ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆԻՑ ԳՅՈՒՂԱՏՆՏԵՍԱԿԱՆ ՏԵԽՆԻԿԱ ՆԵՐՄՈՒԾԵԼՈՒ ԵՎ ԲՅՈՒՋԵՏԱՅԻՆ Ե ...

040.0588.140613

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

13 հունիսի 2013 թվականի N 588-Ն

ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆԻՑ ԳՅՈՒՂԱՏՆՏԵՍԱԿԱՆ ՏԵԽՆԻԿԱ ՆԵՐՄՈՒԾԵԼՈՒ ԵՎ ԲՅՈՒՋԵՏԱՅԻՆ ԵՐԱՇԽԻՔ ՏՐԱՄԱԴՐԵԼՈՒ ՄԱՍԻՆ

«Բաժնետիրական ընկերությունների մասին» Հայաստանի Հանրապետության օրենքի 61-րդ հոդվածի 2-րդ մասին և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 11-րդ հոդվածին համապատասխան` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության գյուղատնտեսության նախարարության «Ագրոսպասարկում» փակ բաժնետիրական ընկերությանը`

1) «Մինսկի տրակտորների գործարան», «Բաբրույսկագրոմաշ» և «Լիդսելմաշ» բաց բաժնետիրական ընկերությունների հետ կնքել տրակտորներ և հարակից գյուղատնտեսական սարքավորումներ (այսուհետ` տրակտորներ) ձեռք բերելու (գնման) պայմանագրեր` 1.9 մլն ԱՄՆ-ի դոլար ընդհանուր արժեքով` համաձայն հավելվածի.

2) տրակտորների ձեռքբերման և Հայաստանի Հանրապետություն տեղափոխման ծախսերի իրականացման նպատակով բելառուսական «Բելառուսբանկ» բաց բաժնետիրական ընկերությունից ներգրավել 2.1 մլն ԱՄՆ-ի դոլար վարկ` 60 ամիս մարման ժամկետով, 1.34 տոկոս տարեկան տոկոսադրույքով` կնքելով համապատասխան վարկային պայմանագիր:

2. Հայաստանի Հանրապետության ֆինանսների նախարարին` Հայաստանի Հանրապետության գյուղատնտեսության նախարարության «Ագրոսպասարկում» փակ բաժնետիրական ընկերության կողմից բելառուսական «Բելառուսբանկ» բաց բաժնետիրական ընկերությունից վարկային միջոցներ ներգրավելու նպատակով Հայաստանի Հանրապետության գյուղատնտեսության նախարարության «Ագրոսպասարկում» փակ բաժնետիրական ընկերությանը տրամադրել բյուջետային երաշխիք` 2.100.000 ԱՄՆ-ի դոլար գումարի չափով, 60 ամիս մարման ժամկետով, 1.34 տոկոս տարեկան տոկոսադրույքով վարկի հիմնական գումարի և դրա նկատմամբ հաշվարկվող տոկոսների վճարային պարտավորության ապահովման միջոց` անակցեպտ գանձման իրավունքով:

3. Հայաստանի Հանրապետության գյուղատնտեսության նախարարին` սույն որոշումն ուժի մեջ մտնելուց հետո 10-օրյա ժամկետում Հայաստանի Հանրապետության կառավարություն ներկայացնել սույն որոշման կատարումն ապահովելու նպատակով համապատասխան ծախսերի նախահաշիվ:

4. Հայաստանի Հանրապետության էկոնոմիկայի նախարարին և Հայաստանի Հանրապետության գյուղատնտեսության նախարարին` մշակել տրակտորների` Հայաստանի Հանրապետության քաղաքացիներին և կազմակերպություններին բաշխման չափորոշիչները, ընթացակարգերն ու վերջիններիս կողմից դրանց ձեռքբերման պայմանները` համագործակցելով վարկային և լիզինգային կազմակերպությունների հետ:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2013 ԹՎԱԿԱՆԻ ՀՈՒՆԻՍԻ 14-ԻՆ

Հավելված

ՀՀ կառավարության

2013 թվականի հունիսի 13-ի

N 588-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐԿՐՎՈՂ ԳՅՈՒՂԱՏՆՏԵՍԱԿԱՆ ՏԵԽՆԻԿԱՅԻ ՔԱՆԱԿՆԵՐԸ ԵՎ ԳՆԵՐԸ

._____________________________________________________________________.

|NN |Գյուղատնտեսական տեխնիկայի|Արտադրող|Քա-|Միավո-|Գումարը  |Տրանսպոր-|

|ը/կ|անվանումը                |երկիրը  |նա-|րի մո-|(ԱՄՆ-ի   |տային    |

|   |                         |        |կը |տավոր |դոլար)   |ծախսերը  |

|   |                         |        |   |գինը  |         |(ԱՄՆ-ի   |

|   |                         |        |   |(ԱՄՆ-ի|         |դոլար)   |

|   |                         |        |   |դոլար)|         |         |

|___|_________________________|________|___|______|_________|_________|

|1. |Տրակտորներ 82 ձ. ուժ     |Բելառուս|100|15 150|1 515 000|         |

|___|_________________________|________|___|______|_________|         |

|2. |Հավաքիչ-մամլիչներ        |Բելառուս| 20| 9 230|  184 600|         |

|___|_________________________|________|___|______|_________|         |

|3. |Կուլտիվատորներ` կցովի և  |Բելառուս| 20| 1 095|   21 900|         |

|   |կախովի                   |        |   |      |         |         |

|___|_________________________|________|___|______|_________|         |

|4. |Գութաններ` երեք խոփանի   |Բելառուս| 40|   836|   33 440|  240 000|

|___|_________________________|________|___|______|_________|         |

|5. |Կարտոֆիլատնկիչներ        |Բելառուս| 10| 1 888|   18 880|         |

|___|_________________________|________|___|______|_________|         |

|6. |Կարտոֆիլաքանդիչներ       |Բելառուս| 10| 2 998|   29 980|         |

|___|_________________________|________|___|______|_________|         |

|7. |Խոտհնձիչներ տրակտորյան   |Բելառուս| 15|   775|   11 625|         |

|___|_________________________|________|___|______|_________|         |

|8. |Շարքացաններ հացահատիկային|Բելառուս| 10| 4 986|   49 860|         |

|_________________________________________________|_________|_________|

|              Ընդամենը                           |1 865 285|  240 000|

|_________________________________________________|___________________|

|Ընդամենը` ներառյալ տրանսպորտային ծախսերը         |      2 105 285    |

._____________________________________________________________________.