացումները:
2. Սույն որոշումն ուժի մեջ է մտնում 1999 թվականի հունվարի 11-ից: