040.0204.030499
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» ապրիլի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 ապրիլի 1999 թվական թիվ 204
ՈՌՈԳՄԱՆ ՀԱՄԱԿԱՐԳԻ ՆՈՐՈԳՄԱՆ ԵՎ ՄԱՔՐՄԱՆ ԱՇԽԱՏԱՆՔՆԵՐՆ ԱՌԱՆՑ ՄՐՑՈՒՅԹԻ ԻՐԱԿԱՆԱՑՆԵԼՈՒ ՄԱՍԻՆ
Նկատի ունենալով ոռոգման համակարգի նորոգման աշխատանքների փոքր ծավալները և այն հանգամանքը, որ բնակլիմայական պայմանների հետևանքով ոռոգման շրջանը շուտ է սկսվել, և ժամկետի առումով հնարավոր չէ սահմանված կարգով մրցույթ անցկացնելը` Հայաստանի Հանրապետության կառավարությունը որոշում է.
1. «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածի 10 խմբի 02 ենթախմբի 03 կետով նախատեսված` ոռոգման հողերի մելիորատիվ վիճակի բարելավման, դրենաժային ցանցերի մաքրման և նորոգման նախագծային և շինարարական աշխատանքներն իրականացնել առանց մրցույթի` մինչև 1999 թվականի հունիսի 1-ը ավարտելու պայմանով:
2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետում նշված ծախսերի համար նախատեսված գումարի 25 տոկոսը հատկացնել որպես կանխավճար, իսկ մնացած գումարը` կատարողական ակտերի հիման վրա:
3. Հայաստանի Հանրապետության գյուղատնտեսության նախարարությանը, Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության տարածքային կառավարման և օպերատիվ հարցերի նախարարին, Հայաստանի Հանրապետության մարզպետներին` իրականացնել վերահսկողություն հատկացված գումարի արդյունավետ օգտագործման նկատմամբ:
4. Սույն որոշումն ուժի մեջ է մտնում 1999 թվականի ապրիլի 3-ից: