ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

041.0423.150512

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

15 մայիսի 2012 թվականի N 423-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Հայաստանի Հանրապետությունում քաղաքացիական ծառայողների համար 2012 թվականի հունվարի 1-ից ներդրված սոցիալական փաթեթի շրջանակներում իրականացվող առողջության ապահովագրության գործընթացների պատշաճ մակարդակով կազմակերպման, առողջապահության ոլորտում ֆինանսական հոսքերի կառավարման, մասնավորապես, առողջապահական ծառայությունների` ներառյալ դեղերի գների կարգավորման, պետական գնումների մեխանիզմների կատարելագործման վերաբերյալ առաջարկություններ մշակելու նպատակով ստեղծել աշխատանքային խումբ և հաստատել խմբի անհատական կազմը` համաձայն հավելվածի:

2. Աշխատանքային խմբի ղեկավարին`

1) կազմակերպել քննարկումներ ապահովագրական ընկերությունների, ինչպես նաև պետական և ոչ պետական բուժհաստատությունների ներկայացուցիչների հետ և մինչև 2012 թվականի հուլիսի 2-ը Հայաստանի Հանրապետության կառավարության աշխատակազմ ներկայացնել ամփոփ տեղեկանք քննարկումների արդյունքների վերաբերյալ.

2) նախապատրաստել առաջարկությունների փաթեթը և մինչև 2012 թվականի օգոստոսի 1-ը ներկայացնել Հայաստանի Հանրապետության կառավարության աշխատակազմ:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2012 ԹՎԱԿԱՆԻ ՄԱՅԻՍԻ 15-ԻՆ

Հավելված

ՀՀ վարչապետի

2012 թվականի մայիսի 15-ի

N 423-Ա որոշման

ԱՆՀԱՏԱԿԱՆ ԿԱԶՄ ԱՇԽԱՏԱՆՔԱՅԻՆ ԽՄԲԻ

    Վ. Գաբրիելյան           - ՀՀ ֆինանսների նախարար (աշխատանքային խմբի

                              ղեկավար)

    Ա. Միրզախանյան          - ՀՀ կառավարության աշխատակազմի սոցիալական

                              վարչության պետ

    Ա. Տեր-Գրիգորյան        - ՀՀ առողջապահության նախարարության աշխատակազմի

                              պետական առողջապահական գործակալության պետ

    Ա. Կարապետյան           - ՀՀ առողջապահության նախարարության աշխատակազմի

                              ֆինանսատնտեսագիտական վարչության պետ

    Ի. Աբգարյան             - ՀՀ առողջապահության նախարարության աշխատակազմի

                              իրավաբանական վարչության պետ

    Ժ. Ասատրյան             - ՀՀ ֆինանսների նախարարության աշխատակազմի

                              տնտեսության սոցիալական ոլորտի բյուջետային

                              ընթացիկ ծախսերի ֆինանսական ծրագրավորման

                              վարչության պետ

    Մ. Ղամբարյան            - ՀՀ ֆինանսների նախարարության աշխատակազմի

                              պետական ներքին ֆինանսական հսկողության և

                              պետական գնումների մեթոդաբանության վարչության

                              պետ

    Ա. Կեսոյան              - ՀՀ աշխատանքի և  սոցիալական հարցերի

                              նախարարության աշխատակազմի հաշմանդամների և

                              տարեցների հիմնահարցերի վարչության պետ

    Ա. Մինասյան             - ՀՀ աշխատանքի և  սոցիալական հարցերի

                              նախարարության աշխատակազմի սոցիալական

                              աջակցության վարչության պետ

    Ա. Փարսադանյան          - ՀՀ պաշտպանության նախարարության ռազմաբժշկական

                              վարչության պետ

    Վ. Ավանեսյան            - «ԱՎԱԳ Սոլյուշնս» ՍՊԸ-ի տնօրեն

                              (համաձայնությամբ)

    Ա. Օհանջանյան           - «Ապահովագրական շուկայի մասնակիցների

                              ասոցիացիա» իրավաբանական անձանց միության

                              տնօրեն (համաձայնությամբ)