041.0333.070699
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
7 հունիսի 1999 թվականի թիվ 333
ԱՐՏԱԿԱՐԳ ԻՐԱՎԻՃԱԿՆԵՐՈՒՄ ՕՊԵՐԱՏԻՎ ԿԱՊԻ ՑԱՆՑԻ ՍՏԵՂԾՄԱՆ ԾՐԱԳՐԻ ՄԱՍԻՆ
1. Արտակարգ իրավիճակներում օպերատիվ կապի ցանցի ստեղծման ծրագրի աշխատանքների իրականացման պատվիրատու համարել Հայաստանի Հանրապետության փոստի և հեռահաղորդակցության նախարարությունը:
2. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության փոստի և հեռահաղորդակցության նախարարությանն ու Հայաստանի Հանրապետության կառավարությանն առընթեր արտակարգ իրավիճակների վարչությանը`
ա) Հայաստանի Հանրապետության 2000 թվականի պետական բյուջեի նախագիծը քննարկելիս քննության առնել Հայաստանի Հանրապետության փոստի և հեռահաղորդակցության նախարարությանը 21 մլն դրամի հատկացման հարցը` նշված աշխատանքների նախագծանախահաշվային փաստաթղթերի մշակման համար.
բ) Հայաստանի Հանրապետության յուրաքանչյուր տարվա պետական բյուջեի նախագծի մշակման ժամանակ քննարկել նշված միջոցառումների կատարման համար անհրաժեշտ միջոցների հատկացման հարցը:
3. Սույն որոշման կատարման վերահսկողությունը դնել Հայաստանի Հանրապետության կառավարությանն առընթեր արտակարգ իրավիճակների վարչության վրա: