041.0291.170599
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
17 մայիսի 1999 թվականի թիվ 291
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
1. «Հայէլեկտրամեքենա» փակ բաժնետիրական ընկերության վերակառուցվածքավորման (ռեստրուկտուրիզացիա) ծրագիրը նախապատրաստելու նպատակով ստեղծել հանձնաժողով հետևյալ կազմով`
Հ. Դավթյան - ՀՀ ֆինանսների և էկոնոմիկայի նախարարության
գլխավոր իրավախորհրդականի գրասենյակ -
իրավաբանական վարչության պետ
(հանձնաժողովի նախագահ)
Ա. Թառլամազյան - ՀՀ սեփականաշնորհման նախարարության պետական
գույքի տնօրինման վարչության պետ
Լ. Էլոյան - ՀՀ քաղաքաշինության նախարարության
քաղաքաշինական քաղաքականության վարչության պետ
Ֆ. Բաշոյան - ՀՀ կառավարությանն առընթեր անշարժ գույքի
պետական միասնական կադաստրի վարչության անշարժ
գույքի հաշվառման բաժնի պետ
Գ. Ղուկասյան - «Հայէլեկտրամեքենա» ՓԲԸ-ի գործադիր տնօրեն
2. Հանձնաժողովին` մեկամսյա ժամկետում նախապատրաստել և Հայաստանի Հանրապետության կառավարություն ներկայացնել «Հայէլեկտրամեքենա» փակ բաժնետիրական ընկերության վերակառուցվածքավորման ծրագիրը:
3. Հայաստանի Հանրապետության արտադրական ենթակառուցվածքների գործունեությունը համակարգող նախարար Գ. Մարտիրոսյանին` կոորդինացնել հանձնաժողովի աշխատանքները: