041.0241.220499
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
22 ապրիլի 1999 թվականի թիվ 241
ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԻ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ԱՆՑԿԱՑՄԱՆ ՄԱՍԻՆ
1999 թվականի ապրիլի 24-ի` ցեղասպանության զոհերի հիշատակի օրվա կապակցությամբ`
1. Երևանի քաղաքապետին`
ա) մինչև 1999 թվականի ապրիլի 22-ը ապահովել Եղեռնի հուշարձանի տարածքի, դրա շրջակայքի, դեպի հուշարձան տանող ճանապարհների բարեկարգման աշխատանքների իրականացումը.
բ) ցեղասպանության զոհերի հիշատակի օրը` 1999 թվականի ապրիլի 24-ին, ապահովել Երևանի բնակչության դեպի Եղեռնի հուշարձան տրանսպորտային միջոցներով սպասարկումը` ըստ նախօրոք հաստատված երթուղիների և չվերթների:
2. Հայաստանի Հանրապետության ներքին գործերի և ազգային անվտանգության նախարարությանը`
ա) ցեղասպանության զոհերի հիշատակի օրը Երևանում ապահովել հասարակական պատշաճ կարգուկանոն, հատկապես միջոցառումների անցկացման վայրերում, ուժեղացնել հսկողությունը կենսաապահովման և բարձր վտանգավորություն ունեցող օբյեկտների պահպանության նկատմամբ.
բ) Երևանի քաղաքապետի ներկայացրած հայտերի համաձայն հաստատված երթուղիներում ապահովել տրանսպորտի անվտանգ երթևեկությունը:
3. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` ապահովել ցեղասպանության զոհերի հիշատակի օրվան նվիրված միջոցառումների լուսաբանումը: