113.0410.130513
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«13» 05 2013 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11313181
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐ ՀՐԱՄԱՆ
8 ապրիլի 2013 թվականի N 410-Ն
ԶԻՆԱՊԱՐՏՆԵՐԻ ԵՎ ԶԻՆԾԱՌԱՅՈՂՆԵՐԻ ԱՌՈՂՋԱԿԱՆ ՎԻՃԱԿԻ ՓՈՐՁԱՔՆՆՈՒԹՅԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՓԵՏՐՎԱՐԻ 26-Ի N 175-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(11-րդ մաս)
Հոդված 79. Աչքի ակոմոդացիայի սպազմի կամ կաթվածի դեպքում հետազոտությունն անհրաժեշտ է կատարել նյարդաբանի և այլ մասնագետ-բժիշկների մասնակցությամբ: Բուժումը, կախված էթիոլոգիայից, անցկացվում է ակնաբուժական և նյարդաբանական ստացիոնարներում: Փորձագիտական որոշումն ընդունվում է` ըստ հիմնական հիվանդության:
Աչքի ակոմոդացիայի վիճակի գնահատման համար դիմում են բացարձակ և հարաբերական ակոմոդացիայի հետազոտման մեթոդներին:
«Ա» կետին վերաբերում է ախտորոշված և նախկինում բուժված ակոմոդացիայի սպազմը, եթե հետազոտման ընթացքում ստատիկ ռեֆրակցիան ցիկլոպլեգիկ լուծույթով (1 կաթիլից` օրը 2 անգամ) կաթեցման ավարտից 14-21 օր հետո հետցիկլոպլեգիկ ռեֆրակցիան նորից բարձրանում է` հասնելով մինչ ցիկլոպլեգիկ ռեֆրակցիայի մակարդակին կամ դրանից պակաս` 1,0 D-ից ոչ ավելի: Ընդ որում, տեսողության սրությունը հեռվի համար բինօկուլյար տանելի կորեկցիայով (որը չպետք է գերազանցի ստատիկ ռեֆրակցիայի չափը) պետք է համապատասխանի 85-րդ «բ» հոդվածում նշված տեսողության սրությանը: Եթե հետազոտման ընթացքում ստատիկ ռեֆրակցիան ցիկլոպլեգիկ լուծույթով (1 կաթիլից` օրը 2 անգամ) 5-7-օրյա ցիկլոպլեգիայի բարձրության ֆոնի վրա պակասում է սկզբնական տվյալներից 5,0 D, տրվում է տարկետում բուժման համար` մինչև մեկ տարի:
Ախտորոշված և նախկինում բուժված, կայուն կաթվածի բուժման անարդյունավետությունից հետո զորակոչիկները հաշվառվում են պահեստազորում, ինչպես նաև, ակոմոդացիան և կիսակաթվածը (պարեզ), եթե պրոքսիմետրիկ մեթոդով հետազոտման ընթացքում պիլոկարպինի հիդրոքլորիդի 1 %-անոց լուծույթի 3-օրյա կաթեցումից հետո (1 կաթիլից` օրը 2 անգամ) տեսողության մոտակա պարզ կետը շարունակում է մնալ աչքից 60 սմ ավելի հեռու: Ընդ որում, տեսողության սրությունը հեռվի համար բինօկուլյար տանելի կոռեկցիայով (որը չպետք է գերազանցի հայտնաբերված ռեֆրակցիայի չափը) պետք է համապատասխանի 85-րդ «բ» հոդվածում նշված տեսողության սրությանը կամ բինօկուլյար տեսողության սրությունը մոտիկի համար առանց կորեկցիայի չգերազանցի 0,4-ը:
«Բ» կետին են վերաբերում նախկինում հաջող բուժված ակոմոդացիայի (ոչ կայուն) սպազմը. կաթվածը և կիսակաթվածը, ինչպես նաև` կայուն սպազմի այն դեպքերը, որոնք չեն համապատասխանում սույն հոդվածի «ա» կետին:
Ակոմոդոպաթիայով անձանց փորձաքննությունը կատարվում է վերջին 6 ամսվա ընթացքում ստացած ստացիոնար բուժումից հետո: Ստացիոնար բուժումից հրաժարվելու դեպքում որոշումն ընդունվում է սույն հոդվածի «բ» կետով:
Ակոմոդացիայի սպազմը, կաթվածը և կիսակաթվածը, անկախ արտահայտվածության աստիճանը, համարվում են հակացուցում` ՌՈՒՀ-եր ընդունվելու համար:
Հոդված 80. Այս հոդվածին վերաբերում են երկկողմանի ու միակողմանի աֆակիան և արտիֆակիան, անկախ տեսողության սրությունից, ինչպես նաև` ոսպնյակի երկկողմանի և միակողմանի հոդախախտերը և կիսահոդախախտերը, անկախ տեսողության սրությունից:
Մեկ աչքի աֆակիան համարվում է երկկողմանի, եթե երկրորդ աչքի ոսպնյակը մթագնած է, որն այդ աչքի տեսողության սրությունը իջեցնում է մինչև 0,4 և ավելի ցածր:
Զույգ աչքի ինտրաօկուլյար կորեկցիայի դեպքում, III սյունակով փորձաքննվողների պիտանիությունը որոշվում է անհատապես` կախված աչքերի ֆունկցիայից: Ինտրաօկուլյար կորեկցիա ունեցող անձինք պիտանի չեն ՌՈՒՀ-եր ընդունվելու համար:
Հոդված 81. Խաղաղ ժամանակ ստացիոնար բուժում ստանալուց հետո, զինծառայողների հիվանդությանն առնչվող արձակուրդի անհրաժեշտության վերաբերյալ որոշումն ընդունվում է ըստ 88-րդ հոդվածի:
Բոլոր դեպքերում, աչքի մեջ օտար մարմնի առկայության դեպքում զինվորական ծառայության համար պիտանիությունը որոշվում է վնասվածք ստանալուց ոչ շուտ, քան երեք ամիս անց:
Հոդված 82. Գլաուկոմայի ախտորոշումը պետք է հաստատվի ստացիոնար պայմաններում: Զինվորական ծառայության համար պիտանիության հարցը լուծվում է միայն դեղերի միջոցով կամ վիրահատական բուժումից հետո` հաշվի առնելով ֆունկցիաների կայունացման աստիճանը: Այս հոդվածին է վերաբերում նաև երկրորդային գլաուկոման:
Հոդված 83. Այս հոդվածին են վերաբերում զույգ աչքի ցանցենու ոչ վնասվածքային բնույթի շերտազատման հետևանքները` անկախ տեսողության սրությունից:
«Ա» կետին վերաբերում են զույգ աչքերի ցանցենու որևէ պատճառով առաջացած շերտազատումները, ինչպես նաև` ցանցենու երկկողմանի շերտազատման պատճառով կատարված վիրահատություններից հետո ստեղծվող վիճակները, անկախ տեսողության սրության աստիճանից:
Ցանցենու ոչ վնասվածքային բնույթի շերտազատումից հետո, III սյունակով փորձաքննվողները, տեսողության սրության դեպքում, կարող են խաղաղ պայմաններում զինվորական ծառայության համար պիտանի և պատերազմական ժամանակ սահմանափակ պիտանի ճանաչվել` անհատական կարգով:
«Բ» կետին վերաբերում են մեկ աչքի ցանցենու որևէ բնույթի շերտազատման հետևանքները: III և IV սյունակներով փորձաքննվողներին, ովքեր դրական ելքով վիրահատվել են մեկ աչքի ցանցենու որևէ բնույթի շերտազատման, այդ թվում` ցանցենու վնասվածքային բնույթի շերտազատման կրկնվելու պատճառով, վիրահատությունից հետո, համաձայն 88-րդ հոդվածի, տրվում է մինչև 60 օր արձակուրդ, այնուհետև զինվորական ծառայության համար պիտանիության հարցը որոշվում է` ըստ աչքերի ֆունկցիաների վիճակի:
Ցանցենու ոչ վնասվածքային շերտազատման կրկնվելու պատճառով վիրահատված զորակոչիկները և շարքային զինծառայողները, համաձայն «բ» կետի, պիտանի չեն զինվորական ծառայության համար, իսկ III սյունակով փորձաքննվողները, լավ տեսողական ֆունկցիայի դեպքում, պիտանի են զինվորական ծառայության` սահմանափակումով, իսկ ՌՈՒՀ-եր ընդունվելու համար պիտանի չեն:
Բոլոր կարգերի փորձաքննվողները պիտանի չեն օդադեսանտային և սահմանապահ զորքերում, ՀՎԲՄ-ի հետ աշխատելու համար: Նրանց չի կարելի նշանակել մարմնի վիբրացիայի հետ կապված աշխատանքներում (տանկերի, հետևակի մարտական մեքենաների անձնակազմերում, տրանսպորտային միջոցների վարորդներ և այլն):
Ցանցենու շերտազատման պատճառով վիրահատված անձինք, անկախ տեսողական ֆունկցիաների վիճակից, պիտանի չեն ՌՈՒՀ-եր ընդունվելու համար:
Հոդված 84. Նախատեսում է տեսողական նյարդի` որևէ պատճառով առաջացած սուբատրոֆիան և ատրոֆիան:
Տեսողական նյարդի չզարգացող ապաճման (ատրոֆիա) դեպքում զինվորական ծառայության համար պիտանիությունը որոշվում է` կախված աչքի ֆունկցիայից (տեսողության սրություն, տեսողական դաշտ և այլն): ՌՈՒՀ-եր ընդունվելու համար պիտանի չեն:
Երկու աչքի ստորին և արտաքին ֆիքսացիայի կետից տեսադաշտի մինչև 30 աստիճան կայուն նեղացման դեպքում, բոլոր սյունակներով որոշումը կայացվում է «ա» կետով, մեկ աչքում տեսադաշտի 35-45 աստիճանի դեպքում` «բ» կետով, երկու աչքում` «բ» կետով:
Երկու աչքի ստորին և արտաքին ֆիքսացիայի կետից տեսողական դաշտի կայուն նեղացման դեպքում, եթե այն առնվազն պահպանվել է 45 աստիճան, կիրառվում է «ա» կետը, մեկ աչքի տեսադաշտի նմանատիպ նեղացման դեպքում կիրառվում է «բ» կետը:
Զույգ աչքի տեսողական ֆունկցիան խանգարող կայուն հեմիանոպտիկ սկոտոմայի առկայության դեպքում, III սյունակով փորձաքննվողների պիտանիությունը որոշվում է անհատապես, իսկ այլ սյունակներով փորձաքննվողները պիտանի չեն զինվորական ծառայության համար:
Մասնագիտական գործունեությունը դժվարացնող կայուն համակենտրոն սկատոմաների առկայության դեպքում, I և III սյունակներով փորձաքննվողների պիտանիությունը որոշվում է անհատապես` հաշվի առնելով զինվորական մասնագիտությունը և տեսողական օրգանի ֆունկցիաները:
Հոդված 85. Զինվորական ծառայության համար պիտանիությունը պահանջում է, որ կորեկցիայի ենթարկված տեսողության սրությունը լինի` մեկ աչքինը` 0,5-ից ոչ պակաս, մյուս աչքինը` 0,1-ից ոչ պակաս: Կասկածելի դեպքերում տեսողության սրությունը գնահատվում է հետազոտության ստուգիչ մեթոդներով:
I և III սյունակներով փորձաքննվողների` զինվորական ծառայության համար պիտանիությունը որոշելիս, յուրաքանչյուր աչքի տեսողության սրությունը գնահատվում է տանելի` ակնոցային կորեկցիայի տվյալների հիման վրա: Փորձաքննվողների մոտ սովորական գնդաձև կամ կոնաձև ապակիներով տեսողության կորեկցիայի, ինչպես նաև` կորեկցիայի չենթարկվող անիզոմետրոպիայի առկայության դեպքում, բոլոր սյունակներով նախատեսվում է տեսողության սրություն գործնականում տանելի բինօկուլյար կորեկցիայով, այսինքն` լավ և վատ տեսնող աչքերի համար ապակիների ուժգնության տարբերությունը կամ աստիգմատիզմը գլանաձև (համատեղված) ապակիներով կորեկցիայի ենթարկելու ժամանակ լավ տեսնող աչքի երկու գլխավոր առանցքներում ոսպնյակի բեկման ուժի տարբերությունը պետք է լինի 2,0 D-ից ոչ ավելի: Կոնտակտային տեսապակիներ օգտագործող անձինք պետք է ունենան սովորական ակնոց, որի միջոցով տեսողության սրությունը կապահովի ծառայողական պարտականությունների կատարումը:
Կոնտակտային լինզաներ օգտագործող անձինք պետք է ունենան ծառայողական պարտականությունների կատարումն ապահովող ակնոցներ:
ՌՈՒՀ-եր ընդունվողների մոտ ստորև նշվող ռեֆրակցիայի սահմանը չգերազանցող տեսողության սրության կորեկցիան որոշվում է միայն կարճատեսության կամ կարճատես աստիգմատիզմի (հասարակ կամ բարդ) առկայության դեպքում, իսկ տեսողության թուլացման այլ պատճառների առկայության (այդ թվում` հեռատեսության, հեռատեսային կամ խառը աստիգմատիզմի) դեպքում` առանց կորեկցիայի:
Հրամանատարական, սահմանապահական, քաղաքական և նման տիպի այլ ՌՈՒՀ-եր ու հրամանատարական ֆակուլտետներ (բաժիններ) ընդունվողների յուրաքանչյուր աչքի տեսողության սրությունն առանց կորեկցիայի պետք է լինի, հեռուն` առնվազն 0,8, մոտիկը` 1,0:
Տանկային և օդադեսանտային հրամանատարական ուսումնարաններ ընդունվողների յուրաքանչյուր աչքի տեսողության սրությունն առանց կորեկցիայի պետք է լինի, հեռուն` առնվազն 0,6 և մոտիկը` 0,8: Նրանց համար թույլատրվում են առավելագույն ամետրոպիայի միջօրեագծում լավ տեսնող աչքի 2,0 D-ից ոչ ավելի կարճատեսություն կամ հեռատեսություն, ցանկացած տիպի աստիգմատիզմ երկու գլխավոր միջօրեագծերում` ռեֆրակցիայի 1,0 D-ից ոչ ավելի տարբերությամբ:
Ինժեներահրամանատարական կամ հրթիռային զորքերի ինժեներական ուսումնարաններ, ինչպես նաև ավտոմոբիլային, հրթիռազենիթային, քիմիական պաշտպանության, տեղագրական ուսումնարանների հրամանատարական ֆակուլտետներ (բաժիններ) ընդունվողների յուրաքանչյուր աչքի տեսողության սրությունն առանց կորեկցիայի պետք է լինի, հեռուն` առնվազն 0,5, մոտիկը` 0,8: Նրանց համար թույլատրվում են. առավելագույն ամետրոպիայի միջօրեագծում լավ տեսնող աչքի 3,0 D-ից ոչ ավելի կարճատեսություն կամ հեռատեսություն, ցանկացած տիպի աստիգմատիզմ երկու գլխավոր միջօրեագծերում ռեֆրակցիայի 1,0 D-ից ոչ ավելի տարբերությամբ:
Մնացած բոլոր ուսումնական հաստատություններ ընդունվողների տեսողության սրությունը պետք է լինի, հեռվի համար` կորեկցիայով, իսկ մոտիկի համար` առանց կորեկցիայի. մեկ աչքինը` 0,8-ից ոչ ցածր, մյուսինը` 0,5-ից ոչ ցածր: Նրանց համար թույլատրվում են. առավելագույն ամետրոպիայի միջօրեագծում լավ տեսնող աչքի 4,0 D-ից ոչ ավելի կարճատեսություն կամ հեռատեսություն, ցանկացած տիպի աստիգմատիզմ երկու գլխավոր միջօրեագծերում` ռեֆրակցիայի 2,0 D-ից ոչ ավելի տարբերությամբ: Եթե վերջին երկու տարիների փաստաթղթերով հաստատվում է, որ կարճատեսության խորացում չկա, ապա թույլատրվում է դիմորդներին ՌՈՒՀ ընդունվել լավ տեսնող աչքի 5,0 D կարճատեսությամբ: Ռեֆրակցիայի ուժեղացումը 0,5 D-ով ընդունվում է որպես դրա խորացում:
Ռադիոտեղորոշիչ կայանների օպերատորների մասնագիտական ծառայողական պիտանիությունը, երբ տեսողության սրությունը` հեռուն կորեկցիայով կամ մոտիկը առանց կորեկցիայի 1,0-ից պակաս է, որոշվում է անհատապես:
Որևէ պատճառով աչքի ոսպնյակի պղտորվածության դեպքում, որը հայտնաբերվում է ոչ միայն ճեղքավոր լամպի միջոցով, այլև անցնող լույսի մեջ կատարվող հետազոտությամբ և կողմնային լուսավորության դեպքում (լայնացած բբերի պարագայում), IV սյունակով փորձաքննվողները պիտանի չեն ՌՆ և Իճ այլ աղբյուրների հետ աշխատանքների համար` անկախ պղտորվածության չափերից, քանակից, տեղայնացումից ու աչքերի ֆունկցիաների վիճակից: Այսպես կոչված երփներանգությունը, բազմագունությունը, բեկորիկները, հատիկները և վակուոլները, որոնք աչքի ոսպնյակում հայտնաբերվել են միայն ճեղքավոր լամպի օգնությամբ, IV սյունակով փորձաքննվողների համար հակացուցում չեն ՌՆ, ԻՃ այլ աղբյուրների հետ աշխատելու համար: Նման անձինք հաշվառման են վերցվում: Եթե ոսպնյակում այդ երևույթների հետագա զարգացման համոզիչ նշաններ կան, ապա նրանք ՌՆ և Իճ այլ աղբյուրների հետ աշխատելու համար պիտանի չեն:
Աչքի ոսպնյակի առաջնային պատիճում տեսողության սրության վրա չազդող բնածին պիգմենտի առկայությունը հակացուցում չէ ՌՆ և ԻՃ այլ աղբյուրների հետ աշխատելու և ՌՈՒՀ-եր ընդունվելու համար:
Հոդված 86. Ռեֆրակցիայի անոմալիաների տեսակն ու աստիճանը որոշվում է սկիասկոպիայի միջոցով` դեղորայքային ցիկլոպլեգիայի պայմաններում: Առանձին դեպքերում, որպես լրացուցիչ մեթոդ, կարող է կիրառվել նաև ռեֆրակտոմետրիան:
Ցանկացած աստիճանի կարճատեսության դեպքում պետք է հաշվի առնել նաև տեսողության սրությունը` տանելի կորեկցիայով, աչքը բեկող միջավայրերի թափանցիկությունը և ակնահատակի վիճակը: Դրանցում փոփոխություններ լինելու դեպքում որոշումը կայացվում է նաև ըստ 78-րդ և 85-րդ հոդվածների:
Հաշվի առնելով հիվանդության հարաճուն բնույթը, ըստ «ե» կետի` զորակոչիկին առաջին զորակոչի ժամանակ տրվում է տարկետում: Երկրորդ զորակոչի ժամանակ որոշում է կայացվում զորակոչիկի պիտանիության մասին:
Այն դեպքերում, երբ սույն հոդվածում ռեֆրակցիայի նշված անոմալիաների դեպքում III, IV սյունակներով նախատեսվում է պիտանիության անհատական գնահատում, իսկ տեսողության սրությունը կորեկցիայով չի խոչընդոտում զինվորական ծառայությանը, որոշիչ նշանակություն է տրվում տեսողության սրությանը:
Հոդված 87. Գունազգացողության թուլացման աստիճաններն ու տեսակներն ախտորոշելիս պետք է առաջնորդվել Ռաբկինի բազմագույն (պոլիխրոմատիկ) աղյուսակին կից մեթոդական ցուցումների ութերորդ և ավելի ուշ հրատարակություններով: Դիխրոմազիայի և «A» ու «B» տիպի անոմալ տրիխրոմազիայի առկայության դեպքում, բոլոր տիպի ավտոմեքենաների, տանկերի ու այլ ռազմական մեքենաների վարորդները, ղեկորդները, ազդանշորդ-հսկիչները, հեռաչափորդները ճանաչվում են ոչ պիտանի` ըստ մասնագիտության զինվորական ծառայության համար:
«C» տիպի անոմալ տրիխրոմազիային է վերաբերում այն վիճակը, երբ փորձաքննվողները Ռաբկինի աղյուսակում տարբերում են 12 աղյուսակ` XVIII աղյուսակի պարտադիր տարբերակմամբ:
«C» տիպի անոմալ տրիխրոմազիան չի հակացուցված զինվորական ծառայության (բացի` քիմիական զորքերը), բոլոր տիպի ռազմական մասնագիտությունների գծով, ներառյալ` որպես փոխադրամիջոցների վարորդների (բացի` երկաթուղին) ծառայելու, ինչպես նաև ՌՈՒՀ-եր ընդունվելու (բացի` քիմիական պաշտպանության մասնագետներ, օդաչուներ, շտուրմաններ և երկաթուղային տրանսպորտի վարորդներ պատրաստող ՌՈՒՀ-երը) համար:
Հոդված 88. Նախատեսում է եղջերաթաղանթի, ծիածանաթաղանթի և աչքի այլ թաղանթների սուր հիվանդություններից, ինչպես նաև` վնասվածքներից ու վիրահատություններից հետո տեսողության ժամանակավոր խանգարումը:
Երկարատև ստացիոնար բուժում չպահանջող և աչքի ֆունկցիային չխանգարող հիվանդությունների դեպքում զորակոչիկները պիտանի են ճանաչվում զինվորական ծառայության համար:
ՄԱՇԿԱՅԻՆ ՀԻՎԱՆԴՈՒԹՅՈՒՆՆԵՐ
Մաշկային հիվանդության խոշոր օջախ է համարվում հիվանդի ձեռքի ափի և դրանից մեծ օջախը:
Տարածուն փսորիազին բնորոշ է մարմնի տարբեր մասերում բազմաթիվ (երկու և ավելի) խոշոր օջախների առկայությունը կամ մաշկային ծածկույթի զգալի մասի ախտահարումը:
Փսորիազի սահմանափակ ձևին բնորոշ է եզակի փոքր օջախների առկայությունը արմնկային, ծնկային հոդերի, գլխի մազածածկ մասի շրջանում (մինչև 5 սմ տրամագծով մեկ օջախը) կամ մաշկի այլ տեղամասերում:
Տարածուն նեյրոդերմիտին բնորոշ է խոշոր օջախներով լիխենիֆիկացիայի, էքսկորիացիաների, ինֆիլտրացիայի առկայությունը արմնկային, ծնկային հոդերի, դեմքի, պարանոցի կամ մարմնի այլ մասերում:
Հաճախակի կրկնվող են համարվում այն հիվանդությունները, որոնց սրացումները տեղի են ունենում տարեկան 2 և ավելի անգամ (հիմնավորված համապատասխան բժշկական փաստաթղթերով):
Տարածուն գունակավոր, անոթային, մազային խալեր, վիտիլիգո և մազաթափություն է համարվում մաշկի փակ տեղամասերում 7% և ավելի, իսկ բաց տեղամասերում` 1% և ավելի օջախները (կոսմետիկ դեֆեկտ) (անհրաժեշտության դեպքում` կրկնակի հետազոտություն ուռուցքաբանական կլինիկայում):
Հիպերտրոֆիկ, պապիլոմատոզ խալերի դեպքում (բաց տեղամասերում)` գլխի մազածածկ մաս, դեմք, պարանոց - 4 սմ2 և ավելի, փակ տեղամասերում` 6 սմ2 և ավելի չափերի (անհրաժեշտության դեպքում` կրկնակի հետազոտություն ուռուցքաբանական կլինիկայում):
Բազմաթիվ գնդաձև կոնգլոբադ պզուկները քրոնիկ պիոդերմիայի նշան են:
Հոդված 89. «Գ» կետով է փորձաքննում սեբորեային մաշկաբորբը` բաց տեղամասեր` 1% և ավելի, փակ տեղամասեր` 4% և ավելի:
«Դ» կետով փորձաքննելիս հաշվի է առնվում`
1) հիվանդության փուլը (ստացիոնար, ռեգրես, նվազում),
2) ախտանիշների (ինֆիլտրացիա, լիխենիֆիկացիա, էքսուդացիա, թեփոտում) արտահայտվածությունը (թույլ կամ չափավոր),
3) օջախների չափը:
Սահմանափակումը վերաբերում է ֆիզիկական ծանրաբեռնվածությանը:
Շարակցական հյուսվածքի էնդոկրին համակարգի և այլ համակարգերի, ալերգիաների հետ զուգակցվող մաշկային հիվանդությունները պարտադիր կերպով պետք է հետազոտվեն համապատասխան կլինիկաներում և փորձաքննվեն նաև համապատասխան հոդվածներով:
Հոդված 91. Նշված հոդվածով փորձաքննվողները բուժման են ուղեգրվում զորակոչի ընթացքում, ոչ ուշ, քան զորակոչի ավարտից 40 օր առաջ:
ՍԵՌԱԿԱՆ ՃԱՆԱՊԱՐՀՈՎ ՓՈԽԱՆՑՎՈՂ ՀԻՎԱՆԴՈՒԹՅՈՒՆՆԵՐ
Հոդված 93 և 94. Սեռական ճանապարհով փոխանցվող վարակիչ հիվանդություններով (սեռավարակներ) տառապող զորակոչիկներին բուժման նպատակով տրվում է տարկետում` այդ մասին պարտադիր տեղեկացնելով առողջապահական մարմիններին: Սիֆիլիսով հիվանդ բոլոր զորակոչիկներն ուղարկվում են բուժման: Թաքնված սիֆիլիսով հիվանդների բուժումից (բուժման հատուկ կուրսի լրիվ ընդունումից) և կլինիկաշճաբանական եռակի հետազոտությամբ հիվանդության չհայտնաբերվելուց հետո, նրանք պիտանի են զինվորական ծառայության համար: Առաջնային և երկրորդային թարմ և կրկնվող սիֆիլիսով հիվանդ զինծառայողները բուժման կուրսն ամբողջությամբ հաջող ավարտելուց հետո պիտանի են զինծառայության համար:
Հոդված 95. Արյունաստեղծ համակարգի, այլ օրգանների ախտաբանական փոփոխություններով ուղեկցվող բնածին կամ ձեռքբերովի իմունադեֆիցիտային վիճակների դեպքում պիտանիությունը զինվորական ծառայության և զինվորական մասնագիտությամբ ծառայության համար կախված է ախտահարված օրգանի ֆունկցիայի խանգարման աստիճանից և որոշվում է «Հիվանդությունների և ֆիզիկական թերությունների ցանկի» համապատասխան հոդվածներով: Իմունադեֆիցիտային վիճակները պետք է հաստատվեն արյան շիճուկի իմունոգլոբուլինների լաբորատոր հետազոտությունների արդյունքներով:
ԿԱՆԱՆՑ ՀԻՎԱՆԴՈՒԹՅՈՒՆՆԵՐ
Հոդված 96. Ֆիզիկական զարգացման հետամնացության կամ օվարիալ-մենստրուացիոն ֆունկցիաների խանգարման հետ զուգակցվող սեռական ոլորտի մանկայնության (ինֆանտիլիզմ) դեպքում փորձաքննությունը կատարվում է` ըստ 20-րդ կամ 105-րդ հոդվածների:
Հոդված 97. Արգանդի վզիկի կամ խոռոչի պոլիպների դեպքում զինվորական ծառայության համար պիտանիությունը, որպես կանոն, որոշվում է պոլիպի հեռացումից և արգանդի խոռոչի լորձաթաղանթը քերել-մաքրելուց հետո: Հեռացված պոլիպի կամ արգանդի պոլիպոզափոփոխված լորձաթաղանթի հյուսվածաբանական հետազոտության միջոցով չարորակ նորագոյացությունների հայտնաբերվելու դեպքում կիրառվում է 46-րդ հոդվածը: Պոլիպի բարորակության դեպքում կինը պիտանի է ճանաչվում զինվորական ծառայության համար:
Հոդված 99. Արգանդի արտանկում է համարվում այն վիճակը, երբ կանգնած (կամ կծկված վիճակով պառկած) դիրքում արգանդն ամբողջությամբ դուրս է գալիս սեռական ճեղքից` իր հետևից դուրս գցելով նաև հեշտոցի պատերը: Շեքի լրիվ (III աստիճանի) պատռվածք է համարվում այն պատռվածքը, որի դեպքում շեքի մկանների ամբողջականությունն իսպառ խախտված է, դրանք փոխարինվել են ուղիղ աղիքի պատին անցնող սպիական հյուսվածքով, հետանցքը խորաբացված է, չունի կանոնավոր ուրվագծեր:
Հոդված 100. Արգանդի և հեշտոցի իջեցում է համարվում այն վիճակը, երբ պրկումից սեռական ճեղքը խորը բացվում է և այնտեղից երևում են արգանդի վզիկը, հեշտոցի առջևի և հետևի պատերը, որոնք, սակայն, նրա սահմաններից դուրս չեն գալիս:
Այս հոդվածով է փորձաքննվում նաև սեռական ֆունկցիայի խանգարումով ուղեկցվող արգանդի ոչ ճիշտ դիրքը:
Հոդված 101. Արգանդի ոչ ճիշտ դիրքն առանց ֆունկցիայի խանգարման հիմք չէ սահմանափակելու զինվորական ծառայության համար պիտանիությունը: Խաղաղ պայմաններում սպաներին և I սյունակով փորձաքննվողներին զինվորական ծառայության համար ոչ պիտանի (հաշվառումից հանելով) ճանաչելու որոշում ընդունվում է այն դեպքերում, երբ արգանդի ոչ ճիշտ դիրքը զուգորդվում է մենորագիայի, փորկապության, սրբոսկրի և փորատակի շրջանում ցավերի հետ:
Հոդված 102. Նախատեսում է հաճախ սրացող, մեծամասամբ` դժվար բուժվող, երբեմն` վիրաբուժական միջամտություն պահանջող բորբոքային պրոցեսները (բորբոքային ուռուցքներ, թարախի պարկավորված օջախներ և այլն):
Հոդված 103. Նախատեսում է հատկապես ստացիոնար պայմաններում բուժման ենթակա սուր հիվանդությունները: Բուժումից հետո, ըստ ցուցումների, կարող է ընդունվել ազատելու կամ հիվանդության պատճառով արձակուրդ տալու որոշում: Հաճախակի կրկնվելու դեպքում փորձաքննությունը կատարվում է ըստ 102-րդ հոդվածի:
Հոդված 105. Դաշտանային ցիկլի խանգարման դեպքում պետք է նկատի ունենալ.
1) յուվենիլ արյունահոսությունները (մինչև 20 տարեկան), այսինքն` դաշտանի երկարաձգվելը մինչև 8 օր, կամ դաշտանից անկախ` անընդհատ կրկնվող արյունահոսությունները, կամ ֆիզիկական ծանրաբեռնվածության հետևանքով առաջացող արյունահոսությունները,
2) ալգոդիսմենորեան կամ սեռական և հարակից օրգանների ֆունկցիաների արտահայտված խանգարումները, որոնք պայմանավորված են սեռական օրգանների խիստ արտահայտված թերզարգացածությամբ (հեշտոցի ատրեզիա, արգանդի խիստ արտահայտված թերզարգացածություն և այլն),
3) սեռական օրգանների զարգացման անոմալիաները, եթե դրանք առաջացնում են մշտական ցավեր և ուղեկցվում են հեշտոցում կամ արգանդում արյունալի ուռուցքների գոյացմամբ: Այդ դեպքերում անհրաժեշտ է հետազոտվել քաղաքացիական կամ զինվորական բուժհիմնարկներում: I սյունակով փորձաքննվողները զինվորական ծառայության համար ոչ պիտանի են ճանաչվում և հանվում են հաշվառումից, իսկ III սյունակով փորձաքննվողները` ոչ պիտանի խաղաղ պայմաններում և սահմանափակ պիտանի` պատերազմական ժամանակ:
Ամենորեայի երևույթների դեպքում պարզվում են դրա պատճառները, որովհետև այն ոչ միշտ է վկայում, որ ախտահարվածություն չկա:
Հղիների բժշկական փորձաքննությունը կատարվում է խիստ անհատապես` գինեկոլոգի, թերապևտի և նյարդաբանի մասնակցությամբ:
Թունավոր հղիության դեպքում, կախված ախտաբանական երևույթների ուժգնությունից, որոշում է կայացվում, որ հղիները հիվանդության պատճառով արձակուրդի կարիք ունեն, նրանք ստացիոնար բուժման են ուղարկվում կամ առաջադրվում է հղիությունն ընդհատելու հարց: Արձակուրդի անհրաժեշտության մասին որոշումը հիմնվում է որևէ օրգանի կամ համակարգի առավելագույն ախտահարման վրա և ընդունվում է ըստ համապատասխան հոդվածների:
Հղիները, անկախ հղիության ժամկետից, պարտադիր զինվորական ծառայության չեն զորակոչվում և ՌՈՒՀ-եր ընդունվելու համար ժամանակավորապես պիտանի չեն:
Հավելված 3
ԸՍՏ ԶԻՆՎՈՐԱԿԱՆ ՄԱՍՆԱԳԻՏՈՒԹՅՈՒՆՆԵՐԻ ԼՐԱՑՈՒՑԻՉ ՊԱՀԱՆՋՆԵՐԻ ՑԱՆԿ
._____________________________________________________________________.
| N|Մասնագի- | Տեսողության|Գունա-|Լսողու|Այլ |Հակացուցումներ |
| |տությունը | սրությունը |զգացո-|թյունը|ցուցումներ | |
| | |____________|ղու- |շշու- | | |
| | |հեռվի|մոտիկի|թյունը|կային | | |
| | | | | |խոսքի | | |
| | | | | |հանդեպ| | |
|__|__________|_____|______|______|______|____________|_______________|
|1 | 2 | 3 | 4 | 5 | 6 | 7 | 8 |
|__|__________|_____|______|______|______|____________|_______________|
|1 |Ռադիոտեխ- |0,8 |0,8 |Թույ- | 6 |Կայուն |Նյարդային |
| |նիկական |կո- |առանց |լատըր-| |նյարդային |համակարգի |
| |սարքերի |րեկ- |կորեկ-|վում է| |համակարգ: |հիվան- |
| |մասնագետ |ցիա- |ցիայի |անոմալ| |ՈՒշադրու- |դություններ, |
| | |յով | |տրիխրո| |թյունը |մնացորդային |
| | | | |մազիա`| |երկարատև |երևույթներ |
| | | | |C տիպի| |կենտրոնաց- |ԿՆՀ վնասվածքից:|
| | | | | | |նելու և |Ձեռքի մատների |
| | | | | | |կայունության|կամ դաստակի |
| | | | | | |ընդունակու- |արատներ` նրանց |
| | | | | | |թյուն: Լավ |ֆունկցիաները |
| | | | | | |ռեակցիա |խանգարող: |
| | | | | | |ձայնային և |Շլություն, |
| | | | | | |տեսողական |արտահայտված |
| | | | | | |գրգռիչների |նիստագմ, |
| | | | | | |հանդեպ, |ցանկացած |
| | | | | | |օպերատիվ |աստիճանի |
| | | | | | |հիշողություն|հիպերմետրոպիա, |
| | | | | | |Լսողական |տեսողության և |
| | | | | | |անալիզատորի |լսողության |
| | | | | | |բարձր |օրգանների |
| | | | | | |տարբերակիչ |քրոնիկական |
| | | | | | |զգայունու- |հիվանդու- |
| | | | | | |թյուն ձայնի |թյուններ, |
| | | | | | |բարձրության |թմբկաթաղանթի |
| | | | | | |և ուժի |թափածակում: |
| | | | | | |փոփոխության |Դեմքի և |
| | | | | | |նկատմամբ, |դաստակների |
| | | | | | |խառնաշփոթ |մաշկի |
| | | | | | |քողարկող |քրոնիկական |
| | | | | | |ֆոնի վրա |հիվանդու- |
| | | | | | |անհրաժեշտ |թյուններ: |
| | | | | | |ձայնը |Հարքթային |
| | | | | | |տարբերակելու|խոռոչների |
| | | | | | |կարողություն|քրոնիկական |
| | | | | | |Թույլատրվում|հիվանդու- |
| | | | | | |է մինչև 3,0|թյուններ: |
| | | | | | |D միոպիա, | |
| | | | | | |աստիգմատիզմը| |
| | | | | | |մինչև 0,5 D| |
| | | | | | |Տեսադաշտը` | |
| | | | | | |նորմալ: | |
|__|__________|_____|______|______|______|____________|_______________|
|2 |Ռադիոկապի |0,8 |0,8 |Թույ- | 6 |Կայուն |Նյարդային |
| |միջոցների |կո- |առանց |լատըր-| |նյարդային |համակարգի |
| |կառավարման|րեկ- |կորեկ-|վում է| |համակարգ, |օրգանական և |
| |մասնագետ |ցիա- |ցիայի |անոմալ| |ուշադրության|ֆունկցիոնալ |
| |(ռադիո- |յով | |տրիխրո| |և |բնույթի` նրա |
| |հեռագրիչ) | | |մազիա`| |հիշողության |ֆունկցիաները |
| | | | |C տիպի| |երկարատև |խանգարող |
| | | | | | |կենտրոնացման|հիվանդու- |
| | | | | | |և |թյուններ: |
| | | | | | |կայունության|Տեսողության և |
| | | | | | |ընդունակու- |լսողության |
| | | | | | |թյուն: |օրգանների |
| | | | | | |Լսողական և |քրոնիկական |
| | | | | | |տեսողական |հիվանդու- |
| | | | | | |գրգռիչների |թյուններ` դրանց|
| | | | | | |նկատմամբ լավ|ֆունկցիաները |
| | | | | | |շարժողական |խանգարող: |
| | | | | | |ռեակցիա: |Ակոմոդացիայի և |
| | | | | | |Օդային և |մթնային |
| | | | | | |ոսկրային |ադապտացիայի |
| | | | | | |նորմալ |խանգարում, |
| | | | | | |անցանե- |ցանկացած |
| | | | | | |լիություն: |աստիճանի |
| | | | | | |Միջին |հիպերմետրոպիա, |
| | | | | | |կոնտրաստային|թմբկաթաղանթի |
| | | | | | |զգայունու- |թափածակում, |
| | | | | | |թյուն, որ |շլություն: |
| | | | | | |արտահայտվում|Դեմքի և |
| | | | | | |է խառնաշփոթ |դաստակների |
| | | | | | |ֆոնի վրա |մաշկի |
| | | | | | |արտաքին |քրոնիկական |
| | | | | | |ձայնի |հիվանդու- |
| | | | | | |տարբերակման |թյուններ: |
| | | | | | |ընդունակու- |Ձեռքերի մատների|
| | | | | | |թյամբ: |արատներ: |
| | | | | | |Թույլատրելի | |
| | | | | | |են` մինչև | |
| | | | | | |3,0 D | |
| | | | | | |միոպիա, | |
| | | | | | |մինչև 0,5 D| |
| | | | | | |աստիգմատիզմ:| |
| | | | | | |Նորմալ | |
| | | | | | |տեսողական | |
| | | | | | |դաշտ և | |
| | | | | | |մթնշաղային | |
| | | | | | |տեսողու- | |
| | | | | | |թյուն: | |
| | | | | | |Բինօկուլյար | |
| | | | | | |տեսողության | |
| | | | | | |առկայություն| |
|__|__________|_____|______|______|______|____________|_______________|
|3 |Ռադիո- |1,0 |1,0 |Թույ- | 6 | |Խոսքի արատներ, |
| |տեղորոշիչ |կո- |առանց |լատըր-| | |շլություն, |
| |կայանի |րեկ- |կորեկ-|վում է| | |նիստագմ, |
| |օպերատոր |ցիա- |ցիայի |անոմալ| | |ակոմոդացիայի և |
| | |յով | |տրիխրո| | |ադապտացիայի |
| | | | |մազիա`| | |խանգարում, |
| | | | |C տիպի| | |մաշկի, կոպերի, |
| | | | | | | |շաղկապենու և |
| | | | | | | |արցունքատար |
| | | | | | | |ուղիների |
| | | | | | | |քրոնիկական |
| | | | | | | |հիվանդու- |
| | | | | | | |թյուններ: |
|__|__________|_____|______|______|______|____________|_______________|
|4 |Հակա- |1,0 |1,0 |նոր- | 6 | |ԿՆՀ |
| |տանկային |կո- |առանց |մալ է | | |հիվանդություն- |
| |կառավարվող|րեկ- |կորեկ-| | | |ներից և |
| |ռեակտիվ |ցիա- |ցիայի | | | |վնասվածքներից |
| |արկերի |յով | | | | |հետո |
| |օպերատոր | | | | | |արտահայտված |
| | | | | | | |մնացորդային |
| | | | | | | |երևույթներ, |
| | | | | | | |խոսքի արատներ, |
| | | | | | | |թմբկաթաղանթի |
| | | | | | | |թափածակում, |
| | | | | | | |վեստիբուլյար |
| | | | | | | |գրգռիչների |
| | | | | | | |հանդեպ բարձր |
| | | | | | | |զգայունություն,|
| | | | | | | |հարքթային |
| | | | | | | |խոռոչների, |
| | | | | | | |կոպերի, |
| | | | | | | |շաղկապենու կամ |
| | | | | | | |արցունքատար |
| | | | | | | |ուղիների |
| | | | | | | |քրոնիկական |
| | | | | | | |հիվանդու- |
| | | | | | | |թյուններ, |
| | | | | | | |նիստագմ, |
| | | | | | | |շլություն, |
| | | | | | | |ակոմոդացիայի և |
| | | | | | | |ադապտացիայի |
| | | | | | | |խանգարում, |
| | | | | | | |դաստակի կամ |
| | | | | | | |ձեռքի մատների |
| | | | | | | |արատներ, նրանց |
| | | | | | | |ֆունկցիան |
| | | | | | | |խախտող: |
|__|__________|_____|______|______|______|____________|_______________|
|5 |Էլեկտրա- |0,5` |նոր- |նոր- | 3 | |ԿՆՀ օրգանական |
| |սնուցման |մեկ |մալ է |մալ է | | |հիվանդություն- |
| |կաբելային |աչքի | | | | |ներ, |
| |և օդային |և | | | | |վեստիբուլյար |
| |գծերը |0,2` | | | | |ապարատի |
| |սարքավո- |մյուս| | | | |ֆունկցիայի |
| |րումների |աչքի | | | | |խանգարում, |
| |և |համար| | | | |կոպերի, |
| |արտադրական|առանց| | | | |շաղկապենու, |
| |նշանակու- |կորեկ| | | | |արցունքատար |
| |թյան |ցիայի| | | | |ուղիների և |
| |սարքերի | | | | | |ցանցաթաղանթի |
| |սպասարկման| | | | | |քրոնիկական |
| |փորձարկման| | | | | |հիվանդություն- |
| |և | | | | | |ներ, տեսողական |
| |նորոգման | | | | | |դաշտի |
| |աշխատանք- | | | | | |սահմանափակում` |
| |ներով | | | | | |ոչ ավելի, քան |
| |զբաղվող | | | | | |20 աստիճան: |
| |մարդիկ | | | | | | |
._____________________________________________________________________.
Օդադեսանտային զորքերի այն զինծառայողները, որոնց
քաշը 90 կգ-ից ավելի է, ազատվում են ուսումնամարզական
պարաշյուտային թռիչքներից:
Գործող էլեկտրասարքավորումներն սպասարկող անձանց
փորձաքննությունն անցկացվում է 2 տարին մեկ անգամ
Հավելված 4
ՑԱՆԿ
ըստ հիվանդությունների փորձաքննության ենթակա անձանց և
փորձաքննություն իրականացնող մարմինների
._____________________________________________________________________.
|Հ/հ| Անձինք, որոնք |Փորձաքննություն |Հիվանդությունների|
| |ենթակա են փորձաքննության |իրականացնող |ցանկի սյունակը, |
| | |մարմինները |որով կատարվում է |
| | | |փորձաքննությունը |
|___|_________________________|_____________________|_________________|
|1 | 2 | 3 | 4 |
|___|_________________________|_____________________|_________________|
|1 |Քաղաքացիներ` կցագրվելիս |ԶԲՀ | 1,4 |
|___|_________________________|_____________________|_________________|
|2 |Զորակոչիկները` |ԶԲԿ, ՀԿԲՀ | 1,4 |
| |զորակոչվելիս | | |
|___|_________________________|_____________________|_________________|
|3 |Պահեստազորի շարքային |ԶԲՀ, ԿՌԲՀ | 1 |
| |կազմը |(պիտանիության | |
| | |աստիճանի փոփոխման | |
| | |դեպքում) | |
|___|_________________________|_____________________|_________________|
|4 |Պահեստազորի շարքային |ԶԲՀ, ԿՊ, կայազորային | 3,4 |
| |կազմը` շարքային, |ՌԲՀ, ԿՌԲՀ | |
| |ենթասպայական |(պիտանիության | |
| |պաշտոններում |աստիճանի փոփոխման | |
| |պայմանագրային |դեպքում) | |
| |զինծառայության անցնելիս | | |
| |կամ սպաների պատրաստման | | |
| |դասընթացներ ընդունվելիս | | |
|___|_________________________|_____________________|_________________|
|5 |Պահեստազորի սպայական և |ԶԲՀ, ԿՊ ՌԲՀ, ՀՌԲՀ, | 3,4 |
| |ենթասպայական կազմերը |ԿՌԲՀ | |
|___|_________________________|_____________________|_________________|
|6 |Կանայք` սպայական, |ԶԲՀ, ԿՊ ՌԲՀ, ՀՌԲՀ, | 3,4 |
| |ենթասպայական և շարքային |ԿՌԲՀ (պիտանիության | |
| |կազմերի պաշտոններում |աստիճանի փոփոխման | |
| |պայմանագրային |դեպքում) | |
| |զինծառայության անցնելիս | | |
|___|_________________________|_____________________|_________________|
|7 |Զինվորական ծառայության |ԿՊ ՌԲՀ, ՀՌԲՀ, ԿՌԲՀ | 1, 4 |
| |մեջ գտնվող շարքային | | |
| |կազմի պարտադիր | | |
| |զինծառայողները (այդ | | |
| |թվում` կանայք) | | |
|___|_________________________|_____________________|_________________|
|8 |Զինվորական ծառայության |ԿՊ ՌԲՀ, ՀՌԲՀ, ԿՌԲՀ | 3, 4 |
| |մեջ գտնվող սպայական և | | |
| |ենթասպայական կազմերի | | |
| |զինծառայողները (այդ | | |
| |թվում` կանայք) | | |
|___|_________________________|_____________________|_________________|
|9 |Շարքային կազմի |ԿՊ ՌԲՀ, ՀՌԲՀ, ՌԲՀ, | 3,4 |
| |զինծառայողները` |ԿՌԲՀ | |
| |պայմանագրային | | |
| |հիմունքներով | | |
| |ենթասպայական պաշտոնների | | |
| |նշանակվելիս | | |
|___|_________________________|_____________________|_________________|
|10 |Շարքային կազմի |ԿՊ ՌԲՀ, ՀՌԲՀ, ԿՌԲՀ | 3,4 |
| |պայմանագրային | | |
| |զինծառայողները` | | |
| |ենթասպայական պաշտոնների | | |
| |նշանակվելիս | | |
|___|_________________________|_____________________|_________________|
|11 |Քաղաքացիները` ՌՈՒՀ |Առաջնայինը` ԶԲՀ, ԿՊ | 2 |
| |ընդունվելիս |ՌԲՀ, վերջնականը` ՀՀ | |
| | |ՊՆ հրամանով ստեղծված | |
| | |ՌՈՒՀ ընդունվողների | |
| | |բժշկական հանձնաժողով | |
|___|_________________________|_____________________|_________________|
|12 |ԲՈՒՀ-ի ուսանողներ, որոնք |Առաջնայինը` ԶԲՀ, ԿՊ | 2, 3 (սպայական |
| |ընդունվում են ԲՈՒՀ-երի |ՌԲՀ, վերջնականը` ՀՀ | կոչում |
| |ռազմական ֆակուլտետներ |ՊՆ հրամանով ստեղծված | ունեցողներ) |
| |կամ ՌՈՒՀ-եր |ՌՈՒՀ ընդունվողների | |
| | |բժշկական հանձնաժողով | |
|___|_________________________|_____________________|_________________|
|13 |Շարքային կազմի պարտադիր |Առաջնայինը` ԿՊ ՌԲՀ, | 2 |
| |կամ պայմանագրային |ՀՌԲՀ, վերջնականը` | |
| |զինծառայողները` ՌՈՒՀ |ԿՌԲՀ | |
| |ընդունվելիս | | |
|___|_________________________|_____________________|_________________|
|14 |Սպայական և ենթասպայական |Առաջնայինը` ԿՊ ՌԲՀ, | 2,3 |
| |կազմերի զինծառայողները` |ՀՌԲՀ, վերջնականը` | |
| |ՌՈՒՀ ընդունվելիս |ԿՌԲՀ | |
|___|_________________________|_____________________|_________________|
|15 |Օրդինատուրա ընդունվող |ԿՊ ՌԲՀ, ՀՌԲՀ | 2,3 |
| |սպաներ | | |
|___|_________________________|_____________________|_________________|
|16 |6 ամսից ավելի |Վերադաս | 2,3 |
| |վերապատրաստման ուղարկվող |հրամանատարության | |
| |սպայական կազմը |ցուցումով | |
|___|_________________________|_____________________|_________________|
|17 |ՌՈՒՀ-ի ունկնդիրներ |ԿՊ ՌԲՀ, ՀՌԲՀ | 3 |
| |(սպաներ) | | |
|___|_________________________|_____________________|_________________|
|18 |Քաղաքացիական ԲՈՒՀ |Նույն հանձնաժողովները| 2, 1 |
| |ռազմական ֆակուլտետների | | 3, 1 |
| |1) I - II կուրսի | | |
| |կուրսանտներ | | |
| |2) սկսած` III կուրսից | | |
|___|_________________________|_____________________|_________________|
|19 |ՌՈՒՀ-ի կուրսանտներ |Նույն հանձնաժողովները| 2, 1 |
| |1) I - II կուրսերում | | 3, 1 |
| |2) սկսած` III կուրսից | | |
|___|_________________________|_____________________|_________________|
|20 |ՌՆ, ԻՃ այլ աղբյուրների, |Նույն հանձնաժողովները| 1,2,3,4 |
| |ՀՎԲՄ, ԷՄԴ աղբյուրների | | |
| |հետ աշխատող կամ | | |
| |աշխատելու ընդունվող | | |
| |զինծառայողներ, | | |
| |քաղաքացիական ծառայողներ | | |
._____________________________________________________________________.
Հավելված 5
ՄԱՏՅԱՆ
ռազմաբժշկական (բժշկական) հանձնաժողովի նիստերի արձանագրությունների
_________________________________________________________
(հանձնաժողովի անվանումը)
.____________________________________________________________________.
|N |Ազգանունը, անունը |Գանգատները|Օբյեկտիվ |Բժշկական |Վերադաս |
| |հայրանունը, |և |հետազոտության|հանձնաժողովի|հանձնա- |
| |ծննդյան տարեթիվը, |անամնեզը |տվյալները և |որոշումը |ժողովի |
| |զինվորական | |ախտորոշումը | |որոշումը|
| |կոչումը, զորամասը,| |(հայերեն) | | |
| |որ զինկոմիսարիատի | | | | |
| |կողմից է | | | | |
| |զորակոչվել, | | | | |
| |զորակոչման | | | | |
| |ամսաթիվը և ում | | | | |
| |կողմից է ուղարկվել| | | | |
| |փորձաքննության | | | | |
|__|__________________|__________|_____________|____________|________|
|1 | 2 | 3 | 4 | 5 | 6 |
|__|__________________|__________|_____________|____________|________|
|__|__________________|__________|_____________|____________|________|
|__|__________________|__________|_____________|____________|________|
|__|__________________|__________|_____________|____________|________|
|__|__________________|__________|_____________|____________|________|
|__|__________________|__________|_____________|____________|________|
.____________________________________________________________________.
Հավելված 6
ՀՐԱՀԱՆԳ
Տարածքային զորակոչային հանձնաժողովի ավագ բժշկին
1. Տարածքային զորակոչային հանձնաժողովում բժիշկը նշանակվում է մարզպետի հրամանով, տարածքային առողջապահական բաժնի և համապատասխան զինկոմիսարիատի ներկայացմամբ, ռազմաբժշկական փորձաքննության ասպարեզում առավել փորձառու և որակյալ բժիշկների կազմից: Նա ենթարկվում է շրջանային (քաղաքային) զորակոչային հանձնաժողովի նախագահին, կազմակերպում է բուժանձնակազմի աշխատանքները և զորակոչիկների բժշկական փորձաքննությունը` «Զինապարտության մասին» ՀՀ օրենքի համաձայն:
2. Մինչև զորակոչային հանձնաժողովի աշխատանքներն սկսվելը, զորակոչային հանձնաժողովի ավագ բժիշկը.
1) ստուգում է շինության պիտանիությունը` բժիշկների համար աշխատանքային նորմալ պայմանների (պարտադիր զինվորական ծառայության զորակոչի և ժամկետային զինվորական ծառայության զինծառայողների զորակոչի կազմակերպման) ապահովման նպատակով, զորակոչային տեղամասերում գրանցվելիս քաղաքացիների բժշկական քննության համար անհրաժեշտ սարքավորումների, հանդերձանքի, բժշկական, տնտեսական ամբողջ ունեցվածքի առկայությունը` ըստ գործիքակազմի և ունեցվածքի ցուցակների,
2) բժիշկների հետ ստուգում է զորակոչիկների բժշկական փաստաթղթերի առկայությունը և որակը, ամբուլատոր հիվանդների բժշկական քարտերը` դեռահասների ներդիր թերթիկներով հանդերձ (բոլոր զորակոչիկների համար), զորակոչային տարիքի այն անձանց ցուցակները, որոնք հաշվառման մեջ են հոգենյարդաբանական, հակատուբերկուլյոզային, հակատրախոմատոզային, մաշկավեներաբանական դիսպանսերներում, սանիտարահամաճարակաբանական կայաններում, այլ բուժական (բուժկանխարգելիչ) հիմնարկներում, հիվանդության պատմությունների, առողջական վիճակի քննության ակտերի քաղվածքները և այլն,
3) լրացուցիչ քննության, բուժման անհրաժեշտության դեպքերում ճշտում է զորակոչիկներին կոնսուլտացիայի ուղարկելու տեղը, ժամանակը և կարգը,
4) հրահանգչական պարապմունք է անցկացնում զորակոչիկների բժշկական քննության համար ընտրված բոլոր բժիշկների և բուժանձնակազմի հետ` ուշադրություն դարձնելով ճիշտ և օբյեկտիվ բժշկական զննման, ծառայողական պիտանիությունը որոշելու հարցում նրանց պատասխանատվության վրա: Առանձնակի ուշադրություն է դարձնում բժիշկների հետազոտության մեթոդների իմացությանը և դրանց ճշգրիտ կատարմանը: Մանրազնին վերլուծում է զորակոչիկների բժշկական փորձաքննության նախկին թերությունները (հետազոտության մեթոդների խախտումներ, բժիշկների սխալ եզրակացություններ, հավաքակետերից զորակոչիկների վերադարձում, սխալ զորակոչվածների ժամկետից շուտ զորացրում և այլն),
5) բժիշկներին կոնկրետ օրինակներով բացատրում է, թե ինչպես պետք է ստուգել զորակոչիկների բժշկական փաստաթղթերը, անձնական գործերը, ինչպես պետք է լրացնել հաշվառման քարտերն ու բժշկական եզրակացությունները,
6) զորակոչային հանձնաժողովի յուրաքանչյուր օրվա նախօրեին զորակոչիկների բժշկական քննությանը մասնակցող բժիշկների հետ ուսումնասիրում է զորակոչային հանձնաժողով կանչվածների փաստաթղթերը, ծանոթանում է զորակոչվածների առողջական վիճակի նկատմամբ լրացուցիչ այն պահանջներին, որոնք անհրաժեշտ են այս կամ այն զորամասում ծառայության նշանակելիս,
7) զորակոչային հանձնաժողովի նախագահին զեկուցում է զորակոչիկների բժշկական քննության նախապատրաստական աշխատանքի թերությունների մասին, միջոցներ է ձեռնարկում վերացնելու այդ թերությունները:
3. Զորակոչային հանձնաժողովի աշխատանքների ընթացքում.
1) բոլոր բժիշկների հետ կազմակերպում է զորակոչվածների բժշկական փորձաքննությունը,
2) անհրաժեշտության դեպքում ապահովում է բժիշկների կոնսուլտացիաները և կարծիքների փոխանակումը,
3) ստուգում է զորակոչվածների հաշվառման քարտերում բժիշկների գրառումների որակը, բժշկի եզրակացությունը, հետևություններ անում այս կամ այն զորախմբում, այս կամ այն ռազմական մասնագիտությամբ զինվորական ծառայության համար զորակոչվածի պիտանիության, ինչպես բուժման կամ լրացուցիչ քննության անցկացման, այնպես էլ պարտադիր զինվորական ծառայությունից տարկետման անհրաժեշտության վերաբերյալ,
4) ամեն օր զորակոչային հանձնաժողովի արձանագրությունների մատյանում ստուգում է գրանցումների ճշտությունը` հատուկ ուշադրություն դարձնելով ախտորոշման հիմնավորվածությանը, հետևում է, որ զորակոչիկները ժամանակին ուղարկվեն լրացուցիչ քննության և բուժման,
5) վերլուծում է զորակոչիկների բժշկական փորձաքննության արդյունքները:
Հավելված 7
___________ _____________________________ տարածքային զինկոմիսարիատ
___________________________________________________________________
Բժշկի եզրակացությունը _____________________________________________
(բժշկի մասնագիտությունը)
Քաղաքացի __________________________________________________________
(ազգանունը, անունը, հայրանունը, ծննդյան տարեթիվը)
Գանգատներ _________________________________________________________
___________________________________________________________________
Անամնեզ ___________________________________________________________
___________________________________________________________________
Օբյեկտիվ քննության տվյալները ______________________________________
___________________________________________________________________
___________________________________________________________________
Հատուկ հետազոտությունների արդյունքները (լաբորատոր, ռենտգենաբանական, գործիքային և այլն) ___________________________________________________
___________________________________________________________________
___________________________________________________________________
Ախտորոշումը (հայերեն) _____________________________________________
___________________________________________________________________
Զինվորական ծառայության համար պիտանիության մասին եզրակացությունը
___________________________________________________________________
ՀՀ պաշտպանության նախարարի` 20 թ. ____________ «____» թիվ հրամանի,
________սյունակի _______ հոդվածի ________կետով
Սահմանափակման աստիճանը ____________________________________________
Բժշկական փորձաքննությունն անցկացրած բժիշկ
_________________________________________________
(ստորագրությունը, անվան սկզբնատառը, ազգանունը)
«____» ________________ 20 թ.
Հավելված 8
ԱԿՏ
առողջական վիճակի հետազոտման
__________________________________________________________________
(զինվորական կոչումը, ազգանունը, անունը, հայրանունը, ծննդյան տարեթիվը)
_______________________________________________________________
(զորամասը)
գտնվում է զինվորական կոմիսարի (ռազմաբժշկական հանձնաժողովի) ուղեգրով
___________________________________________________________________
(զինվորական կոմիսարիատի անվանումը, ՌԲՀ)
«___»________ 20 թ. N___ ստացիոնար, ամբուլատոր հետազոտության մեջ է
____________________________________________________________________
(բուժական
____________________________________________________________________
(բուժկանխարգելիչ), զինվորական բուժկանխարգելիչ հաստատության անվանումը)
____________________________________________________________________
սույն թվի «____» մինչև ____ 20 թ. «____»
Գանգատները _________________________________________________________
Անամնեզ ____________________________________________________________
Օբյեկտիվ հետազոտության տվյալները ___________________________________
Հատուկ հետազոտությունների արդյունքները (լաբորատոր, ռենտգենաբանական, գործիքային և այլն) ____________________________________________________
Ախտորոշում (հայերեն) _______________________________________________
Կ.տ.
Բուժական (բուժկանխարգելիչ), զինվորական բուժկանխարգելիչ
հիմնարկության գլխավոր բժիշկ (պետ)
_______________________________________________________________
(ստորագրությունը, անվան սկզբնատառը, ազգանունը)
Բժշկական հետազոտությունն անցկացրած բժիշկ
_______________________________________________________________
(ստորագրությունը, անվան սկզբնատառը, ազգանունը)
Բուժական (բուժկանխարգելիչ), զինվորական բուժկանխարգելիչ հիմնարկության գտնվելու վայրը:
--------------------------------------------------------------
ԻՐՏԵԿ - շարունակությունը հաջորդ մասում