Սեղմել Esc փակելու համար:
1999 ԹՎԱԿԱՆԻ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

1999 ԹՎԱԿԱՆԻ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ԾԱՌԱՅՈՒԹ ...

 

 

040.0199.030499

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«3» ապրիլի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

3 ապրիլի 1999 թվական թիվ 199

 

1999 ԹՎԱԿԱՆԻ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ

(մաս 2)

 

3. Հիվանդանոցային անհետաձգելի բուժօգնությունը

 

3.1. Անհետաձգելի հիվանդանոցային անվճար բուժօգնությունը պետության կողմից երաշխավորված է ամբողջ բնակչության համար և ընդգրկում է սուր հիվանդությունները, ինչպես նաև հիվանդությունների, վնասվածքների և թունավորումների հետևանքով առաջացող անհետաձգելի բուժօգնությունն ու վերակենդանացման միջոցառումներ պահանջող սուր վիճակները` համաձայն սույն կարգի II բաժնի 3.5-րդ կետում ներկայացված ցանկի:

3.2. Բնակչությանը պետության կողմից երաշխավորված անվճար հիվանդանոցային օգնության շրջանակներում անհետաձգելի բուժօգնությունն իրականացվում է բժշկական կենտրոններում, բուժմիավորումներում, հիվանդանոցներում, դիսպնսերների ստացիոնար բաժիններում, առողջության կենտրոններում, հիվանդանոցային օգնություն իրականացնող այլ հիմնարկներում:

3.3. Բնակչությանը պետության կողմից երաշխավորված անվճար հիվանդանոցային օգնության շրջանակներում վերակենդանացման միջոցառումներն իրականացվում են վերակենդանացման բաժանմունքներում, նորածինների համար` ծննդատների և մանկական հիվանդանոցների վերակենդանացման կամ ինտենսիվ հսկողության բաժանմունքներում:

3.4. Բնակչության անհետաձգելի հիվանդանոցային բուժօգնության, այդ թվում` վերակենդանացման միջոցառումների գծով, ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան բժշկական օգնություն իրականացնողի հետ կնքում է պայմանագիր անհետաձգելի բուժօգնության մասին և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

3.5. Բնակչությանը պետության կողմից երաշխավորված անվճար

հիվանդանոցային անհետաձգելի բժշկական օգնություն

պահանջող հիվանդությունների և վիճակների ցանկը

 

3.5.1. Վերակենդանացման միջոցառումներ պահանջող սուր

հիվանդություններ և վիճակներ

(բոլոր տարիքային խմբերի համար)

 

1.  Շոկային վիճակներ

2.  Կոմատոզ վիճակներ

3.  Թոքերի այտուց

4.  Սրտի փորոքների ֆիբրիլյացիա և թրթռոց, սրտի կանգ

5.  Շնչառության ռիթմի և խորության խանգարումներ (Չեյն-Ստոքսի,

Կուսմաուլի, Բիոտի, Գրոկի շնչառություն)

6.  Ասֆիքսիա

7.  Ապնոէ

8.  Կվինկեի այտուց

9.  Ասթմատիկ վիճակ (ստատուս)

10. Մակերիկամի կեղևի սուր անբավարարություն

11. Ուղեղի արյան շրջանառության սուր խանգարում (ինսուլտ)

12. Սրտամկանի սուր ինֆարկտ

13. Սուր թոքային սիրտ

14. Թոքային զարկերակի թրոմբոէմբոլիա

15. Սինուս սագիտալիսի թրոմբոզ

16. Կայծակնահարություն, էլեկտրահարություն

17. Ջրահեղձություն

18. Հեմոլիտիկ անեմիա

19. Սուր մենինգիտներ

20. Էկզոգեն թունավորումներ

 

3.5.2. Անհետաձգելի բժշկական օգնություն պահանջող

սուր հիվանդություններ և վիճակներ

(բոլոր տարիքային խմբերի համար)

 

1.  Շոկային վիճակներ

2.  Ասթմատիկ վիճակ (ստատուս)

3.  Կվինկեի այտուց

4.  Շիճուկային հիվանդություն

5.  Բրոնխիալ ասթմայի սուր նոպա

6.  Եղնջատենդին ուղեկցող կոկորդի սուր այտուց

7.  Հեմոլիտիկ անեմիա

8.  Սուր մենինգիտներ

9.  Սինուս սագիտալիսի թրոմբոզ

10. Թոքային զարկերակի թրոմբոէմբոլիա

11. Մակերիկամի կեղևի սուր անբավարարություն

12. Հեղձուկ

13. Թոքերի այտուց

14. Կայծակնահարություն, էլեկտրահարություն

15. Սուր թունավորումներ

16. Հետտրանսֆուզիոն բարդություններ

17. Սուր թոքային սիրտ

18. Ջրահեղձություն

19. Կոմատոզ վիճակներ

20. Հետտրանսֆուզիոն բարդություններ

21. Սեպտիկ վիճակներ

22. Անկայուն ստենոկարդիա

23. Սրտամկանի սուր ինֆարկտ

24. Հիպերտոնիկ կրիզ

25. Սիրտ-թոքային 2-րդ, 3-րդ աստիճանների դեկոմպենսացիա

26. Սրտային սուր անբավարարություն

27. Սիրտ-թոքային սուր անբավարարություն

28. Սրտի փորոքների ֆիբրիլյացիա և թրթռոց

29. Պարոքսիզմալ տախիկարդիա

30. Պարոքսիզմալ շողացող առիթմիա

31. Խմբակային, պոլիտոպ էքստրասիստոլիկ առիթմիաներ, ալոռիթմիաներ

32. Ադամս-Ստոքս-Մորգանիի սինդրոմ

33. Սրտի սուր բորբոքային հիվանդություններ (միոկարդիտ, պերիկարդիտ,

էնդոկարդիտ)

34. Ծանր ձևի զարկերակային հիպերտոնիա` չարորակ ընթացքով, այդ թվում`

նեֆրոգեն

35. Սուր թոքաբորբ` բարդացած թոքի հյուսվածքի քայքայմամբ և (կամ)

շնչական անբավարարությամբ

36. Էքսուդատիվ պլևրիտ` բարդացած շնչական անբավարարությամբ

37. Սուր մինինգիտներ, էնցեֆալիտներ, միելիտներ

38. Սուր պոլինեյրոպաթիաներ (Գիյեն-Բաբեն)` պարալիչի զարգացումով

39. Ուղեղի արյան շրջանառության սուր խանգարումներ (ուղեղի արյան

շրջանառության անցողիկ խանգարումներ, սուր հիպերտոնիկ էնցեֆալոպաթիա,

սուբարախնոիդալ արյունազեղումներ)

40. Գանգուղեղային նյարդերի նևրալգիա (սուր շրջան)

41. Էպիլեպտիկ ստատուս

42. Սուր հալյուցինացիաներ

43. Գերգրգռված վիճակներ

44. Դեպրեսիվ, մանիակալ, էպիլեպտիկ, փսիխոգեն սուր վիճակներ

45. Ականջի վնասվածք

46. Միջին ականջի սուր բորբոքում

47. Մաստոիդիտ

48. Կոխլեար-վեստիբուլյար ֆունկցիայի սուր խանգարում

49. Օտոգեն ներգանգային բարդություններ (մենինգիտ, աբսցես, սեպսիս)

50. Լսողության սուր կորուստ

51. Էպիտիմպանիտներ

52. Քթի և հավելյալ խոռոչների վնասվածքներ

53. Քթային արյունահոսություններ

54. Քթի միջնապատի աբսցես, հեմատոմա

55. Քթի և հավելյալ խոռոչների ներակնակապճային և ներգանգային

բարդություններ

56. Ըմպանի վնասվածքներ և արյունահոսություններ

57. Պարանոցի և ըմպանի ֆլեգմոնա

58. Պարատոնզիլյար հետըմպանային աբսցեսներ

59. Կոկորդի նորագոյություններ` բարդացած ստենոզով

60. Կոկորդի վնասվածքներ (օտար մարմիններ, այտուց, ստենոզ, աբսցես,

ֆլեգմոնա, այրվածքներ)

61. Կոկորդային արյունահոսություններ

62. Կերակրափողի և շնչափողի վնասվածքներ

63. Սուր գաստրոէնտերոկոլիտ` ինտոքսիկացիայով

64. Ստամոքսի և 12-մատնյա աղու սուր խոցեր

65. Սուր պանկրեատիտ

66. Ոչ սպեցիֆիկ խոցային կոլիտ սրացման շրջանում

67. Սուր պարապրոկտիտ

68. Սուր հետանցքային ճեղքվածք

69. Հեմոռոիդալ հանգույցների թրոմբոզ

70. Ուղիղ աղու արտանկում

71. Ուղիղ աղու և շեքի վնասվածքներ

72. Արյունահոսություններ` աղիքային, թութքի, վնասվածքների հետևանքով

73. Ուրեմիկ կոմա, նախակոմա, էկլամպսիա

74. Սուր երիկամային անբավարարություն

75. Նեֆրոտիկ կրիզ

76. Երիկամային խիթ

77. Անուրիա

78. Սուր միզակապություն

79. Արյունամիզություն

80. Սուր փոշտ (ամորձու ոլորում, ամորձու հավելման ոլորում, սուր

սպեցիֆիկ և ոչ սպեցիֆիկ էպիդիդիմիտ, էպիդիդիմօրխիտ, ամորձու,

հավելման, հիդատիդի մեռուկացում)

81. Միզասեռական օրգանների այլ սուր բորբոքային հիվանդություններ (սուր

պիելոնեֆրիտ, ապոստեմատոզ նեֆրիտ, պարանեֆրիտ, սուր պրոստատիտ, սուր

ցիստիտ արտահայտված ցավային սինդրոմով)

82. Պարաֆիմոզ

83. Միզասեռական օրգանների վնասվածքներ, պրիապիզմ

84. Պրեկոմատոզ և կրիզային վիճակներ` էնդոկրին հիվանդությունների

ժամանակ

85. Շաքարային դիաբետ` 1-ին, 2-րդ տիպի ծանր աստիճանի (դիաբետիկ

միկրո-մակրո անգիոպաթիա, նեֆրոպաթիա, ճարպային հեպատոզ,

կարդիոպաթիա, նևրոպաթիա)

86. Կրոնի հիվանդություն սրացման շրջանում և արյունահոսությամբ

87. Արտահայտված սուր արյունահոսություն` պայմանավորված հեմոֆիլիայով

88. Փայտացում

89. Պարբերական հիվանդության նոպա

90. Ճառագայթային հիվանդություն

91. Մարմնի արտաքին ծածկույթի այրվածքներ (մեծահասակների)` 1-ին, 2-րդ

աստիճանների այրվածքներ` մարմնի 50 տոկոսից ավելի մակերեսով, 2-րդ

աստիճանի այրվածքներ` մարմնի 10 տոկոսից ավելի մակերեսով, 3-րդ,

4-րդ աստիճանների այրվածքներ` մարմնի 1 տոկոսից սկսած և ավելի

մակերեսով

92. Ցրտահարություններ` 1-ին, 2-րդ և 3-րդ աստիճանների

93. Գլաուկոմայի սուր նոպա

94. Ցանցաթաղանթի անոթների սուր անանցանելիություն

95. Ցանցաթաղանթի շերտազատում

96. Արյունազեղում ակնագնդի խոռոչներում (հեմօֆթալմ)

97. Տեսողական օրգանների վնասվածքներ, ակնագնդի ամբողջականության

խախտման բոլոր ձևերը

98. Տեսողական օրգանի սուր բորբոքային հիվանդություններ

99. Դիմածնոտային շրջանի վնասվածքներ և դրանց հետևանքները

(դիմածնոտային ոսկրերի կոտրվածքներ, փափուկ հյուսվածքների

վնասվածքներ, սուր արյունահոսություն, օստեոմիելիտներ)

100. Դիմածնոտային չարորակ ուռուցքներ, ուռուցքանման գոյացություններ`

չարորակացման նշաններով

101. Դիմածնոտային շրջանի աբսցես, ֆլեգմոնա, ադենոֆլեգմոնա,

կարբունկուլ, կարմիր քամի, ծնոտների սուր օստեոմելիտ, քրոնիկ

օստեոմելիտի սրացում, սուր օդոնտոգեն հայմորիտ, քրոնիկական

օդոնտոգեն հայմորիտի սրացում, սուր սիալոադենիտ, թքաքարային

հիվանդության սրացում, քունքստործնոտային հոդի սուր բորբոքում

102. Ոսկրերի կոտրվածքների բոլոր ձևերը, բացի դաստակի և ոտնաթաթի փոքր

ոսկրերի, որոնք ռեպոզիցիա չեն պահանջում

103. Հոդերի բաց և փակ վնասվածքների, հոդապարկի, հոդապարկերի, ջլերի

վնասվածքներ, վնասվածքային հոդախախտեր, անոթների և պերիֆերիկ

ներվերի վնասվածքներ, հեմարթրոզներ

104. Տրավմատիկ արյունահոսություններ և տարածուն արյունազեղումներ (այդ

թվում` հետվիրահատական և էրոզիվ արյունահոսություններ)

105. Օրգանների և հյուսվածքների տարածուն սալջարդեր

106. Արտահայտված ցավային սինդրոմ (նևրալգիա, ուս-ձեռք սինդրոմ, սուր

սինովիտ, սուր արթրիտներ, սինովիտներ, տենդովագինիտներ, հոդերի

բլոկադաներ)

107. Ինտոքսիկացիա, սեպսիս, օսթեոմիելիտի սրացում

108. Երկարատև ճնշման սինդրոմ (Կրաշ սինդրոմ)

109. Հրազենային վնասվածքներ

110. Սուր մաստիտ (թարախային)

111. Սուր մեդիաստինիտ

112. Կրծքավանդակի բաց և փակ վնասվածքներ (կողերի, կրծոսկրի

կոտրվածքներ, կրծքավանդակի սալջարդ)

113. Վնասվածքներ` սրտի անոթների, ստոծանու, շնչուղիների, թոքի,

կերակրափողի

114. Պնևմոթորաքս (հիդրո-հեմո-պիոսպոնտան)

115. Թոքի թարախակույտ, գանգրենա

116. Կերակրափողի այրվածք, նեղացում, դիվերտիկուլ, որոնք առաջացնում են

դիսֆագիա, բորբոքում և արյունահոսություն

117. Կերակրափողի, շնչափողի, բրոնխների օտար մարմին, շնչուղիների

ստենոզ, շնչուղիների սուր մեխանիկական ստենոզ

118. Սուր ապենդիցիտ

119. Խոռոչավոր օրգանի, խոցի թափածակում

120. Սուր խոլեցիստիտ

121. Աղիքների սուր անանցանելիություն (ԱՍԱ)` ԱՍԱ աղու մեռուկացումով

122. Որովայնի բութ վնասվածք (վորովայնի օրգանների վնասումով)

123. Որովայնի թափանցող վնասվածք

124. Ներորովայնային հետվիրահատական սուր բորբոքումներ

125. Որովայնի խոռոչի թարախակույտ

126. Մեզենտերիալ անոթների թրոմբոզ

127. Սուր որովայն, պերիտոնիտ

128. Օղակված ճողվածք, ճողվածքային պարունակության մեռուկացում

129. Ստամոքս-աղիքային տրակտի օտար մարմին

130. Արյունահոսություններ` թութքի, ներորովայնային, խոցային,

կերակրափողի վարիկոզ լայնացած անոթներից, էրոզիվ գաստրիտի

հետևանքով

131. Պիլորոդուոդենալ շրջանի խոցասպիական նեղացում սուր և

դեկոմպենսացիայի փուլ

132. Մեխանիկական դեղնուկ

133. Հետվիրահատական, յատրոգեն վնասվածքներ, բարդություններ

134. Աորտայի բիֆուրկացիայի թրոմբոզ և էմբոլիա

135. Վերջույթների զարկերակների թրոմբոզ և էմբոլիա

136. Սուր թրոմբոֆլեբիտ

137. Սուր բլթային և մեդիաստենալ էմֆիզեմա

138. Կրծքավանդակի և որովայնի օրգանների էխինոկոկոզ, բարդացած աբսցեսով

կամ պատռվածքով

139. Գանգրենաներ

140. Արյունային փսխում, մելենա

141. Թարախային վերքեր (պարզաբանում մեթոդական ցուցումներում)

142. Օստեոմիելիտներ

143. Արյունախխում և թոքային արյունահոսություն

144. Կերակրափողի սպոնտան պատռվածք

145. Պլևրայի էմպիեմա

146. Թոքի թարախակույտ, գանգրենա

147. Շնչափողի և կերակրափողի այրվածքներ

148. Կրծքավանդակի պատի թարախային պրոցեսներ

149. Թոքային զարկերակի թրոմբոէմբոլիա, թոքի ինֆարկտ

150. Ստոծանու օղակված ճողվածքներ

151. Անոթների, ներվերի, ջլերի և մկանների բաց և փակ վնասվածքներ,

որոնք պահանջում են անհետաձգելի վիրաբուժական միջամտություն

152. Վերջույթների և դրանց սեգմենտների, ինչպես նաև առանձին օրգանների

(քիթ, ականջ, շրթունք և այլն) լրիվ և ոչ լրիվ ամպուտացիաներ

153. Դեմքի և մարմնի սուր տարածուն վերքեր` հյուսվածքների դեֆեկտով

154. Մագիստրալ զարկերակների թրոմբոզներ, էմբոլիաներ, տրավմատիկ

վնասվածքներ

155. Անոթային անևրիզմաների պատռվածքներ և շերտազատումներ

156. Էլեկտրակարդիոստիմուլյատորրի իմպլանտացիա` սրտի բլոկադայի դեպքում

157. Սրտի թափանցող վերքեր

158. Գլխի փափուկ հյուսվածքների, կտրված կամ սալջարդ վերքեր` ուղեկցված

արյունահոսությունով

159. Գանգուղեղային վնասվածքներ (ուղեղի ցնցում, սալջարդ և գանգոսկրի

կոտրվածք)

160. Գանգային տրավմատիկ հեմատոմաներ

161. Սպոնտան սուբարախնոիդալ արյունազեղումներ

162. Ուղեղի անոթների անևրիզմաներ

163. Ուղեղի աբսցեսներ

164. Ողնաշարի և ողնուղեղի վնասվածքներ (սուր շրջանում)

165. Միջողնային դիսկի ճողվածք

166. Ուղեղի այտուց

167. Սուր հիդրոցեֆալիա

168. Էպիլեպտիկ ստատուս (վիճակ)

169. Վերտեբրոգեն սուր գոտկային կաուզալգիկ ցավեր

170. Բշտիկային դերմատոզներ (բշտախտ, պեմֆիգոիդ, Դյուրինգի հերպեսաձև

մաշկաբորբ)

171. Սարկոիդոզ (Կապոշիի սարկոմա)

172. Մաշկային լիմֆոմաներ

173. Մաշկի սիստեմային հիվանդություններ (կարմիր գայլախտ, սկլերոդերմիա,

դերմատոմիոզիտ)

174. Ալերգիկ տոքսիկոդերմիա

175. Աբսցեսներ` սուր երևույթներով, պատյանի պատռում

176. Արտարգանդային հղիության տարբեր ձևեր

177. Ձվարանի ապոպլեքսիա

178. Արգանդի պարանոցի արյունահոսություններ (տրավմաներ, պարանոցի

արյունահոսող էրոզիա, արտաքին սեռական օրգանների և հեշտոցի

վնասվածքներ)

179. Հղիության ընթացքի արյունահոսություններ (սկսվող, թերի, ոչ լրիվ

վիժումներ, վիժում ընթացքի մեջ)

180. Արգանդային արյունահոսություններ` տարբեր էթիոլոգիաների

(միոմա, պոլիպ, պոլիպոզ, էնդոմետրիումի գերաճ, դիսֆունկցիոնալ

արյունահոսություններ և այլ ախտաբանություններ)

181. Ծնվող ենթալորձային միոմատոզ հանգույց

182. Միոմատոզ հանգույցի, ձվարանի ուռուցքների և ուռուցքանման

գոյացությունների տոտիկի ոլորում, պատյանի պատռում, հանգույցի

նեկրոզ

183. Բշտիկային զանգված կամ խորիոնէպիթելիոմա

184. Սեռական օրգանների այլ հիվանդություններ, որոնք ընթանում են

անանցանելիության կամ սուր որովայնի պատկերով (պերիտոնիտ,

պելվիոպերիտոնիտ, սուր բորբոքային երևույթներ, բորբոքային

գոյացություններ և այլ հիվանդություններ, որոնք բերում են հարևան

օրգանների ֆունկցիաների սուր խանգարման)

 

3.5.3. Առաջնահերթ պլանային բուժում պահանջող

հիվանդություններ

(բոլոր տարիքային խմբերի համար)

 

1. Օրգան-համակարգերի ախտորոշված չարորակ նորագոյացություններ

2. Ավշային և արյունաստեղծ հյուսվածքների ախտորոշված չարորակ

նորագոյացություններ

 

3.5.4. Վերակենդանացման միջոցառումներ պահանջող սուր

հիվանդություններ և վիճակներ*

(միայն մինչև 15 տարեկան երեխաների համար)

 

1. Սպառնացող խորը բրադիկարդիա

2. Սրտային սուր անբավարարություն

3. Անոթային սուր անբավարարություն

4. Շնչառական անբավարարություն` 2-րդ, 3-րդ աստիճանների

5. Ուղեղի այտուց

6. Ցնցումային սինդրոմ

7. Շիճուկային հիվանդություն

8. Ալերգիկ տոքսիկոդերմիա

9. Հետտրանսֆուզիոն բարդություններ

 

* Ներառում է նաև 3.5.1-ին կետում նշված հիվանդությունների և

վիճակների ցանկը:

 

3.5.5. Անհետաձգելի բժշկական օգնություն պահանջող սուր

հիվանդություններ և վիճակներ**

(միայն մինչև 15 տարեկան երեխաների համար)

 

1. Սրտի կանգ և սպառնացող խոր բրադիկարդիա

2. Սրտային սուր անբավարարություն

3. Անոթային սուր անբավարարություն

4. Ուղեղի այտուց

5. Ջրազրկում` 2-րդ, 3-րդ աստիճանների

6. Նեյրոտոքսիկոզ

7. Ցնցումային սինդրոմ

8. Կետոնեմիկ համախտանիշ

9. Սեպսիս, սեպտիցեմիա, սեպտիկոպիեմիա

10. Նորածնի ծննդաբերական վնասվածքներ (ուղեղի արյան շրջանառության

խանգարում, ներգանգային արյունազեղումներ, ասֆիքսիա)

11. Նորածնի հեմոլիտիկ հիվանդություն

12. Նորածնի հեմոռագիկ հիվանդություն

13. Շնչական անբավարարություն` 2-րդ, 3-րդ աստիճանների

14. Սուր լարինգոտրախեիտ` շնչական անբավարարությամբ

15. Թքի բակտերիալ դեստրուկցիա

16. Սուր լոբար և մեդիաստենալ էմֆիզեմա

17. Սինկոպեալ վիճակներ

18. Սուր պոլիռադիկուլոնևրիտներ

19. Էնցեֆալիտիկ ռեակցիաներ

20. Սուր զարգացող հիդրոցեֆալիա

21. Սուր արախնոիդիտ` զարգացող հիպերտենզիայով

22. Սուր փսիխոզներ (մանիակալ, դեպրեսիվ, շիզոֆրենիա, հալյուցինացիա,

սուր զառանցանք)

23. Հևոց-ցիանոտիկ նոպա

24. Սպառնացող խոր բրադիկարդիա

25. Պարոքսիզմալ և ոչ պարոքսիզմալ տախիկարդիա

26. Սրտի դուկտուս-կախյալ բնածին արատ

27. Սրտի կապույտ բնածին արատ` խոր հիպոքսեմիայով (80 տոկոս և ցածր)

28. Սակավարյունություն (Hb 60գ/լ և պակաս)

29. Սուր հեմոլիտիկ կրիզներ` տարբեր էթիոլոգիայի

30. Շարակցական հյուսվածքի դիֆուզ հիվանդություն` բարձր ակտիվությամբ

31. Ռևմատիզմի գրոհ` ակտիվ փուլում

32. Քրոնիկ սրտային անբավարարություն` 2-րդ, 3-րդ աստիճանների

33. Ծանր աստիճանի հիպերտոնիա

34. Սուր գրոմերուլոնեֆրիտ

35. Պատվաստված երիկամի սուր անջատում

36. Միզապարկի օտար մարմին

37. Սուր բալանոպոստիտ

38. Միզուղիների սուր օբստրուկցիա

39. Աչքում, քթում, արտաքին ականջում, ըմպանում` օտար մարմին

40. Կենտրոնական տեսողության ֆունկցիայի անդարձելի անկմանը վտանգող

վիճակներ

41. Շիճուկային հիվանդություն

42. Հետպատվաստումային ռեակցիաներ և բարդություններ

43. Ներքին և արտաքին արյունահոսություններ և արյունազեղումներ`

տարբեր էթիոլոգիաներ

44. Սուր գաստրիտ

45. Որովայնի չդիֆերենցված սուր ցավեր

46. Մարսողական խողովակի դիվերտիկուլների և երկատումների

բարդություններ (ոլորում, բորբոքում, թափածակում,

արյունահոսություն)

47. Ստոծանու ճողվածքներ

48. Կերակրափողի և շնչափողի ստենոզներ

49. Պերիօտիտներ

50. Ֆլեգմոնաներ և թարախակույտեր (տարբեր տեղակայման)

51. Լորձաթաղանթի թերմիկ և քիմիական այրվածքներ

52. Մարմնի արտաքին ծածկույթի այրվածքներ`

1-ին, 2-րդ աստիճաններ` մարմնի 20 տոկոս մակերեսով և ավելի

2-րդ աստիճաններ` մարմնի 5 տոկոս մակերեսով և ավելի

3-րդ, 4-րդ աստիճան` մարմնի 0,5 տոկոս մակերեսով և ավելի

 

** Ներառում է նաև 3.5.2-րդ կետում նշված հիվանդությունների

և վիճակների ցանկը:

 

4. Հիվանդանոցային բժշկական օգնություն բնակչության

սոցիալապես անապահով խմբերում ընդգրկված

անձանց և մինչև 8 տարեկան երեխաներին

 

4.1. Սոցիալապես անապահով խմբերում ընդգրկված անձանց և մինչև 8 տարեկան երեխաների անվճար հիվանդանոցային բժշկական օգնությունը պետության կողմից երաշխավորված է և ընդգրկում է` - բնակչության սոցիալապես անապահով խմբերում ընդգրկված անձանց և մինչև

8 տարեկան երեխաների բուժումը` անկախ ախտորոշումից (բացառությամբ

կոսմետոլոգիական միջամտությունից, օրգանների փոխպատվաստումից,

արհեստական օրգանների և հյուսվածքների պատվաստումից, թանկարժեք

մետաղների և տիտանի նիտրիդի օգտագործմամբ` ստոմատոլոգիական

օգնությունից). - բնակչության սոցիալապես անապահով խմբերում ընդգրկված անձանց

հիվանդանոցային պայմաններում հետազոտումը` տուբերկուլյոզի, չարորակ և

մաշկավեներական հիվանդությունների ախտորոշումը ճշտելու նպատակով. - հաշմանդամ երեխաների վերականգնողական բուժումը` Հայաստանի

Հանրապետության առողջապահության կողմից հաստատվող բժշկական հատուկ

ցուցումների առկայության դեպքում:

4.2. Սոցիալապես անապահով խմբերում ընդգրկված անձանց և մինչև 8 տարեկան երեխաների հիվանդանոցային բժշկական օգնությունն իրականացվում է բժշկական կենտրոններում, բուժմիավորումներում, հիվանդանոցներում, դիսպանսերների ստացիոնար բաժիններում, առողջության կենտրոններում, այլ հիվանդանոցային օգնություն իրականացնող հիմնարկներում, հաշմանդամ երեխաների վերականգնողական բուժումը` մանկական առողջարաններում և վերականգնողական կենտրոններում:

4.3. Սոցիալապես անապահով խմբերի և մինչև 8 տարեկան երեխաների բժշկական օգնության ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան բուժհիմնարկների հետ կնքում է պայմանագիր սոցիալապես անապահով խմբերի և մինչև 8 տարեկան երեխաների բժշկական օգնության մասին և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

4.4. Պետության կողմից երաշխավորված անվճար բժշկական

օգնություն ստանալու իրավունք ունեցող բնակչության

սոցիալապես անապահով խմբերի ցանկը*

 

1. 1-ին խմբի հաշմանդամներ

2. 2-րդ խմբի հաշմանդամներ

3. 3-րդ խմբի հաշմանդամներ

4. Հայրենական պատերազմի մասնակիցներ և նրանց հավասարեցված անձինք

5. Միայնակ մայրերի երեխաներ (մինչև 18 տարեկան)

6. Ծնողազուրկ երեխաներ (միակողմանի և երկկողմանի` մինչև 18 տարեկան)

7. Հաշմանդամ երեխաներ (մինչև 16 տարեկան)

8. Բազմազավակ (մինչև 18 տարեկան 4 և ավելի անչափահաս երեխաներ

ունեցող) ընտանիքի երեխաներ

9. Հայաստանի Հանրապետության պաշտպանության ժամանակ զոհվածների

ընտանիքներ

10. Չեռնոբիլի վթարի վերացման աշխատանքների մասնակիցներ

11. Բռնադատվածներ

12. Բժշկաաշխատանքային փորձաքննության հանձնաժողովներում առաջնակի

քննվողներ

13. Հաշմանդամներից բաղկացած ընտանիքների երեխաներ (մինչև 18 տարեկան)

 

* Բացառությամբ բժշկական օգնության հետևյալ տեսակների`

- կոսմետոլոգիական միջամտություն

- օրգանների փոխպատվաստում

- արհեստական օրգանների և հյուսվածքների պատվաստում

- ստոմատոլոգիայում թանկարժեք մետաղների և տիտանի նիտրիդի օգտագործում

 

5. Հոգեկան հիվանդների հիվանդանոցային բուժումը և խնամքը

 

5.1. Բնակչությանը պետության կողմից երաշխավորված անվճար բժշկական օգնության շրջանակներում հոգեկան հիվանդների հիվանդանոցային բուժումը և խնամքն ընդգրկում է` - հոգեկան հիվանդների բուժումը. - հոգեկան հիվանդների անհետաձգելի բուժօգնությունը` համաձայն սույն

կարգի II բաժնի 3.5-րդ կետում նշված բնակչությանը պետության կողմից

երաշխավորված անվճար հիվանդանոցային անհետաձգելի բժշկական օգնություն

պահանջող հիվանդությունների և վիճակների ցանկի. - քրոնիկ հոգեկան հիվանդների խնամքը - դատահոգեբուժական փորձաքննության իրականացումը. - հոգեկան հիվանդների հարկադիր հիվանդանոցային բուժումը:

5.2. Բնակչությանը պետության կողմից երաշխավորված անվճար հիվանդանոցային օգնության շրջանակներում հոգեկան հիվանդների հիվանդանոցային օգնությունն իրականացվում է` - հոգեկան հիվանդների բուժման և անհետաձգելի վիճակների դեպքում

բուժօգնության գծով` հոգենյարդաբանական դիսպանսերներում,

կենտրոններում, հոգեբուժական հիվանդանոցներում. - քրոնիկ հոգեկան հիվանդների խնամքը, դատահոգեբուժական փորձաքննության

և հոգեկան հիվանդների հարկադիր բուժման գծով` տվյալ հոգեբուժական

օգնությունն իրականացնելու իրավունք ունեցող հոգեբուժական

հիմնարկներում` ըստ Հայաստանի Հանրապետության առողջապահության

նախարարության կողմից հաստատվող ցանկի և կարգի:

5.3. Հոգեկան հիվանդների բուժման և խնամքի ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` բուժման և դատաբժշկական փորձաքննության գծով` ըստ փաստացի դուրս գրված (տեղափոխված) հիվանդների թվի, հիվանդանոցային խնամքի և հարկադրված բուժման մասին` ըստ փաստացի մահճակալ օրերի: Պետական պատվեր տեղադրող մարմինը համապատասխան բուժհիմնարկի հետ կնքում է պայմանագիր հիվանդանոցային բուժման մասին և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

