Սեղմել Esc փակելու համար:
ԱՆՇԱՐԺ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ Ե...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԱՆՇԱՐԺ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ԵՎ ՍԱՀՄԱՆԱՓԱԿՈՒՄՆԵՐԻ ՊԵՏԱԿԱՆ ԳՐԱՆՑՄԱՆ ԴԻՄՈՒՄ ...

 

 

322.0319.131211

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «13»        12            2011 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 32211537

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ ՀՐԱՄԱՆ

 

17 նոյեմբերի 2011 թվականի N 319-Ն

 

i

ԱՆՇԱՐԺ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ԵՎ ՍԱՀՄԱՆԱՓԱԿՈՒՄՆԵՐԻ ՊԵՏԱԿԱՆ ԳՐԱՆՑՄԱՆ ԴԻՄՈՒՄՆԵՐԻ ՀԱՇՎԱՌՄԱՆ ՄԱՏՅԱՆԻ ՁԵՎԸ ԵՎ ՎԱՐՄԱՆ ԿԱՐԳԸ, ԴԻՄՈՂԻՆ ՏՐԱՄԱԴՐՎՈՂ (ՓԱՍՏԱԹՂԹԵՐԻ ԸՆԴՈՒՆՄԱՆ ՎԵՐԱԲԵՐՅԱԼ) ՍՏԱՑԱԿԱՆԻ ՁԵՎԱԹՈՒՂԹԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Գույքի նկատմամբ իրավունքների պետական գրանցման մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի 4-րդ հոդվածի 2-րդ մասի 4-րդ կետի պահանջներով`

 

ՀՐԱՄԱՅՈՒՄ ԵՄ`

 

1. Հաստատել «Անշարժ գույքի նկատմամբ իրավունքների և սահմանափակումների պետական գրանցման դիմումների հաշվառման մատյանի ձևը և վարման կարգը»` համաձայն Հավելված 1-ի:

2. Հաստատել «Դիմողին տրամադրվող (փաստաթղթերի ընդունման վերաբերյալ) ստացականի» ձևաթուղթը` համաձայն Հավելված 2-ի:

3. Սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:

4. Սույն հրամանն ուժի մեջ է մտնում 2012 թվականի հունվարի 1-ից:

 

ԻՐՏԵԿ - «Իրավական ակտերի մասին» ՀՀ օրենքի համաձայն սույն հրամանը

կարող էր ուժի մեջ մտնել միայն պաշտոնական հրապարակումից 10

օր հետո` 2012 թվականի հունվարի 5-ին: Այս իսկ պատճառով

իրավական ակտի տեղեկությունների մեջ մեր կողմից ուժի մեջ

մտնելու ժամկետը սահմանվել է 05.01.12 թվականը:

 

Հավելված 1

ՀՀ կառավարությանն առընթեր

անշարժ գույքի կադաստրի

պետական կոմիտեի նախագահի

2011 թվականի նոյեմբերի 17-ի

N 319-Ն հրամանի

 

ԱՆՇԱՐԺ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ԵՎ ՍԱՀՄԱՆԱՓԱԿՈՒՄՆԵՐԻ ՊԵՏԱԿԱՆ ԳՐԱՆՑՄԱՆ ԴԻՄՈՒՄՆԵՐԻ ՀԱՇՎԱՌՄԱՆ ՄԱՏՅԱՆԻ ՁԵՎԸ ԵՎ ՎԱՐՄԱՆ ԿԱՐԳԸ

 

1. Անշարժ գույքի նկատմամբ իրավունքների և սահմանափակումների պետական գրանցման դիմումների հաշվառման մատյանը (այսուհետ` Հաշվառման մատյան) բաղկացած է հետևյալ տեղեկությունների լրացման համար նախատեսված դաշտերից`

1) դիմողի անունը, ազգանունը, հայրանունը.

2) անշարժ գույքի գտնվելու վայրը.

3) դիմումով պատվիրվող գործառույթի տեսակը, դրա կատարման համար օրենքով սահմանված ժամկետը.

4) դիմումին կից ներկայացված` պետական գրանցման, տեղեկատվության տրամադրման ծառայությունների և պետական տուրքի վճարման անդորրագրերում նշված գումարների չափերը.

5) դիմումին կից ներկայացված փաստաթղթերի ցանկը.

6) դիմումի ընդունման ամսաթիվը.

7) դիմումը ընդունող աշխատակցի անունը, ազգանունը, զբաղեցրած պաշտոնը:

2. Հաշվառման մատյանը վարվում է էլեկտրոնային տարբերակով (այսուհետ` Էլեկտրոնային հաշվառման մատյան)` անշարժ գույքի նկատմամբ իրավունքների և սահմանափակումների պետական գրանցման և գույքի ու դրա նկատմամբ իրավունքների և սահմանափակումների վերաբերյալ տեղեկատվության տրամադրման գործառույթների ավտոմատացման համար նախատեսված էլեկտրոնային համակարգի (այսուհետ` էլեկտրոնային համակարգ) միջոցով:

3. Էլեկտրոնային հաշվառման մատյանում մուտքագրված տեղեկությունները պահպանվում են էլեկտրոնային համակարգի տվյալների շտեմարաններում:

4. Էլեկտրոնային համակարգի ծրագրաապարատային կամ հաղորդակցության այնպիսի խափանումների առաջացման դեպքում, որոնց հետևանքով հնարավոր չէ Հաշվառման մատյանում լրացման ենթակա տեղեկությունները մուտքագրել Էլեկտրոնային հաշվառման մատյանում, սույն կարգի 1-ին կետով նախատեսված տեղեկությունները լրացվում են Հաշվառման մատյանի թղթային տարբերակում, որը սույն կարգի 1-ին կետով նախատեսված տեղեկություններից բացի պետք է պարունակի նաև դիմումը ընդունող աշխատակցի ստորագրության համար նախատեսված դաշտ:

 

Հավելված 2

ՀՀ կառավարությանն առընթեր

անշարժ գույքի կադաստրի

պետական կոմիտեի նախագահի

2011 թվականի նոյեմբերի 17-ի

N 319-Ն հրամանի

 

Հայաստանի Հանրապետության

կառավարությանն առընթեր անշարժ

գույքի կադաստրի պետական

կոմիտեի աշխատակազմի _________

_________ սպասարկման գրասենյակ

 

ԴԻՄՈՂԻՆ ՏՐԱՄԱԴՐՎՈՂ ՍՏԱՑԱԿԱՆ

 

(ՓԱՍՏԱԹՂԹԵՐԻ ԸՆԴՈՒՆՄԱՆ ՎԵՐԱԲԵՐՅԱԼ)

 

Դիմումատուի անունը, ազգանունը (անվանումը)

_____________________________________________

 

Ստացականը տրվում է առ այն, որ դիմումատուից ընդունվել են`

_____________________________________________________________________

                     (անշարժ գույքի գտնվելու վայրը)

 

անշարժ գույքի վերաբերյալ (գործառույթի տեսակի լրացման դաշտ) դիմում և դիմումին կից ներկայացված հետևյալ փաստաթղթերը`

_____________________________________________________________________

 

Դիմումի մուտքագրման ամսաթիվը ______________20___ թ.

Դիմումի մուտքագրման համարը ______________________

Դիմումը ընդունող աշխատակից __________________________________________

(անուն, ազգանուն)

_____________________________________________________________________

                           (զբաղեցրած պաշտոն)

_________________________________

           (ստորագրություն)

 

Սպասարկման գրասենյակի

 

Կ.Տ.

 

Դիմումի մուտքագրման համարի միջոցով www.cadastre.am կայքէջում Դուք կարող եք հետևել Ձեր դիմումի քննարկման ընթացքին

 

 

pin
Անշարժ գույքի կադաստրի պետական կոմիտե
17.11.2011
N 319-Ն
Հրաման