Սեղմել Esc փակելու համար:
ՀՀ ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ԷԼԵԿՏՐՈՆԱՅԻՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԵՐԴՐՄ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

23 դեկտեմբերի 2010 թվականի N 50

 

1. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ԷԼԵԿՏՐՈՆԱՅԻՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԵՐԴՐՄԱՆ ՀԱՅԵՑԱԿԱՐԳԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

Հավանություն տալ Հայաստանի Հանրապետության առողջապահության ոլորտում միասնական էլեկտրոնային տեղեկատվական համակարգի ներդրման հայեցակարգին` համաձայն հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ԴԵԿՏԵՄԲԵՐԻ 29-ԻՆ

 

Հավելված

ՀՀ կառավարության

2010 թվականի դեկտեմբերի 23-ի

նիստի N 50 արձանագրային

որոշման

 

ՀԱՅԵՑԱԿԱՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ԷԼԵԿՏՐՈՆԱՅԻՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԵՐԴՐՄԱՆ

 

ԲՈՎԱՆԴԱԿՈՒԹՅՈՒՆ

 

I. Առողջապահության ոլորտում միասնական տեղեկատվական համակարգի ներդրման նպատակը

II. Առողջապահության ոլորտում միասնական տեղեկատվական համակարգի ներդրման արդյունքում ստացվող օգուտները

III. Առողջապահական տեղեկատվական միասնական համակարգի միջազգային փորձը

IV. Առողջապահության ոլորտում միասնական տեղեկատվական համակարգի նկարագրությունը

1. Համակարգի հիմնական մասնակիցները

2. Անհատական բժշկական հաշվետվություններ

3. Համակարգի գործունեության համար անհրաժեշտ բաղկացուցիչները

V. Առողջապահության ոլորտում միասնական տեղեկատվական համակարգում պահվող տեղեկատվությունը

VI. Տվյալների փոխանակման գործընթացները

VII. Տեղեկատվության անվտանգության ապահովումը

VIII. Առողջապահության ոլորտում միասնական տեղեկատվական համակարգի ներդրման հայեցակարգի իրականացումը

IX. Ռիսկեր և նրանց կանխման քաղաքականություն

X. Առողջապահության ոլորտում միասնական տեղեկատվական համակարգի տարեկան սպասարկումը և բնակչության հետ աշխատանքը

 

I. ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԵՐԴՐՄԱՆ ՆՊԱՏԱԿԸ

 

1. Առողջապահության ոլորտի արդյունավետ գործունեության կարևորագույն հիմքերից մեկն անհրաժեշտ ենթակառուցվածքների ձևավորումն է և դրանց հետագա զարգացումը: Ոլորտի կարևորագույն ենթակառուցվածքներից է առողջապահության միասնական էլեկտրոնային տեղեկատվական համակարգը, որն ապահովում է երկրի առողջապահական տեղեկատվության ամբողջականությունն և դրա առավելագույնս արդյունավետ օգտագործումը: Համակարգի ներդրումը ենթադրում է առողջապահական համակարգի բազմակողմանի արդիականացում` օգտագործելով տեղեկատվական և հեռահաղորդակցման տեխնոլոգիաներ: Այս համակարգի նորարար լուծումների շնորհիվ հնարավոր է դառնում ապահովել առավել որակյալ և արդյունավետ առողջապահական ծառայություններ հասարակությանը:

2. Առողջապահական ոլորտում միասնական էլեկտրոնային տեղեկատվական համակարգն անմիջական ազդեցություն է ունենալու առողջապահության ոլորտի թափանցիկության և հրապարակայնության բարձրացման առումով:

3. Առողջապահական ոլորտում միասնական էլեկտրոնային տեղեկատվական համակարգի ներդրման նպատակը Հայաստանի Հանրապետությունում առողջապահության համար անհրաժեշտ ենթակառուցվածքի ստեղծումն է, որն ապահովելու է Հայաստանի Հանրապետության յուրաքանչյուր բնակչի վերաբերյալ լիարժեք բժշկական տեղեկատվություն միասնական և ամբողջական ձևաչափով:

 

II. ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԵՐԴՐՄԱՆ ԴԵՊՔՈՒՄ ԱԿՆԿԱԼՎՈՂ ԱՐԴՅՈՒՆՔՆԵՐԸ

 

4. Առողջապահության միասնական տեղեկատվական համակարգը հասանելի է դարձնում յուրաքանչյուր անձի բժշկական պատմությունը առողջապահության ոլորտի մասնագետներին, ինչը թույլ է տալիս ապահովել առողջապահության ավելի բարձր արդյունավետություն և որակ, քանի որ բուժական միջամտությունների ընթացքում որոշումների կայացումը հիմնվում է ամբողջական, լիարժեք և արդիական տեղեկատվության վրա:

5. Համակարգը կարող է հանդիսանալ արդյունավետ գործիք առողջապահության ոլորտի բուժհաստատությունների գործունեության վերահսկման և թափանցիկության բարձրացման համար, քանի որ համակարգը թույլ կտա սահմանափակել կոռուպցիոն ռիսկերը, կանխարգելել միևնույն բուժծառայության դիմաց կրկնակի վճարումները` ապահովելով բուժծառայությունների մատուցման և դրանց դիմաց փաստացի վճարվող գումարների մեծության նկատմամբ հսկողությունը և այլն:

6. Առողջապահության համակարգի գործընթացների օպտիմալացումը հնարավորություն է տալիս ճիշտ ժամանակին ապահովել անհրաժեշտ տեղեկատվության հասանելիությունը մասնագետների համար: Համակարգի շրջանակներում տեղեկատվության հոսքերը կազմակերպված են լինելու այնպես, որպեսզի անձի վերաբերյալ բժշկական անհրաժեշտ տվյալները նվազագույն ժամանակում հասանելի լինեն համապատասխան մասնագետին:

7. Ներկայումս առողջապահության ոլորտում տվյալների պահպանումն իրականացվում է հիմնականում թղթային ձևով և ապակենտրոնացված է, ինչը մեծացնում է դրանց պահպանման ծախսատարությունը, բարդացնում է փաստաթղթաշրջանառությունը, ինչպես նաև մեծացնում է դրանց կորստի հավանականությունը: Առողջապահության միասնական տեղեկատվական համակարգն ապահովում է ոլորտի վերաբերյալ հիմնական տվյալների պահպանման առավել հուսալի և ծախսարդյունավետ մեխանիզմներ` ի հաշիվ դրանց էլեկտրոնայնացման, հիմնական տվյալների կենտրոնացման, պահպանման անվտանգության, պահուստային արխիվացման և այլ առավելությունների:

8. Միասնական էլեկտրոնային համակարգի ներդրումը կնպաստի առողջապահական ոլորտում վիճակագրության բարելավմանը: Տեղեկատվական շտեմարանում հավաքագրվող տեղեկատվությունը թույլ կտա կատարել խորացված հետազոտություններ, իրականացնել կանխատեսումներ, մշակել և կյանքի կոչել տարբեր առողջապահական ծրագրեր:

9. Համակարգը կարող է հանդիսանալ արդյունավետ գործիք ապահովագրական ընկերությունների (կամավոր բժշկական ապահովագրության դեպքում), ինչպես նաև պետության համար (պարտադիր բժշկական ապահովագրության համակարգի ներդրման դեպքում): Շտեմարանում հավաքագրվող տեղեկատվության հիման վրա կկատարվեն ճշգրիտ հաշվարկներ բժշկական ապահովագրության պայմանագրերի գծով` վճարների չափը որոշելու համար: Առավել ճշգրիտ հաշվարկների իրականացումը հնարավորություն կտա ապահովել բժշկական ապահովագրության համակարգի ֆինանսական կայունությունը և ֆինանսական ռեսուրսների օպտիմալ տեղաբաշխումը:

10. Համակարգի ներդրումը կարող է էապես նպաստել առողջապահության ոլորտի ադմինիստրատիվ մարմինների կողմից ոլորտի վերաբերյալ անհրաժեշտ տեղեկությունների հասանելիության կազմակերպչական ընթացակարգերի հեշտացմանը, ինչի արդյունքում առողջապահական ոլորտի առաջնահերթությունների տեսանկյունից անհրաժեշտ որոշումների կայացման համար պահանջվող տեղեկությունները կլինեն ավելի հեշտ հասանելի ու քիչ ժամանակատար:

 

III. ԱՌՈՂՋԱՊԱՀԱԿԱՆ ՏԵՂԵԿԱՏՎԱԿԱՆ ՄԻԱՍՆԱԿԱՆ ՀԱՄԱԿԱՐԳԵՐԻ ՄԻՋԱԶԳԱՅԻՆ ՓՈՐՁԸ

 

11. Եվրամիություն: 2005 թվականի ապրիլից Եվրամիության անդամ երկրները ձեռնամուխ են եղել էլեկտրոնային առողջապահության հայեցակարգի մշակմանը: Այն մշակվել է Ֆինլանդիայի, Իտալիայի, Լեհաստանի, Իսպանիայի, Միացյալ Թագավորության հետազոտական կազմակերպությունների կողմից: Հայեցակարգի իրականացման արդյունքում Եվրամիության բոլոր երկրների տարածքում գործելու է միասնական առողջապահական տվյալների շտեմարան, որից հավասար օգտագործման իրավունք են ունենալու բոլոր մասնակիցներն անկախ նրանց գտնվելու վայրից:

12. Հայեցակարգն ունի նաև այլ նպատակներ.

1) Եվրամիության երկրների փորձի փոխանակում էլեկտրոնային առողջապահության ռազմավարության և ծրագրերի զարգացման և կառավարման համար,

2) վերլուծական և հետազոտական աշխատանքների իրականացման համար արդյունավետ բազայի ստեղծում,

3) կայուն մեխանիզմների ստեղծում արդյունավետ միջազգային համագործակցության իրականացման համար անդամ երկրների միջև:

13. Ազգային էլեկտրոնային առողջապահության առաջնահերթությունների վերլուծության արդյունքում երկու հիմնական կլաստեր է բացահայտվել հաճախորդների ընդհանուր տվյալների բովանդակություն և հաճախորդի իրավասություններ, որոնց ճիշտ նկարագրման համար ավելի խորը գիտելիքներ և կարողություններ են պետք: Հայեցակարգը նաև ներառում է հետազոտական և տեխնոլոգիական զարգացման ծրագրեր, մասնակիցներ, գործողությունների ընթացք: Հայեցակարգի մշակումը կոորդինացվել է հատուկ կոմիտեի կողմից, որի մասնակիցներն են եղել Առողջապահության նախարարությունների և այլ պատասխանատու կառույցների ներկայացուցիչներ:

14. Արդյունքներ.

1) Եվրամիության երկրների տարածքում հնարավոր է ապահովել ավելի մեծ թափանցիկություն,

2) էլեկտրոնային առողջապահության կայքը ներառում է մի շարք փաստաթղթեր ազգային էլեկտրոնային առողջապահության ռազմավարության, իրականացվող գործողությունների և հետազոտական տեխնոլոգիական զարգացման ծրագրերի մասին,

3) մշակվում է հաշվետվություն էլեկտրոնային առողջապահության առաջնահերթությունների և ռազմավարությունների մասին Եվրամիության անդամ 35 երկրներում,

4) երկու հիմնական կլաստերների վերաբերյալ հաշվետվություն,

5) ծրագրերի հստակ կառուցվածք և մասնակիցների ֆունկցիոնալ նկարագրություն:

 

15. Եվրոպական էլեկտրոնային առողջապահության քաղաքականության նկարագիր

 

.__________________________________.  .____________.  ._______________.

|Անդամ երկրների քաղաքականություն,  |  |Էլեկտրոնային|  |Տեսլական       |

|ռազմավարություն, գործողությունների|<_|   Եվրոպա   |_>|էլեկտրոնային   |

|պլան                              |  .____________.  |առողջապահության|

.__________________________________.                  ._______________.

|                                                      \/

._____________.       ._______________.     ._________________________.

|   Մատչելի   |______>|Առողջապահական  |<___>|Եվրամիության էլեկտրոնային|

|տեխնոլոգիաներ|       |ծառայություններ|     |առողջապահության          |

._____________.       |մատուցողներ և  |     |քաղաքականության տարածք   |

|համակարգեր     |     ._________________________.

._______________.       /\             |

|              |

                                                  \/            \/

._________________________.   .__________________.   .________________.

|Եվրամիության և  ազգային  |   |Նորարարությունների|   |Գնահատականների  |

|հետազոտական-տեխնոլոգիական|   |և  դիֆուզիայի     |   |և  փորձի        |

|զարգացումների արդյունքներ|   |համակարգ          |   |                |

._________________________.   .__________________.   .________________.

|             /\

|              |

                         \/             \/

.__________.     .___________________________.   .____________________.

|Միջազգային|____>|Հետազոտական-տեխնոլոգիական  |__>|Կրթություն և        |

|փորձ      |     |զարգացումների ֆինանսավորում|   |վերապատրաստումներ   |

.__________.     |Եվրամիության անդամ երկրների|   |Կառավարման համակարգի|

|         հաշվին            |   |բարեփոխում          |

.___________________________.   .____________________.

|

                                               \/

._________.      ._______________.      ._____________________________.

|Առկա փորձ|_____>|Լավագույն փորձի|_____>|   Հետազոտական-տեխնոլոգիական |

._________.      |կուտակում      |      |    զարգացումների կառավարում |

._______________.      ._____________________________.

 

16. Սլովենիա: Սլովենիայի առողջապահության նախարարության կողմից 2000-2004 թվականներին մշակվել է Առողջապահական հատվածի կարգավորման նախագիծ, որի հիմնական նպատակը համակարգի բարելավումն է առողջապահական հատվածի ռեսուրսների և տեղեկատվական բազաների ռացիոնալ օգտագործման ապահովման նպատակով Եվրամիության ստանդարտներին համապատասխան: Նախագիծն իրականացվել է Համաշխարհային բանկի հետ համագործակցությամբ և Վերակառուցման և զարգացման միջազգային բանկի ֆինանսավորմամբ: Ավելի քան 200 առողջապահության էքսպերտներ ներգրավված են եղել այս գործընթացում;

17. Նախագիծն ունեցել է 4 հիմնական մաս`

1) առողջապահության քաղաքականության աջակցություն, մասնավորապես` ֆինանսավորման համակարգի բարելավում, առողջապահության ոլորտի կառավարման զարգացում, կլինիկական հիմնական ուղղությունների մշակում,

2) առողջապահության ոլորտի տեղեկատվական ստանդարտների ձևակերպում,

3) փորձնական կազմակերպություններում լուծման տարբերակների տեստավորում և իրականացում,

4) ազգային տեղեկատվական կենտրոնի հիմնադրում և նախագծի կառավարում:

18. Երկրորդ փուլի նպատակը առողջապահական միասնական ստանդարտների ստեղծումն էր հետևյալ միջոցառումների միջոցով.

1) առողջապահության տեղեկատվության տվյալների մոդելի մշակում,

2) ստանդարտ կոդավորումների և դասակարգումների համակարգերի ներդրում,

3) Սլովենիայում ԱԲԽ (Ախտորոշմամբ բնորոշվող խմբավորում) համակարգի ներմուծում,

4) մոդելի որոշումը, որը կնպաստի տվյալների հավաքագրման համակարգին ԱԲԽ գների դասակարգման նպատակով:

19. Այս նախագծի իրագործման համար առավել կարևոր գործոններից մեկը միասնական ցանցի ստեղծումն էր, որը հնարավորություն կտար ապահովել տվյալների արդյունավետ փոխանցումը համակարգի մասնակիցների միջև: Բոլոր վերոհիշյալ գործողությունները հնարավոր են դարձնում հավաքագրված տվյալների կապը, փոխանակումը և համեմատությունը առողջապահության համակարգի բոլոր սուբյեկտների միջև հատուկ անվտանգության մեխանիզմներով և կոնկրետ սուբյեկտի գաղտնիության ապահովմամբ: Նախագծի իրականացման սկզբնական փուլում խիստ կարևորվել է հիվանդանոցների գործունեությունը:

20. Էլեկտրոնային առողջապահություն Սլովենիայում ոչ միայն առողջապահության ոլորտում տեղեկատվության և կապի տեխնոլոգիաների զարգացման նախագիծ է, այլ կառավարման համակարգի փոփոխություն:

 

.____________.     ._______________.    ._____________________________.

|Հաճախորդներ |<____|Ոլորտի հիմնական|___>|Առողջապահական ծառայություններ|

|(պացիենտներ)|     |  մասնակիցներ  |    |մատուցողներ (բժիշկներ)       |

.____________.     ._______________.    ._____________________________.

|

\/

.______________________________________.

|Առողջապահական ինստիտուտներ (Սլովենիայի|

|բժշկական ապահովագրության ինստիտուտ,   |

|Պետական առողջապահության ինստիտուտ,    |

|Առողջապահության նախարարություն)       |

.______________________________________.

 

21. Առողջապահական ինստիտուտներ`

1) Սլովենիայի բժշկական ապահովագրության ինստիտուտը.

ա. բարելավում է ԱյՏի (IT) ենթակառուցվածքը,

բ. կազմակերպում է հաշիվ-ապրանքների էլեկտրոնայնացումը,

գ. ներդրել է բժշկական ապահովագրության քարտային համակարգը ազգային մակարդակով,

2) պետական առողջապահության ինստիտուտը ազգային և ռեգիոնալ մասշտաբով.

ա. կազմում է տարեկան առողջապահական վիճակագրական հաշվետվություններ,

բ. վարում է նախածննդյան տեղեկատվական համակարգ,

գ. վարում է անաշխատունակության թերթիկների ռեգիստր, Առողջապահության նախարարությունն իրականացնում է առողջապահության կառավարման նախագիծը:

22. Առողջապահական տեղեկատվական համակարգի հիմնական սկզբունքները.

1) տեղեկատվությունը հիմնված է անձանց ունիկալ նույնականացման փաստաթղթի ԱյԴի (ID) վրա

2) տեղեկատվությունը ստացվում է օպերացիոն համակարգողից (առողջապահության մասնագետները տվյալներ ձեռք են բերում համակարգերից, որոնք իրենք օգտագործում են իրենց ամենօրյա աշխատանքում),

3) համակարգերը միասնական են (տվյալները պետք է համակարգ մուտքագրվեն միայն մեկ անգամ)

4) տեղեկատվությունը հասանելի է սլովենական առողջապահության ամբողջ համակարգին,

5) տեղեկատվությունը գաղտնի և ապահովված է (հասանելի է միայն իրավասու մարմիններին):

23. Համակարգի գործունեության հիմնական իդենտիֆիկատորները.

1) հիվանդի անձնական տվյալները,

2) ադմինիստրացիայի տվյալները,

3) վիճակագրություն և հաշվապահություն,

4) բժշկական տվյալներ, որն ամենակարևորն է.

5) հիվանդի կարգավիճակը (առողջական և իրավական տեսանկյունից),

6) ախտորոշում (հիմնական և լրացուցիչ)-ՀՄԴ-10 (Հիվանդությունների Միջազգային Դասակարգիչ),

7) հիվանդանոցային գործողություններ (պահանջներ և իրականացում)-ՀՄԴ-10,

8) բուժում, մասնավորապես` դեղորայք,

9) բուժման այլ ձևեր,

10) այլ խնամքի պահանջ (մասնագետների կամ հիվանդանոցների),

11) անաշխատունակության թերթիկներ:

24. Տվյալների հավաքագրման, ստանդարտիզացման և մշակման գործընթացը

 

.__________________.                         .________________________.

|Գոյություն ունեցող|                         |Օգտագործողի գրաֆիկական  |

|տեղեկատվական      |      ._________.        |ինտերֆեյս               |

.__________________.      |Գործիքներ|        |________________________|

._____________>|   /\    |        |Բիզնես օբյեկտներ        |

.__________________.      |    |    |        |________________________|

|Գիտելիքահենք      |_____>|   \/    |<______>|Առողջապահության ոլորտում|

|գործունեություն   |      |Տվյալների|        |ծրագրային ապահովություն,|

.__________________.      |  բազա   |        |որն ապահովում է ցանցի   |

._____________>|         |        |աշխատանքը               |

.__________________.      ._________.        |________________________|

|Համակարգերի       |                         |Հարաբերական տվյալների   |

|օգտագործման       |                         |շտեմարան                |

.__________________.                         .________________________.

 

25. Համակարգի ներդրման համար անհրաժեշտ են բժշկական ապահովագրության քարտային համակարգ և կապն ապահովող ցանց, որոնք ներառելու են և իրականացնելու են.

1) հիվանդի քարտ, որն ընդգրկում է պացիենտի և գործատուի մասին հիմնական տվյալները, պարտադիր և կամավոր ապահովագրության ավարտի ժամկետը, ընտրված բժիշկները, մատուցված բժշկական ծառայությունները,

2) մասնագետների` բժիշկների, բուժքույրերի քարտ:

3) առողջապահության ոլորտի մասնագետներին ապահովել համակարգով և ենթակառուցվածքներով անմիջական և անուղղակի բուժման գործընթացների միջև կապի ընդլայնման նպատակով,

4) հետազոտողների, առողջապահության վերահսկող կառույցների և արդյունաբերության համագործակցության ապահովում,

5) օգտագործել եվրոպական կապի ստանդարտները և էլեկտրոնային փոստի համակարգերը:

26. Գերմանիա: 2005 թվականի հունվարին Գերմանիայի առողջապահության նախարարությանը կից ստեղծվել է մի կազմակերպություն Ջեմատիկ Ջմբէյչ (Gematik GmbH), որի հիմնական գործառույթը եղել է առողջապահության ոլորտի համար տեղեկատվության հավաքագրումը, էլեկտրոնայնացումը և ապահով պահպանումը: Աշխատակիցների թվաքանակը 70 է: Նրա հիմնական խնդիրներն են`

1) բժշկական քարտերի թողարկում,

2) տվյալների էլեկտրոնայնացում,

3) այլ լրացումներ,

4) տեղեկատվության, կապի և անվտանգության ենթակառուցվածքի ապահովում,

5) առողջապահական համակարգի գործունակության, ինչպես նաև այլ համակարգերի հետ նրա գործունակության ապահովումը,

6) նրա առանձին տարրերի և ծառայությունների տեխնիկական հատկանիշների սահմանումը,

7) համակարգի տեստավորումը:

27. Այս համակարգի կարևորագույն բաղադրատարրը քարտային համակարգն է: Բժշկական տեղեկատվական համակարգի շրջանակներում կա երկու տիպի քարտ` մասնագետների և ապահովագրված անձանց: Քարտային համակարգի հիմնական խնդիրներն են`

1) Գերմանիայի և Եվրամիության երկրների սահմաններում ապահովագրության համար անհրաժեշտ բազայի ստեղծումը,

2) կոդավորված տեղեկատվության հասանելիությունը քարտի միջոցով և ծրագրային սերվերում,

3) բժշկական տեղեկատվության հասանելիությունը քարտի միջոցով և ծրագրային սերվերում,

4) էլեկտրոնային ստորագրության ապահովում:

 

._________________.       ._________.      ._______________.

|Հիվանդանոցներ    |<______|Համակարգի|_____>|Դեղատներ       |

._________________.    .__|հիմնական |___.  ._______________.

|  ._________.   |

._________________.    |       |        |  ._______________.

|Այլ բժշկական     |<___.       |        ._>|Ապահովագրական  |

|հաստատություններ |            |           |ընկերություններ|

|ատամնաբուժարաններ|            |           ._______________.

._________________.            |

\/

.___________________.

|Ապահովագրված անձինք|

.___________________.

 

28. Տեստավորման ռազմավարությունը պարունակում է հետևյալ մակարդակները`

1) մակարդակ 1 - Ջեմատիկ Ջմբէյչ (Gematik GmbH) կազմակերպության լաբորատորիայում ընթանում է համակարգի առանձին տարրերի, անվտանգության, օգտագործողների իրավասությունների տեստավորում,

2) մակարդակ 2 - օգտագործողների տեստավորում մոդելային ռեգիոնում ուղղակիորեն համակարգերի ներդրում և շահագործում բժշկական հաստատություններում),

3) մակարդակ 3 - տեստավորում 10000 ԱՅՓԻ (IP)-ներով տեստային և իրական տվյալների հիման վրա, այդ թվում են համակարգի բոլոր մասնակիցների մի մասը,

4) մակարդակ 4 - տեստավորում 100000 ԱՅՓԻ (IP)-ներով իրական տվյալների հիման վրա:

29. Քայլերի հաջորդականությունն է.

1) քայլ 1

ա. քարտերի ներդրում,

բ. քարտային տերմինալների և սարքերի ներդրում,

գ. տվյալների էլեկտրոնայնացում,

2) քայլ 2

ա. ցանցային ենթակառուցվածքի ստեղծում,

բ. միացնող սարքերի ներդրում,

գ. ադմինիստրատիվ տվյալների սերվերը վերանայում է քարտեզում ներառված տեղեկատվությունը,

3) քայլ 3

ա. սերվերի ստեղծում ըստ առանձին մասնակիցների դեղատներ,

4) քայլ 4

ա. ամբողջական սերվերի ստեղծում,

բ. համակարգի փաստաթղթերի ստանդարտացում:

 

IV. ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՆԿԱՐԱԳՐՈՒԹՅՈՒՆԸ

 

30. Առողջապահության ոլորտում միասնական տեղեկատվական համակարգն իրենից ներկայացնում է տեղեկատվության և ենթակառուցվածքների այնպիսի ամբողջություն, որն ապահովում է հասարակության յուրաքանչյուր անդամի վերաբերյալ բժշկական տեղեկատվության հավաքագրումը, արխիվացումը և օգտագործումը առողջապահության ոլորտի մասնագետների կողմից էլեկտրոնային միջավայրում: Հասարակության յուրաքանչյուր անդամի վերաբերյալ բժշկական ցանկացած տեղեկատվություն մուտքագրվում է միասնական տեղեկատվական շտեմարան համապատասխան մասնագետի կողմից, ինչը բացառում է թղթային տեղեկատվության պահպանումը և հետագա արխիվացումը: Էլեկտրոնային տեղեկատվությունը կարող է կիրառվել տարբեր նպատակներով, մասնավորապես անձի վերաբերյալ բժշկական մանրամասն տեղեկատվություն ստանալու համար, համապատասխան բուժծառայությունների մատուցման համար, բուժծառայությունների դիմաց փոխհատուցումներ կատարելիս, ուսումնասիրությունների և վերլուծությունների նպատակով և այլն:

31. Համակարգի գործունեությունը կազմակերպվում է հետևյալ սկզբունքների հիման վրա.

1) համակարգում ներառվող տեղեկատվությունը անձնավորված է, ընդ որում անձի նույնականացումն իրականացվում է էլեկտրոնային նույնականացման քարտերի միջոցով:

2) տվյալների շտեմարանը միասնական է համակարգի բոլոր մասնակիցների համար, այսինքն` յուրաքանչյուր տվյալ մուտքագրվում է համակարգ ընդամենը մեկ անգամ,

3) տեղեկատվությունը ցանկացած պահի հասանելի է համակարգի բոլոր իրավասու մասնակիցներին,

4) տեղեկատվությունը գաղտնի է և պաշտպանված:

 

1. ՀԱՄԱԿԱՐԳԻ ՀԻՄՆԱԿԱՆ ՄԱՍՆԱԿԻՑՆԵՐ

 

32. Հայաստանի Հանրապետության առողջապահության նախարարությունը հանդիսանում է առողջապահական միասնական տեղեկատվական համակարգի համար պատասխանատու հիմնական կառույցը, որպես առողջապահության ոլորտը կարգավորող մարմին: Առողջապահության նախարարությունում է պահվելու առողջապահության տեղեկատվական շտեմարանը:

33. Համակարգի մասնակից են հանդիսանում բժշկական բոլոր հաստատությունները, այդ թվում` հիվանդանոցներ, պոլիկլինիկաներ, ընտանեկան բժշկի կենտրոններ, բուժակ մանկաբարձական կետեր, բժշկական ամբուլատորիաներ, առողջության կենտրոններ, ստոմատոլոգիական կենտրոններ, քանի որ այս հաստատություններն այն իրավասու մարմիններն են, որոնք կարող են դիտարկել, փոփոխել և օգտագործել համակարգում ներառվող տեղեկատվությունը:

34. Դեղատներ: Առողջապահական համակարգի աշխատանքի արդյունավետությունն էապես կբարձրանա, եթե դեղատոմսերը լինեն էլեկտրոնային, ներառվեն տեղեկատվական համակարգում, և դեղատները ստանան դեղատոմսերի վերաբերյալ տեղեկատվությունը էլեկտրոնային եղանակով:

35. Պացիենտներ կամ ապահովագրված անձինք խումբը ծածկում է հասարակության ամբողջ զանգվածը ներառյալ նորածին երեխաներին: Ապագայում առողջապահության համակարգի աշխատանքի արդյունավետության բարձրացման համար կարելի է նախատեսել տվյալների համակարգում պահպանել նաև հղիության ընթացքում երեխայի բժշկական պատմությունը:

36. Բժշկական ապահովագրություն իրականացնող ապահովագրական ընկերությունները կարող են հանդիսանալ համակարգի մասնակից և օգտագործել համակարգում առկա անհատական բժշկական տեղեկատվությունը ապահովագրական սակագնի հաշվարկի համար:

 

2. ԱՆՀԱՏԱԿԱՆ ԲԺՇԿԱԿԱՆ ՀԱՇՎԵՏՎՈՒԹՅՈՒՆ

 

37. Համակարգի առանցքային նշանակություն ունեցող բաղադրիչը հանդիսանում է քաղաքացիների անհատական բժշկական պատմությունը, որը համակարգում պահվելու է անհատական էլեկտրոնային բժշկական հաշվետվությունների տեսքով: Անհատական էլեկտրոնային բժշկական հաշվետվությունների հասանելիության համար անհրաժեշտ են հետևյալ պայմաններ`

1) անձի էլեկտրոնային նույնականացման քարտի կիրառումը որպես անվտանգ և վստահելի կառավարման գործիք,

2) տեղեկատվության հասանելիության ապահովումը և կառավարման իրականացումն ապահով ցանցի միջոցով, որը պետք է հասանելի լինի միայն առողջապահական և ապահովագրական ոլորտներին,

3) տեղեկատվության հասանելիության ապահովումը միայն իրավասու անձանց:

 

3. ՀԱՄԱԿԱՐԳԻ ԳՈՐԾՈՒՆԵՈՒԹՅԱՆ ՀԱՄԱՐ ԱՆՀՐԱԺԵՇՏ ԲԱՂԿԱՑՈՒՑԻՉՆԵՐԸ

 

38. Համակարգից օգտվելու հիմնական գործիք հանդիսանալու է անձի էլեկտրոնային նույնականացման քարտը, որը լինելու է համակարգում անձին նույնականացնելու միակ անվտանգ միջոցը (2008 թ. մարտի 15-ին Հայաստանի Հանրապետության նախագահի N ՆԿ-53-Ա կարգադրությամբ հաստատվել է «Հայաստանի Հանրապետության միգրացիայի համակարգի և Հայաստանի Հանրապետությունում կենսաչափական կողմնորոշիչներ պարունակող էլեկտրոնային անձնագրերի և նույնացման քարտերի համակարգի ներդրման հայեցակարգ» և 2009 թ. հունիսի 16-ին Հայաստանի Հանրապետության վարչապետի N 501-Ա որոշմամբ հաստատվել է «Կենսաչափական կողմնորոշիչներ պարունակող էլեկտրոնային անձնագրերի և նույնացման քարտերի համակարգի ներդրման միջոցառումների ժամանակացույցը»): Էլեկտրոնային նույնականացման քարտում ներառվելու են անձի առողջապահական արտակարգ տվյալները, որոնք հասանելի են լինելու քարտը քարտային տերմինալում ակտիվացնելու դեպքում առանց գաղտնաբառի կիրառման: Բացի այդ էլեկտրոնային նույնականացման քարտը հանդիսանալու է գործիք անձի վերաբերյալ միասնական տեղեկատվական շտեմարանում առկա ողջ բժշկական տեղեկատվության ստացման համար, որի դեպքում, իհարկե, քարտատերը մուտքագրում է իր գաղտնաբառը:

39. Քարտային տերմինալներն ունիվերսալ սարքավորումներ են, որոնք նախատեսված են քարտի ակտիվացման համար: Քարտային տերմինալները կոնտակտային են և ունեն հետևյալ հատկությունները.

1) բուժհիմնարկներում և դեղատներում, ինչպես նաև ապահովագրական ընկերություններում տեղադրված քարտային տերմինալները միացվում են համակարգչին և աշխատում են միաժամանակ պացիենտի և մասնագետի նույնականացման քարտով,

2) ինքնասպասարկման տերմինալները ևս համակարգչին են կցված, սակայն աշխատում են միայն պացիենտի քարտով,

3) շարժական տերմինալները ինքնաշխատ են, այսինքն` կցված չեն համակարգչին և հոսանքի ֆիքսված ցանցին, այլ ունեն հոսանքի սնուցման աղբյուր` մարտկոց, և էկրան` չիպի վրա պահվող տեղեկատվությունն արտածելու համար: Դրանք աշխատում են երկու քարտով:

40. Քարտային տերմինալները տեղադրվում են.

1) բոլոր բուժհաստատություններում (հիվանդանոցներ, պոլիկլինիկաներ, ընտանեկան բժշկի գրասենյակներ, ընտանեկան բժշկի կենտրոններ, բուժակ մանկաբարձական կետեր, բժշկական ամբուլատորիաներ, առողջության կենտրոններ, ատամնաբուժարաններ),

2) բոլոր դեղատներում,

3) բոլոր շտապ բուժօգնության կայաններում/շտապօգնության մեքենաներում, ինչպես նաև արտահիվանդանոցային բուժօգնություն ցույց տվող մասնագետների մոտ (շարժական տերմինալներ),

4) քաղաքացիների օգտագործման համար հասանելի այլ վայրերում` թույլ տալու համար յուրաքանչյուր քաղաքացու դիտարկել համակարգում իր մասին առկա տեղեկատվությունը (ինքնասպասարկման տերմինալներ):

41. Համակարգի բոլոր մասնակիցները պետք է ապահովված լինեն տեղեկատվական միասնական համակարգին միացված, տեխնիկական բավարար հատկանիշներ ունեցող համակարգիչներով:

42. Համակարգի տեղեկատվությունը պահվում է կենտրոնացված տվյալների շտեմարանում, որից հնարավորություն ունեն օգտվել համակարգի բոլոր մասնակիցները իրենց իրավասություններին համապատասխան: Համակարգի հետագա գործարկման ընթացքում խոշոր բուժհաստատությունները իրենց մոտ ևս ստեղծում են ապակենտրոնացված տվյալների շտեմարաններ, որտեղ պահվում են պացիենտների մասին ավելի մանրամասն տվյալներ` բացի կենտրոնացված շտեմարան ուղարկվող հիմնական տվյալներից:

43. Համակարգի գործարկման սկզբնական փուլում այն աշխատելու է ինտերնետային հիմքով ինտերֆեյսի միջոցով: Համակարգն ունի առանձին դոմեյն (օրինակ` e-Health.am), որտեղ համակարգի մասնակիցները մուտք են գործում քարտերի և քարտային տերմինալների միջոցով, ստանում և ուղարկում են տվյալներ: Համակարգի ինտերնետային հիմքով ինտերֆեյսը հասանելի է լինելու նաև ինտերնետի միջոցով` ապահովելու համար ցանկացած այլ վայրից (օրինակ` քարտատիրոջ տնից) պացիենտի քարտի միջոցով համակարգ մուտքը և տվյալների դիտարկումը:

44. Համակարգում օգտագործվող սերվերների տեսակները.

1) հիմնական սերվեր, որը նախատեսվում է տեղադրել Երևանում` համակարգի գործարկման համար պատասխանատու կառույցում,

2) ռեզերվային սերվեր` հիմնական սերվերի խափանման դեպքում համակարգի աշխատանքը ապահովելու համար, որը նույնպես կարող է տեղադրված լինել Երևանում (օրինակ ՀՀ առողջապահության նախարարությունում),

3) պահուստային սերվեր` հիմնական և ռեզերվային սերվերների խափանման դեպքում համակարգի աշխատանքը վերականգնելու համար: Տեխնիկական տեսանկյունից նպատակահարմար է հիմնական և պահուստային սերվերները տեղադրել աշխարհագրորեն տարանջատված, ուստի պահուստային սերվերը պետք է տեղադրվի Երևանից դուրս` Շիրակի մարզում, քաղաք Գյումրի, որտեղ ՀՀ կառավարության ծրագրով նախատեսվում է տեխնոպարկի հիմնադրում:

45. Համակարգի արդյունավետ գործարկման համար պետք է մշակվեն տեղեկատվության մուտքագրման և պահպանման միասնական ստանդարտներ և հաղորդագրությունների ձևեր: Դրանք ներառում են.

1) բժշկական միջամտությունների, դեղամիջոցների ստանդարտ դասակարգում և կոդիֆիկացիա, քանի որ ներկայումս գոյություն չունի դեղամիջոցների դասակարգում, որն անհրաժեշտ է մշակել և դնել գործածության մեջ,

2) համակարգում տվյալների ներկայացման ֆորմատներ, մասնավորապես` ինչ տվյալներ են մուտքագրվում բազա, ինչ տեսքով և ֆորմատներով (օրինակ` տառաթվային, դաշտերի երկարությունները),

3) հաղորդագրությունների ձևեր, այսինքն` բուժհաստատություններում տեղեկությունների մուտքագրման ձևեր, դրանց բովանդակությունը, արտապատկերման ձևը, բազա ուղարկման և բազայից ստացման ֆորմատները:

46. Քարտերի օգտագործման, քարտի վրա կամ տվյալների բազայում պահվող տեղեկատվության ցանկացած փոփոխության դեպք գրանցվում է: Գրանցվում է նաև քարտի օգտագործման կամ տեղեկատվության փոփոխության ժամը, վայրը, փոփոխություն իրականացնողի ինքնությունը: Նման գրանցամատյաններն արխիվացվում են տվյալների բազայում, ընդ որում որոշակի սահմանված միջակայքով (օրինակ` վերջին 50 գրանցումները) դրանք պետք է հասանելի լինեն պացիենտին` դիտարկման համար:

47. Համակարգի արդյունավետ ներդրման առաջին նախապայմանը բարձրորակ տեխնիկական առաջադրանքն է, որը պետք է ներառի համակարգի բոլոր բաղադրիչների տեխնիկական մանրամասն նկարագրությունը, մասնավորապես.

1) տեխնիկական միջոցներ,

2) ծրագրային միջոցներ,

3) ցանցի նկարագրություն,

4) տեղեկատվության փոխանակման ձևաչափերի և մեխանիզմների նկարագրություն և այլն:

48. Համակարգի գործարկման համար ստեղծում է հատուկ ենթակառուցվածք, որը`

1) ապահովում է առանձին վիրտուալ ցանցերի միջև կապը, որոնք շահագործվում են համակարգի բոլոր մասնակիցների կողմից,

2) օգտագործելով հատուկ կապի միջոցներ` միացնում է լոկալ համակարգերը ցանցին, ենթակառուցվածքի ծառայություններին և քարտային տերմինալներին,

3) օգտագործելով ծածկագրման տեխնիկաներ` ենթակառուցվածքի բաղադրիչների միջև իրականացնում է նույնականացում, ծածկագրում կամ ապածածկագրում, օգտագործում է էլեկտրոնային ստորագրությունները,

4) իրականացնում է տեղեկատվության հավաքագրում, պահպանում և փոխանցում ծածկագրման միջոցով:

 

V. ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳՈՒՄ ՊԱՀՎՈՂ ՏԵՂԵԿԱՏՎՈՒԹՅՈՒՆԸ

 

49. Համակարգում պահվող տեղեկատվությունն ամբողջությամբ պահվում է տվյալների շտեմարաններում առցանց (on-line), իսկ տեղեկատվության որոշ մասը պահվում է նաև քարտերի վրա անցանց (off-line): Քարտի վրա պետք է պահվի այն տեղեկատվությունը, որը կարող է անհրաժեշտ լինել արտակարգ (առաջին բուժօգնության) իրավիճակներում և այնպիսի դեպքերում, երբ հնարավոր չէ առցանց (on-line) ռեժիմով միանալ տվյալների բազային:

50. Համակարգում պահվող տեղեկատվությունը

 

._____________________________________________________________________.

|ՏԵՂԵԿԱՏՎՈՒԹՅԱՆ |ԲՆՈՒԹԱԳԻՐԸ                        |ՊԱՀՎՈՒՄ  Է        |

|ԽՈՒՄԲԸ         |                                  |                  |

|               |                                  |__________________|

|               |                                  |տվյալների|քարտի   |

|               |                                  |շտեմարան-|վրա     |

|               |                                  |ներում   |(անցանց)|

|               |                                  |(առցանց) |        |

|_______________|__________________________________|_________|________|

|Ադմինիստրատիվ  |Անձնական տեղեկատվություն (Այս     |+        |+       |

|տեղեկատվություն|տվյալներն ավելի մանրամասն         |         |        |

|               |ներկայացված են հավելված 1-ի 1.1   |         |        |

|               |կետում)                           |         |        |

|_______________|__________________________________|_________|________|

|Բժշկական       |1) Հիվանդությունների, բժշկական    |+        |        |

|ապահովագրության|միջամտությունների, դեղերի         |         |        |

|մասին          |ապահովագրական ծածկույթը և  նրանց  |         |        |

|տեղեկություններ|օգտագործման սահմանափակումները     |         |        |

|(Այս տվյալներն |2) Ապահովագրական պատահարի մասին   |         |        |

|ավելի մանրամասն|ծանուցման համար կոնտակտային       |         |        |

|ներկայացված են |տեղեկատվություն                   |         |        |

|հավելված 1-ի   |                                  |         |        |

|1.3. կետում)   |                                  |         |        |

|_______________|__________________________________|_________|________|

|Ֆինանսական     |1) Անվճար (պետական պատվերով)      |+        |        |

|տեղեկատվություն|ծառայությունների ցանկը            |         |        |

|               |2) Բժշկական ծառայությունների գները|         |        |

|               |3) Վճարման ենթակա գումարներ և     |         |        |

|               |վճարման ժամկետներ                 |         |        |

|               |4) Կատարված վճարումների և  դրանց  |         |        |

|               |աղբյուրներ                        |         |        |

|_______________|__________________________________|_________|________|

|Արտակարգ       |1) Արյան խումբ, ռեզուսի գործոն,   |+        |+       |

|բժշկական       |2) Առկա հիվանդություններ (ալերգիկ |         |        |

|տեղեկատվություն|և  խրոնիկ),                       |         |        |

|               |3) Մշտապես ընդունվող դեղամիջոցներ,|         |        |

|               |4) Հակացուցված դեղամիջոցներ,      |         |        |

|               |5) Այլ տեղեկատվություն, որն       |         |        |

|               |անհրաժեշտ է արտակարգ իրավիճակում  |         |        |

|               |առաջին բժշկական օգնության համար   |         |        |

|_______________|__________________________________|_________|________|

|Դեղաբանական    |Տրամադրված էլեկտրոնային դեղատոմսեր|+        |        |

|տեղեկատվություն|                                  |         |        |

|_______________|__________________________________|_________|________|

|Բժշկական       |1) Տարած հիվանդությունները,       |+        |        |

|պատմություն    |2) Հետազոտությունների արդյունքները|         |        |

|(Այս տվյալներն |3) Վիրահատությունները,            |         |        |

|ավելի մանրամասն|4) Ստացած բուժումները,            |         |        |

|ներկայացված են |5) Ընդունած դեղամիջոցները:        |         |        |

|հավելված 1-ի   |                                  |         |        |

|1.2. կետում)   |                                  |         |        |

._____________________________________________________________________.

 

51. Համակարգի գործունեությունը կազմակերպված է լինելու կիսակենտրոնացված ձևով, այսինքն` տեղեկատվության մի մասը պահվելու է տվյալների կենտրոնացված շտեմարանում, մյուս մասը` ապակենտրոնացված` առանձին բուժհաստատությունների տեղեկատվական շտեմարաններում:

52. Միասնական տեղեկատվական շտեմարանում պետք է պահվի հետևյալ տեղեկատվությունը.

1) անձի կրած հիվանդությունները, դրանց ժամկետները,

2) ենթարկված բժշկական միջամտությունները և բուժումները,

3) բուժում իրականացրած բուժհիմնարկների տվյալները,

4) ինչ դեղամիջոցներ է ընդունել և այլն (հիմնականում տեքստային բնույթի տեղեկատվություն):

53. Ապակենտրոնացված կարգով առանձին շտեմարաններում պահվում է հետևյալ տեղեկատվությունը.

1) տվյալներ յուրաքանչյուր հիվանդության ընթացքի վերաբերյալ,

2) յուրաքանչյուր հիվանդության բուժման վերաբերյալ,

3) տարբեր հետազոտությունների արդյունքներ` ռենտգեն, ալիքային, ուլտրաձայնային, էլեկտրասրտագրամներ և այլն:

54. Դրանք կարող են հասանելի լինել այլ բուժհիմնարկներին և մասնագետներին` հարցումների միջոցով: Բուժհաստատությունների մասնագետներն իրենց քարտի միջոցով և պացիենտի քարտի առկայության դեպքում պարտավոր են արդիականացնել պացիենտի մասին տեղեկությունները, որոնք պահվում են քարտի վրա և տվյալների բազայում: Առողջապահական միասնական տեղեկատվական համակարգում տեղեկատվության մուտքագրում և փոփոխում հնարավոր է իրականացնել միայն պացիենտի և համապատասխան մասնագետի քարտերի միաժամանակյա ակտիվացմամբ:

55. Համակարգում պահվող տվյալները պետք է հասանելի լինեն (քաղաքացու համաձայնությամբ, այսինքն` քաղաքացու քարտի մուտքագրման միջոցով) նաև ապահովագրական ընկերություններին` բժշկական ապահովագրության սակագների հաշվարկման, ապահովագրական ծածկույթի մասին համակարգում տվյալներ պահելու և փոփոխելու նպատակով:

56. Համակարգի մասնակիցների իրավասությունները

 

._____________________________________________________________________.

|ՄԱՍՆԱԿԻՑ     |                 ԻՐԱՎԱՍՈՒԹՅԱՆ ՏԵՍԱԿԸ                   |

|             |_______________________________________________________|

|             |Տեղեկատվության դիտարկում|Տեղեկատվության մուտքագրում և  |

|             |                        |փոփոխում                      |

|_____________|________________________|______________________________|

|Բուժաշխատակից|1. Ադմինիստրատիվ        |1. Ֆինանսական տեղեկատվություն |

|             |տեղեկատվություն         |բուժծառայությունների դիմաց    |

|             |2. Պացիենտի բժշկական    |կատարված վճարումների          |

|             |պատմություն             |վերաբերյալ                    |

|             |3. Պացիենտի հետ կապված  |2. Պացիենտի բժշկական          |

|             |արտակարգ բժշկական       |պատմություն                   |

|             |տեղեկատվություն         |3. Պացիենտի հետ կապված        |

|             |4. Դեղաբանական          |արտակարգ բժշկական             |

|             |տեղեկատվություն         |տեղեկատվություն               |

|             |                        |4. Դեղաբանական տեղեկատվություն|

|_____________|________________________|______________________________|

|Ապահովագրական|1. Ադմինիստրատիվ        |Բժշկական ապահովագրության մասին|

|ընկերության  |տեղեկատվություն         |տեղեկություններ               |

|աշխատակից    |2. Պացիենտի բժշկական    |                              |

|             |պատմություն             |                              |

|             |3. Պացիենտի հետ կապված  |                              |

|             |արտակարգ բժշկական       |                              |

|             |տեղեկատվություն         |                              |

|             |4. Դեղաբանական          |                              |

|             |տեղեկատվություն         |                              |

|_____________|________________________|______________________________|

|Դեղատան      |1. Ադմինիստրատիվ        |Ֆինանսական տեղեկատվություն    |

|աշխատակից    |տեղեկատվությունը        |դեղատոմսերով սահմանված դեղերի |

|             |2. Դեղաբանական          |դիմաց կատարված վճարումների    |

|             |տեղեկատվությունը        |վերաբերյալ                    |

|_____________|________________________|______________________________|

|Պացիենտ      |Իր վերաբերյալ ցանկացած  |Տեղեկատվության մուտքագրումը   |

|             |տեղեկատվություն, որն    |իրականացվում է իրավասություն  |

|             |առկա է տվյալների        |ունեցող բուժաշխատակցի, դեղատան|

|             |շտեմարանում կամ քարտի   |աշխատակցի կամ ապահովագրական   |

|             |վրա:                    |ընկերության մասնագետի կողմից  |

._____________________________________________________________________.

 

VI. ՏՎՅԱԼՆԵՐԻ ՓՈԽԱՆԱԿՄԱՆ ԳՈՐԾԸՆԹԱՑՆԵՐԸ

 

57. Համակարգում պահվող տեղեկատվությունն օգտագործվում է բուժհաստատությունների, դեղատների մասնագետների, պացիենտների և ապահովագրական ընկերությունների կողմից հետևյալ ձևով.

1) պացիենտը բուժհաստատությունում`

ա. պացիենտի և մասնագետի քարտերը բուժհաստատություններում միաժամանակ ներդրվում են քարտային տերմինալի մեջ, մուտքագրվում են երկու քարտերի գաղտնաբառերը, ինչի արդյունքում իրականացվում է օգտագործողների նույնականացումը և իրավասությունների ստուգումը,

բ. մասնագետը համակարգից ստանում է տեղեկատվություն պացիենտի բժշկական ապահովագրության, նրա բժշկական պատմության և բուժման համար անհրաժեշտ այլ տվյալների վերաբերյալ, ընդ որում շտեմարանում փոփոխություններն արվում են on-line սկզբունքով,

գ. բուժհաստատության մասնագետը իրականացնում է բժշկական տեղեկատվության մուտքագրում կամ փոփոխում համակարգում (ախտորոշումներ, բուժում, էլեկտրոնային դեղատոմս և այլն):

Համակարգի մասնակիցների միջև տեղեկատվության գործընթացը

 

.________________.

._.                         |   Հաճախորդ     |                     ._.

| |[]                       |(հաճախորդի քարտ)|                   []| |

| |[]ՔԱՐՏԱՅԻՆ               .________________.           ՔԱՐՏԱՅԻՆ[]| |

._.  ՏԵՐՄԻՆԱԼ - - - - - - - - - |- - /\- -|- - - - - - - ՏԵՐՄԻՆԱԼ  ._.

._________________.          |    |    |         .________________.

|Բուժհաստատություն|<_________.    |    .________>|    Դեղատուն    |

| (մասնագետի քարտ)|               |              |(մասնագետի քարտ)|

._________________.             ._|[]            .________________.

|  /\  /\ |  |               | |ՔԱՐՏԱՅԻՆ        /\ |   /\ |  |

|  |   |  |  |               ._|ՏԵՐՄԻՆԱԼ        |  |   |  |  |

- - - - - - - - - - - - - - - - | - - - - - - - - - - - - - - - -

|  |   |  |  |      .____________________.      |  |   |  |  |

|  |   |  |  ._____>|Էլեկտրոնային        |______.  |   |  |  |

|  |   |  |         |դեղատոմսերի համակարգ|         |   |  |  |

|  |   |  |         .____________________.         |   |  |  |

|  |   |  |                                        |   |  |  |

|  |   |  |         .____________________.         |   |  |  |

|  |   |  |         |     Ֆինանսական     |         |   |  |  |

|  |   |  .________>|   տեղեկատվության   |<________.   |  |  |

|  |   |            |      համակարգ      |             |  |  |

|  |   |            .____________________.             |  |  |

|  |   |                                               |  |  |

|  |   |            .____________________.             |  |  |

|  |   |            |      Արտակարգ      |             |  |  |

|  |   .___________>|   տեղեկատվության   |_____________.  |  |

|  |                |      համակարգ      |                |  |

|  |                .____________________.                |  |

|  |                                                      |  |

|  |                .____________________.                |  |

|  |                |      Բժշկական      |                |  |

|  ._______________>|   պատմությունների  |<_______________.  |

|                   |      համակարգ      |                   |

|                   .____________________.                   |

|                   - - - - - - - - - -._.                   |

|                   .__________________| |                   |

|                   |    Ապահովագրական ._|[]ՔԱՐՏԱՅԻՆ         |

|                   |   ընկերություններ  |[]ՏԵՐՄԻՆԱԼ         |

|                   .____________________.                   |

|                   - - - - - - - - - - -                    |

|                   .____________________.                   |

|                   |   Ապահովագրական    |                   |

.___________________|   տեղեկատվության   |___________________.

|      համակարգ      |

.____________________.

 

.________.                                                 _ _ _

.___________________________________.      .__________________________.

|Տվյալների բազայում/քարտի վրա պահվող|      |Իրավասությունների ստուգում|

|տեղեկատվություն                    |      |                          |

.___________________________________.      .__________________________.

 

2) պացիենտը դեղատանը`

ա. պացիենտի և մասնագետի քարտերը դեղատանը միաժամանակ ներդրվում են քարտային տերմինալի մեջ, մուտքագրվում են երկու քարտերի գաղտնաբառերը, ինչի արդյունքում իրականացվում է օգտագործողների նույնականացումը և իրավասությունների ստուգումը,

բ. մասնագետը համակարգից արտածում է էլեկտրոնային դեղատոմսը և տրամադրում է նշանակված դեղամիջոցները,

գ. դեղամիջոցների տրամադրման մասին տեղեկատվությունը չի մուտքագրվում համակարգ մասնագետի կողմից, եթե դեղամիջոցը տրամադրվում է առանց էլեկտրոնային դեղատոմսի,

3) անձը ապահովագրական ընկերությունում`

ա. անձի և ապահովագրական ընկերության մասնագետի քարտերը միաժամանակ ներդրվում են քարտային տերմինալի մեջ, մուտքագրվում են երկու քարտերի գաղտնաբառերը, ինչի արդյունքում իրականացվում է օգտագործողների նույնականացումը և իրավասությունների ստուգումը:

բ. ապահովագրական ընկերությունը համակարգչից (քարտից կամ տվյալների շտեմարանից) արտածում է քաղաքացու ապահովագրական և բժշկական տեղեկատվությունը:

գ. ապահովագրական ընկերությունը բժշկական տեղեկատվության նկատմամբ ունի միայն դիտարկման իրավունք, իսկ ապահովագրական տեղեկատվությունը կարող է փոփոխվել` կապված նոր ապահովագրական պայմանագրի կնքման, գործող պայմանագրի փոփոխության կամ այլ հանգամանքների հետ:

58. Եթե քաղաքացին ինքն է ուզում դիտարկել իր վերաբերյալ տեղեկատվությունը, ապա քաղաքացին միայն իր քարտի ակտիվացմամբ կարող է ինքնասպասարկման տերմինալների միջոցով դիտարկել այն: Քաղաքացին ինքը ոչ քարտի վրա, ոչ շտեմարանում փոփոխություններ կատարելու իրավասություն չունի:

 

VII. ՏԵՂԵԿԱՏՎԱԿԱՆ ԱՆՎՏԱՆԳՈՒԹՅԱՆ ԱՊԱՀՈՎՈՒՄԸ

 

59. Տեղեկատվության մուտքագրման, պահպանման, փոխանակման և օգտագործողներին տրամադրման գործընթացները լիովին համապատասխանում են գաղտնիության և անվտանգության նախապես սահմանված նորմերին: Համակարգ մուտք գործելու համար օգտագործվում են էլեկտրոնային նույնականացման քարտերը, որոնք հանդիսանում են առավելագույն անվտանգ միջոցը էլեկտրոնային համակարգերում մասնակիցների նույնականացման համար:

60. Քարտում կամ շտեմարանում պահվող տեղեկատվության դիտարկումը և փոփոխումը հնարավոր է «երկու քարտի» սկզբունքի կիրառմամբ, այսինքն` միաժամանակ պացիենտի և մասնագետի քարտերը քարտային տերմինալում ակտիվացնելու դեպքում: Քարտի վրա առկա արտակարգ բժշկական տեղեկատվությունը պաշտպանված չէ գաղտնաբառով, այսինքն` այն հնարավոր է դիտարկել քարտը քարտային տերմինալում ակտիվացնելու դեպքում, բայց այս դեպքում բուժաշխատողը կունենա բացառապես դիտարկման իրավասություն: Այս դեպքում չի գործում «երկու քարտի» սկզբունքը, քանի որ երբեմն հնարավոր չէ ստանալ պացիենտի համաձայնությունը, մասնավորապես` պացիենտի գիտակցության կորստի և նման այլ դեպքերում:

61. Ինքնասպասարկման քարտային տերմինալներում հաճախորդների` իրենց մասին տվյալները դիտելու դեպքում ևս չի կիրառվում «երկու քարտի» սկզբունքը. միայն պացիենտի քարտը և գաղտնաբառը բավարար են լինելու դիտարկումը թույլատրելու համար:

62. Ցանցի կապուղիներով փոխանցվող, ինչպես նաև քարտի վրա կամ շտեմարանում պահվող տվյալները ծածկագրված են, կոդավորված: Ցանցում առկա տվյալների նկատմամբ հասանելիությունը խիստ սահմանափակ է և նախատեսված է միայն իրավասու անձանց համար:

63. Տվյալների պահպանման և փոխանցման գործընթացներն ամեն դեպքում կազմակերպվում են այնպես, որ պաշտպանվեն պացիենտների իրավունքները` իրենց մասին տեղեկատվության գաղտնիության և առանց իրենց համաձայնության այլ անձանց (ներառյալ բուժաշխատողներին) չտրամադրման մասով:

 

--------------------------------------------------------

ԻՐՏԵԿ - շարունակությունը հաջորդ մասերում

 

 

pin
ՀՀ կառավարություն
23.12.2010
N 50
Արձանագրային որոշում