040.1117.100912
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 սեպտեմբերի 2012 թվականի N 1117-Ա
«ՀԱՅՌՈՒՍԳԱԶԱՐԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱԺՆԵՄԱՍԻ ԱՎԵԼԱՑՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
Ղեկավարվելով Հայաստանի Հանրապետության քաղաքացիական օրենսգրքի 594-րդ և «Բաժնետիրական ընկերությունների մասին» Հայաստանի Հանրապետության օրենքի 35-րդ, 36-րդ և 68-րդ հոդվածներով` Հայաստանի Հանրապետության կառավարությունը որոշում է.
1. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարարին, Հայաստանի Հանրապետության Շիրակի, Լոռու, Տավուշի և Սյունիքի մարզպետներին`
1) առաջարկել համապատասխան համայնքներին սույն որոշման հավելվածում նշված` 139446,5 հազ. դրամ ընդհանուր արժեքով գույքը (համայնքների սեփականությունը հանդիսացող գազաբաշխիչ գազատարներ, որոնք կառուցվել են տարբեր ծրագրերով, համայնքների սեփական կամ ներգրավված միջոցներով) Հայաստանի Հանրապետության օրենսդրությամբ սահմանված կարգով նվիրել Հայաստանի Հանրապետությանը` ի դեմս Հայաստանի Հանրապետության էներգետիկայի և բնական պաշարների նախարարության.
2) ապահովել սույն որոշման հավելվածում նշված համայնքների կողմից գույքի նվիրատվության պայմանագրերի կնքումը «Հայաստանի Հանրապետության էներգետիկայի և բնական պաշարների նախարարության աշխատակազմ» պետական կառավարչական հիմնարկի հետ.
3) Հայաստանի Հանրապետության էներգետիկայի և բնական պաշարների նախարարի հետ համատեղ Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածում նշված գույքի հանձնման-ընդունման գործընթացի իրականացումը և պետական գրանցումը:
2. Հայաստանի Հանրապետության էներգետիկայի և բնական պաշարների նախարարին` Հայաստանի Հանրապետության օրենսդրությամբ սահմանված կարգով և «ՀայՌուսգազարդ» փակ բաժնետիրական ընկերության կանոնադրությամբ սահմանված կարգով ընկերության կառավարման մարմիններում հանդես գալ առաջարկությամբ և տալ համաձայնություն լրացուցիչ բաժնետոմսեր թողարկելու և Հայաստանի Հանրապետության օգտին տեղաբաշխելու միջոցով ընկերության կանոնադրական կապիտալն ավելացնելու վերաբերյալ` լրացուցիչ թողարկված և տեղաբաշխված բաժնետոմսերի դիմաց վճարումը նախատեսելով սույն որոշման հավելվածում նշված գույքը Հայաստանի Հանրապետության օրենսդրությամբ սահմանված կարգով անկախ գնահատողի կողմից գնահատված արժեքներով ընկերության կանոնադրական կապիտալում ներդնելու եղանակով:
3. Ընդունել ի գիտություն, որ սույն որոշման 1-ին կետում նշված գործարքներից բխող պայմանագրերի նոտարական վավերացման, գույքային իրավունքների պետական գրանցման, ինչպես նաև սույն որոշման 2-րդ կետում նշված` գույքի գնահատման` շուկայական արժեքների որոշման հետ կապված ծախսերը «ՀայՌուսգազարդ» փակ բաժնետիրական ընկերությունը կկատարի իր միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՍԵՊՏԵՄԲԵՐԻ 10-ԻՆ
Հավելված
ՀՀ կառավարության
2012 թվականի սեպտեմբերի 6-ի
N 1117-Ա որոշման
ՑԱՆԿ
ՀԱՄԱՅՆՔՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ՆՎԻՐԱԲԵՐՎՈՂ ԳՈՒՅՔԻ (ԳԱԶԱԲԱՇԽԻՉ ԳԱԶԱՏԱՐՆԵՐԻ)
.__________________________________________________________________.
|NN |Համայնքի անվանումը |Գույքի անվանումը|Ձեռքբերման |Արժեքը` |
|ը/կ| |________________|(կառուցման) |ընդամենը |
| | |գազատար|սարքա- |տարեթիվը |(դրամ) |
| | |(կմ) |վորում | | |
| | | |(հատ) | | |
|___|____________________|_______|________|____________|___________|
| |ՀՀ Շիրակի մարզ | | | | |
|___|____________________|_______|________|____________|___________|
|1. |Ախուրյանի գյուղական | 0,136| - |2009-2011թթ.| 570900|
| |համայնք | | | | |
|___|____________________|_______|________|____________|___________|
| | ՀՀ Լոռու մարզ | | | | |
|___|____________________|_______|________|____________|___________|
|2. |Արծնիի գյուղական | 5,888| 2 | 2011 թ. | 29950000|
| |համայնք | | | | |
|___|____________________|_______|________|____________|___________|
| |ՀՀ Տավուշի մարզ | | | | |
|___|____________________|_______|________|____________|___________|
|3. |Թեղուտի գյուղական | 0,058| - |2008-2009թթ.| - |
| |համայնք | | | | |
|___|____________________|_______|________|____________|___________|
| |ՀՀ Սյունիքի մարզ | | | | |
|___|____________________|_______|________|____________|___________|
|4. |Քաջարանի քաղաքային | 6,735| 3 |2005-2010թթ.| 57093972|
| |համայնք | | | | |
|___|____________________|_______|________|____________|___________|
|5. |Լեռնաձորի գյուղական | 5,07| 2 | 2003 թ. | 22189000|
| |համայնք | | | | |
|___|____________________|_______|________|____________|___________|
|6. |Կապանի քաղաքային | 1,26| 1 | 2008 թ. | 4885530|
| |համայնք | | | | |
|___|____________________|_______|________|____________|___________|
|7. |Կապանի քաղաքային | 1,170| - | 2009 թ. | 4221055|
| |համայնք | | | | |
|___|____________________|_______|________|____________|___________|
|8. |Գորիսի քաղաքային | 1,871| - | 2007 թ. | 11253429|
| |համայնք | | | | |
|___|____________________|_______|________|____________|___________|
|9. |Գորիսի քաղաքային | 0,871| 1 | 2007 թ. | 7331063|
| |համայնք | | | | |
|___|____________________|_______|________|____________|___________|
|10.|Գորիսի քաղաքային | 0,29| - | 2008 թ. | 1951570|
| |համայնք | | | | |
|___|____________________|_______|________|____________|___________|
| |Ընդամենը | | | | 139446519|
.__________________________________________________________________.