040.0278.030599
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» մայիսի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 մայիսի 1999 թվականի թիվ 278
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԱԿ-Ի ԳՐԱՍԵՆՅԱԿԻ ՏԱՐԱԾՔԸ ՊԱՐՍՊԱՊԱՏԵԼՈՒ ՄԱՍԻՆ
Հայաստանի Հանրապետությունում ՄԱԿ-ի գրասենյակի շենքի անվտանգությունն ապահովելու նպատակով Հայաստանի Հանրապետության կառավարությունը որոշում է.
1. Երևանի քաղաքապետին` 10-օրյա ժամկետում Հայաստանի Հանրապետությունում ՄԱԿ-ի գրասենյակին Երևանի Կ. Լիբկնեխտի փողոցի N 14 շենքին հարող տարածքից հատկացնել լրացուցիչ 300 քառ. մետր հողամաս և սահմանված կարգով ճշտել ընդհանուր սահմանները:
2. Հայաստանի Հանրապետությունում ՄԱԿ-ի գրասենյակի տարածքը պարսպապատելու նպատակով գրասենյակին հատկացնել մինչև 8 մլն դրամ Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
3. Սույն որոշումն ուժի մեջ է մտնում 1999 թվականի մայիսի 3-ից: