041.0254.300499
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 ապրիլի 1999 թվականի թիվ 254
ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ՀԵՏ ԱՆՇԱՐԺ ԳՈՒՅՔԻ ՓՈԽԱՆԱԿՈՒԹՅԱՆ ՄԱՍԻՆ
Հայաստանի Հանրապետության արտաքին գործերի նախարարությանը և Հայաստանի Հանրապետության արդարադատության նախարարությանը` մեկամսյա ժամկետում Հայաստանի Հանրապետության կառավարություն ներկայացնել Չինաստանի Ժողովրդական Հանրապետության և Հայաստանի Հանրապետության միջև միջպետական համաձայնագրի նախագիծ` Երևան քաղաքում բնակարաններ և Մարշալ Բաղրամյան պողոտայի N 12 շենք ու սպասարկման համար անհրաժեշտ` դրան հարող տարածքը սեփականության իրավունքով Չինաստանի Ժողովրդական Հանրապետությանը որպես դեսպանատուն հանձնելու և փոխարենը համարժեք Պեկինում` Հայաստանի Հանրապետությանը որպես դեսպանատուն նույն հիմունքներով հատկացնելու մասին: