Սեղմել Esc փակելու համար:
ՀՀ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՆԿԱՏՄԱՄԲ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀՀ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՆԿԱՏՄԱՄԲ ՀՍԿՈՂՈՒԹՅԱՆ 2010 ԹՎԱԿԱՆԻ ՏԱՐԵԿԱՆ ԱՐԴՅՈՒՆՔՆԵ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

20 մայիսի 2011 թվականի N 19

 

17. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՆԿԱՏՄԱՄԲ ՀՍԿՈՂՈՒԹՅԱՆ 2010 ԹՎԱԿԱՆԻ ՏԱՐԵԿԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ ՄԱՍԻՆ

(1-ին մաս)

 

1. Հանձնարարել Հայաստանի Հանրապետության նախարարներին, Հայաստանի Հանրապետության կառավարությանն առընթեր պետական կառավարման մարմինների ղեկավարներին, այլ պետական մարմինների ղեկավարներին, Հայաստանի Հանրապետության մարզպետներին և առաջարկել Երևանի քաղաքապետին ու Հայաստանի Հանրապետության համայնքների ղեկավարներին`

1) ընդունել ի գիտություն Հայաստանի Հանրապետության ֆինանսների նախարարության` Հայաստանի Հանրապետության պետական բյուջեի կատարման նկատմամբ հսկողության 2010 թվականի տարեկան արդյունքների վերաբերյալ հաշվետվությունը` համաձայն հավելվածի.

2) ձեռնարկել միջոցներ` խախտումները, թերությունները վերացնելու և հետագայում բացառելու համար` դրա մասին իրազեկելով Հայաստանի Հանրապետության կառավարությանը, ինչպես նաև Հայաստանի Հանրապետության ֆինանսների նախարարությանը.

3) ապահովել համապատասխան մարմիններում ներքին աուդիտի համակարգի առկայությունը:

2. Սույն որոշման կատարման նկատմամբ վերահսկողությունը դնել Հայաստանի Հանրապետության վարչապետի վերահսկողական ծառայության վրա:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՅԻՍԻ 24-ԻՆ

 

Հավելված

ՀՀ կառավարության

2011 թ. մայիսի 20-ի նիստի

N 19 արձանագրային

որոշման

 

ՀԱՇՎԵՏՎՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՆԿԱՏՄԱՄԲ ՀՍԿՈՂՈՒԹՅԱՆ 2010 ԹՎԱԿԱՆԻ ՏԱՐԵԿԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ

 

I. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՆԵՐՔԻՆ ԱՈՒԴԻՏԻ ԳՆԱՀԱՏՄԱՆ ԵՎ ՖԻՆԱՆՍԱԿԱՆ ՎԵՐԱՀՍԿՈՂՈՒԹՅԱՆ ՎԱՐՉՈՒԹՅԱՆ ԿՈՂՄԻՑ 2010 ԹՎԱԿԱՆԻ ԸՆԹԱՑՔՈՒՄ ԻՐԱԿԱՆԱՑՎԱԾ ՀՍԿՈՂՈՒԹՅԱՆ ՀԻՄՆԱԿԱՆ ՈՒՂՂՈՒԹՅՈՒՆՆԵՐԸ

 

2010 թվականի ընթացքում` հիմք ընդունելով ՀՀ Վարչապետի 2010 թվականի փետրվարի 2-ի N 45-Ա որոշմամբ հաստատված «Հայաստանի Հանրապետության պետական բյուջեի կատարման նկատմամբ հսկողության 2010 թվականի ծրագիրը», ՀՀ ֆինանսների նախարարության աշխատակազմի ներքին աուդիտի գնահատման և ֆինանսական վերահսկողության վարչությունն (այսուհետ` Վարչություն) իրականացրել է ՀՀ պետական կառավարման և տեղական ինքնակառավարման մարմինների ու տնտեսվարող սուբյեկտների կողմից բյուջեի եկամուտների ձևավորմանն ու ծախսերի իրականացմանն ուղղված գործունեության, հաշվապահական հաշվառման վարման և բյուջեի կատարման մասին հաշվետվությունների կազմման և ներկայացման` ՀՀ օրենսդրությամբ սահմանված պահանջներին համապատասխանության, արտաբյուջետային միջոցների գոյացման ու օգտագործման ճշտության ստուգումներ, ինչպես նաև ներքին աուդիտի գործառույթների իրականացման գնահատում և վերահսկում: Իրականացված ստուգումներով ընդգրկվել են նաև պետական և պետական մասնակցությամբ ընկերություններում ՀՀ պետական բյուջեից հատկացված միջոցների ծախսման նպատակայնության, արդյունավետության և հիմնավորվածության հարցերը, ինչպես նաև ՀՀ պետական բյուջեի հանդեպ շահութաբաժինների գծով պարտավորությունների կատարման և զուտ շահույթի բաշխման ուղղությամբ իրականացված աշխատանքները:

Վարչությունն իր գործունեության ընթացքում առաջնորդվել է «Հայաստանի Հանրապետությունում ստուգումների կազմակերպման և անցկացման մասին» ՀՀ օրենքով, ՀՀ կառավարության 2002 թ. հուլիսի 11-ի թիվ 1112-Ն որոշմամբ հաստատված «Հայաստանի Հանրապետության կառավարության կողմից Հայաստանի Հանրապետության պետական բյուջեի կատարման հսկողության կարգ»-ով, ինչպես նաև ՀՀ կառավարության 2008 թ. մայիսի 15-ի թիվ 503-Ն որոշմամբ հաստատված ՀՀ ֆինանսների նախարարության կանոնադրությամբ:

Հաշվետու ժամանակահատվածում Վարչության կողմից ստուգումներ և ուսումնասիրություններ են իրականացվել նաև ՀՀ Վարչապետի և ՀՀ ֆինանսների նախարարի համապատասխան հանձնարարականների հիման վրա, որոնք միտված էին բացահայտել տնտեսության առանձին ոլորտներում առկա հիմնախնդիրները և գտնել դրանց լուծման լավագույն ուղիները` պետական ռեսուրսների օպտիմալ օգտագործման պայմաններում:

Բացի վերը նշված ծրագրային և հատուկ հանձնարարականներով իրականացված ստուգումներից և ուսումնասիրություններից ՀՀ իրավապահ մարմինների հետ համագործակցության շրջանակներում վերջիններիս պահանջով և առաջադրած հարցերի շրջանակներում պետական և մասնավոր կազմակերպություններում իրականացվել են համապատասխան ստուգումներ և տրամադրվել մասնագիտական եզրակացություններ:

 

II. 2010 ԹՎԱԿԱՆԻ ԸՆԹԱՑՔՈՒՄ ԻՐԱԿԱՆԱՑՎԱԾ ՀՍԿՈՂՈՒԹՅԱՆ ԱՐԴՅՈՒՆՔՆԵՐԻ ԸՆԴՀԱՆՈՒՐ ԲՆՈՒԹԱԳԻՐԸ

 

. ՀՀ Վարչապետի 2010 թվականի փետրվարի 2-ի N 45-Ա որոշմամբ հաստատված «Հայաստանի Հանրապետության պետական բյուջեի կատարման նկատմամբ հսկողության 2010 թվականի ծրագրով» իրականացվել է թվով 65 ստուգում:

. ՀՀ իրավապահ մարմինների 2009 թ. և 2010 թ. ներկայացված պահանջով հաշվետու ժամանակահատվածում իրականացվել է թվով 48 ստուգում:

. Հաշվետու տարում Վարչության կողմից թվով 15 ստուգումներ և ուսումնասիրություններ են իրականացվել ՀՀ Վարչապետի և ՀՀ ֆինանսների նախարարի հանձնարարականների հիման վրա:

. Հաշվետու ժամանակահատվածում աշխատանքներ են իրականացվել նախորդ տարիների ստուգումներով արձանագրված գումարների վերականգնման և/կամ վերաձևակերպման ցուցանիշների բարելավման ուղղությամբ, հսկողություն է իրականացվել արձանագրված խախտումների, թերությունների և բացթողումների վերացման նպատակով համապատասխան մարմինների կողմից ձեռնարկվող միջոցառումների նկատմամբ: Դրանց ընթացքի վերաբերյալ տեղեկատվություն ստանալու նպատակով պարբերաբար գրություններ են ուղարկվել պատկան մարմիններին և վերջիններիս կողմից ստացված պատասխանների հիման վրա հաշվառվել են նախորդ և հաշվետու ժամանակահատվածում ստուգված կազմակերպությունների կողմից վերականգնված գումարները:

Արդյունքում, Վարչության կողմից 2010 թվականի ընթացքում իրականացված աշխատանքներով 2008-2010 թթ. արձանագրված գումարներից վերականգնվել է` 2,329,245.6 հազ. դրամ և վերաձևակերպվել է 6,108,790.7 հազ. դրամ, ընդամենը` 8,438,036.3 հազ. դրամ:

Վերականգնված գումարից 1,901,165.8 հազ. դրամը վերականգնվել է բյուջե, 149,114.8 հազ. դրամը պակասեցվել է ՀՀ պետական բյուջեով նախատեսված ֆինանսավորման ենթակա գումարներից, 278,965.0 հազ. դրամը վերականգնվել է կազմակերպությունների հաշվին: Վերաձևակերպված 6,108,790.7 հազ. դրամի մի մասն իրենից ներկայացնում է պետական մասնակցությամբ կազմակերպություններում հաշվապահական հաշվառմամբ անհիմն ձևակերպված ուռճացված վնասներ, իսկ մյուս մասը` հաշվետվություններում որևէ կերպ չարտացոլված ապրանքանյութական արժեքներ, որոնք ստուգումների արդյունքներով համապատասխան ձևակերպումներ են ստացել և արտացոլվել են հաշվապահական հաշվեկշիռներում:

 

._____________________________________________________________________.

|ԱՐՁԱՆԱԳՐՄԱՆ  |       Վերականգնվել կամ վերաձևակերպվել  է              |

|ՏԱՐԵԹԻՎ      |_______________________________________________________|

|             |Ընդամենը   |Վերականգըն-|Պակասեց- |Վերականգն|Հաշվառումով|

|             |           |վել է      |վել է    |վել է    |վերաձևա-   |

|             |           |բյուջե     |ֆինանսա- |կազմակեր-|կերպվել է  |

|             |           |           |վորումից |պության  |           |

|             |           |           |         |հաշվին   |           |

|             |_______________________________________________________|

|             |                     (հազ. դրամ)                       |

|_____________|_______________________________________________________|

|     1       |    2      |     3     |    4    |    5    |     6     |

|_____________|___________|___________|_________|_________|___________|

|ԸՆԴԱՄԵՆԸ     |8,438,036.3|1,901,165.8|149,114.8|278,965.0|6,108,790.7|

|2010 Թ.      |           |           |         |         |           |

|_____________|___________|___________|_________|_________|___________|

|այդ թվում`   |           |           |         |         |           |

|_____________|___________|___________|_________|_________|___________|

|Ընդամենը 1-ին|4,306,875.8| 682,275.7 | 38,018.3| 8,624.4 |3,577,957.4|

|եռամսյակում` |           |           |         |         |           |

|2008-2010 թթ.|           |           |         |         |           |

|_____________|___________|___________|_________|_________|___________|

|Ընդամենը 2-րդ|3,398,778.3| 676,942.8 | 41,935.9|156,625.7|2,523,273.9|

|եռամսյակում` |           |           |         |         |           |

|2008-2010 թթ.|           |           |         |         |           |

|_____________|___________|___________|_________|_________|___________|

|Ընդամենը 3-րդ| 466,707.8 | 299,080.2 | 50,128.2|112,319.9|  5,179.5  |

|եռամսյակում, |           |           |         |         |           |

|2008-2010 թթ |           |           |         |         |           |

|_____________|___________|___________|_________|_________|___________|

|Ընդամենը 4-րդ| 265,674.4 | 242,867.1 | 19,032.4| 1,395.0 |  2,379.9  |

|եռամսյակում  |           |           |         |         |           |

|2008-2010 թթ |           |           |         |         |           |

._____________________________________________________________________.

 

Մանրամասնելով, պետք է նշել, որ հսկողության արդյունքների հիման վրա ՀՀ պետական բյուջեից ֆինանսավորման ենթակա գումարը պակասեցվել է և կազմակերպությունները 2010 թ. ընթացքում չեն ֆինանսավորվել 149.1 մլն դրամի չափով: Բյուջե վերականգնված և/կամ վերաձևակերպված 1901.2 մլն դրամից դրամական մուտքերը կազմել են 1033.1 մլն դրամ, որից ՀՀ պետական բյուջեի հաշվին 965.0 մլն դրամ, համայնքային բյուջեների հաշվին` 68.1 մլն դրամ: Աշխատանքներով վերականգնվել է ընդհանուր առմամբ 46.5 մլն դրամ, որից ՀՀ պետական բյուջեի հաշվին` 21.0 մլն դրամ, համայնքային բյուջեների հաշվին` 25.5 մլն դրամ: Հսկողության արդյունքներով ՀՀ պետական բյուջեի հաշվին հարկային մարմինների գծով գրանցված պարտավորությունների ընդհանուր գումարը կազմել է 821.6 մլն դրամ:

 

. Հաշվետու ժամանակահատվածում, բացի վերը նշված աշխատանքներից, ՀՀ ֆինանսների նախարարության աշխատակազմի ներքին աուդիտի գնահատման և ֆինանսական վերահսկողության վարչության աշխատակիցը մասնակցել է մի շարք պետական և պետական մասնակցությամբ կազմակերպությունների լուծարային հանձնաժողովների աշխատանքներին` ընդգրկվելով նշված հանձնաժողովներում որպես ՀՀ ֆինանսների նախարարությունը ներկայացնող անդամ:

Հաշվետու ժամանակաշրջանում լուծարային հանձնաժողովների աշխատանքների արդյունքում լուծարվել են թվով 33 կազմակերպություններ, ՀՀ կառավարության համապատասխան որոշումներով թվով 4 կազմակերպությունների լուծարային հանձնաժողովների գործունեությունը դադարեցվել է` պետռեգիստրում նշված կազմակերպությունները գրանցված չլինելու պատճառով: Բազմաթիվ կազմակերպությունների լուծարային գործընթացները դեռևս ընթանում են:

 

III. ԾՐԱԳՐԱՅԻՆ ՍՏՈՒԳՈՒՄՆԵՐ

 

Ինչպես վերը նշվեց, 2010 թվականի ընթացքում ՀՀ Վարչապետի 2010 թվականի փետրվարի 2-ի N 45-Ա որոշմամբ հաստատված «Հայաստանի Հանրապետության պետական բյուջեի կատարման նկատմամբ հսկողության 2010 թվականի ծրագրով» իրականացվել է թվով 65 ստուգում: Իրականացված ստուգումներով արձանագրված գումարների վերականգնման կամ վերաձևակերպման վերաբերյալ տեղեկատվությունը ներկայացված է ստորև աղյուսակում (առավել մանրամասն` կից հավելված 1-ում).

 

._____________________________________________________________________.

|ԱՐՁԱՆԱԳՐՄԱՆ  |       Վերականգնվել կամ վերաձևակերպվել  է              |

|ՏԱՐԵԹԻՎ      |_______________________________________________________|

|             |Ընդամենը   |Վերականգըն-|Պակասեց- |Վերականգն|Հաշվառումով|

|             |           |վել է      |վել է    |վել է    |վերաձևա-   |

|             |           |բյուջե     |ֆինանսա- |կազմակեր-|կերպվել է  |

|             |           |           |վորումից |պության  |           |

|             |           |           |         |հաշվին   |           |

|             |_______________________________________________________|

|             |                     (հազ. դրամ)                       |

|_____________|_______________________________________________________|

|     1       |    2      |     3     |    4    |    5    |     6     |

|_____________|___________|___________|_________|_________|___________|

|ԸՆԴԱՄԵՆԸ     |2,627,568.6| 420,205.4 | 52,185.6| 20,801.0|2,134,376.6|

|2010 Թ.      |           |           |         |         |           |

|ՏԱՐԵԿԱՆ      |           |           |         |         |           |

|_____________|___________|___________|_________|_________|___________|

|այդ թվում`   |           |           |         |         |           |

|_____________|___________|___________|_________|_________|___________|

|1-ին եռամսյակ| 56,664.5  | 37,232.2  |   -     |    -    |  19,432.3 |

|_____________|___________|___________|_________|_________|___________|

|2-րդ եռամսյակ|2,164,018.3| 33,813.3  |   -     | 20,801.0|2,109,404.0|

|_____________|___________|___________|_________|_________|___________|

|3-րդ եռամսյակ| 255,803.8 | 202,445.0 | 50,128.2|    -    |  3,230.6  |

|_____________|___________|___________|_________|_________|___________|

|4-րդ եռամսյակ| 151,082.0 | 146,714.9 | 2,057.4 |    -    |  2,309.7  |

._____________________________________________________________________.

 

Իրականացված ծրագրային ստուգումներով ընդհանուր առմամբ ընդգրկվել են թվով 3 նախարարություններ, թվով 7 նախարարությունների ենթակայության թվով 24 կազմակերպություններ, ՀՀ դատական դեպարտամենտը և նրա ենթակայության 1 կազմակերպություն, ՀՀ կառավարությանն առընթեր անշարժ գույքի կադաստրի պետական կոմիտեն, ՀՀ կառավարությանն առընթեր պետական եկամուտների կոմիտեի ենթակայության թվով 2 հարկային և թվով 1 մաքսային մարմիններ, այլ պետական մարմինների և Երևանի քաղաքապետարանի ենթակայության համապատասխանաբար թվով 5 և 3 կազմակերպություններ: Ստուգումներ են իրականացվել նաև ՀՀ մարզերում` ընդգրկելով թվով 3 մարզպետարաններ, թվով 12 համայնքներ ու մարզպետարանների և համայնքների ենթակայության ընդհանուր թվով 9 առողջապահական ընկերություններ:

ՀՀ պետական բյուջեի կատարման նկատմամբ հսկողության 2010 թ. ծրագրով թվով 6 կազմակերպություններում իրականացված ստուգումների արդյունքները ներկայացվել են ՀՀ գլխավոր դատախազություն: Վերը նշված գործերի ուսումնասիրության արդյունքում դատարան է ներկայացվել թվով 22 հայցադիմում, հարուցվել է 11 քրեական գործ:

2009-2010 թթ-ին իրականացված ծրագրային ստուգումներով արձանագրված խախտումների համար պատասխանատու մարմինների կողմից 2010 թ. ընթացքում պատասխանատվության են ենթարկվել թվով 219 պաշտոնատար անձինք:

 

2010 թ. ծրագրով նախատեսված թվով 78 ստուգումներից չեն իրականացվել թվով 13-ը: Այսպես.

