041.0307.200599
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
20 մայիսի 1999 թվականի թիվ 307
ԱՌԱՋԻՆ ՀԱՆՐԱՊԵՏՈՒԹՅԱՆ ՏՈՆԸ ՆՇԵԼՈՒ ՄԱՍԻՆ
Հայաստանի առաջին հանրապետության ստեղծման 81-րդ տարելիցի կապակցությամբ`
1. Հայաստանի Հանրապետության մշակույթի, երիտասարդության հարցերի և սպորտի նախարարությանը` ապահովել 1999 թվականի մայիսի 28-ին առաջին հանրապետության տոնին նվիրված համերգ-հանդիսության անցկացումը Ալ. Սպենդարյանի անվան օպերայի և բալետի պետական ակադեմիայի թատրոնում:
2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետում նշված միջոցառման անցկացման ֆինանսավորումն իրականացնել Հայաստանի Հանրապետության 1999 թվականի պետական բյուջեով Հայաստանի Հանրապետության մշակույթի, երիտասարդության հարցերի և սպորտի նախարարության համար նախատեսված ընդհանուր միջոցների հաշվին` համաձայն ներկայացված նախահաշվի:
3. Հայաստանի Հանրապետության մարզպետներին և Երևանի քաղաքապետին`
ա) հաստատել առաջին հանրապետության տոնին նվիրված միջոցառումների ծրագիր և ապահովել դրա իրականացումը.
բ) իրականացնել Երևանի և հանրապետության մյուս բնակավայրերի տոնական արտաքին ձևավորման աշխատանքները և ապահովել պատշաճ սանիտարական վիճակի պահպանումը.
գ) ծաղկեպսակ դնել մայրաքաղաքի Արամի փողոցում գտնվող Արամ Մանուկյանի հուշատախտակին:
4. Հայաստանի Հանրապետության պաշտպանության նախարարությանը` ապահովել առաջին հանրապետության տոնին նվիրված միջոցառումների անցկացումը Սարդարապատի ճակատամարտի հուշահամալիրում:
5. Հայաստանի Հանրապետության տրանսպորտի նախարարությանը` 1999 թվականի մայիսի 28-ին ապահովել հասարակական տրանսպորտի անխափան աշխատանքը:
6. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` ապահովել անցկացվող միջոցառումների լուսաբանումը:
7. Հայաստանի Հանրապետության ներքին գործերի և ազգային անվտանգության նախարարությանը` 1999 թվականի մայիսի 28-ին ապահովել հասարակական կարգի պահպանությունը միջոցառումների անցկացման վայրերում, ուժեղացնել հսկողությունը կենսաապահովման և բարձր վտանգավորություն ունեցող օբյեկտների պահպանության նկատմամբ:
8. Հայաստանի Հանրապետության նախարարություններին, գերատեսչություններին, Հայաստանի Հանրապետության մարզպետներին և Երևանի քաղաքապետին` առաջին հանրապետության տոնի կապակցությամբ կենտրոնական ապարատներում սահմանել շուրջօրյա հերթապահություն: