041.0266.040599
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 մայիսի 1999 թվականի թիվ 266
Է. ՍԱՆԴՈՅԱՆԻ, Պ. ՂԱԼԹԱԽՉՅԱՆԻ, Մ. ՁԱՎԱՐՅԱՆԻ ԵՎ Հ. ԴԱՎԹՅԱՆԻ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂՄԱՆ ՄԱՍԻՆ
1. Հայաստանի Հանրապետության ֆինանսների և էկոնոմիկայի նախարար Էդվարդ Սանդոյանին, Հայաստանի Հանրապետության սեփականաշնորհման նախարար Պավել Ղալթախչյանին, Հայաստանի Հանրապետության արդյունաբերության և առևտրի նախարարի առաջին տեղակալ Մովսես Ձավարյանին ու Հայաստանի Հանրապետության ֆինանսների և էկոնոմիկայի նախարարության իրավաբանական վարչության պետ Հայկ Դավթյանին 1999 թվականի մայիսի 6-7-ը գործուղել Մոսկվա «Պրոմեթեյ-Խիմպրոմ» ՓԲԸ-ի մասնավորեցման վերջնական պայմանագիրն ստորագրելու համար:
2. Է. Սանդոյանի, Պ. Ղալթախչյանի, Մ. Ձավարյանի և Հ. Դավթյանի Ռուսաստանի Դաշնություն գործուղման հետ կապված ծախսերը կատարել` Հայաստանի Հանրապետության 1999 թվականի պետական բյուջեով արտասահմանյան պաշտոնեական գործուղումների համար նախատեսված միջոցների հաշվին:
3. Հայաստանի Հանրապետության արտաքին գործերի նախարարությանը և Հայաստանի Հանրապետության քաղաքացիական ավիացիայի գլխավոր վարչությանը` լուծել Է. Սանդոյանի, Պ. Ղալթախչյանի, Մ. Ձավարյանի և Հ. Դավթյանի Ռուսաստանի Դաշնություն մեկնելու հետ կապված հարցերը: