041.0608.120712
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
12 հուլիսի 2012 թվականի N 608-Ա
ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ՓՈԽՆԱԽԱԳԱՀ, ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆԱԿԱՆ ԿԱԶՄԱԿԵՐՊՈՒԹՅԱՆ ՆԱԽԱԳԱՀ Մ. Ջ. ՄՈՀԱՄՄԱԴԻԶԱԴԵՀԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԻ ՄԱՍԻՆ
Իրանի Իսլամական Հանրապետության փոխնախագահ, Իրանի Իսլամական Հանրապետության բնապահպանական կազմակերպության նախագահ Մ. Ջ. Մոհամմադիզադեհի գլխավորած պատվիրակության (3 մարդ)` 2012 թվականի հուլիսի 16-18-ը և փորձագետների խմբի (10 մարդ)` 2012 թվականի հուլիսի 15-18-ը Հայաստանի Հանրապետություն այցի և հայ-իրանական համատեղ աշխատանքային խմբի հանդիպումը կազմակերպելու կապակցությամբ`
1. Հայաստանի Հանրապետության բնապահպանության նախարարին և Հայաստանի Հանրապետության արտաքին գործերի նախարարին` ապահովել հանդիպման կազմակերպումն ու անցկացումը, ինչպես նաև հյուրերի` Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության արտաքին գործերի նախարարին և Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին` հյուրերին տրամադրել Հայաստանի Հանրապետության մուտքի անվճար արտոնագրեր:
3. Հայաստանի Հանրապետության արտաքին գործերի նախարարին` ապահովել Իրանի Իսլամական Հանրապետության փոխնախագահ, Իրանի Իսլամական Հանրապետության բնապահպանական կազմակերպության նախագահ Մ. Ջ. Մոհամմադիզադեհի և նրա գլխավորած պատվիրակության անդամների դիմավորումն ու ճանապարհումը «Զվարթնոց» միջազգային օդանավակայանի պաշտոնական պատվիրակությունների սրահում:
4. Հայաստանի Հանրապետության կառավարությանն առընթեր ազգային անվտանգության ծառայության տնօրենին և Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին` ապահովել Իրանի Իսլամական Հանրապետության փոխնախագահ, Իրանի Իսլամական Հանրապետության բնապահպանական կազմակերպության նախագահ Մ. Ջ. Մոհամմադիզադեհի և նրա գլխավորած պատվիրակության անդամների անվտանգությունը Հայաստանի Հանրապետությունում գտնվելու ընթացքում, ինչպես նաև հատկացնել ուղեկցող անձնակազմեր:
i
5. Հայաստանի Հանրապետության ֆինանսների նախարարին` հյուրերի` Հայաստանի Հանրապետությունում գտնվելու և հայ-իրանական համատեղ աշխատանքային խմբի հանդիպման կազմակերպման հետ կապված ծախսերը` 3881000 դրամի սահմաններում, կատարել Հայաստանի Հանրապետության 2012 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության բնապահպանության նախարարության ներկայացրած հաշվետվությունների:
(5-րդ կետը փոփ. 14.09.12 թիվ 891-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՀՈՒԼԻՍԻ 12-ԻՆ