ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
25 մարտի 1999 թվականի թիվ 16
2. ԻՐԱՎԱԲԱՆԱԿԱՆ ԱՆՁԱՆՑ ԵՎ ԱՆՀԱՏ ՁԵՌՆԱՐԿԱՏԵՐԵՐԻ ՖԻՆԱՆՍԱԿԱՆ ԱՌՈՂՋԱՑՄԱՆ ՄԱՍԻՆ
Բնակչության կենսամակարդակի բարձրացման համար անհրաժեշտ տնտեսական աճ ապահովելու նպատակով և կարևորելով վերջինիս համար տնտեսավարող անձանց ֆինանսական առողջացումն ու տնտեսության կարգավորման շուկայական մեխանիզմների լիարժեք գործողությունը`
1. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության գյուղատնտեսության նախարարությանը, Հայաստանի Հանրապետության փոստի և հեռահաղորդակցության նախարարությանը, Հայաստանի Հանրապետության քաղաքաշինության նախարարությանը, Հայաստանի Հանրապետության տրանսպորտի նախարարությանը, Հայաստանի Հանրապետության էներգետիկայի նախարարությանը` ապահովել իրենց ոլորտում գործունեություն իրականացնող ընկերություններին «Իրավաբանական անձանց, իրավաբանական անձի կարգավիճակ չունեցող ձեռնարկությունների և անհատ ձեռներեցների անվճարունակության (սնանկացման) և ֆինանսական առողջացման մասին» Հայաստանի Հանրապետության օրենքով ֆինանսական առողջացման համար նախատեսված ընթացակարգերի վերաբերյալ իրազեկումը և առաջարկել նրանց ֆինանսական առողջացման ծրագրեր իրականացնելիս առաջնորդվել օրենքով սահմանված ընթացակարգերով:
2. Հայաստանի Հանրապետության ֆինանսների և էկոնոմիկայի նախարարությանը` առաջարկել ֆինանսական առողջացման ծրագրերի իրականացման նպատակով օրենքով սահմանված կարգով հարկային արտոնություններ հայցող ընկերություններին առաջնորդվել «Իրավաբանական անձանց, իրավաբանական անձի կարգավիճակ չունեցող ձեռնարկությունների և անհատ ձեռներեցների անվճարունակության (սնանկացման) և ֆինանսական առողջացման մասին» Հայաստանի Հանրապետության օրենքով ֆինանսական առողջացման համար նախատեսված ընթացակարգերով: