Սեղմել Esc փակելու համար:
ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԵՎ ՔԱՂԱՔԱՑԻՈՒ...
Քարտային տվյալներ

Տեսակ
Գործում է
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԵՎ ՔԱՂԱՔԱՑԻՈՒԹՅՈՒՆ ՉՈՒՆԵՑՈՂ ԱՆՁԱՆՑ ԿՈՂՄԻՑ ՀՀ ՏԱՐԱԾՔՈՒՄ Ձ ...

 

 

118.0076.170599

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
ՀՐԱՄԱՆ

 

22 փետրվարի 1998 թվականի թիվ 76

 

i

ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԵՎ ՔԱՂԱՔԱՑԻՈՒԹՅՈՒՆ ՉՈՒՆԵՑՈՂ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՁԵՌՔ ԲԵՐՎԱԾ ԱՊՐԱՆՔՆԵՐԻ ԱՐՏԱՀԱՆՄԱՆ ԺԱՄԱՆԱԿ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎԵՐԱԴԱՐՁՄԱՆ ԿԱՐԳԻ ՈՐՈՇ ԴՐՈՒՅԹՆԵՐԻ ՎԵՐԱԲԵՐՅԱԼ ՀՐԱՀԱՆԳՉԱԿԱՆ ՆԱՄԱԿԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության կառավարության 1998 թվականի հունիսի 17-ի «Օտարերկրյա քաղաքացիների և քաղաքացիություն չունեցող անձանց կողմից Հայաստանի Հանրապետության տարածքում ձեռք բերված ապրանքների արտահանման ժամանակ ավելացված արժեքի հարկի գումարների վերադարձման կարգը հաստատելու մասին» թիվ 372 որոշմամբ հաստատված կարգի կիրարկման հետ կապված որոշ հարցերի պարզաբանման նպատակով, ինչպես նաև հաշվի առնելով Հայաստանի Հանրապետության կենտրոնական բանկի համաձայնությունը,

 

ՀՐԱՄԱՅՈՒՄ ԵՄ

 

Հաստատել օտարերկրյա քաղաքացիների և քաղաքացիություն չունեցող անձանց կողմից Հայաստանի Հանրապետության տարածքում ձեռք բերված ապրանքների արտահանման ժամանակ ավելացված արժեքի հարկի գումարների վերադարձման կարգի որոշ դրույթների վերաբերյալ հրահանգչական նամակը (կցվում է):

 

            ՀԱՄԱՁԱՅՆԵՑՎԱԾ Է                       ՀԱՍՏԱՏՎԱԾ Է

         ՀՀ ԿԵՆՏՐՈՆԱԿԱՆ ԲԱՆԿ              ՀՀ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ

                                                   ՆԱԽԱՐԱՐԻ

                                       1999 Թ. 02-Ի   22-Ի ԹԻՎ 76 ՀՐԱՄԱՆՈՎ

 

ՀՐԱՀԱՆԳՉԱԿԱՆ ՆԱՄԱԿ

 

ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԵՎ ՔԱՂԱՔԱՑԻՈՒԹՅՈՒՆ ՉՈՒՆԵՑՈՂ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՁԵՌՔ ԲԵՐՎԱԾ ԱՊՐԱՆՔՆԵՐԻ ԱՐՏԱՀԱՆՄԱՆ ԺԱՄԱՆԱԿ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎԵՐԱԴԱՐՁՄԱՆ ԿԱՐԳԻ ՈՐՈՇ ԴՐՈՒՅԹՆԵՐԻ ՎԵՐԱԲԵՐՅԱԼ

 

1. Սույն հրահանգչական նամակն ընդունվել է Հայաստանի Հանրապետության կառավարության 1998 թվականի հունիսի 17-ի «Օտարերկրյա քաղաքացիների և քաղաքացիություն չունեցող անձանց կողմից Հայաստանի Հանրապետության տարածքում ձեռք բերված ապրանքների արտահանման ժամանակ ավելացված արժեքի հարկի գումարների վերադարձման կարգը հաստատելու մասին» թիվ 372 որոշման (այսուհետ` որոշում) 2-րդ կետին համապատասխան` այդ որոշմամբ հաստատված կարգի (այսուհետ` կարգի) կիրարկման հետ կապված որոշ հարցերի պարզաբանման նպատակով:

2. Կարգի 7 կետի համաձայն, կտրոններ ձեռք բերած հարկ վճարողները հարկային տեսչության մարմիններ օգտագործված կտրոնների քանակի վերաբերյալ հաշվետվություն ներկայացնում են յուրաքանչյուր եռամսյակին հաջորդող քսան օրվա ընթացքում: Կարգով նախատեսված կտրոնները Հայաստանի Հանրապետության տարածքում ավելացված արժեքի հարկ վճարողներին տրամադրվելուց հետո դրանց կորստի դեպքում հարկ վճարողն անմիջապես, մեկ օրվա ընթացքում, գրավոր տեղեկացնում է համապատասխան հարկային մարմնին` նշելով կորած կտրոնների համարները:

Սույն կետին համապատասխան տեղեկությունների ստացումից հետո հարկային մարմինը կորած կտրոնները ճանաչում է ուժը կորցրած և մաքսային մարմիններին և Հայաստանի Հանրապետության պետական սահմանի անցման կետերում տեղաբաշխված բանկերի գործառնական գրասենյակներին ծանուցում է այդ մասին` նշելով կորած կտրոնների համարները, որից հետո կորած փաստաթղթերի ներկայացման ժամանակ չեն կիրառվում օտարերկրյա քաղաքացիների և քաղաքացիություն չունեցող անձանց կողմից Հայաստանի Հանրապետության տարածքում ձեռք բերված ապրանքների արտահանման ժամանակ ավելացված արժեքի հարկի գումարների վերադարձման կարգը:

3. Կարգի 13 կետի «ա» ենթակետի համաձայն, օտարերկրյա քաղաքացին կարող է կտրոնում նշված ապրանքների համար Հայաստանի Հանրապետության տարածքում վճարված ավելացված արժեքի հարկի գումարները հետ ստանալ Հայաստանի Հանրապետության պետական սահմանի անցման կետերում տեղաբաշխված բանկերի գործառնական գրասենյակներից: Այն դեպքում, երբ Հայաստանի Հանրապետության պետական սահմանի անցման կետերում մաքսային հսկողության գոտում բացակայում են բանկերի գործառնական գրասենյակները, օտարերկրյա քաղաքացիների և քաղաքացիություն չունեցող անձանց կողմից թանկարժեք և փոքրածավալ ապրանքների արտահանման ժամանակ, այդ անձանց ցանկությամբ, որոշմամբ հաստատված կարգի 11 կետով սահմանված գործողությունները կարող են կատարվել մաքսային հսկողության գոտում:

Սույն կետին համապատասխան գործողությունների կատարումից հետո, նշված «ա» ենթակետին համապատասխան վճարված գումարները հետ ստանալու տվյալ անձի ցանկության դեպքում, այն իրականացվում է մաքսային աշխատակցի ուղեկցությամբ:

4. Եթե կարգով նախատեսված կտրոններում լրացված չեն կամ թերի են լրացված կտրոնը լրացնող ավելացված արժեքի հարկ վճարողի տվյալները (անվանում, ՀՎՀՀ, հասցե), սակայն հարկ վճարողի կնիքի վրա պարզ երևում է հարկ վճարողի հաշվառման համարը, ապա այդ կտրոնները չեն համարվում սահմանված կարգի խախտումներով լրացված:

 

ԳՐԱՆՑՎԱԾ Է ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ

17.05.1999թ.

ՊԵՏԱԿԱՆ ԳՐԱՆՑՄԱՆ ԹԻՎ 118990078

 

 

pin
Ֆինանսների (նախկին Ֆինանս. եւ էկոն.
22.02.1999
N 76
Հրաման