ԱՎՍՏՐԻԱՅԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ՀԱՅՆՑ ՖԻՇԵՐԻ ՀՀ ԱՅՑԵԼՈՒԹՅԱՆ ՄԱՍԻՆ

031.0080.190612

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ

ԱՎՍՏՐԻԱՅԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ՀԱՅՆՑ ՖԻՇԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԵԼՈՒԹՅԱՆ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 13-րդ հոդվածը.

1. Ավստրիայի Հանրապետության Նախագահ Հայնց Ֆիշերի Հայաստանի Հանրապետություն պաշտոնական այցի կապակցությամբ`

1) Հայաստանի Հանրապետության կառավարությանը` ապահովել Հայնց Ֆիշերի և նրան ուղեկցող անձանց Հայաստանում գտնվելու ընթացքում միջոցառումների իրականացումն ըստ արարողակարգի.

2) Հայաստանի Հանրապետության Նախագահի աշխատակազմին` 2012 թվականի հունիսի 25-ից 27-ը պատվիրակության Հայաստանում գտնվելու հետ կապված կեցության ծախսերը 2+10 ձևաչափով կատարել Հայաստանի Հանրապետության Նախագահի աշխատակազմի միջոցների հաշվին:

2. Այցի ծրագրով նախատեսված արարողակարգային և այլ միջոցառումների անցկացման և կազմակերպման հետ կապված ծախսերը կատարել Հայաստանի Հանրապետության 2012 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության Նախագահի աշխատակազմի և «Պետական արարողակարգի ծառայություն» գործակալության ներկայացրած հաշվետվությունների:

19 հունիսի 2012 թվականի

ՆԿ-80-Ա