041.0225.160499
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
16 ապրիլի 1999 թվականի թիվ 225
ՌՈՒՍԱՍՏԱՆԻ ԴԱՇՆՈՒԹՅԱՆ ՀԱՐԿԵՐԻ ԵՎ ԳԱՆՁՈՒՄՆԵՐԻ ՆԱԽԱՐԱՐ Գ. ԲՈՈՍԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԻ ՄԱՍԻՆ
Ռուսաստանի Դաշնության հարկերի և գանձումների նախարար Գ. Բոոսի և նրան ուղեկցող անձանց 1999 թվականի ապրիլի 23-25-ը Հայաստանի Հանրապետություն այցի կապակցությամբ`
1. Հայաստանի Հանրապետության կառավարության աշխատակազմին`
ա) նախապատրաստել այցելության ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի.
բ) ապահովել հյուրերի ընդունումը, տեղավորումը, ճանապարհումը և սպասարկման համար տրամադրել անհրաժեշտ քանակի փոխադրամիջոցներ:
2. Հայաստանի Հանրապետության քաղաքացիական ավիացիայի գլխավոր վարչությանը` ապահովել պատվիրակության ընդունումն ու ճանապարհումը պաշտոնական պատվիրակությունների սրահում (անվճար):
3. Հայաստանի Հանրապետության ներքին գործերի և ազգային անվտանգության նախարարությանը` հյուրերի Հայաստանում գտնվելու ընթացքում հատկացնել ուղեկցող անձնակազմեր:
4. Հայաստանի Հանրապետության ֆինանսների և էկոնոմիկայի նախարարությանը` հյուրերի Հայաստանում գտնվելու հետ կապված բոլոր ծախսերը կատարել Հայաստանի Հանրապետության 1999 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի ներկայացրած հաշվետվությունների: