ՊԱՏՎԻՐԱԿՈՒԹՅՈՒՆ ՄԻՆՍԿ ԳՈՐԾՈՒՂԵԼՈՒ ՄԱՍԻՆ

041.0780.090913

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

9 սեպտեմբերի 2013 թվականի N 780-Ա

ՊԱՏՎԻՐԱԿՈՒԹՅՈՒՆ ՄԻՆՍԿ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության և Բելառուսի Հանրապետության միջև ռազմատեխնիկական համագործակցության միջկառավարական հանձնաժողովի 3-րդ նիստին մասնակցելու նպատակով 2013 թվականի սեպտեմբերի 9-14-ը Մինսկ (Բելառուսի Հանրապետություն) գործուղել պատվիրակություն` համաձայն հավելվածի:

2. Պատվիրակության անդամների` Մինսկ գործուղման հետ կապված ծախսերը կատարել`

1) Մ. Թոռչյանինը և Ա. Սանոյանինը` Հայաստանի Հանրապետության 2013 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Ա. Միրզաբեկյանինը, Ս. Աբրահամյանինը, Ս. Աբրահամյանինը և Ա. Ալմազյանինը` Հայաստանի Հանրապետության 2013 թվականի պետական բյուջեով Հայաստանի Հանրապետության պաշտպանության նախարարության համար նախատեսված միջոցների հաշվին.

3) Ա. Ղևոնդյանինը և Դ. Վիրաբյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.

4) Է. Նանյանինը` Հայաստանի Հանրապետության 2013 թվականի պետական բյուջեով Հայաստանի Հանրապետության կառավարությանն առընթեր ազգային անվտանգության ծառայության համար նախատեսված միջոցների հաշվին.

5) Ա. Աբրահամյանինը` Հայաստանի Հանրապետության 2013 թվականի պետական բյուջեով Հայաստանի Հանրապետության ազգային անվտանգության խորհրդի աշխատակազմին նախատեսված միջոցների հաշվին:

3. Հայաստանի Հանրապետության պաշտպանության նախարարին` ապահովել գործուղումից վերադառնալուց հետո եռօրյա ժամկետում Ա. Միրզաբեկյանի` Մինսկ գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2013 ԹՎԱԿԱՆԻ ՍԵՊՏԵՄԲԵՐԻ 9-ԻՆ

Հավելված

ՀՀ վարչապետի

2013 թվականի սեպտեմբերի 9-ի

N 780-Ա որոշման

ԿԱԶՄ

2013 ԹՎԱԿԱՆԻ ՍԵՊՏԵՄԲԵՐԻ 9-14-Ը ՄԻՆՍԿ ՄԵԿՆՈՂ ՊԱՏՎԻՐԱԿՈՒԹՅԱՆ

    Ա. Միրզաբեկյան     - ՀՀ պաշտպանության նախարարի տեղակալ (հանձնաժողովի

                         հայկական կողմի նախագահ, 2013 թ. սեպտեմբերի

                         12-14-ը)

    Ա. Ղևոնդյան        - ՀՀ արտաքին գործերի նախարարի խորհրդական

                         (2013 թ. սեպտեմբերի 12-14-ը)

    Ս. Աբրահամյան      - ՀՀ պաշտպանության նախարարության նյութատեխնիկական

                         ապահովման ՆՏԱ-ի դեպարտամենտի տեխնիկական ապահովման

                         վարչության պետ

    Մ. Թոռչյան         - ՀՀ էկոնոմիկայի նախարարության աշխատակազմի

                         ռազմատնտեսական և զորահավաքային ծրագրերի

                         վարչության պետ

    Դ. Վիրաբյան        - ՀՀ արտաքին գործերի նախարարության աշխատակազմի ԱՊՀ

                         վարչության ՀԱՊԿ-ի բաժնի վարիչի պաշտոնակատար

    Ա. Աբրահամյան      - ՀՀ ազգային անվտանգության խորհրդի աշխատակազմի ԱՊՀ

                         և ՀԱՊԿ-ի անդամ երկրների հետ համագործակցության

                         բաժնի պետ

    Ա. Սանոյան         - ՀՀ արդարադատության նախարարության աշխատակազմի

                         միջազգային իրավական հարաբերությունների վարչության

                         միջազգային պայմանագրերի փորձաքննության բաժնի պետ

    Է. Նանյան          - ՀՀ կառավարությանն առընթեր ազգային անվտանգության

                         ծառայության գլխավոր վարչության աշխատող

    Ա. Ալմազյան        - ՀՀ պաշտպանության նախարարության պաշտպանական

                         քաղաքականության վարչության միջազգային ռազմական

                         համագործակցության բաժնի ավագ սպա

    Ս. Աբրահամյան       ՀՀ պաշտպանության նախարարության պաշտպանական

                        քաղաքականության վարչության միջազգային

                        պայմանագրաիրավական ապահովման բաժնի պետ-վարչության

                        պետի տեղակալ (հանձնաժողովի հայկական մասի

                        քարտուղար)