6. Նարկոլոգիական հիվանդանոցային օգնությունը

 

6.1. Բնակչությանը պետության կողմից երաշխավորված անվճար հիվանդանոցային օգնության շրջանակներում նարկոլոգիական օգնությունն ընդգրկում է թմրամոլությամբ (տոքսիկոմանիա) և ալկոհոլամոլությամբ տառապող անձանց բուժումը:

6.2. Բնակչությանը պետության կողմից երաշխավորված անվճար հիվանդանոցային օգնության շրջանակներում նարկոլոգիական օգնությունն իրականացվում է նարկոլոգիական դիսպանսերներում:

6.3. Նարկոլոգիական հիվանդանոցային օգնության ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան նարկոլոգիական կենտրոնի (դիսպանսերի) հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

7. Զորակոչային տարիքի անձանց բժշկական

փորձաքննություն և բուժումը

 

i

7.1 Բնակչությանը պետության կողմից երաշխավորված անվճար հիվանդանոցային օգնության շրջանակներում զորակոչային տարիքի անձանց հիվանդանոցային փորձաքննությունը և բուժումը` Հայաստանի Հանրապետության պաշտպանության նախարարության կողմից լիազորված մարմինների տված ուղեգրերով, իրականացվում է` - փորձաքննության գծով` Հայաստանի Հանրապետության կառավարության հաստատած հիվանդանոցային փորձաքննական բազաներում հիվանդանոցային կամ ցերեկային ստացիոնարի պայմաններում` Հայաստանի Հանրապետության առողջապահության նախարարության կողմից հաստատված Հայաստանի Հանրապետության քաղաքացիական բժշկական հիմնարկներում զինապարտների (զորակոչիկների) բժշկական հետազոտության և բուժման կարգին համապատասխան. - բուժման գծով` համապատասխան պրոֆիլի բժշկական օգնություն իրականացնող

բժշկական հիմնարկներում, այդ թվում` զորակոչի ընթացքում անհետաձգելի

իրավիճակների դեպքում 48 ժամվա ընթացքում համապատասխան տարածքային

զինկոմիսարիատին հիվանդանոցի կողմից պարտադիր տեղեկացնելով:

(7.1 կետը փոփ. 20.11.99 թիվ 696 որոշում)

7.2. Զորակոչային տարիքի անձանց բժշկական փորձաքննության և բուժման ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան զորակոչային տարիքի անձի փորձաքննությունն և բուժումն իրականացնողի հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

8. Հիվանդանոցային պայմաններում հեմոդիալիզի անցկացումը

 

8.1. Բնակչությանը պետության կողմից երաշխավորված անվճար հիվանդանոցային օգնության շրջանակներում հեմոդիալիզի անցկացումն իրականացվում է համապատասխան իրավունք ունեցող հիվանդանոցային հիմնարկներում, որոնց ցանկը, ինչպես նաև հեմոդիալիզի անցկացման կարգը սահմանում է Հայաստանի Հանրապետության առողջապահության նախարարությունը:

8.2. Հեմոդիալիզի ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի անցկացված հեմոդիալիզների թվի: Պետական պատվեր տեղադրող մարմինը համապատասխան բուժհիմնարկի հետ կնքում է պայմանագիր հեմոդիալիզի մասին և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

9. Այլ հիվանդանոցային օգնություն

 

Պետության կողմից երաշխավորված անվճար հիվանդանոցային օգնությունն ընդգրկում է նաև` - չարորակ նորագոյացությունների ախտորոշումը և բուժումը. - անձավաբուժությունը. - բժշկասոցիալական վերականգնման և աշխատունակության փորձաքննության

ծառայությունների ձեռքբերումը. - հոգեբանական առողջության վերականգնման ծառայությունների ձեռքբերումը:

 

9.1. Չարորակ նորագոյացությունների ախտորոշումը և բուժումը

 

9.1.1. Բնակչությանը պետության կողմից երաշխավորված անվճար հիվանդանոցային օգնության շրջանակներում չարորակ նորագոյացությունների, այդ թվում` օնկոհեմատոլոգիական հիվանդությունների բուժումն ընդգրկում է` - հիվանդանոցային պայմաններում ախտորոշումը ճշտելու նպատակով

հետազոտում` բնակչության սոցիալապես անապահով խմբերում ընդգրկված

անձանց և մինչև 8 տարեկան երեխաների համար. - ախտորոշված չարորակ նորագոյացությունների, այդ թվում`

օնկոհեմատոլոգիական հիվանդությունների բուժումը (վիրաբուժական,

սիմպտոմատիկ, քիմիոթերապևտիկ, ճառագայթային, անհետաձգելի)` ամբողջ

բնակչության համար:

9.1.2. Բնակչությանը պետության կողմից երաշխավորված չարորակ նորագոյացությունների, այդ թվում` օնկոհեմատոլոգիական հիվանդությունների հիվանդանոցային առաջնահերթ պլանային բուժումն իրականացվում է մասնագիտացված ուռուցքաբանական, այդ թվում` օնկոհեմատոլոգիական դիսպանսերներում և կենտրոններում, անհետաձգելի վիճակների առաջացման դեպքերում` հիվանդանոցային բուժհիմնարկների վիրաբուժական պրոֆիլի բաժանմունքներում:

9.1.3. Չարորակ նորագոյացությունների, այդ թվում` օնկոհեմատոլոգիական հիվանդությունների անվճար ախտորոշման և բուժման ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան բուժհիմնարկի հետ կնքում է պայմանագիր չարորակ նորագոյացությունների, այդ թվում` օնկոհեմատոլոգիական հիվանդությունների ախտորոշման և բուժման մասին և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

9.2. Անձավաբուժությունը

 

9.2.1. Պետության կողմից երաշխավորված անվճար անձավաբուժությունն իրականացվում է համապատասխան մասնագիտացված կենտրոններում` սոցիալապես անապահով խմբերում ընդգրկված անձանց և մինչև 8 տարեկան երեխաների համար:

9.2.2. Անվճար անձավաբուժական օգնության ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ անձավաբուժական սեանսների փաստացի թվի: Պետական պատվեր տեղադրող մարմինն անձավաբուժական մասնագիտացված կենտրոնի հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

9.3. Բժշկասոցիալական վերականգնման և աշխատունակության

փորձաքննության ծառայությունների ձեռքբերումը

 

9.3.1. Պետության կողմից երաշխավորված անվճար բժշկասոցիալական վերականգնման ու աշխատունակության փորձաքննության ծառայությունների ձեռքբերումն իրականացվում է Հայաստանի Հանրապետության սոցիալական ապահովության նախարարության համակարգի հիվանդանոցային հիմնարկներում` համաձայն Հայաստանի Հանրապետության սոցիալական ապահովության նախարարության կողմից սահմանվող ցանկի և կարգի:

9.3.2. Անվճար բժշկասոցիալական վերականգնման և աշխատունակության փորձաքննության ծառայությունների ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան հիվանդանոցային հիմնարկի հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

9.4. Հոգեբանական առողջության վերականգնման

ծառայությունների ձեռքբերումը

 

9.4.1. Պետության կողմից երաշխավորված անվճար հոգեբանական առողջության վերականգնման ծառայությունների ձեռքբերումն իրականացվում է Հայաստանի Հանրապետության սոցիալական ապահովության նախարարության համակարգի հիվանդանոցային հիմնարկներում` համաձայն Հայաստանի Հանրապետության սոցիալական ապահովության նախարարության կողմից սահմանվող ցանկի և կարգի:

9.4.2. Անվճար հոգեբանական առողջության վերականգնման ծառայությունների ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի դուրս գրված (տեղափոխված) հիվանդների թվի: Պետական պատվեր տեղադրող մարմինը համապատասխան հիվանդանոցային հիմնարկի հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

III. ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԱՅԼ ԲԺՇԿԱԿԱՆ ՕԳՆՈՒԹՅՈՒՆԸ ԵՎ ՀԱՐԱԿԻՑ ԾԱՌԱՅՈՒԹՅՈՒՆՆԵՐԸ

 

Պետության կողմից երաշխավորված անվճար այլ բժշկական օգնությունն ու հարակից ծառայություններն ընդգրկում են`

1. Արտահիվանդանոցային շտապ բժշկական օգնությունը, այդ թվում` սանիտարական ավիացիայի ծառայությունը.

2. Հարակից ծառայությունները:

 

1. Արտահիվանդանոցային շտապ բժշկական օգնությունը

 

1.1. Պետության կողմից երաշխավորված անվճար այլ բժշկական օգնության և հարակից ծառայությունների շրջանակներում հանրապետության ամբողջ տարածքում բնակչության բոլոր խմբերի համար ապահովվում է արտահիվանդանոցային անհետաձգելի բժշկական օգնություն` շտապ բժշկական օգնության կանչերի միջոցով, որոնք իրականացվում են նեղ մասնագիտացված, ընդհանուր բժշկական (գծային), ֆելդշերական բրիգադների, ինչպես նաև սանիտարական ավիացիայի միջոցով:

1.2. Պետության կողմից երաշխավորված անվճար արտահիվանդանոցային շտապ բժշկական օգնությունն իրականացվում է շտապ բժշկական օգնության կայաններում, բուժմիավորումների, հիվանդանոցների շտապ օգնության բաժանմունքներում, ինչպես նաև` սանիտարական ավիացիայի ծառայությունների միջոցով, որոնք ստեղծվում են Հայաստանի Հանրապետության առողջապահության նախարարության կողմից սահմանվող բուժհիմնարկներում:

1.3. Պետության կողմից երաշխավորված անվճար արտահիվանդանոցային շտապ բժշկական օգնություն ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ շտապ օգնության տարբեր տեսակի բրիգադների և սանիտարական ավիացիայի ծառայության կողմից փաստացի կատարված կանչերի թվի: Պետական պատվեր տեղադրող մարմինն արտահիվանդանոցային շտապ բժշկական օգնություն իրականացնողի հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան: Կեղծ կանչերը փոխհատուցվում են ընդհանուր կանչերի ոչ ավելի, քան 5 տոկոսի սահմաններում:

 

2. Հարակից ծառայությունները

 

2.1. Պետության կողմից երաշխավորված անվճար հարակից առողջապահական ծառայություններն ընդգրկում են` դատաբժշկական, այդ թվում` ախտաբանաանատոմիական փորձաքննությունը, լիցենզավորման կենտրոնը, տեղեկատվական-վերլուծական կենտրոնը, Հայաստանի Հանրապետության առողջապահության նախարարության կողմից սահմանվող այլ ծառայություններ:

2.2. Պետության կողմից երաշխավորված անվճար հարակից առողջապահական ծառայությունների ֆինանսավորումը Հայաստանի Հանրապետության պետական բյուջեից իրականացվում է պետական պատվեր տեղադրող մարմնի և տվյալ ծառայությունն իրականացնողի միջև կնքվող պայմանագրի համաձայն, ըստ կատարվող պայմանագրային աշխատանքի փաստացի ծավալի (մարզային արյան փոխներարկման կայանների գծով պետական պատվեր տեղադրող մարմին է Հայաստանի Հանրապետության կառավարության առընթեր պետական առողջապահական գործակալությունը, այլ հարակից ծառայությունների գծով` Հայաստանի Հանրապետության առողջապահության նախարարությունը):

 

IV. ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԱՅԼ ԱՌՈՂՋԱՊԱՀԱԿԱՆ ԾԱՌԱՅՈՒԹՅՈՒՆՆԵՐ

 

1. Պետության կողմից երաշխավորված անվճար այլ առողջապահական ծառայություններն ընդգրկում են` - դեղորայքային ապահովումը. - հատուկ և դժվարամատչելի ախտորոշիչ հետազոտությունների անցկացումը. - հիվանդների ճանապարհածախսը:

 

1.1. Դեղորայքային ապահովումը

 

1.1.1. Պետության կողմից երաշխավորված անվճար այլ առողջապահական ծառայությունների շրջանակներում դեղորայքային ապահովումն իրականացնում է Հայաստանի Հանրապետության առողջապահության նախարարությունը` դեղորայքի առավել կարևոր տեսակների կենտրոնացված ձեռքբերմամբ և դրանց բուժհիմնարկների միջոցով համապատասխան հիվանդներին անվճար տրամադրելով:

 

1.2. Հատուկ և դժվարամատչելի ախտորոշիչ

հետազոտությունների անցկացումը

 

1.2.1. Պետության կողմից երաշխավորված անվճար հատուկ և դժվարամատչելի ախտորոշիչ հետազոտություններն իրականացվում են համապատասխան մասնագիտացված կենտրոններում և բաժանմունքներում` համաձայն Հայաստանի Հանրապետության առողջապահության նախարարության կողմից սահմանվող ցանկի և կարգի:

1.2.2. Անվճար հատուկ և դժվարամատչելի ախտորոշիչ հետազոտությունների ֆինանսավորումը Հայաստանի Հանրապետության պետական բյուջեից իրականացվում է սույն որոշման N 3 հավելվածի համաձայն` ըստ փաստացի կատարվող հետազոտությունների կամ համալիր ախտորոշվող հիվանդների թվի: Պետական պատվեր տեղադրող մարմինը համապատասխան հատուկ և դժվարամատչելի ախտորոշիչ հետազոտություններ իրականացնողների հետ կնքում է պայմանագիր և փաստացի իրականացված աշխատանքների դիմաց կատարում փոխհատուցում` սույն որոշմամբ սահմանված դրույթներին համապատասխան:

 

1.3. Հիվանդների ճանապարհածախսը

 

1.3.1. Պետության կողմից երաշխավորված անվճար այլ առողջապահական ծառայությունների շրջանակներում հիվանդների ճանապարհածախսը փոխհատուցում է Հայաստանի Հանրապետության առողջապահության նախարարությունը` ըստ գործող կարգի:

 

V. ՀԻԳԻԵՆԻԿ ԵՎ ՀԱՄԱՃԱՐԱԿԱԲԱՆԱԿԱՆ ԾԱՌԱՅՈՒԹՅՈՒՆԸ

 

1.1. Պետության կողմից երաշխավորված անվճար հիգիենիկ և համաճարակաբանական ծառայությունն ընդգրկում է` - նախազգուշական և ընթացիկ սանիտարական հսկողությունը. - հակահամաճարակային հսկողությունը. - հիգիենիկ-համաճարակային նորմերի և կանոնների համակարգի

կատարելագործումը. - բնակչության հիգիենիկ գիտելիքների մակարդակի բարձրացումը. - բնակչության իմունիզացիայի կազմակերպումը. - համաճարակաբանական հատուկ ծրագրերի իրականացումը:

1.2. Պետության կողմից երաշխավորված անվճար հիգիենիկ և համաճարակաբանական ծառայությունն իրականացնում են Հայաստանի Հանրապետության տարածքում գործող հիգիենիկ հակահամաճարակային հսկողության կենտրոնները, Հայաստանի Հանրապետության առողջապահության նախարարության կողմից սահմանվող հիգիենիկ և համաճարակաբանական այլ ծառայություններ:

1.3. Անվճար հիգիենիկ և համաճարակաբանական ծառայության ֆինանսավորումը Հայաստանի Հանրապետության պետական բյուջեից իրականացնում է Հայաստանի Հանրապետության առողջապահության նախարարությունը` ըստ նախահաշիվների:

 

VI. ԱՅԼ ԾՐԱԳՐԵՐ

 

1. Պետության կողմից երաշխավորված անվճար բժշկական օգնության և ծառայությունների այլ ծրագրերն ընդգրկում են`

1.1. Առողջապահական հիմնարկների և կազմակերպությունների սարքավորումների և շտապ օգնության ծառայության ավտոպարկի նորացումը: Վերջինս իրականացնում է Հայաստանի Հանրապետության առողջապահության նախարարությունը` սարքավորումների և շտապ օգնության մեքենաների ձեռք բերելու և հանրապետության առողջապահական հիմնարկներին տրամադրելու միջոցով` ըստ գործող կարգի:

1.2. Համաշխարհային բանկի տրամադրած միջոցներով իրականացվող առողջապահության ֆինանսավորման մեխանիզմների բարելավման և առողջության առաջնային պահպանման զարգացման ծրագիրը, այդ թվում` ծրագրին Հայաստանի Հանրապետության կառավարության մասնակցության մասով, իրականացնում է Հայաստանի Հանրապետության առողջապահության նախարարությունը` ըստ Համաշխարհային բանկի միջազգային զարգացման ընկերակցության և Հայաստանի Հանրապետության կառավարության միջև 1997 թվականի սեպտեմբերի 2-ի N 29-79 AM համաձայնագրով նախատեսված ծրագրերի:

 

VII. ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ԾԱՌԱՅՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ԵՎ ՖԻՆԱՆՍԱՎՈՐՄԱՆ ՊԱՅՄԱՆՆԵՐԸ

 

1. Բնակչությանը պետության կողմից երաշխավորված անվճար բժշկական օգնությունն իրականացվում է բժշկական հիմնարկներում, որոնք ունեն սահմանված կարգով ստացված լիցենզիա (լիցենզիայի բացակայության դեպքում` Հայաստանի Հանրապետության առողջապահության կողմից տրվող ժամանակավոր թույլտվություն)` տվյալ բժշկական օգնության տեսակի գծով:

2. Պետական պատվեր տեղադրող մարմինը համապատասխան բժշկական հիմնարկների հետ կնքում է պայմանագրեր, իրականացնում բժշկական օգնության և ծառայությունների ընդունում և փոխհատուցում` համաձայն սույն որոշման N 3 հավելվածում սահմանված գների և NN 2, 4 հավելվածներում սահմանված կարգերի:

3. Պետության կողմից երաշխավորված անվճար բժշկական օգնություն և ծառայություններ իրականացնողները համապատասխան աշխատանքները լիարժեք և արդյունավետ կազմակերպելու նպատակով բժշկական օգնության և ծառայությունների` իրենց մոտ բացակայող առանձին ենթամասերը կարող են իրականացնել միմյանց միջև պայմանագրային սկզբունքներով: Նման դեպքերում բուժհիմնարկների միջև գործող պայմանագրային գները, որոնք սույն որոշման N 3 հավելվածում նշված գների բաղադրամասերն են, հաստատում է Հայաստանի Հանրապետության առողջապահության նախարարությունը` սահմանված կարգով համաձայնեցված Հայաստանի Հանրապետության ֆինանսների և էկոնոմիկայի նախարարության հետ:

4. Բնակչությանը պետության կողմից երաշխավորված անվճար անհետաձգելի օգնությունն իրականացվում է Հայաստանի Հանրապետության տարածքում սահմանված կարգով բոլոր բուժհիմնարկներում` անկախ սեփականության ձևից, կազմակերպաիրավական տեսակից և ուղեգրերի առկայությունից:

5. Մանկական ամբուլատոր-պոլիկլինիկական հիմնարկներում նեղ մասնագիտացված բուժօգնության որոշ տեսակների բացակայության դեպքում (տուբերկուլյոզային, ինֆեկցիոն, ուռուցքաբանական, մաշկային և այլն), երեխաների սպասարկումը նեղ մասնագիտացված բուժօգնության գծով իրականացվում է տվյալ տարածքում գործող մեծահասակների ամբուլատոր-պոլիկլինիկական հիմնարկներում` մանկական ամբուլատոր-պոլիկլինիկական հիմնարկի ուղեգրմամբ:

6. Բնակչությանը պետության կողմից երաշխավորված անվճար պլանային հիվանդանոցային բժշկական օգնությունը` բժշկական ցուցումների առկայությամբ, իրականացվում է` - սոցիալապես անապահով խմբերում ընդգրկված անձանց և մինչև 8 տարեկան

երեխաների համար`

- համաձայն տեղամասային թերապևտի (մանկաբույժի) և (կամ) ընտանեկան

բժշկի տված ուղեգրերի (հղիների մանկաբարձագինեկոլոգիական

հիվանդանոցային օգնության դեպքում` համաձայն հղիությունը հսկող

մանկաբարձ-գինեկոլոգի տված ուղեգրի).

- սոցիալական համապատասխան կարգավիճակը հաստատող փաստաթղթերը և

անձնագիրը (երեխաների համար` ծննդյան վկայականի) ներկայացնելով`

հիվանդանոցային հիմնարկի ղեկավարի կամ նրա տեղակալի կողմից գլխավորող

բժշկական հանձնաժողովի եզրակացությամբ. - սոցիալապես անապահով խմբերում չընդգրկված անձանց և 8-ից մինչև 15

տարեկան երեխաների համար բժշկական և (կամ) սոցիալական հատուկ ցուցումների

դեպքում`

- Հայաստանի Հանրապետության առողջապահական նախարարության ուղեգրերով`

Հայաստանի Հանրապետության տարածքում գործող բոլոր բուժհիմնարկներում,

սույն որոշման N 1 հավելվածի 10-րդ տողով նախատեսված` ֆինանսավորվող

ծրագրերի շրջանակներում,

- Երևանի քաղաքապետի և Հայաստանի Հանրապետության մարզպետների ուղեգրով,

իրենց հիմնադրված հիվանդանոցային բուժհիմնարկներում` տվյալ

բուժհիմնարկում պետության կողմից երաշխավորված անվճար բժշկական

օգնության գծով, նախորդ 12 շաբաթվա կտրվածքով, սույն N 1 հավելվածի 02

ենթախմբի 10 -րդ տողով նախատեսված` ֆինանսավորվող ծրագրերի

շրջանակներում փաստացի կատարված աշխատանքների ֆինանսական ծավալների 2

տոկոսի սահմաններում,

- հիվանդանոցային հիմնարկի ղեկավարի կամ նրա տեղակալի կողմից գլխավորող

բժշկական հանձնաժողովի եզրակացությամբ` տվյալ տարածքում մշտական բնակվող

քաղաքացիների համար` տվյալ բուժհիմնարկում պետության կողմից

երաշխավորված անվճար բժշկական օգնության գծով, նախորդ 12 շաբաթվա

կտրվածքով, սույն որոշման N 1 հավելվածի 02 ենթախմբի 10-րդ տողով

նախատեսված` ֆինանսավորվող ծրագրերի շրջանակներում փաստացի կատարված

աշխատանքների ֆինանսական ծավալների 3 տոկոսի սահմաններում:

Նշված դեպքերում իրականացված անվճար պլանային բժշկական օգնության փոխհատուցումը կատարվում է սույն որոշման N 1 հավելվածի 02 ենթախմբի 10-րդ տողով նախատեսված` ֆինանսավորվող ծրագրով.

զորակոչային տարիքի անձանց բժշկական փորձաքննության դեպքում`

համապատասխան տարածքային զինկոմիսարիատների ուղեգրերով, զորակոչի

ընթացքում անհետաձգելի բժշկական ցուցումներով հոսպիտալացման դեպքում`

տարածքային զինկոմիսարիատին 2 օրվա ընթացքում հիվանդանոցային հիմնարկի

կողմից տեղեկացնելով. - հիվանդանոցային մեկ հիմնարկից մյուսը տեղափոխելու դեպքում` համապատասխան

տեղափոխման էպիկրիզի համաձայն. - հիվանդանոցային պայմաններում դատաբժշկական փորձաքննության անցկացման

դեպքում` համաձայն դատաբժշկական փորձագետի տված ուղեգրի. - սեռական ճանապարհով փոխանցվող և նարկոլոգիական հիվանդությունների

ախտորոշումը հաստատելու նպատակով հոսպիտալացման դեպքում` համաձայն

համապատասխան իրավապահ մարմինների տված ուղեգրի. - հիվանդանոցային բժշկաաշխատանքային փորձաքննության համար` համաձայն

Հայաստանի Հանրապետության սոցիալական ապահովության նախարարության կամ նրա

լիազորված մարմինների ուղեգրերի. - անհետաձգելի հիվանդանոցային օգնություն պահանջվող դեպքերում` շտապ

բժշկական օգնության ծառայության ուղեգրով և (կամ) հիվանդանոցային

օգնություն իրականացնող հիմնարկի ընդունարանի (հերթապահ բժշկի)

եզրակացությամբ:

7. Վերակենդանացման բաժանմունքներում բուժվում են միայն վերակենդանացման կարիք ունեցող հիվանդները (համաձայն սույն կարգի II բաժնի 3.5-րդ կետում սահմանված ցանկի), որոնք, բժշկական ցուցումներով, անմիջապես ընդունվում են վերակենդանացման բաժանմունք:

8. Հիվանդանոցային հիմնարկներում պետության կողմից երաշխավորված անվճար օգնության շրջանակներում այլ բաժանմունքներից վերակենդանացման բաժանմունք տեղափոխված հիվանդների թիվը եռամսյակային կտրվածքով չպետք է գերազանցի հիվանդների ընդհանուր թվի 1 տոկոսը, մանկական հիվանդանոցներում` 5 տոկոսը, իսկ սուր ինֆարկտի և գլխուղեղի արյան շռջանառության սուր խանգարումներով հիվանդների տեղափոխման դեպքում` տվյալ ախտորոշումն ունեցող հիվանդների 7 տոկոսը:

9. Հիվանդների տեղափոխումը, մեկ հիվանդանոցային հիմնարկից մյուսը, կատարվում է այդ հիմնարկների ղեկավարների փոխհամաձայնությամբ և բժշկական ցուցումներով` հիվանդի տեղափոխման անհրաժեշտությունը հիմնավորող համապատասխան մասնագիտական կոնսիլիումի արդյունքների առկայության պայմաններում:

10. Բնակչությանը պետության կողմից երաշխավորված անվճար բժշկական օգնության շրջանակներում իրականացված հիվանդանոցային օգնությունը ֆինանսավորվում է ըստ սահմանված կարգով գործող բաժանմունքների համար հաստատվող միջինացված գների` համաձայն սույն որոշման NN 3 և 4 հավելվածների:

11. Բնակչությանը պետության կողմից երաշխավորված անվճար բժշկական օգնության շրջանակներում հիվանդանոցային հիմնարկում բուժվող հիվանդին մեկ բաժանմունքից մյուսը ներհիվանդանոցային տեղափոխման դեպքում, բացի երկրորդ բաժանմունքում բուժման դիմաց սահմանված կարգով փոխհատուցումից, առաջին բաժանմունքում բուժման դիմաց ֆինանսավորումն իրականացվում է բուժման արժեքի 40 տոկոսի չափով: Տեղափոխված հիվանդների հաշվետվության 12 շաբաթվա կտրվածքով չպետք է գերազանցի հիվանդանոցում բուժվող հիվանդների թվի 5 տոկոսը: Սույն կետի դրույթները չեն գործում հիվանդին վերակենդանացման բաժանմունքից մյուս բաժանմունք տեղափոխման դեպքում: Վերակենդանացման բաժանմունքից այլ բաժանմունքներ տեղափոխման դեպքում վերակենդանացման բաժանմունքում բուժման դիմաց փոխհատուցումը կատարվում է 100 տոկոսով, վերակենդանացման բաժանմունքից տեղափոխումների թիվը չի սահմանափակվում:

12. Մեկ հիվանդանոցային հիմնարկից մյուսը տեղափոխման դեպքում անվճար բժշկական օգնության գծով ֆինանսավորումը, բացի երկրորդ հիվանդանոցում բուժման դիմաց սահմանված կարգով փոխհատուցումից, կատարվում է`

- առաջին հիվանդանոցային հիմնարկում հիվանդության պայմանագիրը փակելու դեպքում` այդ հիվանդանոցում բուժման լրիվ արժեքով,

- հիվանդի հետ նաև հիվանդության պայմանագիրը տեղափոխելու դեպքում` առաջին հիվանդանոցում բուժման արժեքի 40 տոկոսի չափով:

13. Սրտամկանի սուր ինֆարկտով հիվանդի, սրտաբանական բաժանմունքի ինտենսիվ թերապիայի բլոկում բուժումը հավասարեցվում է վերակենդանացման բաժանմունքում բուժմանը` համապատասխան փոխհատուցմամբ:

14. Հիվանդի բուժման դիմաց փոխհատուցումն իրականացվում է ըստ վերջնական ճշտված ախտորոշման:

15. Եթե հիվանդը հիվանդանոցի բաժանմունքում անց է կացնում 1-3 օր, որից հետո դուրս է գրվում, տեղափոխվում է կամ հրաժարվում բժշկական օգնությունից, ապա փոխհատուցումը կատարվում է ըստ օրերի (բացառությամբ վերակենդանացման բաժանմունքի)` համաձայն բաժանմունքների պրոֆիլների մեկ օրվա համար միջինացված ֆինանսավորման սկզբունքով նախատեսված գների` - ընդհանուր պրոֆիլի բաժանմունքի համար` 5000 դրամ` անկախ ախտորոշումից, - մասնագիտացված պրոֆիլի բաժանմունքի համար` 5500 դրամ` անկախ ախտորոշումից, - նեղ մասնագիտացված պրոֆիլի բաժանմունքի համար` 6000 դրամ` անկախ

ախտորոշումից:

16. Տուբերկուլյոզային, ուռուցքաբանական, նարկոլոգիական, վեներաբանական պրոֆիլի հիմնարկներում, հիվանդանոցային պայմաններում, ախտորոշման նպատակով հիվանդի հետազոտման դեպքում ֆինանսավորումն իրականացվում է ըստ անցկացրած մահճակալ օրերի, յուրաքանչյուր օրվա համար սահմանված 6000 դրամի չափով, սակայն ոչ ավելի, քան սույն որոշման N 3 հավելվածում տվյալ հետազոտման համար սահմանված միջինացված գնից:

17. Բարդացած ծննդաբերության միջինացված գինը ներառում է նաև նորածնի նկատմամբ ինտենսիվ հսկողության հետ կապված ծախսերը:

18. Սոցիալապես անապահով խմբերում ընդգրկված անձանց և մինչև 8 տարեկան երեխաներին հիվանդանոցային անհետաձգելի օգնություն ցույց տալու դեպքում փոխհատուցումն իրականացվում է սոցիալապես անապահով խմբերում ընդգրկված անձանց և մինչև 8 տարեկան երեխաների հիվանդանոցային բուժման համար սահմանված համապատասխան գնի չափով:

i

19. Սույն որոշմամբ սահմանված հիվանդանոցային բուժման գները, բուժօգնության կազմակերպման և ֆինանսավորման կարգը տարածվում են նաև Հայաստանի Հանրապետության սոցիալական ապահովության նախարարության հիվանդանոցային բուժհիմնարկներում բուժվող հիվանդների վրա:

i

20. Զինծառայողների բժշկական օգնությունը կազմակերպվում է համաձայն «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 33 հոդվածի ` Հայաստանի Հանրապետության տարածքում գործող բոլոր կարգի բժշկական հիմնարկներում զինծառայողների ղեկավար մարմինների միջոցների հաշվին: Համապատասխան մարմինները պետական պատվեր տեղադրող մարմնի հետ կնքում են պայմանագիր զինծառայողներին ցույց տրված բժշկական օգնության դիմաց ծախսերի հետագա փոխհատուցման մասին` սույն որոշման N 3 հավելվածում սահմանված գներով: Քաղաքացիական բուժհիմնարկներում բժշկական օգնություն ստանալու համար զինծառայողների ուղեգրումն իրականացվում է համաձայն Հայաստանի Հանրապետության առողջապահության նախարարության և համապատասխան մարմինների կողմից սահմանված կարգի:

21. 1999 թվականի ընթացքում մանկական առողջարաններում բուժվող մինչև 16 տարեկան մանկուց հաշմանդամ երեխայի խնամողի համար նախատեսել միջոցներ` յուրաքանչյուր օրվա համար Հայաստանի Հանրապետությունում` բյուջետային հիմնարկների աշխատողների գործուղման ծախսերով նախատեսված` բնակարանային վարձակալման և օրապահիկի համար գործող նորմաներին համապատասխան:

(21-րդ կետը լրաց. 05.08.99 թիվ 500 որոշում)

 

------------------------------------------------------

հեղինակների կողմից -  շարունակությունը հաջորդ մասերում

 

 

pin
ՀՀ կառավարություն
03.04.1999
N 199
Որոշում