040.0744.190612
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 հունիսի 2012 թվականի N 744-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳԵՏՔԻ ԳՅՈՒՂԱԿԱՆ ՀԱՄԱՅՆՔԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Հայաստանի Հանրապետության քաղաքացիական օրենսգրքի 605-րդ հոդվածին և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածին համապատասխան` Հայաստանի Հանրապետության կառավարությունը որոշում է.
1. Թույլատրել «Ախուրյան-Արաքս-ջրառ» փակ բաժնետիրական ընկերությանը սեփականության իրավունքով իրեն պատկանող` 0.16 դրամ հաշվեկշռային արժեքով Անի N 1 պոմպակայանով (այսուհետ` գույք, շինության մակերեսը` 1013.36 քառ. մետր)` համաձայն հավելվածի, վճարել այդ ընկերության կողմից տեղաբաշխված` պետությանը պատկանող համապատասխան թվով բաժնետոմսերի` Հայաստանի Հանրապետության օրենսդրությամբ սահմանված կարգով ձեռքբերման դիմաց` գույքն ամրացնելով «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին:
2. Սահմանել, որ սույն որոշման 1-ին կետում նշված գույքի առանձնացման ժամանակ հաշվարկված ավելացված արժեքի հարկի վճարումն իրականացվում է «Հայաստանի Հանրապետության 2012 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 9-րդ մասի համաձայն` սահմանված կարգով:
3. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին`
1) Հայաստանի Հանրապետության օրենսդրությամբ սահմանված կարգով սույն որոշման 1-ին կետում նշված գույքը նվիրաբերել Հայաստանի Հանրապետության Շիրակի մարզի Գետքի գյուղական համայնքին` պոմպակայանը ոռոգման նպատակով շահագործելու համար.
2) ապահովել ընկերության կողմից ձեռք բերված բաժնետոմսերի մարումից հետո` օրենքով սահմանված կարգով` համապատասխան չափով ընկերության կանոնադրական կապիտալի նվազեցումը:
4. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված գույքի հանձնման-ընդունման աշխատանքների իրականացումը և նվիրաբերության պայմանագրերի կնքումը` նկատի ունենալով, որ գույքային իրավունքների պետական գրանցման հետ կապված վճարները Հայաստանի Հանրապետության օրենսդրությամբ սահմանված կարգով կատարվելու են Հայաստանի Հանրապետության Շիրակի մարզի Գետքի գյուղական համայնքի միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՀՈՒՆԻՍԻ 19-ԻՆ
Հավելված
ՀՀ կառավարության
2012 թվականի հունիսի 14-ի
N 744-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳԵՏՔԻ ԳՅՈՒՂԱԿԱՆ ՀԱՄԱՅՆՔԻՆ ԳՈՒՅՔ ՆՎԻՐԱԲԵՐԵԼՈՒ
._________________________________________________________.
|NN | Անվանումը |Չափի |Քանակը |Հաշվեկշռային |
|ը/կ| |միավորը | |արժեքը (դրամ)|
|___|____________________|__________|_______|_____________|
|1. |Պոմպակայանի շենք |հատ | 1 | 0.10 |
|___|____________________|__________|_______|_____________|
|2. |Հեծանային ամբարձիչ |հատ | 1 | 0.01 |
|___|____________________|__________|_______|_____________|
|3. |Պատուհաններ |հատ | 1 | 0.01 |
|___|____________________|__________|_______|_____________|
|4. |Պոմպ D=4000-55 |հատ | 4 | 0.04 |
|___|____________________|__________|_______|_____________|
| |Ընդամենը | | | 0.16 |
._________________________________________________________.