ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

041.0584.020712

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

2 հուլիսի 2012 թվականի N 584-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Միավորված ազգերի կազմակերպության կրթության, գիտության և մշակույթի կազմակերպության (ՅՈՒՆԵՍԿՕ) «Տեղեկատվություն բոլորի համար» ծրագրի շրջանակում Հայաստանի Հանրապետությունում թվային ժառանգության պահպանման ռազմավարության և համապատասխան միջոցառումների ծրագրի մշակման ուղղությամբ առաջնահերթ խնդիրները քննարկելու նպատակով ստեղծել աշխատանքային խումբ և հաստատել խմբի կազմը` համաձայն հավելվածի:

2. Աշխատանքային խմբին` մինչև 2012 թվականի նոյեմբերի 1-ը նախապատրաստել Հայաստանի Հանրապետության թվային ժառանգության պահպանման քաղաքականությունն ու ռազմավարությունը մշակելու և առաջնահերթ միջոցառումների ցանկը սահմանելու համար դրամաշնորհ ստանալու ֆինանսական հայտ` ՅՈՒՆԵՍԿՕ պաշտոնապես դիմելու նպատակով:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2012 ԹՎԱԿԱՆԻ ՀՈՒԼԻՍԻ 2-ԻՆ

Հավելված

ՀՀ վարչապետի

2012 թվականի հուլիսի 2-ի

N 584-Ա որոշման

ԿԱԶՄ

ԱՇԽԱՏԱՆՔԱՅԻՆ ԽՄԲԻ

ՀՀ էկոնոմիկայի նախարարության ներկայացուցիչ (աշխատանքային խմբի ղեկավար)

ՀՀ մշակույթի նախարարության ներկայացուցիչ

ՀՀ կրթության և գիտության նախարարության ներկայացուցիչ

ՀՀ արտաքին գործերի նախարարության աշխատակազմի միջազգային կազմակերպությունների վարչության ՅՈՒՆԵՍԿՕ-ի բաժնի (ՅՈՒՆԵՍԿՕ-ի հարցերով Հայաստանի ազգային հանձնաժողով) ներկայացուցիչ

ՀՀ գիտությունների ազգային ակադեմիայի ներկայացուցիչ (համաձայնությամբ)

«Ձեռնարկությունների ինկուբատոր» հիմնադրամի ներկայացուցիչ (համաձայնությամբ)

«Բի-լայն» սահմանափակ պատասխանատվությամբ ընկերության ներկայացուցիչ (համաձայնությամբ)