ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

041.0657.130711

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

13 հուլիսի 2011 թվականի N 657-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի «Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգը սահմանելու մասին» ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետով, հաշվի առնելով Գյումրի քաղաքի Ախուրյանի խճուղու կենտրոնում գտնվող շենք-շինությունները հիմնադրի կողմից գնելու և այն «Շիրակի ակադեմիկոս Մ. Թումանյանի անվան պետական գյուղատնտեսական քոլեջ» պետական ոչ առևտրային կազմակերպությանն ամրացնելու նպատակահարմարությունը, ինչպես նաև տեղում ուսումնասիրելու ու մասնագիտական առաջարկություն տալու նպատակով`

1. Ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:

2. Միջգերատեսչական հանձնաժողովին` 20-օրյա ժամկետում ավարտել ուսումնասիրությունները և ներկայացնել համապատասխան առաջարկություններ:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՀՈՒԼԻՍԻ 13-ԻՆ

Հավելված

ՀՀ վարչապետի

2011 թվականի հուլիսի 13-ի

N 657-Ա որոշման

ԿԱԶՄ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

    Մ. Կարախանյան     - ՀՀ կրթության և  գիտության նախարարության

                        աշխատակազմի քարտուղարության տնտեսավարման և

                        սպասարկման բաժնի գլխավոր մասնագետ

                        (հանձնաժողովի նախագահ)

    Թ. Ալոյան         - ՀՀ կրթության և  գիտության նախարարության

                        աշխատակազմի նախնական (արհեստագործական) և միջին

                        մասնագիտական կրթության վարչության մասնագիտական

                        կրթության և ուսուցման բաժնի գլխավոր մասնագետ

    Զ. Գաբրիելյան     - ՀՀ գյուղատնտեսության նախարարության աշխատակազմի

                        գիտության և կրթության վարչության պետի ժամանակավոր

                        պաշտոնակատար

    Գ. Սարգսյան       - ՀՀ գյուղատնտեսության նախարարության աշխատակազմի

                        ֆինանսատնտեսագիտական և հաշվապահական հաշվառման

                        վարչության հաշվապահական հաշվառման և

                        ֆինանսատնտեսագիտական վերլուծությունների բաժնի պետ

    Վ. Բեկնազարյան    - ՀՀ գյուղատնտեսության նախարարության աշխատակազմի

                        տնտեսական բաժնի պետ

    Գ. Ալեքսանյան     - ՀՀ կառավարությանն առընթեր պետական գույքի

                        կառավարման վարչության աշխատակազմի պետական գույքի

                        կառավարման քաղաքականության վարչության մշակման

                        բաժնի առաջատար մասնագետ

    Ա. Առաքելյան      - ՀՀ կառավարությանն առընթեր անշարժ գույքի կադաստրի

                        պետական կոմիտեի աշխատակազմի Գյումրու տարածքային

                        ստորաբաժանման ղեկավար

    Գ. Ղումաշյան      - ՀՀ Շիրակի մարզպետարանի աշխատակազմի կրթության,

                        մշակույթի և սպորտի վարչության կրթության բաժնի

                        գլխավոր մասնագետ