041.0447.210512
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
21 մայիսի 2012 թվականի N 447-Ա
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ԲՐՅՈՒՍԵԼ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Եվրոպական միության կառույցների ղեկավարների հետ հանդիպելու և բանակցություններ վարելու նպատակով 2012 թվականի հունիսի 3-5-ը Բրյուսել (Բելգիայի Թագավորություն) գործուղել Հայաստանի Հանրապետության կառավարական պատվիրակություն` համաձայն հավելվածի:
2. Հայաստանի Հանրապետության կառավարական պատվիրակության կազմում ընդգրկել նաև Բելգիայի Թագավորությունում Հայաստանի Հանրապետության արտակարգ և լիազոր դեսպան Ա. Ադոնցին:
3. Հայաստանի Հանրապետության կառավարական պատվիրակության Բրյուսել գործուղման հետ կապված ծախսերը, այդ թվում նաև` «Զվարթնոց» միջազգային օդանավակայանի պաշտոնական պատվիրակությունների սրահում սպասարկման, Հայաստանի Հանրապետությունից օդային ուղևորների ելքի համար պետական տուրքի վճարման, Բելգիայի Թագավորություն մուտքի արտոնագրերի և ապահովագրության ձևակերպումները, փոխադրամիջոցների վարձակալությունը, համաձայն փաստացի կատարված ծախսերը հիմնավորող փաստաթղթերի, կատարել`
1) Տ. Սարգսյանինը, Դ. Սարգսյանինը, Հ. Թաշչյանինը, Հ. Բերբերյանինը, Հ. Թութունջյանինը, Ա. Խուդոյանինը, Մ. Մելիքյանինը, Ք. Գրիգորյանինը, Ա. Խաչատրյանինը, Ա. Վարդանյանինը, Վ. Խուբլարյանինը և Վ. Մկրտչյանինը` Հայաստանի Հանրապետության 2012 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների, իսկ ներկայացուցչական, փոխադրամիջոցների վարձակալման և հուշանվերների ձեռքբերման հետ կապված ծախսերը` Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
2) Տ. Դավթյանինը, Հ. Քուշկյանինը, Ս. Սարգսյանինը, Ա. Շահինյանինը, Հ. Բաբայանինը և Ա. Հովհաննիսյանինը` Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
3) Վ. Ասոյանինը` Հայաստանի Հանրապետության արտաքին գործերի նախարարության «Պետական արարողակարգի ծառայություն» գործակալության միջոցների հաշվին.
4) զանգվածային լրատվության միջոցների ներկայացուցիչների միայն գիշերավարձը և Բելգիայի Թագավորություն մուտքի արտոնագրերի ու ապահովագրության ձևակերպման հետ կապված ծախսերը` Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
4. Ընդունել ի գիտություն, որ զանգվածային լրատվության միջոցների ներկայացուցիչների` Բրյուսել գործուղման հետ կապված մյուս ծախսերը կատարվելու են համապատասխան գործուղող կազմակերպությունների հաշվին.
5. Հայաստանի Հանրապետության կառավարության աշխատակազմի ղեկավարին` կազմակերպել հատուկ ինքնաթիռի չվերթ` 2012 թվականի հունիսի 3-ին Երևան-Բրյուսել և 2012 թվականի հունիսի 5-ին Բրյուսել-Երևան երթուղիներով:
6. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` աջակցել Հայաստանի Հանրապետության կառավարության աշխատակազմին սույն որոշման 5-րդ կետում նշված չվերթների կազմակերպման գործում:
7. Հատուկ ինքնաթիռի չվերթի կազմակերպման հետ կապված ծախսերը կատարել Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի ներկայացրած հաշվետվության:
8. Հայաստանի Հանրապետության արտաքին գործերի նախարարին` լուծել Հայաստանի Հանրապետության կառավարական պատվիրակության Բրյուսել մեկնելու հետ կապված հարցերը:
(որոշումը փոփ. 07.06.12 թիվ 498-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՄԱՅԻՍԻ 21-ԻՆ
Հավելված
ՀՀ վարչապետի
2012 թվականի մայիսի 21-ի
N 447-Ա որոշման
ԿԱԶՄ
2012 ԹՎԱԿԱՆԻ ՀՈՒՆԻՍԻ 3-5-Ը ԲՐՅՈՒՍԵԼ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ
Տ. Սարգսյան - ՀՀ վարչապետ
Դ. Սարգսյան - ՀՀ կառավարության աշխատակազմի ղեկավար
Տ. Դավթյան - ՀՀ էկոնոմիկայի նախարար
Հ. Քուշկյան - ՀՀ առողջապահության նախարար
Հ. Թաշչյան - ՀՀ կառավարության աշխատակազմի արտաքին կապերի
վարչության պետ
Վ. Ասոյան - ՀՀ արտաքին գործերի նախարարության «Պետական
արարողակարգի ծառայություն» գործակալության պետի
պաշտոնակատար
Հ. Բերբերյան - ՀՀ վարչապետի օգնական
Հ. Թութունջյան - ՀՀ վարչապետի օգնական
Ս. Սարգսյան - ՀՀ տարածքային կառավարման նախարարի խորհրդական
Ա. Խուդոյան - ՀՀ կառավարության աշխատակազմի խորհրդատու
Մ. Մելիքյան - ՀՀ կառավարության աշխատակազմի արտաքին կապերի
վարչության արարողակարգի բաժնի գլխավոր մասնագետ
Ք. Գրիգորյան - ՀՀ կառավարության աշխատակազմի արտաքին կապերի
վարչության գլխավոր մասնագետ
Ա. Խաչատրյան - ՀՀ կառավարության աշխատակազմի տեղեկատվության և
հասարակայնության հետ կապերի վարչության փորձագետ
Ա. Վարդանյան - ՀՀ պետական պահպանության ծառայության աշխատող
Վ. Խուբլարյան - ՀՀ պետական պահպանության ծառայության աշխատող
Վ. Մկրտչյան - թարգմանիչ
Ա. Շահինյան - «Տնտեսական բարեփոխումների
վերլուծական-տեղեկատվական կենտրոն» պետական ոչ
առևտրային կազմակերպության օպերատոր
Հ. Բաբայան - «Տնտեսական բարեփոխումների
վերլուծական-տեղեկատվական կենտրոն» պետական ոչ
առևտրային կազմակերպության լուսանկարիչ
Ա. Հովհաննիսյան - ՀՀ կառավարության «Հրապարակում» հեռուստածրագրի
օպերատոր
Հ. Բաղդասարյան - Հանրային հեռուստատեսության «Հայլուր» ծրագրի
լրագրող (համաձայնությամբ)
Է. Դավթյան - Հանրային հեռուստատեսության «Հայլուր» ծրագրի
օպերատոր (համաձայնությամբ)
Ն. Գալստյան - «Հայնյուզ» լրատվական գործակալության գլխավոր
խմբագիր (համաձայնությամբ)
Ի. Մկրտչյան - «Միր» միջպետական հեռուստառադիոընկերության լրագրող
Է. Ավագյան - «Միր» միջպետական հեռուստառադիոընկերության
օպերատոր