ՀՀ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ԲՈՒԽԱՐԵՍՏ ԳՈՐԾՈՒՂԵԼՈՒ ՄԱՍԻՆ

041.0860.140911

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

14 սեպտեմբերի 2011 թվականի N 860-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ԲՈՒԽԱՐԵՍՏ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Եվրոպական ժողովրդական կուսակցության ղեկավարության հետ հանդիպելու նպատակով 2011 թվականի սեպտեմբերի 22-23-ը Բուխարեստ (Ռումինիայի Հանրապետություն) գործուղել Հայաստանի Հանրապետության կառավարական պատվիրակություն` համաձայն հավելվածի:

2. Հայաստանի Հանրապետության կառավարական պատվիրակության կազմում ընդգրկել նաև Ռումինիայի Հանրապետությունում Հայաստանի Հանրապետության արտակարգ և լիազոր դեսպան Հ. Գասպարյանին:

3. Հայաստանի Հանրապետության կառավարական պատվիրակության` Բուխարեստ գործուղման հետ կապված ծախսերը, այդ թվում` Ռումինիայի Հանրապետություն մուտքի արտոնագրերի և ապահովագրության ձևակերպումները, փոխադրամիջոցների վարձակալությունը, համաձայն փաստացի կատարված ծախսերը հիմնավորող փաստաթղթերի, կատարել`

1) Տ. Սարգսյանինը, Հ. Թաշչյանինը, Ս. Սարգսյանինը, Ա. Անանյանինը, Մ. Մելիքյանինը, Հ. Հակոբյանինը, Ա. Զատիկյանինը, Է. Աղախանյանինը և Վ. Մկրտչյանինը` Հայաստանի Հանրապետության 2011 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների, իսկ ներկայացուցչական, փոխադրամիջոցների վարձակալման և հուշանվերների ձեռքբերման հետ կապված ծախսերը` Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Ա. Աշոտյանինը, Ա. Շահինյանինը և Հ. Բաբայանինը` Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

3) Է. Հարությունյանինը` Հայաստանի Հանրապետության արտաքին գործերի նախարարության «Պետական արարողակարգի ծառայություն» գործակալության միջոցների հաշվին.

4) զանգվածային լրատվության միջոցների ներկայացուցիչների միայն գիշերավարձը և Ռումինիայի Հանրապետություն մուտքի արտոնագրերի ու ապահովագրության ձևակերպման հետ կապված ծախսերը` Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

4. Ընդունել ի գիտություն, որ զանգվածային լրատվության միջոցների ներկայացուցիչների` Բուխարեստ գործուղման հետ կապված մյուս ծախսերը կկատարվեն համապատասխան գործուղող կազմակերպությունների հաշվին:

5. Հայաստանի Հանրապետության կառավարության աշխատակազմի ղեկավարին` կազմակերպել հատուկ ինքնաթիռի չվերթ` 2011 թվականի սեպտեմբերի 22-ին` Երևան-Բուխարեստ, իսկ 2011 թվականի սեպտեմբերի 23-ին` Բուխարեստ-Երևան երթուղիներով:

6. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` աջակցել Հայաստանի Հանրապետության կառավարության աշխատակազմին` սույն որոշման 5-րդ կետում նշված չվերթների կազմակերպման գործում:

7. Հատուկ ինքնաթիռի չվերթների կազմակերպման հետ կապված ծախսերը և Հայաստանի Հանրապետությունից օդային ուղևորների ելքի համար պետական տուրքի վճարումները կատարել Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի ներկայացրած հաշվետվության:

8. Հայաստանի Հանրապետության արտաքին գործերի նախարարին` լուծել Հայաստանի Հանրապետության կառավարական պատվիրակության` Բուխարեստ մեկնելու հետ կապված հարցերը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՍԵՊՏԵՄԲԵՐԻ 14-ԻՆ

Հավելված

ՀՀ վարչապետի

2011 թվականի սեպտեմբերի 14-ի

N 860-Ա որոշման

ԿԱԶՄ

2011 ԹՎԱԿԱՆԻ ՍԵՊՏԵՄԲԵՐԻ 22-23-Ը ԲՈՒԽԱՐԵՍՏ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ

    Տ. Սարգսյան              - ՀՀ վարչապետ

    Ա. Աշոտյան               - ՀՀ կրթության և  գիտության նախարար

    Հ. Թաշչյան               - ՀՀ կառավարության աշխատակազմի արտաքին կապերի

                               վարչության պետ

    Ա. Անանյան               - ՀՀ վարչապետի օգնական

    Ս. Սարգսյան              - ՀՀ վարչապետի ռեֆերենտ

    Մ. Մելիքյան              - ՀՀ կառավարության աշխատակազմի արտաքին կապերի

                               վարչության արարողակարգի բաժնի գլխավոր

                               մասնագետ

    Է. Հարությունյան         - ՀՀ արտաքին գործերի նախարարության «Պետական

                               արարողակարգի ծառայություն» գործակալության

                               պաշտոնական այցերի բաժնի ռեֆերենտ (մեկնում է

                               նախօրոք)

    Հ. Հակոբյան              - ՀՀ կառավարության աշխատակազմի տեղեկատվության

                               և հասարակայնության հետ կապերի վարչության

                               փորձագետ

    Ա. Զատիկյան              - ՀՀ պետական պահպանության ծառայության աշխատող

    Է. Աղախանյան             - ՀՀ պետական պահպանության ծառայության աշխատող

    Վ. Մկրտչյան              - թարգմանիչ

    Ա. Շահինյան              - «Տնտեսական բարեփոխումների

                               վերլուծական-տեղեկատվական կենտրոն» պետական ոչ

                               առևտրային կազմակերպության օպերատոր

    Հ. Բաբայան               - «Տնտեսական բարեփոխումների

                               վերլուծական-տեղեկատվական կենտրոն» պետական ոչ

                               առևտրային կազմակերպության լուսանկարիչ

    Ա. Պետրոսյան             - Հանրային հեռուստատեսության «Հայլուր» ծրագրի

                               լրագրող (համաձայնությամբ)

    Տ. Բաբայան               - Հանրային հեռուստատեսության «Հայլուր» ծրագրի

                               օպերատոր (համաձայնությամբ)

    Ա. Հարությունյան         - «12» հեռուստաընկերության լրագրող

                               (համաձայնությամբ)

    Ս. Գրիգորյան             - «12» հեռուստաընկերության լրագրող

                               (համաձայնությամբ)

    Մ. Ավանեսյան             - «Արմենիա» հեռուստաընկերության լրագրող

                               (համաձայնությամբ)

    Հ. Չափարյան              - «Արմենիա» հեռուստաընկերության օպերատոր

                               (համաձայնությամբ)

    Շ. Ղազարյան              - «Արմնյուզ» հեռուստաընկերության լրագրող

                               (համաձայնությամբ)

    Պ. Միրզոյան              - «Արմնյուզ» հեռուստաընկերության լրագրող

                               (համաձայնությամբ)