040.0805.020712
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 հունիսի 2012 թվականի N 805-Ա
ՊԵՏԱԿԱՆ ԳՈՒՅՔՆ ՕՏԱՐԵԼՈՒ ՄԱՍԻՆ
Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանը Հայաստանի Հանրապետության Նախագահի աշխատակազմի հաշվեկշռում հաշվառված 5 միավոր տրանսպորտային միջոցը (այսուհետ` գույք)` համաձայն հավելվածի, օտարել դասական աճուրդով` որպես գույքի առանձին տարրեր:
2. Սահմանել գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2012 թվականի մայիսի 7-ի դրությամբ գնահատված արժեքը և մեկնարկային գինը` համաձայն հավելվածի:
3. Հայաստանի Հանրապետության կառավարությանն առընթեր պետական գույքի կառավարման վարչության պետին`
1) աճուրդը կազմակերպել և անցկացնել սույն որոշումն ուժի մեջ մտնելուց հետո եռամսյա ժամկետում` Հայաստանի Հանրապետության օրենսդրությամբ սահմանված կարգով.
2) աճուրդի անցկացման օրվանից առնվազն մեկ ամիս առաջ վարչության պաշտոնական և www.azdarar.am կայքերում տեղադրել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին.
3) առաջին աճուրդի ժամանակ չվաճառված գույքի վաճառքի նպատակով կազմակերպել նոր աճուրդներ, ընդ որում, յուրաքանչյուր հերթական աճուրդի ժամանակ գույքի վաճառքի մեկնարկային գինը նվազեցվում է վերջին աճուրդի մեկնարկային գնի 20 տոկոսի չափով.
4) աճուրդի հաղթողի կողմից (այսուհետ` գնորդ) առաջարկված գնի, ինչպես նաև գույքի արժեքի որոշման համար նախատեսված գումարի (ներառյալ ավելացված արժեքի հարկը)` համաձայն հավելվածի, վճարումից հետո մեկամսյա ժամկետում գնորդի հետ կնքել օտարման պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել տրանսպորտային միջոցի պետական հաշվառման հետ կապված` Հայաստանի Հանրապետության օրենսդրությամբ սահմանված գումարներն ու տուրքերը:
4. Գնորդը գույքի վաճառքի գինը պետք է վճարի աճուրդի արձանագրությունն ստորագրվելու օրվանից տասնօրյա ժամկետում, Հայաստանի Հանրապետության արժույթով` գույքի վաճառքի գինն ուղղելով «Բյուջետային հիմնարկների հաշվեկշռում հաշվառված հիմնական միջոցների (բացառությամբ շենքերի և շինությունների) օտարումից մուտքեր» գանձապետական հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՀՈՒԼԻՍԻ 2-ԻՆ
Հավելված
ՀՀ կառավարության
2012 թվականի հունիսի 28-ի
N 805-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՀԱՇՎԵԿՇՌՈՒՄ ՀԱՇՎԱՌՎԱԾ ԴԱՍԱԿԱՆ ԱՃՈՒՐԴՈՎ ՕՏԱՐՄԱՆ ԵՆԹԱԿԱ 5 ՄԻԱՎՈՐ ԳՈՒՅՔԻ
._____________________________________________________________________.
|NN |Տրանսպորտային|Պետ- |Թողարկման|Գույքի |Գույքի |Գույքի |
|ը/կ|միջոցի |համարանիշը|տարեթիվը |գնահատված|մեկնարկային|արժեքի |
| |անվանումը | | |արժեքը |գինը |որոշման |
| | | | |(դրամ) |(դրամ) |հետ |
| | | | | | |կապված |
| | | | | | |վճարը |
| | | | | | |(ներառ- |
| | | | | | |յալ |
| | | | | | |ավելաց- |
| | | | | | |ված |
| | | | | | |արժեքի |
| | | | | | |հարկը) |
| | | | | | |(դրամ) |
|_____________________________________________________________________|
|70% և ավելի մաշվածք ունեցող |
|_____________________________________________________________________|
|1. |ՎԱԶ-21065 |006 UU 01 | 2000 թ. | 923000 | 923000 | 18000 |
|___|_____________|__________|_________|_________|___________|________|
|2. |ԳԱԶ-3102 |073 UU 01 | 2001 թ. | 1164000 | 1164000 | 18000 |
|___|_____________|__________|_________|_________|___________|________|
|3. |ԳԱԶ-3102 |026 UU 01 | 2000 թ. | 1128000 | 1128000 | 18000 |
|___|_____________|__________|_________|_________|___________|________|
|4. |ԳԱԶ-311000 |003 UU 01 | 2000 թ. | 826000 | 826000 | 18000 |
|___|_____________|__________|_________|_________|___________|________|
|5. |ԱՑ-4.6 |044 UU 01 | 1991 թ. | 721000 | 721000 | 18000 |
| |(ԳԱԶ-53) | | | | | |
|_________________|__________|_________|_________|___________|________|
| ԸՆԴԱՄԵՆԸ | | | 4762000 | | 90000 |
._____________________________________________________________________.