ՀՀ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ ՂԱԶԱԽՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ

041.0021.190199

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

19 հունվարի 1999 թվականի թիվ 21

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ ՂԱԶԱԽՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ

1. Ն. Նազարբաևի` Ղազախստանի Հանրապետության նախագահի պաշտոնը ստանձնելու պաշտոնական արարողությանը մասնակցելու նպատակով 1999 թվականի հունվարի 19-20-ը Աստանա գործուղել Հայաստանի Հանրապետության կառավարական պատվիրակություն` համաձայն հավելվածի:

Հայաստանի Հանրապետության կառավարական պատվիրակության կազմում ընդգրկել նաև Ղազախստանի Հանրապետությունում Հայաստանի Հանրապետության գործերի ժամանակավոր հավատարմատար Ա. Մելիքյանին:

2. Հայաստանի Հանրապետության քաղաքացիական ավիացիայի գլխավոր վարչությանը` Հայաստանի Հանրապետության կառավարության աշխատակազմի հայտի հիման վրա 1999 թվականի հունվարի 19-ին կազմակերպել հատուկ չվերթ Երևան-Աստանա, իսկ հունվարի 20-ին` Աստանա-Երևան երթուղիով:

3. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության կառավարական պատվիրակության Ղազախստանի Հանրապետություն գործուղման և Հայաստանի Հանրապետության քաղաքացիական ավիացիայի գլխավոր վարչության ծառայության ծախսերը կատարել Հայաստանի Հանրապետության 1999 թվականի պետական բյուջեով արտասահմանյան պաշտոնեական գործուղումների համար նախատեսված միջոցների հաշվին:

4. Հայաստանի Հանրապետության արտաքին գործերի նախարարությանը և Հայաստանի Հանրապետության քաղաքացիական ավիացիայի գլխավոր վարչությանը` լուծել Հայաստանի Հանրապետության կառավարման պատվիրակության Ղազախստանի Հանրապետություն մեկնելու հետ կապված հարցերը:

Հավելված

ՀՀ վարչապետի 1999 թ.

հունվարի 19-ի թիվ 21

որոշման

ԿԱԶՄ

1999 թվականի հունվարի 19-20-ը Ղազախստանի

Հանրապետությունում մեկնող Հայաստանի

Հանրապետության կառավարական պատվիրակության

անդամների

-------------------------------------------

   Գ. Մարտիրոսյան       - ՀՀ արտադրական ենթակառուցվածքների

                          գործունեությունը համակարգող նախարար

   Է. Թադևոսյան         - ՀՀ կառավարության աշխատակազմի ղեկավար

   Շ. Կարամանուկյան     - ՀՀ արտաքին գործերի նախարարի առաջին

                          տեղակալ

Ուղեկցող անձինք

------------------

   Պ. Մանուկյան         - ՀՀ կառավարության աշխատակազմի գործերի

                          կառավարչի տեղակալ

   Մ. Խաչատրյան         - «Արմենպրես» պետական լրատվական

                          գործակալության թղթակից

   Ա. Դոխոլյան          - «Արմենպրես» պետական լրատվական

                          գործակալության օպերատոր

   Ա. Գրիգորյան         - Հայաստանի ազգային հեռուստատեսության

                          «Հայլուր» լրատվական ծառայության թղթակից

   Կ. Գրիգորյան         - Հայաստանի ազգային հեռուստատեսության

                          «Հայլուր» լրատվական ծառայության օպերատոր