- Համաձայն ՀՀ Վարչապետի 09.07.2010 թ. «Հայաստանի Հանրապետության Վարչապետի 2010 թվականի փետրվարի 2-ի N 45-Ա որոշման մեջ փոփոխություն և լրացումներ կատարելու մասին» N 526-Ա որոշման, չեղյալ են ճանաչվել ՀՀ պետական բյուջեի կատարման նկատմամբ հսկողության 2010 թվականի ծրագրով նախատեսված թվով 3 ստուգումներ` ՀՀ կառավարությանն առընթեր պետական եկամուտների կոմիտեի և նրա ենթակայության խորհրդային և խոշոր հարկ վճարողների հարկային տեսչություններում, ինչպես նաև 2010 թ. ծրագրում լրացուցիչ ընդգրկվել է թվով 1 ստուգում` ՀՀ կառավարությանն առընթեր պետական եկամուտների կոմիտեի Գավառի տարածքային հարկային տեսչությունը:

- Համաձայն ՀՀ Վարչապետի 29.12.2010 թ. «Հայաստանի Հանրապետության Վարչապետի 2010 թվականի փետրվարի 2-ի N 45-Ա որոշման մեջ փոփոխություն կատարելու մասին» N 1182-Ա որոշման, չեղյալ են ճանաչվել ՀՀ պետական բյուջեի կատարման նկատմամբ հսկողության 2010 թվականի ծրագրով նախատեսված թվով 11 ստուգումներ` ՀՀ առողջապահության նախարարությունում, «Սուրբ Գրիգոր Լուսավորիչ բժշկական կենտրոն» ՓԲԸ-ում, «Ճառագայթային բժշկության և այրվածքների գիտական կենտրոն» ՓԲԸ-ում, ՀՀ կառավարությանն առընթեր պետական եկամուտների կոմիտեի Գավառի տարածքային հարկային տեսչությունում, Շիրակի տարածաշրջանային մաքսատանը, «Արմենիա» հանրապետական բժշկական կենտրոն» ՓԲԸ-ում, «Արաբկիր» բժշկական համալիր երեխաների և դեռահասների առողջության ինստիտուտ» ՍՊԸ-ում, «Էրեբունի» բժշկական կենտրոն» ՓԲԸ-ում, «Պերինատալոգիայի, մանկաբարձության և գինեկոլոգիայի կենտրոն» ԲԲԸ-ում, «Արարատի բժշկական կենտրոն» ՓԲԸ-ում և Մասիսի քաղաքապետարանում:

 

Ծրագրային ստուգումներով բացահայտված խախտումներ և թերություններ,

դրանց վերացման գծով վարչության կողմից տրված առաջարկներ

 

Ծրագրային ստուգումների համատեքստում անդրադարձ կատարենք Վարչության կողմից պետական մարմիններում և/կամ դրանց ենթակայության համակարգերում իրականացված առանձին ստուգումների, որոնց ընթացքում արձանագրվել են.

 

Հայաստանի Հանրապետության կրթության և գիտության նախարարություն

 

- Թույլ են տրվել «Հանրակրթական ուսուցում», «Հատուկ կրթություն», «Նախնական մասնագիտական (արհեստագործական) կրթություն», «Միջին մասնագիտական կրթություն» և «Արտակարգ ունակություններ դրսևորած երեխաների հանրակրթության կազմակերպում» ծրագրերով ՀՀ կրթության և գիտության նախարարության ու ենթակա ուսումնական հաստատությունների միջև կնքված պայմանագրերի համեմատ, փաստացի սովորողների թվի պակաս լինելու արդյունքում ՀՀ պետական բյուջեից ավել ֆինանսավորման դեպքեր գումարով` 21789.8 հազ. դրամ:

- «Գործադիր իշխանության, պետական կառավարման հանրապետական և տարածքային կառավարման մարմինների պահպանում» ծրագրով առանձին ծախսային հոդվածներով նախորդ տարիների փաստացի ծախսերը հաշվի չառնելու արդյունքում թույլ են տրվել ծախսերի նախահաշիվներում ավել գումարների նախատեսման դեպքեր գումարով 4575.5 հազ. դրամ:

- Արձանագրվել է Արտասահմանյան պաշտոնական գործուղումներ և Հանրակրթական ծրագրերի իրականացման օժանդակության շրջանակներում դպրոցականների ամառային հանգստի կազմակերպում ծրագրերով 1039.0 հազ. դրամի ավել վճարումներ:

- ՀՀ կառավարության պահուստային ֆոնդից կրթական հաստատություններում ու կենտրոնական ապարատում նախարարության պատվերով կատարված շինարարական աշխատանքների ընտրանքային ստուգմամբ արձանագրվել է ծավալային հավելագրումներ գումարով 1843.7 հազ դրամի չափով:

- Նախարարությունը հանդիսանալով պետական կառավարչական հիմնարկ ՀՀ պետական բյուջեից ամբողջությամբ ֆինանսավորվելու պայմաններում նախարարության ենթակայության կազմակերպությունների միջոցով (նրանց միջոցների հաշվին) ձեռք է բերել համակարգչային տեխնիկա և կահույք ընդամենը գումարով 20801.0 հազ. դրամի:

 

Կրթական հաստատություններ

 

- 2008-2009 թթ. «Բարձրագույն մասնագիտական կրթության համակարգի բարեփոխումներ» ծրագիրն իրականացվել է թերի, կատարվել են ծրագրով չնախատեսված ոչ նպատակային ծախսեր, ծրագրի միջոցների հաշվին առանց ծառայությունների մատուցման պայմանագիր կնքելու կատարվել են վճարումներ և առանց ծախսը հիմնավորող փաստաթղթերի ծախսերով ձևակերպումներ:

- Թույլ են տրվել «Բարձրագույն մասնագիտական կրթություն», «Հետբուհական մասնագիտական կրթություն» և «Արտակարգ ունակություններ դրսևորած երեխաների հանրակրթության կազմակերպում» ծրագրերի շրջանակներում ՀՀ կրթության և գիտության նախարարության ենթակայության ուսումնական հաստատություններում փաստացի սովորողների համեմատ ՀՀ պետական բյուջեից ավել ֆինանսավորման փաստեր:

- Արձանագրվել է, որ առանձին բարձրագույն ուսումնական հաստատություններ «Բարձրագույն մասնագիտական կրթություն» և «Հետբուհական մասնագիտական կրթություն» ծրագրերի շրջանակներում ուսանողներին և ասպիրանտներին կրթաթոշակի վճարման համար ՀՀ պետական բյուջեից հատկացված միջոցների տնտեսումները հետ չեն վերադարձվել բյուջե:

- ՀՀ կրթության և գիտության նախարարության ու բարձրագույն ուսումնական հաստատությունների միջև կնքվել են պետական աջակցության հատկացման պայմանագրեր, որոնցով ԲՈՒՀ-երը ստանձնել են իրականացնել բազային և պայմանագրային (թեմատիկ) ֆինանսավորման ծրագրերում ներգրավված գիտաշխատողների գիտական աստիճանի համար տրվող հավելավճարների վճարման պարտավորությունները: Պայմանագրերով նախատեսված գումարները ՀՀ պետական բյուջեից ամբողջությամբ ֆինանսավորվել են, սակայն տնտեսված գումարները հետ չեն վերադարձվել բյուջե:

- Թույլ են տրվել ՀՀ օրենքով սահմանված արտոնություն ունեցող ուսանողների ուսման վարձի փոխհատուցման նպատակով ՀՀ պետական բյուջեից բարձրագույն ուսումնական հաստատություններին փաստացի ծախսերի համեմատ ավել ֆինանսավորման փաստեր:

- Արձանագրվել են «Հետբուհական մասնագիտական կրթություն» ծրագրի շրջանակներում ասպիրանտուրա ընդունվելու նպատակով դիմորդներին օտար լեզվից և ինֆորմատիկայի ու համակարգչից օգտվելու հիմունքներից ստուգարքների հանձնման համար փաստացի ծախսերի համեմատ ՀՀ պետական բյուջեից ավել ֆինանսավորման փաստեր:

 

«Կրթական ծրագրերի կենտրոն ԾԻԳ» ՊՀ

 

- Կրթության որակի և համապատասխանության ծրագիր` Թիվ 3849 AM վարկային համաձայնագրով նախատեսվել է 5 տարվա ընթացքում (2005-2009 թթ.) դպրոցների մեծ մասում ստեղծել համակարգչային ուսումնական կենտրոններ: Համակարգչային սարքավորումների գնումները կատարվել են Համաշխարհային բանկի վարկային միջոցների ու դպրոցների դրամական միջոցների հաշվին: Վարկային ծրագիրն ավարտվել է, սակայն համակարգում ընդգրկված դպրոցներից ստուգման պահին ստացված 1036.4 հազ. ԱՄՆ դոլարի, 5663.4 հազ. դրամի և գանձվելիք 26419.0 հազ. դրամ դեբիտորական պարտքի մնացորդի հետագա օգտագործման մասին որևէ որոշում չի կայացվել:

- Ծրագրի «Վերապատրաստում և սեմինարներ», «Խորհրդատվական ծառայություններ» կատեգորիաների գծով թույլ է տրվել ավել վճարումներ գումարով 1381.0 հազ. դրամի չափով:

 

Առաջարկվել է.

1. Խիստ հսկողություն սահմանել պետական պատվերի պայմանագրերի կատարման նկատմամբ, թույլ չտալ սովորողների փաստացի թվաքանակի համեմատ ավել կատարողականներ ներկայացնելու փաստեր:

2. ՀՀ օրենքով սահմանված արտոնություն ունեցող ուսանողների ուսման վարձի փոխհատուցման, անվճար ուսուցման համակարգում սովորողներին կրթաթոշակների վճարման և պետական աջակցության պայմանագրերով բազային և պայմանագրային (թեմատիկ) ֆինանսավորման ծրագրերում ներգրավված գիտաշխատողների գիտական աստիճանի համար տրվող հավելավճարների վճարման համար ՀՀ պետական բյուջեից հատկացված միջոցներից տնտեսված գումարները տարեվերջին հետ վերադարձնել բյուջե:

3. Խիստ հսկողություն սահմանել «Բարձրագույն մասնագիտական կրթության համակարգի բարեփոխումներ» ծրագրով ՀՀ պետական բյուջեով նախատեսված գումարների ճիշտ և նպատակային ծախսման ուղղությամբ:

 

ՀՀ արտաքին գործերի նախարարություն

 

1. Առանձին դիվանագիտական հիմնարկներ անտեսելով ՀՀ կառավարության 18.01.2002 թ. «ՀՀ պետական և համայնքային բյուջեների կատարման կարգը հաստատելու մասին» թիվ 48 որոշմամբ հաստատված Կարգի 68-րդ կետի պահանջները (համաձայն որի գանձապետական ծախսային հաշիվների և դրամարկղերում առկա մնացորդը բյուջետային տարվա վերջին աշխատանքային օրվա ավարտին փոխանցվում են ՀՀ պետական բյուջեի համապատասխան գանձապետական հաշվին), ՀՀ պետական բյուջեից ֆինանսավորված միջոցների տնտեսման արդյունքում բանկային հաշիվներում և դրամարկղում դրամական միջոցների առկա մնացորդները բյուջետային տարվա վերջին ՀՀ պետական բյուջե չեն փոխանցել, այդ թվում`

- 31.12.2008 թ-ի դրությամբ 375481.8 ԱՄՆ դոլարին, 78734.8 եվրոյին և 33147.0 ֆունտ ստերլինգին համարժեք 164174.8 հազ. դրամ,

- 31.12.2009 թ-ի դրությամբ 568694.8 ԱՄՆ դոլարին, 209759.9 եվրոյին և 32201.0 ֆունտ ստերլինգին համարժեք 347955.5 հազ. դրամ,

- 31.12.2010 թ-ի դրությամբ 441788.7 ԱՄՆ դոլարին, 241498.0 եվրոյին և 41526.0 ֆունտ ստերլինգին համարժեք 300160.2 հազ. դրամ:

2. ՀՀ սահմանադրության 83.5 հոդվածի 2-րդ կետով սահմանվել է, որ ֆիզիկական և իրավաբանական անձանց կողմից վճարվող հարկերի, տուրքերի և այլ պարտադիր վճարների տեսակները, չափը, վճարման կարգը սահմանվում է բացառապես Հայաստանի Հանրապետության օրենքներով:

Սակայն ՀՀ արտաքին գործերի նախարարի 1998 թ. հուլիսի 2-ի թիվ 352 հրամանով և ՀՀ արտաքին գործերի նախարարի 2010 թ. հունվարի 11-ի թիվ 00081 շրջաբերական նամակով թույլատրվել է ՀՀ դիվանագիտական ներկայացուցչություններին և հյուպատոսական հիմնարկներին «Պետական տուրքի մասին» ՀՀ օրենքով պետական տուրքի գումարներից բացի որպես փաստացի ծախսերի հատուցում գանձել լրացուցիչ գումարներ: Վերոհիշյալ հրամանի ու շրջաբերական նամակի հիման վրա ՀՀ դեսպանությունների և հյուպատոսական հիմնարկների կողմից պետական տուրքի գումարներից բացի որպես փաստացի ծախսերի հատուցում գանձվել է հավելյալ գումարներ, 2007-2010 թթ. ընդամենը գանձվել է 385839 ԱՄՆ դոլար, 287140 եվրո և 2550 ֆունտ ստերլինգ:

3. «Կապի ծառայություններ» հոդվածով գումարների նախատեսման ժամանակ հաշվի չեն առնվել նախորդ տարիների փաստացի ծախսերի մակարդակը և նախատեսվել են պահանջվածից ավել գումարներ: Ավել նախատեսումների արդյունքում տնտեսված միջոցները տարվա ընթացքում հոդվածային վերաբաշխումների միջոցով ուղղվել են այլ հոդվածներով տարեսկզբին նախատեսված փաստացի ծախսերից ավել կատարված փաստացի ծախսերի ֆինանսավորմանը: Հաշվի առնելով նշված հոդվածով տարիներ շարունակ նախատեսված ծախսերի նկատմամբ փաստացի ծախսերի տնտեսումները, առաջարկվել է նշված հոդվածով 2011 թ-ի նախատեսված ծախսերից պակասեցնել վերջին տարիների նվազագույն տնտեսված գումարի չափով` 18090.0 հազ. դրամով:

4. Նախարարության կողմից անտեսվել է ՀՀ կառավարության 24.07.2008 թ-ի «ՀՀ պետական մարմինների, պետական հիմնարկների և պետական առևտրային կազմակերպությունների ծառայողական (բացառությամբ պաշտոնատար անձանց կամ աշխատողների սպասարկման համար չնախատեսված հատուկ նշանակության) ավտոմեքենաների առանձին չափորոշիչներ հաստատելու մասին» թիվ 830 որոշման պահանջները և 2009 թ. ձեռք է բերվել 2 հատ Ֆոլցվագեն ջետտա քոնֆորտ տեսակի ավտոմեքենա ՀՀ կառավարության որոշմամբ նախատեսված առավելագույն գնից 4660.0 հազ. դրամ բարձր արժեքով:

5. ՀՀ արտաքին գործերի ղեկավար անձանց պաշտոնային դրույքաչափերը սահմանվում է «Հայաստանի Հանրապետության օրենսդիր, գործադիր և դատական իշխանության մարմինների ղեկավար աշխատողների պաշտոնային դրույքաչափերի մասին» 26.12.2002 թ. թիվ ՀՕ-505-Ն օրենքով: Սակայն նշված օրենքով սահմանված դրույքաչափերից, ինչպես նաև դիվանագիտական աստիճանի համար նախատեսված հավելավճարներից բացի, առանց հղում կատարելու որևէ օրենսդրական ակտի, աշխատավարձի ֆոնդի տնտեսված գումարների հաշվին ՀՀ ԱԳ նախարարի և նախարարի տեղակալի հրամաններով 2009-2010 թթ. վճարվել է 11230.0 հազ. դրամ հավելավճարներ:

6. «Ծառայողական գործուղումներ» հոդված. Անտեսվել է ՀՀ կառավարության 29.12.2005 թ-ի թիվ 2335-Ն, ինչպես նաև նշված որոշման մեջ փոփոխություններ կատարելու վերաբերյալ 16.10.2008 թ-ի թիվ 1243-Ն «Ծառայողական գործուղման մեկնած աշխատողների գործուղման ծախսերի հատուցման համար կատարվող վճարումների նվազագույն և առավելագույն չափերն ու վճարման կարգը սահմանելու մասին» որոշումների պահանջները, արդյունքում արտասահման գործուղված պաշտոնատար անձանց գործուղման ծախսերը սահմանված նորմաներից ավել հաշվարկման հետևանքով 2007-2009 թթ. ավել գործուղման գումարներ է վճարվել 3015.1 հազ. դրամ:

 

Առաջարկվել է.

 

1. ՀՀ պետական բյուջեում գումարների նախատեսման նպատակով պահանջը ներկայացնելիս հաշվի առնել նախորդ տարիների փաստացի ծախսերի մակարդակը, թույլ չտալ ավել նախատեսումների դեպքեր:

2. Դադարեցնել օրենսդրությամբ չնախատեսված հավելավճարների վճարումները:

3. ՀՀ պետական բյուջեի միջոցները ծախսել խիստ խնայողաբար, մասնավորապես տրանսպորտային միջոցների ձեռքբերման ընթացքում խստորեն ղեկավարվել ՀՀ կառավարության 24.07.2008 թ-ի «ՀՀ պետական մարմինների, պետական հիմնարկների և պետական առևտրային կազմակերպությունների ծառայողական (բացառությամբ պաշտոնատար անձանց կամ աշխատողների սպասարկման համար չնախատեսված հատուկ նշանակության) ավտոմեքենաների առանձին չափորոշիչներ հաստատելու մասին» թիվ 830 որոշմամբ սահմանված չափորոշիչներով:

4. Ղեկավարվել ՀՀ կառավարության 18.01.2002 թ.»ՀՀ պետական և համայնքային բյուջեների կատարման կարգը հաստատելու մասին» թիվ 48 որոշմամբ հաստատված Կարգի պահանջներով և բյուջետային միջոցների չօգտագործված մնացորդը բյուջետային տարվա վերջին աշխատանքային օրվա ավարտին փոխանցվել ՀՀ պետական բյուջեի համապատասխան հաշվին:

5. Դադարեցնել «Պետական տուրքի մասին» ՀՀ օրենքով սահմանված դրույքաչափերից ավել գումարների գանձումները:

6. Ապահովել վերականգնման ենթակա գումարների մուտքը ՀՀ պետական բյուջեի հաշվին:

 

ՀՀ արդարադատության նախարարության դատական ակտերի հարկադիր կատարման

ծառայություն

 

- Դատական ակտերի հարկադիր կատարման ծառայության կողմից ստուգվող ժամանակահատվածում թույլ են տրվել ՀՀ օրենսդրության պահանջների խախտման կամ ոչ ճշգրիտ կիրառման փաստեր, մասնավորապես հօգուտ պետական բյուջեի հարուցված առանձին կատարողական վարույթներով չի ապահովվել «Դատական ակտերի հարկադիր կատարման մասին» ՀՀ օրենքի 30-րդ հոդվածի պահանջները և պահանջատիրոջից կամ նրա ներկայացուցչից կատարողական թերթ ստանալուց հետո կատարողական վարույթ հարուցելու մասին որոշումները կայացրել է սահմանված ժամկետից ուշացումներով, օրենքի 43-րդ հոդվածի 3-րդ կետի պահանջների խախտման արդյունքում չի ապահովվել պարտապանի գույքի վրա բռնագանձում տարածելու սահմանված հերթականությունը, իսկ առանձին դեպքերում պարտապանների կանխիկ դրամական միջոցների (դրամարկղի) վրա արգելանք դրվել է «արգելանք դնելու մասին» համապատասխան որոշում կայացնելուց բավականին ուշացումով: Օրենքի 67-րդ հոդվածի 2-րդ կետի ա) ենթակետի պահանջների խախտման արդյունքում թվով երկու դեպքերով կատարողական գործողությունների կատարման ծախսերը բռնագանձվել են հասանելիքից 414.9 հազ. դրամով ավելի:

- Գույքագրման կարգ սահմանված չլինելու պատճառով պարտապանի մոտ գտնվող գույքի վրա արգելանք դնելու նպատակով կատարված գույքագրման արձանագրությունում հստակ չի նշել արգելադրվող գույքի լրիվ անվանումը, տեսակը, որակական հատկանիշները, արտադրության տարեթիվը, ծագման երկիրը և գույքի արժեքի ձևավորման վրա ազդող այլ չափանիշները, որոնք կարող են հանգեցնել ապրանքի գնի ոչ ճիշտ ձևավորմանը:

- Առանձին դեպքերում չի ապահովվել «Սնանկության մասին» ՀՀ օրենքի 46-րդ հոդվածի և «Դատական ակտերի հարկադիր կատարման մասին» ՀՀ օրենքի 67-րդ հոդվածի 6-րդ մասի պահանջները, որի արդյունքում թվով երեք կատարողական վարույթներով պարտապանները դատարանի քաղաքացիական գործերով կայացված վճիռներով ճանաչվել են սնանկ, սակայն դատական ակտերի հարկադիր կատարման ծառայության կողմից կատարողական ծախսերի մասով` 6665.5 հազ. դրամի պահանջները գրանցելու մասին դիմումներ չեն ներկայացվել դատարանին: Արդյունքում ԴԱՀԿ ծառայությունը զրկվել է նյութական խրախուսման և համակարգի զարգացման ֆոնդին ակնկալվող եկամուտներից:

- Դատարանների վճիռների հիման վրա հօգուտ պետության բռնագրավված և տիրազուրկ ճանաչված գույքի մասով հարուցված կատարողական վարույթներից մեկի` «Կարգո» մաքսային պահեստում գտնվող գույքի վրա արգելանք դնելու մասին հարկադիր կատարողի կողմից որոշում կայացնելուց հետո չի ապահովվել «Դատական ակտերի հարկադիր կատարման մասին» ՀՀ օրենքի 44-րդ հոդվածի 1-ին կետի պահանջը և չի կատարել արգելադրված գույքի գույքագրում և հաշվի չառնելով «Դատական ակտերի հարկադիր կատարման մասին» ՀՀ օրենքի 53.1 հոդվածի 2-րդ կետի պահանջները կայացրել է գույքի ուղղակի վաճառքի մասին որոշում` ՌԴ «Կրիստալ» գործարանի արտադրության հինգ անվանում օղիները ուղղակի վաճառքի միջոցով իրացրել ֆիզիկական անձանց, «Հրապարակային սակարկությունների մասին» ՀՀ օրենքով սահմանված կարգով (հարկադիր էլեկտրոնային աճուրդի միջոցով) վաճառելու փոխարեն:

- Դատական ակտերի հարկադիր կատարման ծառայությունը ՀՀ կառավարության 1999 թ օգոստոսի 4-ի թիվ 494 որոշման 4-րդ կետով սահմանված կարգով 2007 թ 4-րդ եռամսյակից սկսած մինչ ստուգման օրը ՀՀ ֆինանսների նախարարություն ներկայացվող եռամսյակային հաշվետվություններում նշված վարույթը չի արտացոլել և համապատասխան տեղեկատվություն չի ներկայացրել: Փաստորեն ԴԱՀԿ ծառայության կողմից ՀՀ ֆինանսների նախարարություն ներկայացված հաշվետվությունը ամբողջական և արժանահավատ չէ:

- Առանձին ծախսային հոդվածների ստուգմամբ պարզվել է, որ 2009 թ. փաստացի ծախսերի համեմատ ՀՀ 2010 թվականի պետական բյուջեով «Այլ նպաստներ բյուջեից» հոդվածով ավել ծախս նախատեսելու պատճառով առաջացել է 4581.0 հազ. դրամի չափով չծախսված միջոցների մնացորդ: Նշված գումարի չափով ենթակա է պակասեցման 2010 թ. բյուջեով «Այլ նպաստներ բյուջեից» հոդվածով նախատեսված գումարը:

- Էներգետիկ ծառայություններ (էլեկտրաէներգիայի, ջեռուցման և վառելիքի ծախսեր) հոդվածով 2007-2009 թթ. նախահաշիվների կազմման ընթացքում հաշվի չեն առնվել նախորդ տարիների փաստացի ծախսերի մակարդակը, որի արդյունքում 2007-2009 թթ. նախահաշիվների կատարման ընթացքում գոյացել են խոշոր չափերի հասնող տնտեսումներ, որոնք ուղղվել է այլ ծախսային հոդվածով տարեսկզբին նախատեսված ծախսերի համեմատ ավել կատարված փաստացի ծախսերի ֆինանսավորմանը:

- Ծառայության կողմից անտեսվել է ՀՀ կառավարության 13.06.2003 թվականի թիվ 882-Ն որոշման հավելվածի 2-րդ և 4-րդ կետերի պահանջները և առանց ՀՀ կառավարության որոշման կատարվել է գույքի օտարում, որից ստացված 2004.0 հազ. դրամը ՀՀ պետական բյուջե փոխանցելու փոխարեն մուտքագրվել է ծառայության նյութական խրախուսման և համակարգի զարգացման ֆոնդի դեպոզիտային հաշվին:

- Ծառայության նյութական խրախուսման և համակարգի զարգացման ֆոնդի միջոցների գոյացման հարցի ստուգմամբ պարզվել է, որ 05.08.2009 թ մինչև 06.05.2010 թ ընկած ժամանակահատվածում Երևան քաղաքի բաժինների դրամարկղից պարտապաններին և պահանջատերերին հասանելիք գումարների վճարման դիմաց 142 դեպքով գանձվել է 1207.8 հազ դրամի ծառայության վճար: Նշվածը կատարվել է այն դեպքում, երբ «Դատական ակտերի հարկադիր կատարման մասին» ՀՀ օրենքով եկամուտի նման աղբյուր նախատեսված չէ:

 

Առաջարկվել է.

 

1. Հօգուտ պետական բյուջեի հարուցված կատարողական վարույթների կատարման ընթացքում խստագույնս ղեկավարվել «Դատական ակտերի հարկադիր կատարման մասին» ՀՀ օրենքի պահանջներով.

- թվով երկու կատարողական վարույթներով կատարողական ծախսերի գծով ավել գանձված համապատասխանաբար 21.0 հազ. դրամը և 393.9 հազ. դրամը փոխանցել ՀՀ պետական բյուջեի համապատասխան հաշվեհամարներին և պարտապանների պարտավորությունների վերջնական մեծությունը ճշտելու նպատակով սահմանված կարգով պարտատերերին ու պարտապաններին տեղեկացնել պարտապանների պարտքերը նշված գումարների չափով մարված լինելու վերաբերյալ.

- ապահովել «Դատական ակտերի հարկադիր կատարման մասին» ՀՀ օրենքի 43-րդ հոդվածի 3-րդ կետի պահանջները և կատարողական թերթերով բռնագանձումը առաջին հերթին տարածել պարտապանի դրամական միջոցների վրա, իրավական ակտերում կատարելով համապատասխան օրենսդրական փոփոխություններ և պարտապանների գույքի վրա արգելանք դնել հարկադիր կատարողի կողմից կատարողական վարույթ հարուցելու մասին որոշում կայացնելուց հետո ոչ ուշ քան հաջորդ աշխատանքային օրը.

2. Օրենքով ԴԱՀԿ ծառայությանը վերապահված լիազորությունների իրականացման ժամանակ խստագույնս ղեկավարվել «Սնանկության մասին» ՀՀ օրենքի պահանջներով.

- ապահովել «Սնանկության մասին» ՀՀ օրենքի 46-րդ հոդվածի պահանջները և պարտապանի սնանկության մասին հայտարարությունից հետո` որպես պարտատեր (կատարողական ծախսերի գծով) մեկամսյա ժամկետում պարտադիր կարգով համապատասխան պահանջներ ներկայացնել դատարան և ապահովել դրանց գանձումը.

- ինքնաստուգման միջոցով պարզել «Սնանկության մասին» ՀՀ օրենքի 46-րդ հոդվածի պահանջների չապահովման արդյունքում սնանկության մասին հայտարարությունից հետո` մեկամսյա ժամկետում որպես պարտատեր ԴԱՀԿ ծառայության կողմից պահանջներ չներկայացնելու փաստերը (կատարողական ծախսերի մասով), սեղմ ժամկետում դատարան ներկայացնել համապատասխան հայցադիմումներ և ապահովել ծառայության նյութական խրախուսման և համակարգի զարգացման ֆոնդին հասանելիք մուտքերը:

- «Սնանկության մասին» ՀՀ օրենքի 6-րդ հոդվածի 2-րդ կետի պահանջներին համապատասխան սնանկության հատկանիշներ առաջանալու դեպքում մեկամսյա ժամկետում պարտապանին սնանկ ճանաչելու վերաբերյալ դատարան ներկայացնել համապատասխան դիմում.

3. Բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած նյութական արժեքների փչացումները և կորուստները կանխելու, օգտագործման ժամկետները բաց չթողնելու, նշված նյութական արժեքների իրացումից պետությանը հասանելիք մուտքերը ամբողջությամբ ապահովելու և ԴԱՀԿ ծառայության կատարողական գործողությունների արդյունավետությունը բարձրացնելու նպատակով.

- հնարավորին սեղմ ժամկետում մշակել, շահագրգիռ կազմակերպությունների հետ համաձայնեցնել և հաստատել բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած գույքի գույքագրման հատուկ կարգ, որում կամրագրվեն արգելադրվող գույքը բնութագրող բոլոր կարևորագույն հատկանիշները, որոնք էապես կարող են ազդել նշված գույքի արժեքի մեծության որոշման վրա.

- մշակել բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած նյութական և դրամական արժեքների հանձնման-ընդունման, պատասխանատու պահպանման, գնահատման և տնօրինման կարգ, որտեղ կամրագրվեն, հանձնման-ընդունման կոնկրետ ժամկետները, կողմերի պարտականություններն ու իրավունքները, պատասխանատվության կիրառման միջոցները, ինչպես նաև կսահմանվեն գույքի փաստաթղթավորման ու հաշվառման համար անհրաժեշտ փաստաթղթերը (կոնկրետ նշելով հանձնվող գույքը բնութագրող բոլոր կարևորագույն հատկանիշները) և շուտ փչացող ապրանքների (այդ թվում` այն ապրանքների, որոնց պիտանելիության ժամկետը մոտենում է ավարտին) տնօրինման գործողությունների իրականացման առանձնահատկությունները:

4. Բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած նյութական արժեքների փչացման, օգտագործման ժամկետների բաց թողնման դեպքերը կանխելու և դրանց օգտագործման արդյունավետությունը բարձրացնելու նպատակով ՀՀ կառավարության 2010 թ փետրվարի 18-ի թիվ 146-Ն որոշման մեջ կատարել համապատասխան փոփոխություններ և լրացումներ` առաջարկելով.

- բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած նյութական արժեքներից դեղորայքի (պահպանման և օգտագործման համար 1 տարուց պակաս ժամկետ ունեցող) և բժշկական սարքավորումների ու բժշկական տեխնիկայի մասին ԴԱՀԿ ծառայության կողմից ընդունելու օրվանից 10-օրյա ժամկետում գրավոր հայտնել ՀՀ առողջապահության նախարարությանը, վերավաճառքի ոչ ենթակա (չդրոշմավորված, առանց հայերեն նշագրման և այլ դեպքեր) ծխախոտի մասին ՀՀ պաշտպանության նախարարությանը, իսկ մինչև մեկ ամսվա օգտագործման ժամկետ ունեցող սննդամթերքի մասին` ՀՀ աշխատանքի և սոցիալական հարցերի նախարարությանը (ծերանոցներին, մանկատներին և այլ հատուկ նշանակության կազմակերպություններին հանձնելու նպատակով):

5. ԴԱՀԿ ծառայության կողմից իրականացվող հարկադիր էլեկտրոնային աճուրդների կազմակերպման մասին Հայաստանի Հանրապետության ազգաբնակչությանը պատշաճ կարգով տեղեկացնելու, ազգաբնակչության իրազեկման աստիճանը բարձրացնելու և հարկադիր էլեկտրոնային աճուրդների մասնակիցների թիվը ավելացնելու նպատակով դիմել ՀՀ կառավարությանը` հանձնարարելու ՀՀ հանրային հեռուստառադիոընկերության խորհրդին «հանրային հեռուստաընկերություն» և «Հանրային ռադիոընկերություն» ՓԲԸ-ների միջոցով պարբերաբար տարածել ԴԱՀԿ ծառայության կողմից իրականացվող հարկադիր էլեկտրոնային աճուրդների մասին տեղեկատվություն (ՀՀ պետական բյուջեից ընկերություններին հատկացված միջոցների հաշվին):

6. Բռնագրավված, հօգուտ պետությանը տիրազուրկ ճանաչված և ժառանգության իրավունքով պետությանը անցած նյութական արժեքների վերաբերյալ ՀՀ ֆինանսների նախարարություն ներկայացվող եռամսյակային հաշվետվություններում պարտադիր կարգով արտացոլել ԴԱՀԿ ծառայությանը ներկայացված կատարողական վարույթների վերաբերյալ ամբողջական և լիարժեք տեղեկատվություն, բացառելով առանձին վարույթների վերաբերյալ տեղեկատվությունը հաշվետվություններում չարտացոլելու փաստերը:

7. Ապահովել ՀՀ 2010 թ. պետական բյուջեով «Հիմնարկի պահպանում» ծրագրով «Այլ նպաստներ բյուջեից» հոդվածով նախատեսված գումարներից 4581.0 հազ. դրամ ֆինանսավորումից պակասեցումը, ինչպես նաև նախորդ տարիների տնտեսումները հաշվի առնել ընթացիկ տարվա պլանավորման ժամանակ:

8. Բացառել առանց ՀՀ կառավարության որոշումների գույքի օտարումները և ապահովել հիմնական միջոցների վաճառքից գոյացած 2004.0 հազ. դրամի վերականգնումը ՀՀ պետական բյուջեի հաշվին:

9. Այսուհետ թույլ չտալ օրենսդրությամբ նախատեսված գանձումներից դուրս այլ վճարների գանձման դեպքեր, միաժամանակ ապահովել նախկինում անհիմն կարգով գանձված 1207.8 հազ դրամի հետ վերադարձը պարտապաններին կամ փոխանցել ՀՀ պետական բյուջե:

10. «Դատական ակտերի հարկադիր կատարման մասին» ՀՀ օրենքի 67 հոդվածի 4-րդ կետի պահանջների կատարումն ապահովելու նպատակով իրականացնել կատարողական գործողությունների կատարման ծախսերի հաշվառում:

 

Հայաստանի Հանրապետության կառավարությանն առընթեր անշարժ գույքի

կադաստրի պետական կոմիտե

 

- 2009 թ հավաքագրված եկամուտները 2007 թ համեմատությամբ աճելու պայմաններում կոմիտեն ունեցել է եկամուտների և ծախսերի դրական տարբերության` ՀՀ պետական բյուջե վճարման ենթակա գումարի նվագում, ինչը պայմանավորված է կոմիտեի 2009 թ ծախսերը 2007 թ համեմատությամբ խոշոր չափերով աճելու հանգամանքով:

- Տարեկան գործունեության արդյունքներով եկամուտների ու ծախսերի դրական տարբերությունները ՀՀ պետական բյուջե փոխանցելու փոխարեն, առանձին ծախսային հոդվածներով փաստացի ծախսերի բացակայության պայմաններում դրամարկղային ծախսեր և վճարումներ կատարելու արդյունքում ձևավորվել են անհիմն դեբիտորական պարտքեր ու պահեստավորված միջոցներ, որոնք հաջորդ տարվա ծախսերի նախահաշիվների կազմման ընթացքում հաշվի չառնելու արդյունքում հանգեցրել են ՀՀ պետական բյուջե վճարման ենթակա գումարների նվազեցման:

- 2008 թ տարեկան արդյունքներով առանձին կազմակերպությունների անհատույց ծառայություններ մատուցելու արդյունքում ՀՀ ԿԱ անշարժ գույքի կադաստրի պետական կոմիտեի ծախսերի նկատմամբ եկամուտների գերազանցման և ՀՀ պետական բյուջե վճարման ենթակա գումարները ցույց են տրվել հասանելիքից 13202.9 հազ. դրամով պակաս:

- Կոմիտեի կողմից օգտագործվող տարրեր տեսակի ձևաթղթերի և թղթապանակների տարեկան պահանջարկի որոշման ժամանակ դրանց գծով տարեսկզբին առկա մնացորդների քանակությունները հաշվի չառնելու արդյունքում գոյացել են 47476.0 հազ. դրամի մնացորդներ, որոնք կարող են բավարարել կոմիտեի համակարգի կողմից 2010 թ ընթացքում նշված ձևաթղթերի գծով անհրաժեշտ պահանջը: Բացի այդ, առանձին ծախսային հոդվածներով փաստացի ծախսերի բացակայության պայմաններում կատարվել են դրամարկղային ծախսեր (վճարումներ), տեղիք տալով անհիմն դեբիտորական պարտքերի ու պահեստավորված միջոցների առաջացման, որոնք 2010 թ ծախսերի նախահաշվի կազմման ընթացքում հաշվի չառնելու արդյունքում ֆինանսական միջոցների պահանջը նշված ծախսերի գծով ավել է հաշվարկվել 35217.6 հազ. դրամի չափով:

- ՀՀ ԿԱ անշարժ գույքի կադաստրի պետական կոմիտեի Կենտրոն և Շենգավիթ տարածքային ստորաբաժանումների կողմից ծառայությունների մատուցումը «Գույքի նկատմամբ իրավունքների պետական գրանցման մասին» ՀՀ օրենքի, ՀՀ ԿԱ անշարժ գույքի կադաստրի պետական կոմիտեի նախագահի հրամաններով հաստատված հրահանգների պահանջների խախտմամբ իրականացնելու արդյունքում ընտրված թվով 20 գործերից թվով երեքի գծով տնտեսվարող սուբյեկտներից պակաս է հաշվարկվել և ՀՀ պետական բյուջե չի վճարվել 461.9 հազ. դրամ, իսկ թվով յոթ դեպքերով գանձվել են հասանելիքից 134.8 հազ. դրամի չափով ավել գումարներ, որոնք ետ չեն վերադարձվել:

- Առանձին ծրագրեր իրականացնող ՊՈԱԿ-ների կողմից առանձին դեպքերում թույլ են տրվել պայմանագրով նախատեսված աշխատանքների կատարման վերջնաժամկետների խախտումներ, իսկ կոմիտեի կողմից չեն կիրառվել պայմանագրերով նախատեսված պատժամիջոցները և չեն հաշվարկվել հասանելիք 2624.4 հազ. դրամի տույժերը:

- Կոմիտեի կողմից կատարված հիմնանորոգման աշխատանքների գծով թույլ են տրվել 6974.4 հազ. դրամի ծավալային հավելագրումներ:

 

Առաջարկվել է.

 

- ՀՀ ԿԱ անշարժ գույքի կադաստրի պետական կոմիտեի նախագահի հրամանով սահմանված կարգով չգանձված 13202.9 հազ. դրամը պարտագրել համապատասխան կազմակերպություններին և ապահովել դրա գանձումն ու վճարումը ՀՀ պետական բյուջե:

- Կենտրոն և Շենգավիթ տարածքային ստորաբաժանումների կողմից մատուցված ծառայությունների գծով ակտով արձանագրված գործարքների մասով իրականացնել պակաս հաշվարկված 461.9 հազ. դրամի վերահաշվարկ և ապահովել դրա վճարումը ՀՀ պետական բյուջե:

- Կենտրոն և Շենգավիթ տարածքային ստորաբաժանումների կողմից ավել հաշվարկված և կոմիտեի գանձապետական միասնական հաշվին վճարված 134.8 հազ. դրամը հաշվեգրել համապատասխան կազմակերպությունների հաշվին և միջոցներ ձեռնարկել այսուհետ այդպիսի դեպքերը բացառելու, հասանելիք գումարները գույքի նկատմամբ իրավունքների պետական գրանցման և գրանցված իրավունքների և սահմանափակումների վերաբերյալ տեղեկատվության տրամադրման վճարների ցանկով նախատեսված կարգով ու չափերով գանձելու ուղղությամբ:

- ՀՀ անշարժ գույքի կադաստրի պետական կոմիտեի 2010 թ. ծախսերի նախահաշվում կատարել 35217.6 հազ. դրամի պակասեցումներ` ՀՀ կառավարությանն առընթեր անշարժ գույքի կադաստրի պետական կոմիտեում 01.01.2010 թ. դրությամբ առկա ձևաթղթերի և թղթապանակների մնացորդների, ինչպես նաև առանձին ծախսային հոդվածներով գոյացած դեբիտորական պարտքերի գծով:

- Պայմանագրով նախատեսված աշխատանքների կատարման վերջնաժամկետների խախտումներ թույլ տրված դեպքերի գծով պայմանագրով նախատեսված կարգով հաշվարկել ու ՀՀ պետական բյուջե փոխանցել հասանելիք 2624.4 հազ. դրամի տույժերի գումարները:

- Ապահովել շինարարական աշխատանքների գծով արձանագրված 6974.4 հազ. դրամի ծավալային հավելագրումների գանձումը և ՀՀ պետական բյուջե փոխանցումը:

- Նախահաշիվներում հոդվածային տեղաշարժեր կատարելու նպատակով ՀՀ ֆինանսների նախարարությանը ներկայացնել արժանահավատ տեղեկատվություն:

 

«Հայաստանի Հանրապետության դատական դեպարտամենտ» պետական կառավարչական

հիմնարկ

 

- «Գործադիր իշխանության, պետական կառավարման հանրապետական և տարածքային կառավարման մարմինների պահպանում» ծրագրով առանձին ծախսային հոդվածներով («Գրասենյակային նյութեր և հագուստ») գումարների նախատեսման ժամանակ հաշվի չեն առնվել նախորդ տարիների փաստացի ծախսերի մակարդակը և պահեստավորված միջոցների մնացորդը և թույլ է տրվել պահանջարկից ավել նախատեսումների դեպքեր:

- Դեպարտամենտի պատվերով կատարված շինարարական աշխատանքների ընտրանքային ստուգմամբ արձանագրվել է ծավալային հավելագրումներ գումարով 12592.7 հազ դրամ: Բացի այդ ՀՀ Գեղարքունիքի մարզի ընդհանուր իրավասության դատարանի Վարդենիս քաղաքի նստավայրի վարչական շենքի վերակառուցման շինարարական աշխատանքների իրականացման համար ՀՀ պետական բյուջեից գումարը կանխավճարի տեսքով ֆինանսավորելու պայմաններում 39165.7 հազ. դրամի աշխատանքներ ընդհանրապես չեն կատարվել, ինչպես նաև չի հաշվարկվել աշխատանքները պայմանագրով նախատեսված ժամկետին չկատարելու համար տույժ` գումարով 1762.4 հազ դրամ:

 

Առաջարկվել է.

 

- Ապահովել ՀՀ 2010 թ. պետական բյուջեով «Գործադիր իշխանության, պետական կառավարման հանրապետական և տարածքային կառավարման մարմինների պահպանում» ծրագրով «Գրասենյակային նյութեր և հագուստ» հոդվածով նախատեսված գումարներից 1745.0 հազ. դրամ ֆինանսավորումից պակասեցումը:

- Ապահովել շինարարական աշխատանքների գծով արձանագրված 12592.7 հազ. դրամ ծավալային հավելագրումների արդյունքում պետությանը պատճառված վնասի վերականգնումը:

- Ապահովել ՀՀ Գեղարքունիքի մարզի ընդհանուր իրավասության դատարանի Վարդենիս քաղաքի նստավայրի վարչական շենքի վերակառուցման շինարարական աշխատանքների համար «Էրկագա Աստղ» ՍՊԸ-ին վճարված, սակայն չկատարված շինաշխատանքների 39165.7 հազ դրամ գումարի վերականգնումը ՀՀ պետական բյուջե:

- Ապահովել աշխատանքների ժամանակին չկատարման համար կապալառու կազմակերպություններից 1762.4 հազ. դրամ տույժի գանձումն ու վերականգնումը ՀՀ պետական բյուջե:

 

ՀՀ առողջապահության նախարարության ենթակայության պետական ոչ առևտրային

կազմակերպություններ

 

- Պետական հիգիենիկ հակահամաճարակային տեսչության «Արարատի մարզի փորձագիտական կենտրոն», «Գեղարքունիքի մարզի փորձագիտական կենտրոն», «Լոռու մարզի փորձագիտական կենտրոն», «Կոտայքի մարզի փորձագիտական կենտրոն» և «Շիրակի մարզի փորձագիտական կենտրոն» ՊՈԱԿ-ներում իրականացված ստուգումներով արձանագրվել է, որ վերը նշված բոլոր կենտրոնների կողմից պատվիրատուին` ՀՀ առողջապահության նախարարությանը ներկայացրել են փաստացի կատարված աշխատանքների համեմատ ավել կատարողականներ ընդամենը գումարով 12022.3 հազ. դրամի: Արձանագրվել է նաև շինվերանորոգման աշխատանքների գծով 4468.5 հազ. դրամի փաստացի չկատարված, սակայն կատարողական ակտերում արտացոլված և ՀՀ պետական բյուջեի միջոցների հաշվին վճարված աշխատանքներ:

- «Երևանի պետական հենակետային բժշկական քոլեջ» ՊՈԱԿ-ում իրականացված ստուգմամբ արձանագրվել է, որ քոլեջում պետպատվերով սովորող ուսանողների փաստացի թվաքանակի համեմատ ՀՀ պետական բյուջեից ավել է ֆինանսավորվել 3769,4 հազ. դրամ, այդ թվում ուսուցման համար 2450,0 հազ. դրամ, կրթաթոշակի հոդվածով 1319,4 հազ. դրամ: Արձանագրված 3769,4 հազ. դրամը վերականգնվել է ՀՀ պետական բյուջե:

- «Դատաբժշկական գիտագործնական կենտրոն» ՊՈԱԿ-ում իրականացված ստուգմամբ արձանագրվել է, որ կազմակերպության կողմից պետական պատվերի շրջանակներում ՀՀ դատախազության, ՀՀ ոստիկանության, ՀՀ պաշտպանության նախարարության և ՀՀ ազգային անվտանգության և դատարանների նպատակներին ծառայող դատաբժշկական փորձաքննությունների կատարման նպատակով փաստացի կատարված աշխատանքներից, որպես պայմանագրային գումարից ավել կատարված աշխատանքներ, պատվիրատուի` ՀՀ առողջապահության նախարարության կողմից չի ընդունվել և ՀՀ պետական բյուջեից չի ֆինանսավորվել 2008 թ-ին` 272125.0 հազ դրամ կամ կատարողականի 46%-ը (592125.0 հազ. դրամ կատարողականի դիմաց ընդունվել է 320000.0 հազ. դրամ), 2009 թ.-ին` 236864.0 հազ. դրամ կամ կատարողականի 41%-ը (576864.0-340000.0), 2010 թ. 1-ին կիսամյակում` 143967.0 հազ դրամ կամ կատարողականի 48%-ը (301467.0-157500.0):

Փաստացի կատարողականների և պատվիրատուի կողմից ընդունված ու ֆինանսավորված գումարների վերոհիշյալ էական տարբերությունների առաջացման պատճառների ստուգմամբ պարզվել է, որ հետազոտությունների ու փորձաքննությունների հիմնական տեսակների համար միավորի գները սահմանվել են ոչ թե մեկ փորձաքննության, հետազոտության համար, այլ հետազոտության ենթակա մեկ կտորի, մեկ օբյեկտի համար, որի արդյունքում ինքնարժեքի հիմնական ծախսային հոդվածներում ծախսերը հաշվարկվել են գերազանցելով փաստացի ծախսերին: 2008-2009 թթ. համար ներկայացված (փաստացի կատարված) կատարողականների ծավալները (գնագոյացումը հաշվարկված վերոհիշյալ մեթոդով) համադրելով փաստացի ծախսերի հետ, տարբերությունները կազմել են.

- 2008 թ-ին ընդամենը 270369.6 հազ. դրամ (հաշվարկված գնագոյացմամբ ծախսը` 592124.6 հազ. դրամ, նշված կատարողականների համար կազմակերպության փաստացի ծախսը` 321755.0 հազ. դրամ):

- 2009 թ-ին` ընդամենը 243091.7 հազ. դրամ (576863.7 - 333772.0):

Արձանագրվել է նաև, որ ՊՈԱԿ-ի կողմից փաստացի կատարողականի համեմատ ավել կատարողական է ներկայացվել և ՀՀ պետական բյուջեից ֆինանսավորվել 273 փորձաքննությունների համար գումարով 2464.4 հազ. դրամ:

 

Առաջարկվել է.

 

- Խիստ հսկողություն սահմանել ՀՀ առողջապահության նախարարության կազմակերպությունների հետ կնքված պետական պատվերի պայմանագրերի կատարման նկատմամբ, թույլ չտալ փաստացի կատարված աշխատանքների, ինչպես նաև պետական պատվերով սովորողների թվաքանակի համեմատ ավել կատարողականների ներկայացման դեպքեր:

- Կազմել պետական պատվերի շրջանակներում իրականացվելիք փորձաքննությունների և հետազոտությունների անցկացման հիմնավորված գնացուցակներ` միավոր գները սահմանելով ոչ թե փորձաքննության ենթակա մեկ կտորի համար, այլ մեկ ընդհանուր փորձաքննության համար (ելնելով անհրաժեշտ կտորների, օբյեկտների միջին քանակից):

- Բացառել հաստատված նախահաշիվների համեմատ ավել ծախսեր կատարելու դեպքերը, թույլ չտալ ընթացիկ ծախսերի հաշվին կապիտալ ծախսեր կատարելու դեպքեր:

 

Երևանի քաղաքապետարանի «Կ. Դեմիրճյանի անվան Երևանի մետրոպոլիտեն» ՓԲԸ

 

ՀՀ 2009 թ. պետական բյուջեից հատկացվելիք սուբսիդիայի հաշվարկներում մետրոպոլիտենի պահպանության նպատակով նախատեսվել և պետական բյուջեից փաստացի ֆինանսավորվել է 207.0 մլն. դրամ, այն դեպքում, երբ ընկերության և ՀՀ ոստիկանության Երևան քաղաքի ոստիկանության վարչության միջև 22.01.2009 թ. օբյեկտների պահպանման ծառայություն մատուցելու վերաբերյալ կնքված պայմանագրով պահպանության ծախսերը նախատեսվել է, ինչպես նաև 2009 թ. փաստացի ծախսերը կազմել է 204.2 մլն. դրամ կամ նշված ծախսատեսակի համար ավել է նախատեսվել և ՀՀ պետական բյուջեից փոխհատուցվել 2.8 մլն. դրամ:

ՀՀ 2010 թ. պետական բյուջեից ընկերությանը հատկացվելիք սուբսիդիայի հաշվարկներում վարձակալությամբ տրվող տարածքներից ընկերության եկամուտները նախատեսվել է 72700.0 հազ. դրամ, սակայն 2010 թ. վարձակալության տրված տարածքների դիմաց ընկերության եկամուտները կազմել է 85434.1 հազ. դրամ կամ վարձակալության տրված տարածքներից գանձվող վարձավճարների գումար պակաս է նախատեսվել 12734.1 հազ. դրամ:

Կատարվել է ընկերության պատվերով թվով 6 կապալառու կազմակերպությունների կողմից թվով 19 շինարարական օբյեկտներում իրականացված` գումարով 290754.9 հազ. դրամ շինվերանորոգման աշխատանքների կատարողական ակտերում ցույց տրված ծավալների տեղազննում և հսկիչ չափագրումներ, որով արձանագրվել են նախագծանախահաշվային փաստաթղթերով և ծավալաթերթով նախատեսված, հանձնման-ընդունման արձանագրություններում ամփոփված և վճարված, սակայն փաստացի չկատարված 5052.9 հազ դրամի աշխատանքներ:

Արձանագրված 20567.0 հազ. դրամը (2800.0+12734.1+5052.9) ամբողջությամբ վերականգնվել է ՀՀ պետական բյուջե:

 

Առաջարկվել է.

 

- Մետրոպոլիտենի գործունեության արդյունքում կրած վնասների փոխհատուցման նպատակով ՀՀ պետական բյուջեից սուբսիդիայի հատկացման հաշվարկներում թույլ չտալ եկամուտների պակաս և ծախսերի ավել կանխատեսումների դեպքեր:

- Խիստ հսկողություն սահմանել շինարարական աշխատանքների իրականացման նկատմամբ, այն հաշվով, որ բացառվեն հավելագրումներ թույլ տալու փաստերը:

 

ՀՀ էկոնոմիկայի նախարարության «Երևանի ոսկերչական գործարան» ԲԲԸ

 

- Հայաստանի Հանրապետության հաշվապահական հաշվառման ստանդարտների պահանջներին համապատասխան ընկերության ֆինանսական հաշվետվություններում արտացոլված հիմնական միջոցների և ապրանքանյութական արժեքների մնացորդների վերագնահատումներ, հիմնական միջոցների օգտակար ծառայության ժամկետների վերանայումներ, ինչպես նաև ակտիվների և պարտավորությունների ամբողջական գույքագրումներ չեն իրականացվել:

- Ապրանքանյութական արժեքների հաշվառման առանձին հաշիվների գծով անալիտիկ և սինթետիկ հաշվառման տվյալների միջև առկա են խոշոր չափերի հասնող անհամապատասխանություններ և ծախսերի ոչ ճիշտ ձևակերպման փաստեր, որի արդյունքում ընկերության 2007-2009 թթ ֆինանսական հաշվետվություններում վնասները ցույց են տվել իրական մեծությունից պակաս չափերով:

- Առանձին կազմակերպությունների գծով դեբիտորական և կրեդիտորական պարտքերը զուգահեռաբար ավել են ցույց տրվել 736269.9 հազ. դրամի չափով, իսկ առանց համապատասխան հիմքերի առկայության 2009 թ ընթացքում տարեկան ֆինանսական հաշվետվության արտահաշվեկշռից դուրս են գրվել 1232999.0 հազ. դրամի դեբիտորական և 56882.0 հազ. դրամի կրեդիտորական պարտքեր:

- Տարիներ շարունակ խոշոր չափերի հասնող վնասներ ստանալու և ընկերության զուտ ակտիվների արժեքը կանոնադրական կապիտալից մշտապես պակաս լինելու պայմաններում «Բաժնետիրական ընկերությունների մասին» ՀՀ օրենքի 43-րդ հոդվածի 3-րդ կետի պահանջներին համապատասխան ընկերությունը սահմանված կարգով չի հայտարարել և չի գրանցել կանոնադրական կապիտալի նվազեցումը:

 

Առաջարկվել է.

 

- «Երևանի ոսկերչական գործարան» ԲԲԸ-ի հաշվապահական հաշվառումը վարել «Հաշվապահական հաշվառման մասին» ՀՀ օրենքի և ՀՀՀՀՍ պահանջներին համապատասխան, հաշվառման նպատակով ներդնել ընկերության գործունեության առանձնահատկությունները հաշվառելու հնարավորություն ունեցող հաշվապահական ծրագրեր:

- Ընկերության ֆինանսական հաշվետվություններում ապրանքանյութական արժեքների մնացորդների իրական մեծությունը ճշգրիտ արտացոլելու նպատակով ՀՀՀՀ ստանդարտների պահանջներին համապատասխան սահմանված կարգով իրականացնել հիմնական միջոցների և ապրանքանյութական արժեքների մնացորդների վերագնահատումներ, հիմնական միջոցների օգտակար ծառայության ժամկետների վերանայումներ, ինչպես նաև ակտիվների և պարտավորությունների ամբողջական գույքագրումներ, բացառելով գույքագրման արդյունքներով կազմված համեմատական տեղեկագրերում միայն քանակական տեսքով ամփոփում իրականացնելու պրակտիկան:

- Ինքնաստուգման միջոցով պարզել ապրանքանյութական արժեքների հաշվառման առանձին հաշիվների գծով անալիտիկ և սինթետիկ հաշվառման տվյալների միջև առկա անհամապատասխանությունների պատճառները և կատարել համապատասխան հաշվապահական ուղղումներ:

- Ընկերության ֆինանսական հաշվետվությունում կատարել ակտով արձանագրված` պակաս ցույց տրված վնասի ճշգրտում, միաժամանակ ինքնաստուգման միջոցով պարզել մյուս արտադրատեսակների իրացման վրա պակաս ձևակերպված ինքնարժեքի մեծությունը և կատարել համապատասխան ուղղումներ:

- Կատարել ակտով արձանագրված` ավել ցույց տրված դեբիտորական և կրեդիտորական պարտքերի ճշգրտում (պակասեցում), միաժամանակ վերականգնել 2009 թ ընթացքում ֆինանսական հաշվետվության արտահաշվեկշռից անհիմն դուրս գրված դեբիտորական և կրեդիտորական պարտքերը:

- Ընկերության ակտիվների և պարտավորությունների վերջնական մեծությունը ճշգրտելուց հետո «Բաժնետիրական ընկերությունների մասին» ՀՀ օրենքի 43-րդ հոդվածի 3-րդ կետի պահանջներին համապատասխան սահմանված կարգով հայտարարել և գրանցել ընկերության կանոնադրական կապիտալի նվազեցում:

 

---------------------------------------------------------

ԻՐՏԵԿ - շարունակությունը հաջորդ մասերում

 

 

pin
ՀՀ կառավարություն
20.05.2011
N 19
Արձանագրային որոշում