041.0924.051011
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
5 հոկտեմբերի 2011 թվականի N 924-Ա
ՕՊԵՐԱՏԻՎ ՇՏԱԲ ՍՏԵՂԾԵԼՈՒ ՄԱՍԻՆ
Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետի դրույթներով`
1. 2011 թվականի հոկտեմբերի 2-ին Հայաստանի Հանրապետության Տավուշի մարզում, միջպետական մայրուղու Վանաձոր-Բագրատաշեն ճանապարհահատվածում տեղի ունեցած սողանքի հետևանքով տուժածներին արագ օգնություն ցուցաբերելու և սողանքի հետևանքների վերացմանն ուղղված աշխատանքների համակարգման նպատակով ստեղծել օպերատիվ շտաբ և հաստատել դրա անհատական կազմը` համաձայն հավելվածի:
2. Օպերատիվ շտաբին`
1) հնարավորինս շտապ կազմակերպել և համակարգել սողանքից տուժածներին համապատասխան բժշկական օգնության ցուցաբերման, ինչպես նաև անհայտ կորածների հայտնաբերմանն ուղղված որոնողական աշխատանքները.
2) Հայաստանի Հանրապետության կառավարությանը և Հայաստանի Հանրապետության վարչապետին պարբերաբար ներկայացնել տեղեկատվություն սույն որոշմամբ նախատեսված աշխատանքների կատարման ընթացքի և դրանց արդյունքների վերաբերյալ.
3) Հայաստանի Հանրապետության վարչապետին ներկայացնել առաջարկություններ սողանքային աղետի հետևանքների վերացման, ինչպես նաև աղետից տուժածներին նյութական համարժեք փոխհատուցում տրամադրելու վերաբերյալ.
4) կապի և զանգվածային լրատվության միջոցներով ապահովել բնակչության իրազեկումը տեղի ունեցած սողանքային աղետի վերաբերյալ:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ՀՈԿՏԵՄԲԵՐԻ 5-ԻՆ
Հավելված
ՀՀ վարչապետի
2011 թվականի հոկտեմբերի 5-ի
N 924-Ա որոշման
ԱՆՀԱՏԱԿԱՆ ԿԱԶՄ ՕՊԵՐԱՏԻՎ ՇՏԱԲԻ
Ա. Երիցյան - ՀՀ արտակարգ իրավիճակների նախարար
(օպերատիվ շտաբի ղեկավար)
Ա. Ղուլարյան - ՀՀ Տավուշի մարզպետ
Ա. Նալբանդյան - ՀՀ Լոռու մարզպետ
Դ. Տոնոյան - ՀՀ պաշտպանության նախարարի առաջին տեղակալ
Տ. Սահակյան - ՀՀ առողջապահության նախարարի տեղակալ
Հ. Քոչինյան - «Հայաստանի ավտոմոբիլային ճանապարհների
տնօրինություն» ՊՈԱԿ-ի գլխավոր տնօրենի ժամանակավոր
պաշտոնակատար