ԵՐԵՎԱՆԻ ՆՈՐՔԻ «ՄԱՆԿԱՆ ՏՈՒՆ» ԵՎ ՀՀ ՇԻՐԱԿԻ ՄԱՐԶԻ ԳՅՈՒՄՐԻԻ «ԵՐԵԽԱՆԵՐԻ ՏՈՒՆ» ՊԵՏԱԿԱՆ ...

040.0306.110599

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«11» մայիսի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

11 մայիսի 1999 թվականի թիվ 306

ԵՐԵՎԱՆԻ ՆՈՐՔԻ «ՄԱՆԿԱՆ ՏՈՒՆ» ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻԻ «ԵՐԵԽԱՆԵՐԻ ՏՈՒՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԸ ԼՈՒԾԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Լուծարել Երևանի Նորքի «Մանկան տուն» և Հայաստանի Հանրապետության Շիրակի մարզի Գյումրիի «Երեխաների տուն» պետական փակ բաժնետիրական ընկերությունները և լուծարման գործընթացի ավարտից հետո մնացած գույքի օգտագործմամբ ստեղծել նույնանուն բյուջետային հիմնարկներ:

2. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության սոցիալական ապահովության նախարարության Երևանի Նորքի «Մանկան տուն» և Հայաստանի Հանրապետության Շիրակի մարզի Գյումրիի «Երեխաների տուն» բյուջետային հիմնարկների պահպանման ծախսերի ֆինանսավորումն իրականացնել Հայաստանի Հանրապետության պետական բյուջեով նախատեսված գումարի սահմաններում` ըստ բյուջետային դասակարգման:

3. Սույն որոշումն ուժի մեջ է մտնում 1999 թվականի մայիսի 11-ից: