041.0344.100699
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
10 հունիսի 1999 թվականի թիվ 344
ԱՊՀ ԷԼԵԿՏՐԱԷՆԵՐԳԵՏԻԿ ԽՈՐՀՐԴԻ 16-ՐԴ ՆՍՏԱՇՐՋԱՆԸ ԵՐԵՎԱՆՈՒՄ ԱՆՑԿԱՑՆԵԼՈՒ ՄԱՍԻՆ
ԱՊՀ էլեկտրաէներգետիկ խորհրդի 16-րդ նստաշրջանը 1999 թվականի հունիսի 9-12-ը Երևանում անցկացնելու կապակցությամբ`
1. Հայաստանի Հանրապետության արտաքին գործերի նախարարությանը և Հայաստանի Հանրապետության էներգետիկայի նախարարությանը` նախապատրաստել հանդիպման ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության կառավարության աշխատակազմին` հյուրերին տեղավորել Հայաստանի Հանրապետության կառավարության ընդունելությունների տանը և Հայաստանի Հանրապետության կառավարության աշխատակազմի գործերի կառավարչության «Հրազդան-1» հյուրանոցային տնտեսությունում, ապահովել նրանց սնունդը, ինչպես նաև նստաշրջանի անցկացման համար տրամադրել ընդունելությունների տան դահլիճը:
3. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի ընդունումն ու ճանապարհումը պաշտոնական պատվիրակությունների սրահում (անվճար):
4. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանի Հանրապետությունում գտնվելու ընթացքում և հատկացնել ուղեկցող անձնակազմեր:
5. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել նստաշրջանի աշխատանքները:
6. Հայաստանի Հանրապետության ֆինանսների և էկոնոմիկայի Նախարարությանը` ընդունել ի գիտություն, որ հյուրերի Հայաստանում գտնվելու հետ կապված ծախսերը կկատարվեն «Հայէներգո» պետական փակ բաժնետիրական ընկերության, «Հայկական ատոմային էլեկտրակայան» փակ բաժնետիրական ընկերության, «Հրազդանի ՋԵԿ» պետական փակ բաժնետիրական ընկերության և Հայաստանի Հանրապետության էլեկտրաէներգետիկ համակարգի այլ պետական փակ բաժնետիրական ընկերությունների միջոցների հաշվին: