«ՀԱՅԳՈՐԳ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ՎԱՐԿ ՏՐԱՄԱԴՐԵԼՈՒ ՄԱՍԻՆ

040.0127.050399

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«5» մարտի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

5 մարտի 1999 թվական թիվ 127

«ՀԱՅԳՈՐԳ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ՎԱՐԿ ՏՐԱՄԱԴՐԵԼՈՒ ՄԱՍԻՆ

Հայաստանի Հանրապետության բարձր լեռնային և սահմանամերձ համայնքներում նոր աշխատատեղերի ստեղծման ու գորգագործության զարգացման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարությանը` «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածի 14 խմբի 02 ենթախմբով (բարձր լեռնային և սահմանամերձ համայնքների բյուջեներին նպատակային հատկացումների` սուբվենցիաների տրամադրում) նախատեսված գումարներից «Հայգորգ» փակ բաժնետիրական ընկերությանը տրամադրել 70 մլն դրամ բյուջետային վարկ` երեք ամիս ժամկետով, ամսական 1 տոկոս տոկոսադրույքով:

2. Հայաստանի Հանրապետության տարածքային կառավարման և օպերատիվ հարցերի նախարարին, Հայաստանի Հանրապետության արդյունաբերության և առևտրի նախարարությանը` վերահսկողություն սահմանել բարձր լեռնային և սահմանամերձ համայնքներում գորգագործական արտադրությունների տեղադրման և վարկային միջոցների վերադարձման նկատմամբ:

3. Սույն որոշումն ուժի մեջ է մտնում 1999 թվականի մարտի 5-ից: