041.0617.010711
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
1 հուլիսի 2011 թվականի N 617-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ՎԱՐՇԱՎԱ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Տնտեսական համագործակցության հարցերով հայ-լեհական միջկառավարական հանձնաժողովի երկրորդ համատեղ նիստին մասնակցելու նպատակով 2011 թվականի հուլիսի 6-8-ը Վարշավա (Լեհաստանի Հանրապետություն) գործուղել Հայաստանի Հանրապետության պատվիրակություն` համաձայն հավելվածի:
2. Ա. Պետրոսյանի, Ա. Ազիզյանի, Գ. Գրիգորյանի, Ա. Պետրոսյանի, Ա. Ավետիսյանի, Լ. Սարոյանի, Ք. Գրիգորյանի և Ն. Տեր-Գրիգորյանի` Վարշավա գործուղման հետ կապված ծախսերը, իսկ Ս. Սահակյանի` միայն օրապահիկը` կատարել Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3. Ընդունել ի գիտություն, որ Հայաստանի Հանրապետության պատվիրակության մյուս անդամների` Վարշավա գործուղման հետ կապված ծախսերը կատարվելու են`
1) Ք. Գրիգորյանինը` Հայաստանի Հանրապետության 2011 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների հաշվին.
2) Տ. Սամվելյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.
3) Ա. Չիլինգարյանինը` Հայաստանի Հանրապետության կենտրոնական բանկի միջոցների հաշվին.
4) Ն. Արծրունունը` «Զարգացման հայկական գործակալություն» ՓԲԸ-ի միջոցների հաշվին.
5) Տ. Հարությունյանինը` ՓՄՁ -ի զարգացման ազգային կենտրոնի միջոցների հաշվին.
6) Է. Կիրակոսյանինը` Հայաստանի արդյունաբերողների և գործարարների/գործատուների միության միջոցների հաշվին:
4. Հայաստանի Հանրապետության արտաքին գործերի նախարարին` լուծել Հայաստանի Հանրապետության պատվիրակության` Վարշավա մեկնելու հետ կապված հարցերը:
5. Հայաստանի Հանրապետության էկոնոմիկայի նախարարին` ապահովել գործուղումից վերադառնալուց հետո եռօրյա ժամկետում Հայաստանի Հանրապետության էկոնոմիկայի նախարարի տեղակալ Ա. Պետրոսյանի` Վարշավա գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ՀՈՒԼԻՍԻ 1-ԻՆ
Հավելված
ՀՀ վարչապետի
2011 թվականի հուլիսի 1-ի
N 617-Ա որոշման
ԿԱԶՄ
2011 ԹՎԱԿԱՆԻ ՀՈՒԼԻՍԻ 6-8-Ը ՎԱՐՇԱՎԱ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ
Ա. Պետրոսյան - ՀՀ էկոնոմիկայի նախարարի տեղակալ (հանձնաժողովի
հայկական մասի նախագահ)
Ա. Ազիզյան - ՀՀ ֆինանսների նախարարության աշխատակազմի միջազգային
համագործակցության վարչության պետ
Գ. Գրիգորյան - ՀՀ տրանսպորտի և կապի նախարարության աշխատակազմի
միջազգային համագործակցության վարչության պետ
Ա. Պետրոսյան - ՀՀ գյուղատնտեսության նախարարության աշխատակազմի
արտաքին կապերի և մարքեթինգի վարչության պետ
Ս. Սահակյան - ՀՀ մշակույթի նախարարության աշխատակազմի արտաքին
կապերի վարչության պետ
Տ. Սամվելյան - ՀՀ արտաքին գործերի նախարարության Եվրոպայի
վարչության երկկողմ հարաբերությունների 2-րդ բաժնի
վարիչ
Լ. Սարոյան - ՀՀ տարածքային կառավարման նախարարության աշխատակազմի
միջազգային համագործակցության բաժնի պետ
Ք. Գրիգորյան - ՀՀ կառավարության աշխատակազմի արտաքին կապերի
վարչության գլխավոր մասնագետ
Ն. Տեր-Գրիգորյան - ՀՀ էկոնոմիկայի նախարարության աշխատակազմի միջազգային
տնտեսական համագործակցության վարչության գլխավոր
մասնագետ
Ա. Չիլինգարյան - ՀՀ կենտրոնական բանկի խորհրդի անդամ
(համաձայնությամբ)
Ն. Արծրունի - «Զարգացման հայկական գործակալություն» ՓԲԸ-ի
ներդրումների խթանման վարչության տնօրեն
Տ. Հարությունյան - ՓՄՁ-ի զարգացման ազգային կենտրոնի գործադիր տնօրեն
(համաձայնությամբ)
Է. Կիրակոսյան - Հայաստանի արդյունաբերողների և գործարարների/
գործատուների միության գործադիր տնօրեն
(համաձայնությամբ)
Ա. Ավետիսյան - ՀՀ էկոնոմիկայի նախարարության աշխատակազմի միջազգային
տնտեսական համագործակցության վարչության պետի
պաշտոնակատար (հանձնաժողովի քարտուղար)