040.0093.110213
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 փետրվարի 2013 թվականի N 93-Ա
«ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ԱԶԳԱՅԻՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ԱՄՐԱՑՆԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին մասի և Հայաստանի Հանրապետության կառավարության 2006 թվականի մարտի 27-ի N 346-Ն որոշման դրույթներով` Հայաստանի Հանրապետության կառավարությունը որոշում է.
1. «Հայաստանի Հանրապետության արտակարգ իրավիճակների նախարարության աշխատակազմ» պետական կառավարչական հիմնարկին ամրացված շենքերը և շինությունները (այսուհետ` գույք)` համաձայն հավելվածի, հետ վերցնել և հանձնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկի տնօրինությանը:
2. Հայաստանի Հանրապետության արտակարգ իրավիճակների նախարարին և Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո երկամսյա ժամկետում ապահովել գույքի հանձնման-ընդունման աշխատանքների կատարումը:
3. Սույն որոշման 2-րդ կետում նշված աշխատանքների ավարտից հետո գույքն անժամկետ և անհատույց օգտագործման իրավունքով ամրացնել «Տեխնիկական անվտանգության ազգային կենտրոն» պետական ոչ առևտրային կազմակերպությանը (այսուհետ` կազմակերպություն):
4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո եռամսյա ժամկետում կազմակերպության հետ կնքել գույքի նկատմամբ սույն որոշման 3-րդ կետից բխող` անհատույց օգտագործման մասին պայմանագիր` դրանում սահմանելով, որ պայմանագրի նոտարական վավերացման և դրանից ծագող գույքային իրավունքների պետական գրանցման ծախսերը ենթակա են իրականացման` կազմակերպության միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2013 ԹՎԱԿԱՆԻ ՓԵՏՐՎԱՐԻ 11-ԻՆ
Հավելված
ՀՀ կառավարության
2013 թվականի փետրվարի 7-ի
N 93-Ա որոշման
ՑԱՆԿ
«ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ԱԶԳԱՅԻՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ՕԳՏԱԳՈՐԾՄԱՆ ԻՐԱՎՈՒՆՔՈՎ ԱՄՐԱՑՎՈՂ ԳՈՒՅՔԻ
._____________________________________________________________________.
|NN |Անվանումը |Չափի |Ներքին|Սպա- |Գտնվելու |Հաշվեկշ-|
|ը/կ| |միավո-|մակե- |սարկման|վայրը |ռային |
| | |րը |րեսը |համար | |արժեքը |
| | | | |անհրա- | |(հազ. |
| | | | |ժեշտ | |դրամ) |
| | | | |հողա- | | |
| | | | |մասը | | |
|___|____________________|______|______|_______|_____________|________|
|1. |Վարչական տարածք, |քառ. | 157.7| - |քաղ. Երևան, | 769794|
| |աստիճանավանդակ և |մետր | | |Ծովակալ | |
| |միջանցք | | | |Իսակովի պող.,| |
| | | | | |9/1, 1-ին | |
| | | | | |հարկ | |
|___|____________________|______|______|_______|_____________|________|
|2. |Վարչական տարածք |քառ. | 69.3| 300 |քաղ. Երևան, | 523102|
| | |մետր | | |Շարուրի 22/1 | |
|___|____________________|______|______|_______|_____________|________|
|3. |Վարչական տարածք, |քառ. | 114.5| - |ՀՀ Լոռու մարզ| 382839|
| |աստիճանավանդակ և |մետր | | |քաղ. Վանաձոր,| |
| |միջանցք | | | |Երևանյան խճ.| |
| | | | | |62, 2-րդ հարկ| |
|___|____________________|______|______|_______|_____________|________|
|4. |Վարչական տարածք, |քառ. | 207.9| - |ՀՀ Շիրակի | - |
| |աստիճանավանդակ |մետր | | |մարզ, քաղ. | |
| |և միջանցք | | | |Գյումրի, | |
| | | | | |Ղուկասյան 30,| |
| | | | | |2-րդ հարկ | |
|___|____________________|______|______|_______|_____________|________|
|5. |Վարչական տարածք, |քառ. | 59.7| - |ՀՀ Արմավիրի | 114277|
| |աստիճանավանդակ |մետր | | |մարզ, քաղ. | |
| |և միջանցք | | | |Վաղարշապատ, | |
| | | | | |Աթարբեկյան 11| |
| | | | | |2-րդ հարկ | |
._____________________________________________________________________.