ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ԶԻՆԾԱՌԱՅՈՂՆԵՐԻ, ՔԱՂԱՔԱՑԻԱԿԱՆ ԾԱՌԱՅՈՂՆԵՐ ...

 

113.0915.050913

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «05»        09            2013 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 11313352

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐ ՀՐԱՄԱՆ

 

20 օգոստոսի 2013 թվականի N 915-Ն

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ԶԻՆԾԱՌԱՅՈՂՆԵՐԻ, ՔԱՂԱՔԱՑԻԱԿԱՆ ԾԱՌԱՅՈՂՆԵՐԻ ՈՒ ԱՇԽԱՏՈՂՆԵՐԻ ԾԱՌԱՅՈՂԱԿԱՆ ԳՈՐԾՈՒՂՄԱՆ ԿԱՐԳԸ ԵՎ ԳՈՐԾՈՒՂՄԱՆ ԺԱՄԱՆԱԿ ԿԻՐԱՌՎՈՂ ՀԻՄՆԱԿԱՆ ՁԵՎԱԹԵՐԹԻԿՆԵՐԻ ՕՐԻՆԱԿԵԼԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

(1-ին մաս)

 

i

Հիմք ընդունելով «Զինվորական ծառայություն անցնելու մասին» Հայաստանի Հանրապետության օրենքի 23-րդ հոդվածի 8-րդ մասի և Հայաստանի Հանրապետության կառավարության 2005 թ. դեկտեմբերի 29-ի N 2335-Ն որոշման (այսուհետ` Հայաստանի Հանրապետության կառավարության որոշում) պահանջները`

 

Հրամայում եմ`

 

1. Հաստատել Հայաստանի Հանրապետության պաշտպանության նախարարության համակարգում ծառայողական գործուղման կարգը (հավելված 1):

2. Հաստատել Հայաստանի Հանրապետության պաշտպանության նախարարության համակարգում ծառայողական գործուղման ժամանակ կիրառվող հիմնական ձևաթերթիկների օրինակելի ձևերը` ըստ հավելվածների.

1) գործուղման վկայականի օրինակելի ձևը (հավելված 2),

2) ներհանրապետական և օտարերկրյա գործուղումների վերաբերյալ հաշվետվության ձևաթերթիկի օրինակելի ձևը (հավելված 3),

3) առհաշիվ գումարների ծախսման հաշվետվության ձևաթերթիկի օրինակելի ձևը (հավելված 4),

4) «Առհաշիվ գումարների ծախսման մասին» հաշվետվության սահմանված պահանջներին չհամապատասխանելու մասին ծանուցագրի ձևաթերթիկի օրինակելի ձևը (հավելված 5),

5) զորամասի (ստորաբաժանման) գործուղման ծրագրային ցուցանիշների ձևաթերթիկի օրինակելի ձևի և լրացման կարգի (հավելված 6),

6) զորամասի (ստորաբաժանման) գործուղման ծախսերն ըստ միջոցառումների ձևաթերթիկի օրինակելի ձևի և լրացման կարգի (հավելված 7),

7) զորամասի (ստորաբաժանման) գործուղման ծրագրային ցուցանիշների (ճշտված) ձևաթերթիկի օրինակելի ձևը (հավելված 8),

8) զորամասի (ստորաբաժանման) գործուղման ծախսերի հաշվարկային ցուցանիշների (ճշտված) ձևաթերթիկի օրինակելի ձևի և լրացման կարգի (հավելված 9),

9) զորամասի (ստորաբաժանման) գործուղման ծախսերն ըստ միջոցառումների (ճշտված) ձևաթերթիկի օրինակելի ձևի և լրացման կարգի (հավելված 10),

10) ներհանրապետական և օտարերկրյա գործուղումների նախահաշվի ձևաթերթիկի օրինակելի ձևը (հավելված 11),

11) ստորաբաժանումների ներհանրապետական և օտարերկրյա գործուղումների (ըստ նախահաշվի) միջոցառումների ձևաթերթիկի օրինակելի ձևը (հավելված 12),

12) ամփոփ հաշվետվության ձևաթերթիկի օրինակելի ձևի և լրացման կարգի (հավելված 13):

(նախաբանը փոփ. 20.03.14 թիվ 4-Ն հրաման)

 

Հավելված 1

ՀՀ պաշտպանության նախարարի

2013 թ. օգոստոսի 20-ի

N 915-Ն հրամանի

 

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ԶԻՆԾԱՌԱՅՈՂՆԵՐԻ, ՔԱՂԱՔԱՑԻԱԿԱՆ ԾԱՌԱՅՈՂՆԵՐԻ ՈՒ ԱՇԽԱՏՈՂՆԵՐԻ ԾԱՌԱՅՈՂԱԿԱՆ ԳՈՐԾՈՒՂՄԱՆ

 

I. Ընդհանուր դրույթներ

 

1. Սույն Կարգով (այսուհետ` կարգ) կարգավորվում են ՀՀ պաշտպանության նախարարության (այսուհետ` Նախարարություն) համակարգի զինծառայողների, քաղաքացիական ծառայողների ու աշխատողների (այսուհետ` Գործուղվող)` Հայաստանի Հանրապետության և Լեռնային Ղարաբաղի Հանրապետության (այդ թվում` բնակավայրերից դուրս տարածքներ) տարածքում ու օտարերկրյա պետություններ ծառայողական գործուղումների կազմակերպման և իրականացման հետ կապված հարաբերությունները:

2. Սույն կարգի գործողությունը չի տարածվում օտարերկրյա պետություններ ուսման կամ ծառայության գործուղման, ինչպես նաև «Զինվորական ծառայություն անցնելու մասին» ՀՀ օրենքի 20-րդ և 26-րդ հոդվածներով սահմանված հարաբերությունների վրա:

 

II. Գործուղման կարգը

 

3. Հայաստանի Հանրապետության և Լեռնային Ղարաբաղի Հանրապետության տարածքներում ծառայողական գործուղումների համար սահմանվում է մինչև 30 օր ժամկետ: Գործուղման ժամկետը թույլատրվում է երկարաձգել մինչև 10 օր` գործուղումը նշանակող ղեկավարի հրամանով: Գործուղման մեկնելու և վերադառնալու օրերը չեն հաշվարկվում սույն կետում նշված ժամկետներում:

i

4. Հայաստանի Հանրապետության և Լեռնային Ղարաբաղի Հանրապետության տարածքում`

1) ՀՀ պաշտպանության նախարարի, ՀՀ ԶՈՒ գլխավոր շտաբի պետի, ՀՀ պաշտպանության նախարարի տեղակալների, Նախարարության աշխատակազմի ղեկավարի գործուղման հրամաններն արձակում է ՀՀ պաշտպանության նախարարը,

2) Նախարարի տեղակալների վարչական ապարատների ղեկավարների, ՀՀ ՊՆ քննչական ծառայության, ՀՀ ՊՆ ռազմական ոստիկանության, ՊՆ վարչությունների և առանձին բաժինների պետերի գործուղման հրամաններն արձակում է Նախարարը կամ նրա տեղակալը (ըստ ենթակայության),

3) քննչական ծառայությունից, ռազմական ոստիկանությունից, վարչություններից և առանձին բաժիններից գործուղվող անձանց գործուղումների հրամաններն արձակում են քննչական ծառայության, ռազմական ոստիկանության և համապատասխան վարչությունների ու առանձին բաժինների պետերը,

4) ՀՀ ԶՈՒ գլխավոր շտաբի պետի առաջին տեղակալի գործուղման հրամանն արձակում է ՀՀ ԶՈՒ գլխավոր շտաբի պետը,

5) ՀՀ ԶՈՒ գլխավոր շտաբի պետի տեղակալների, ՀՀ ԶՈՒ գլխավոր շտաբի վարչական ապարատի ղեկավարի, զորքերի (ուժերի) միավորված խմբավորման» (այսուհետ` Զ(ու)ՄԽ) հրամանատարի, ՀՀ զինվորական կոմիսարի, ՀՀ ԶՈՒ և ԶՈՒ գլխավոր շտաբի վարչությունների, առանձին բաժինների պետերի գործուղման հրամանները արձակում է գլխավոր շտաբի պետի առաջին տեղակալը, իսկ նրա բացակայության դեպքում` գլխավոր շտաբի պետի տեղակալը` դրանք ձևակերպելով ՀՀ ԶՈՒ գլխավոր շտաբի վարչական ապարատում,

6) ՀՀ ԶՈՒ և ԶՈՒ գլխավոր շտաբի վարչություններից, առանձին բաժիններից ու գլխավոր շտաբի վարչական ապարատից Գործուղվողի գործուղման հրամաններն արձակում են ՀՀ ԶՈՒ և ԶՈՒ գլխավոր շտաբի վարչությունների և առանձին բաժինների պետերը, գլխավոր շտաբի վարչական ապարատի ղեկավարը,

7) Զ(ու)ՄԽ հրամանատարության անձնակազմի գործուղման հրամանները ձևակերպվում են ՀՀ ԶՈՒ գլխավոր շտաբի վարչական ապարատում, գլխավոր շտաբի պետի առաջին տեղակալի, իսկ նրա բացակայության դեպքում` գլխավոր շտաբի պետի տեղակալի հրամանով,

8) զորամասերից, զինկոմիսարիատներից Գործուղվողի գործուղումների հրամաններն արձակում են համապատասխան հրամանատարներն ու պետերը:

(4-րդ կետը փոփ. 20.03.14 թիվ 4-Ն հրաման)

5. Գործուղման մասին հրամանում պարտադիր նշվում են.

1) գործուղմանն առնչվող միջոցառման անվանումը,

2) գործուղման ժամկետը (սկիզբը և ավարտի օրը ներառյալ` յուրաքանչյուր Գործուղվողի համար): Եթե ժամկետները նույնն են մեկից ավելի Գործուղվողի համար, ապա գործուղման ժամկետները կարող են սահմանվել ամբողջ խմբի համար),

3) գործուղման վայրը (քաղաքը, գյուղը, զորամասը, կազմակերպությունը` յուրաքանչյուր Գործուղվողի համար ըստ ժամկետների: Եթե գործուղման վայրերը նույնն են մեկից ավելի Գործուղվողների համար, ապա դրանք կարող են նշվել ամբողջ խմբի համար: Արտերկիր Գործուղվողի համար նշվում է նաև երկիրը),

4) գործուղման վայր մեկնելու և վերադառնալու` տրանսպորտով, սննդով և քնելատեղով ապահովվածության մասին` սույն կարգի 23-րդ կետի 2-րդ, 3-րդ, 4-րդ և 5-րդ ենթակետերով սահմանված պայմանները հաշվի առնելով,

5) ծառայողական կամ ՀՀ ԶՈՒ-ում սահմանված կարգով հաշվառված անձնական ավտոմեքենայի մակնիշը, համարանիշը, վարորդի անունը, ազգանունը, հայրանունը (եթե Գործուղվողը ծառայողական կամ ՀՀ ԶՈՒ-ում սահմանված կարգով հաշվառված անձնական ավտոմեքենայով չի ապահովվելու, ապա հրամանում այդ մասին չի նշվում):

6. Օտարերկրյա պետություններ Գործուղվողի համար սույն կարգի 5-րդ կետի 4-րդ ենթակետով սահմանված պայմանների մասին տեղեկատվությունը նշվում է գործուղման հրամանի հավելվածում, որում հաստատվում է նաև ծախսերի նախահաշիվը:

7. ՀՀ պաշտպանության նախարարի, ՀՀ ԶՈՒ գլխավոր շտաբի պետի, ՀՀ պաշտպանության նախարարի և ՀՀ ԶՈՒ գլխավոր շտաբի պետի տեղակալների, ՀՀ պաշտպանության նախարարի աշխատակազմի ղեկավարի, ՀՀ ՊՆ, ԶՈՒ և ԶՈՒ գլխավոր շտաբի վարչությունների և առանձին բաժինների պետերի կամ բանակի կամ զորամիավորման հրամանատարի հրամանով գործուղումների դեպքում Գործուղվողի հրամանատարը (պետը) իր հերթին արձակում է հրաման` Գործուղվողին գործուղման մեջ համարելու վերաբերյալ, ապահովելով սույն կարգի 5-րդ կետի պայմանները, եթե վերադասի հրամանում նշված պայմանները կանոնակարգված չեն: Այս դեպքում գործուղման ծախսերը փոխհատուցվում են վերադաս ստորաբաժանումների հաստատված նախահաշիվների և նախատեսված միջոցառումների հաշվին:

8. Գործուղման հրամանի համաձայն գործուղումների հաշվառման մատյանում հերթական համարով և ամսաթվով գործուղման մասին գրառվում է կատարվում, որի հիման վրա ձևակերպվում է գործուղման վկայական, ստորագրվում և կնքվում է (հավելված 2): Ընդ որում.

1) գործուղման մեկնելու օր է համարվում Գործուղվողի հիմնական ծառայության վայրից մեկնելու օրը, իսկ վերադառնալու օրը` հիմնական ծառայության (աշխատանքի) վայր փաստացի ժամանելու օրը: Գործուղման վկայականում օրերի վերաբերյալ կատարվող գրառումները պետք է համապատասխանեն մեկնելու և վերադառնալու օրերի վերաբերյալ նշումներին,

2) եթե տրանսպորտային միջոցը մեկնում է մինչև ժամը 24-00-ն ներառյալ, ապա մեկնելու օր է համարվում ընթացիկ օրը, իսկ 00-00 ժամից սկսած` հաջորդ օրը, որով և կատարվում են օրապահիկի ու գիշերավարձի հաշվարկները,

3) եթե տրանսպորտային միջոցի մեկնելու կայանը հիմնական ծառայության վայրից դուրս է, ապա հաշվի է առնվում մինչև տվյալ կայան երթևեկելու ժամանակահատվածը,

4) նույն սկզբունքով որոշվում է նաև Գործուղվողի վերադարձի օրը հիմնական ծառայության վայր,

5) ճանապարհին եղած ժամանակը որոշվում է համաձայն առկա տրանսպորտային միջոցի չվացուցակի` ներառյալ Գործուղվողից անկախ պատճառներով ճանապարհին հարկադրական կանգառները, ձգձգումները և ուղերթը փոխելու վրա ծախսված ժամանակը: Հարկադրական կանգառների, ձգձգումների փաստը պետք է գրավոր հաստատեն և կնքեն կայազորի զինվորական պարետը, իսկ վերջինիս բացակայության դեպքում` երկաթուղային կայարանների, կայանների, օդանավակայանների, նավահանգիստների պետերը (կամ պատասխանատու հերթապահները),

6) արտերկիր գործուղվելու համար գործուղման վկայական չի ձևակերպվում:

9. Հայաստանի Հանրապետության և Լեռնային Ղարաբաղի Հանրապետության տարածքում գործուղման ժամանակահատվածում Գործուղվողի հիմնական ծառայության վայրից մեկնելու, գործուղման վայր ժամանելու, գործուղման վայրից մեկնելու և ծառայության հիմնական վայր վերադառնալու օրերը գործուղման վկայականում լրացվում, ստորագրվում և վավերացվում են կնիքով` գործուղման հրամանում նշված վայրերի համաձայն: Նշված նշումները չկատարելու, թերի կամ սխալ կատարելու դեպքում գործուղման վկայականում ուղղումները թույլատրվում է կատարել իրավասու պաշտոնատար անձին, որը վկայականում կատարում է` «ՈՒղղումը կատարել եմ անձամբ» գրառումը, նշում է ամսաթիվը, ստորագրում ու կնքում է տվյալ հատվածում:

Գործուղման վկայականում բոլոր գրառումները և կնիքի դրոշմը պետք է լինեն ընթեռնելի: Զորամասեր ժամանած Գործուղվածի գործուղման վկայականում գրառում է կատարվում` զորամաս ժամանելու օրվա, գործուղվածների հաշվառման գրքում գրանցելու հերթական համարի վերաբերյալ: Գրանցումներ չկատարելու դեպքում հատուցված գործուղման ծախսերը ենթակա են վերահաշվարկման:

10. Գործուղման վկայականում նշումները կատարում են հետևյալ պաշտոնատար անձինք.

1) եթե գործուղվում են մեկից ավելի վայրեր (զորամասեր), որոնք գտնվում են նույն բնակավայրում, ապա գործուղման վկայականում նշվում են գործուղման հրամանով սահմանված տվյալ բնակավայրում գտնվող որևէ վայր (զորամաս) ժամանելու և այդ վայրից մեկնելու օրերը, որը ստորագրում և կնքում է զորամասի համապատասխան պաշտոնատար անձը (անհնարինության դեպքում` գործուղման վայրի զինկոմիսարիատի համապատասխան պաշտոնատար անձը),

2) եթե գործուղվում են Հայաստանի Հանրապետության և Լեռնային Ղարաբաղի Հանրապետության տարածքում տեղակայված այլ մարմիններ, գործուղման վկայականը ստորագրում և կնքում է գործուղման վայրի պաշտոնատար անձը,

3) եթե գործուղվում են մեկից ավելի բնակավայրեր (քաղաք, գյուղ), գործուղման վկայականում նշվում են յուրաքանչյուր բնակավայր ժամանելու և այդ վայրից մեկնելու օրերը, որը ստորագրում և կնքում է գործուղման բնակավայրի զինկոմիսարիատի կամ համապատասխան կայազորի պետը:

11. Գործուղվողի ժամանակավոր անաշխատունակության, ծառայողական անհրաժեշտության կամ այլ դեպքերի առանձնահատկությունները.

1) Գործուղվողի կողմից գործուղման վայր մեկնելու անհնարինության դեպքում Գործուղողի հրամանով գործուղումը դադարեցվում է: Այդ դեպքում Գործուղվողը վարձատրվում է ընդհանուր հիմունքներով, իսկ գործուղման համար վճարված գիշերավարձի, օրապահիկի և ճանապարհածախսի գումարը հետ է գանձվում,

2) գործուղման ժամկետը կարող է երկարաձգվել կամ կրճատվել հեռախոսագրով կամ էլեկտրոնային կապի այլ միջոցներով (չի թույլատրվում ինքնուրույնաբար երկարաձգել կամ կրճատել գործուղման ընդհանուր ժամկետը): Այդ դեպքում գործուղող հրամանատարը (ղեկավարը) արձակում է հրաման, որը հիմնավորող այլ փաստաթղթերի հետ կցվում է սույն կարգի 26-րդ կետով նախատեսված հաշվետվությանը,

3) գործուղման մեկնած Գործուղվողի գործուղման վայրը փոխվելու անհրաժեշտության դեպքում նախքան այդ վայրը մեկնելը նա հեռախոսագրով կամ էլեկտրոնային կապի այլ միջոցներով այդ մասին հայտնում է գործուղող հրամանատարին (ղեկավարին), որի դրական պատասխանի դեպքում Գործուղվողը շարունակում է կատարել առաջադրանքը: Գործուղող հրամանատարը (ղեկավարը) իր հերթին հրաման է արձակում` փոփոխված գործուղման վայր (վայրեր) մեկնելու տվյալներով: Ճանապարհածախսի, օրապահիկի և գիշերավարձի ծախսերի փոխհատուցման հաշվարկը կատարվում է փոփոխված տվյալներով,

4) սույն կետի 1-ին, 2-րդ և 3-րդ ենթակետերով սահմանված դեպքերում գործուղման վայր մեկնելու համար տրամադրված ավտոմեքենայի վառելիքի ծախսը վերահաշվարկվում է սահմանված չափաքանակներով (գործուղման հրամանի օրինակը կամ քաղվածքը պարտադիր ներկայացվում է վառելիք տրամադրող ստորաբաժանմանը), իսկ օրապահիկի և գիշերավարձի ծախսերի փոխհատուցման վերահաշվարկը կատարվում է հաստատված նախահաշվի և միջոցառումների սահմաններում` վառելիքի վերահաշվարկման պայմանով (սույն Կարգի 26-րդ կետի ընթացակարգին համապատասխան)` գործուղման վկայականում կատարված համապատասխան գրառումներով:

12. Գործուղվողը գործուղման վայրեր իր այցելության հերթականությունը և ժամկետները կարող է ինքնուրույնաբար փոխել հրամանով նախատեսվածի համեմատ, համաձայնեցնելով (բանավոր կամ գրավոր) ղեկավարության հետ, և եթե այդ փոփոխությունները լրացուցիչ փոխհատուցման կամ կրճատման ծախսեր չեն առաջացնում:

13. Գործուղվողի ծառայողական ավտոտրանսպորտի վարորդի գործուղման վկայականը ևս ստորագրվում ու հաշվառվում է` համաձայն սույն Կարգով սահմանված բոլոր պահանջների, այդ թվում` հաստատված միջոցառումների շրջանակներում:

i

14. Զորամասերում և զինվորական կոմիսարիատներում վարվում է գործուղման մեջ և արձակուրդում գտնվող զինծառայողների հաշվառման գիրք` համաձայն «ՀՀ զինված ուժերի կայազորային ու պահակային ծառայությունների կանոնագիրքը հաստատելու մասին» ՀՀ օրենքի 13-րդ հավելվածի, ինչպես նաև զորամասերում վարվում է գործուղման ժամանածների հաշվառման գիրք, որում` ըստ օրերի և հերթական համարների, հաշվառվում են զորամաս գործուղման ժամանած անձի անունը, ազգանունը և հայրանունը, գործուղումն իրականացրած զորամասի համարը:

(14-րդ կետը փոփ. 20.03.14 թիվ 4-Ն հրաման)

15. Արտերկիր գործուղվելու առանձնահատկությունները.

i

1) սույն Կարգի դրույթները վերաբերում են արտերկիր Գործուղվողին, եթե միջազգային պայմանագրերով, ՀՀ կառավարության որոշումներով և իրավական այլ ակտերով կամ ՀՀ պաշտպանության նախարարի հրամանով` ՀՀ օրենսդրության պահանջներին համապատասխան, այլ բան նախատեսված չէ,

2) ՀՀ ՊՆ համակարգում սույն կարգի համաձայն օտարերկրյա պետություններ ծառայողական գործուղումների ծրագրի իրականացման համար պատասխանատու է ՀՀ ՊՆ պաշտպանական քաղաքականության վարչությունը, որը նախապատրաստում է այդ գործուղումներին վերաբերող բոլոր հրամանների նախագծերը,

3) օտարերկրյա պետություններ գործուղման մեկնելու հրամանն արձակում է ՀՀ պաշտպանության նախարարը,

4) ՀՀ պաշտպանության նախարարից թույլտվություն ստանալուց առաջ գործուղման մեկնելու հարցը (նպատակահարմարության և ժամկետների ընտրության առումով) նախապես գրավոր հանաձայնեցվում է ՀՀ ՊՆ պաշտպանական քաղաքականության վարչության և ՀՀ պաշտպանության նախարարի` պաշտպանական քաղաքականության վարչության գործունեությունը համակարգող տեղակալի հետ,

5) գործուղմանն առնչվող փաստաթղթերը ՀՀ ՊՆ պաշտպանական քաղաքականության վարչություն են ներկայացվում վերջինիս սահմանած ժամկետներում,

6) (6-րդ ենթակետն ուժը կորցրել է 20.03.14 թիվ 4-Ն հրաման, որի գործողությունը տարածվում է 2013 թվականի սեպտեմբերի 17-ից հետո ծագած հարաբերությունների վրա)

7) գործուղման ծախսերի հաշվարկները կատարվում են Հայաստանի Հանրապետության կառավարության որոշման Հավելված 1-ի 19-րդ կետով սահմանված կարգով` յուրաքանչյուր երկրի համար նախատեսված չափերով,

8) (8-րդ ենթակետն ուժը կորցրել է 20.03.14 թիվ 4-Ն հրաման)

9) Գործուղվողից անկախ պատճառներով ճանապարհին հարկադրական կանգառների, ձգձգումների դեպքում օրապահիկը և գիշերավարձն այդ օրերի համար հաշվարկվում է ծախսերի նախահաշվում փոփոխություններ կատարելու հիման վրա:

(15-րդ կետը փոփ. 20.03.14 թիվ 4-Ն հրաման)

16. Օտարերկրյա պետություն գործուղվելու դեպքում կազմվում է գործուղման ծախսերի նախահաշիվ, որը գործուղման հրամանի անբաժանելի մասն է:

17. Գործուղման ծախսերի նախահաշվի կազմման համար ՀՀ ՊՆ պաշտպանական քաղաքականության վարչությունը ծախսերի նախահաշիվը կազմող ստորաբաժանում է ուղարկում գործուղման ծախսերը պետական բյուջեի կամ ընդունող կողմի միջոցներից կամ այլ աղբյուրներից հատուցման վերաբերյալ գրավոր տեղեկատվություն: Եթե գործուղման ծախսերը հատուցվում են լրիվ կամ մասնակի հրավիրող կողմի միջոցներից կամ այլ աղբյուրներից, ապա հրավիրող կողմի միջոցներից կամ այլ աղբյուրներից ծախսերի հատուցումը հիմնավորող փաստաթղթերը պահանջվում են ՀՀ ՊՆ պաշտպանական քաղաքականության վարչության կողմից:

18. Մինչ Գործուղվողի մեկնելը գործուղողը բանավոր հրահանգավորում է նրան, իսկ անհրաժեշտության դեպքում` հրահանգավորման վերաբերյալ դրույթները ներառում նաև գործուղման հրամանում:

Հրահանգավորումը կարող է վերաբերել.

1) համազգեստի կրման կանոններին,

2) երթուղու նկարագրությանը (մեկնելուն և վերադարձին), տրանսպորտային միջոցով երթևեկելուն (ավտոբուս, երթուղային տաքսի, նավ, գնացք, ինքնաթիռ, ծառայողական կամ ՀՀ ԶՈՒ-ում սահմանված կարգով հաշվառված անձնական ավտոմեքենա), մեկնելուց առաջ հանդիպման (եթե գործուղվում են մեկից ավելի անձինք) օրվան, ժամին, վայրին (ՀՀ ՊՆ վարչական համալիր, Հյուսիսային ավտոկայան, համապատասխան զորամասի ՀԱԿ, երկաթուղային կայարան, օդանավակայանի տոմսերի ձևակերպման սրահ և այլն),

3) գործուղմանն առնչվող իրավական ու այլ (ցանկով) փաստաթղթեր (գաղտնի և ոչ գաղտնի) վերցնելու (սահմանված կարգով) անհրաժեշտությանը,

4) գույք (այդ թվում` զենք, զինամթերք), սարքավորում, տեխնիկա փոխադրելու (սահմանված կարգով) անհրաժեշտությանը,

5) գործուղման վայրում (վայրերում) Գործուղվողի պարտականությունների և առաջադրանքների կատարման առանձնահատկություններին, աշխատանքների բաշխմանը (անհրաժեշտության դեպքում` ըստ ժամկետների),

6) գործուղման վայրում գիշերելու (զորանոցում, հյուրանոցում, ծառայողական բնակարանում, վարձով կամ դաշտային պայմաններում` վրաններում, ավտոմեքենայում կամ այլ տեխնիկայի մեջ և այլն), սնվելու (զորամասի ճաշարանում կամ դաշտային պայմաններում, ինքնուրույն` տարածաշրջանի առևտրային օբյեկտներում, չոր օրապահիկով և այլն) առանձնահատկություններին,

7) առաջադրանքի կատարման առնչությամբ օպերատիվ տեղեկատվության փոխանակման անհրաժեշտությանը, կապի միջոցներով լրացուցիչ ապահովմանը,

8) գործուղման վայրում արդյունքների ընթացքին, ամփոփման վերաբերյալ համապատասխան փաստաթղթերի կազմման անհրաժեշտությանը,

9) գործուղման վայրում պարգևատրման կամ խրախուսման, ինչպես նաև ներկայացուցչական գործընթացում հուշանվերների ապահովման (փոխանակման) վերաբերյալ տեղեկատվությանը, դրանց անհրաժեշտության և տրամադրման կարգին,

10) անվտանգության ապահովման առանձնահատկություններին,

11) այլ ցուցումներ:

19. Վերադառնալուց հետո Գործուղվողը գործուղողին ներկայացնում է կատարված աշխատանքների մասին հաշվետվություն (հավելված 3) և անցնում իր անմիջական ծառայողական պարտականությունների կատարմանը:

 

III. Գործուղման ծախսերի փոխհատուցումը

 

20. Գործուղման ծախսերի փոխհատուցման հիմքերն են` զորամիավորումների, միավորումների, զորամասերի, զինվորական կոմիսարիատի, կենտրոնական ապարատի վարչությունների (ծառայությունների) և առանձին բաժինների (այսուհետ` Ստորաբաժանում)` տվյալ տարվա համար հաստատված նախահաշիվը, միջոցառումները և գործուղման ծախսերը հիմնավորող փաստաթղթերը:

21. Գործուղման ծախսերը ֆինանսական ստորաբաժանումները ձևակերպում են հաշվեգրման եղանակով:

22. Գործուղվողի օրապահիկի, գիշերավարձի և ճանապարհածախսի նվազագույն և առավելագույն չափերը սահմանվում են ՀՀ կառավարության որոշմամբ:

23. Գործուղման փոխհատուցման տեսակները և առանձնահատկությունները.

i

1) Փոխհատուցման ենթակա են`

ա. օրապահիկը,

բ. գիշերավարձը,

գ. ծառայության մշտական վայրից գործուղման վայրեր մեկնելու և վերադառնալու ճանապարհածախսը, իսկ օրենսդրությամբ սահմանված օդանավակայանների պաշտոնական պատվիրակությունների սրահներից օգտվելու իրավունք ունեցող պաշտոնատար անձանց գործուղման դեպքում` նաև օդանավակայանների պաշտոնական պատվիրակությունների սրահից օգտվելու և բիզնես կարգի ավիատոմսերի լրացուցիչ ծախսերը,

դ. ճանապարհին հարկադրական կանգառի դեպքում կատարված ծախսերը, հյուրանոցներում և համանման օբյեկտներում տեղերն ամրագրելու վճարը,

ե. պետական տուրքերը,

զ. օտարերկրյա պետություններ մուտքի արտոնագրի ձևակերպման ծախսերը,

է. ծառայողական գործուղման ժամանակ ծառայողական գործուղման հետ կապված կապի (հեռախոս, ֆաքս, ինտերնետ ծառայություն) ծախսերը` սահմանված չափաքանակներով,

ը. ծառայողական գործուղման փաստաթղթերի թարգմանության և վավերացման ծախսերը,

թ. գործուղման առնչությամբ ապահովագրության ծախսերը` սահմանված չափաքանակներով,

ժ. գործուղմանն առնչվող այլ ծախսեր` սահմանված չափաքանակներով,

2) մշտական ծառայության վայրից մինչև 30 կմ հեռավորությամբ այլ վայր (զորամաս) մեկնելու կամ, անկախ հեռավորությունից, մշտական ծառայության վայրից մեկնելու և նույն օրը վերադառնալու դեպքերում Գործուղվողին փոխհատուցվում է միայն գործուղման ճանապարհածախսը, եթե նա ծառայողական տրանսպորտով չի ապահովվել, որի մասին նշվում է գործուղման հրամանում,

3) Հայաստանի Հանրապետության և ԼՂՀ տարածքում գործուղման ծախսերը չեն փոխհատուցվում, եթե`

ա. գործուղման վայր մեկնելը և գործուղման վայրից վերադառնալը իրականացվում է ծառայողական կամ սահմանված կարգով հաշվառված անձնական ավտոմեքենայով, որի դեպքում ճանապարհածախսը չի փոխհատուցվում,

բ. գործուղման վայրում (զորամասում կամ այլ վայրում) Գործուղվողը գտնվել է 24-ժամյա ծառայության ռեժիմով և նրա սննդով ու քնելատեղով ապահովումը հանձնարարվել է գործուղման վայրի մարմնին (զորամասին), որի դեպքում օրապահիկը և գիշերավարձը չի հատուցվում (բացառությամբ` գործուղման վայր մեկնելու և վերադառնալու ճանապարհին եղած օրերը),

գ. գործուղումն իրականացվում է հրավիրող կողմի միջոցներից կամ այլ աղբյուրներից` գործուղման ծախսերի լրիվ ֆինանսավորման դեպքում,

4) օտարերկրյա պետություններ գործուղման ծախսերը չեն փոխհատուցվում, եթե`

ա. գործուղման վայր մեկնելը և գործուղման վայրից վերադառնալը իրականացվում է ծառայողական կամ սահմանված կարգով հաշվառված անձնական ավտոմեքենայով, որի դեպքում ճանապարհածախսը չի փոխհատուցվում,

բ. գործուղումն իրականացվում է հրավիրող կողմի միջոցներից կամ այլ աղբյուրներից` գործուղման ծախսերի լրիվ ֆինանսավորման դեպքում, այդ թվում` գործուղման վայր մեկնելու և վերադառնալու ճանապարհին եղած օրերը,

5) Հայաստանի Հանրապետության տարածքում, ԼՂՀ-ում և օտարերկրյա պետություններ գործուղման ծախսերը հատուցվում են մասնակի, եթե հրավիրող կողմի միջոցներից կամ այլ աղբյուրներից հատուցված գործուղման ծախսի չափը պակաս է ՀՀ կառավարության որոշմամբ օրապահիկի և գիշերավարձի համար սահմանված նվազագույն չափերից, որի դեպքում հատուցվում է այդ չափերի տարբերությունը:

(23-րդ կետը փոփ. 20.03.14 թիվ 4-Ն հրաման)

24. Գործուղման ծախսերի հաշվարկման հիմք են.

i

1) օրապահիկի հատուցման համար` գործուղման վկայականը կամ օտարերկրյա պետություն գործուղման հրամանը, ընդ որում, միաժամանակ մեկից ավելի օտարերկրյա պետություն գործուղվելու դեպքում օրապահիկի օրերի հաշվարկման համար հիմք են ընդունվում նաև մեկ օտարերկրյա պետությունից մեկ այլ օտարերկրյա պետություն մեկնումը հաստատող տրանսպորտային փոխադրման փաստաթղթերը,

2) գիշերավարձի հատուցման համար`

ա. գործուղման վկայականը, ընդ որում, եթե վկայականում գործուղման մեկնելու և մշտական ծառայության վայր վերադառնալու ամսաթվերի միջև առկա է առնվազն մեկ օրվա տարբերություն,

բ. հյուրանոցային ծառայությունից օգտվելու վերաբերյալ հաշիվ-ապրանքագիրը կամ դուրս գրվող հարկային հաշիվը, կանխիկ գումար վճարելու մասին հաշվիչ-դրամարկղային մեքենայի (այսուհետ` ՀԴՄ) անդորրագիրը` ըստ հաշիվ-ապրանքագրի կամ դուրս գրվող հարկային հաշվի տվյալների: Ընդ որում, գործուղման ընթացքում գիշերավարձը հատուցվում է կատարված փաստացի ծախսերի չափով, բայց ոչ ավելի, քան Հայաստանի Հանրապետության կառավարության սահմանած առավելագույն չափը, բացառությամբ` եթե գործուղման հրամանում սահմանված է տվյալ գործուղման փաստացի կատարված ծախսերի հատուցման պահանջ, ապա գիշերավարձի ծախսերի հատուցումը կատարվում է փաստացի կատարված ծախսերի, այդ թվում` նաև ամրագրումը հաստատող փաստաթղթերի համաձայն: Նշված փաստաթղթերի բացակայության դեպքում հաշվարկը կատարվում է ՀՀ կառավարության որոշմամբ սահմանված նվազագույն չափով,

3) ճանապարհածախսի փոխհատուցման համար ներկայացվող փաստաթղթերն են.

ա. ծառայողական կամ ՀՀ ԶՈՒ-ում սահմանված կարգով հաշվառված անձնական ավտոմեքենայով գործուղման մեկնելիս` գործուղման հրամանը (վառելիք տրամադրելու նպատակով տվյալ փոխադրամիջոցի համար սահմանված չափաքանակների համաձայն),

բ. ավտոբուսների երթուղիների բացակայության դեպքում` երթուղային տաքսիների տոմսը` Հայաստանի Հանրապետության և Լեռնային Ղարաբաղի Հանրապետության տարածքում գործող միջմարզային կամ միջպետական ու միջքաղաքային երթուղային տաքսիների սակագներով (առանց ավտոբուսների կամ երթուղային տաքսիների տոմսի ներկայացման փոխհատուցվում է ճանապարհածախսի նվազագույն գումարը` Հայաստանի Հանրապետության և Լեռնային Ղարաբաղի Հանրապետության տարածքում գործող միջմարզային կամ միջպետական ավտոբուսների և երթուղային տաքսիների երթուղիների սակագներով),

գ. օդանավի, գնացքի կամ այլ տրանսպորտային միջոցի տոմսը կամ տրանսպորտային միջոցից օգտվելու հանգամանքը հաստատող այլ փաստաթուղթ,

4) մատուցված այլ ծառայությունների համար ծախսերը` ՀՀ պաշտպանության նախարարի կողմից սահմանված չափաքանակների փոխհատուցվում են ծառայություններից օգտվելու վերաբերյալ հաշիվ-ապրանքագիրը կամ դուրս գրվող հարկային հաշիվը, ինչպես նաև ՀԴՄ-ի անդորրագիրը միաժամանակ ներկայացնելով, իսկ պետական տուրքերի համար կատարված ծախսերը` ըստ ՀՀ և օտարերկրյա օրենսդրությամբ սահմանված դրույքաչափերի:

(24-րդ կետը փոփ. 20.03.14 թիվ 4-Ն հրաման, որի գործողությունը տարածվում է 2013 թվականի սեպտեմբերի 17-ից հետո ծագած հարաբերությունների վրա)

i

25. Գործուղվող անձին գործուղման ծախսերի հատուցումը տրվում է գործուղում մեկնելուց առնվազն մեկ օր առաջ` Հայաստանի Հանրապետության դրամով, ընդ որում, Հայաստանի Հանրապետության տարածքում և Լեռնային Ղարաբաղի Հանրապետություն գործուղման դեպքում գիշերավարձը փոխհատուցվում է Հայաստանի Հանրապետության կառավարության որոշմամբ սահմանված նվազագույն չափով:

(25-րդ կետը փոփ. 20.03.14 թիվ 4-Ն հրաման)

i

26. Գործուղված անձը գործուղումից վերադառնալուց հետո երեք աշխատանքային օրվա ընթացքում հիմնավորող` սույն կարգի 15-րդ կետի 6-րդ և 9-րդ ենթակետերում և 24-րդ կետում նշված փաստաթղթերը, գործուղման վկայականը և «Առհաշիվ գումարների ծախսման մասին» հաշվետվությունը (Հավելված 4) ներկայացնում է գործուղող հրամանատարի (պետի) հաստատմանը, որից հետո ոչ ուշ, քան 5 աշխատանքային օրվա ընթացքում նշված փաստաթղթերը Գործուղված անձի կողմից անձամբ կամ հրամանատարի (պետի) կից գրությամբ ներկայացվում է այն ֆինանսական ստորաբաժանում, որի հաստատված նախահաշվի սահմաններում նախատեսված են գործուղման միջոցառումները և որի հիման վրա ֆինանսական ստորաբաժանումը`

1) համապատասխան գրառումները կատարում է «Առհաշիվ գումարների ծախսման մասին» հաշվետվությունը հաստատելուց հետո` հաշվետվության ստացման օրը,

2) հաշվետվությունը սահմանված պահանջներին չհամապատասխանելու դեպքում համապատասխան ձևակերպում չի կատարում և ստանալուց հետո ոչ ուշ, քան 3 աշխատանքային օրվա ընթացքում Գործուղվողին կամ կից գրությամբ գործուղողին ուղարկում է ծախսերի ձևակերպման անհնարինության մասին ծանուցագիր (հավելված 5) և կից փաստաթղթեր: Ծանուցագիրը և կից փաստաթղթերը ստանալուց հետո Գործուղվողը ոչ ուշ, քան 14 աշխատանքային օրվա ընթացքում սույն Կարգի 9-րդ կետին համապատասխան կատարում է անհրաժեշտ ուղղումները, ինչպես նաև և ոչ ուշ, քան տվյալ բյուջետային տարվա ընթացքում սույն կարգի 42-րդ կետի համաձայն կատարում է անհրաժեշտ փոփոխությունները և անձամբ կամ գործուղողի կից գրությամբ անհրաժեշտ փաստաթղթերը կրկին ուղարկում է ֆինանսական ստորաբաժանում: Սույն կետում սահմանված ժամկետների խախտումներով փաստաթղթերի ներկայացումը չի հանգեցնում գործուղման ծախսերի սահմանված կարգով փոխհատուցման (փոխհատուցման ենթակա է օրապահիկը ամբողջությամբ, իսկ գիշերավարձը` Հայաստանի Հանրապետության կառավարության որոշմամբ սահմանված նվազագույն չափով) մերժման, միաժամանակ ժամկետների խախտում առկա լինելու մասին ֆինանսական ստորաբաժանումը տեղեկացնում է ժամկետի խախտում թույլ տված անձի անմիջական ղեկավարին` խախտման պատճառները պարզելու և, անհրաժեշտության դեպքում, կարգապահական տույժ կիրառելու համար:

Սույն կետում նշված հաշվետվությունում գրառվում են նաև սույն կարգի 11-րդ կետի 1-ին և 3-րդ ենթակետերում, 12-րդ կետում, 15-րդ կետի 9-րդ ենթակետում նշված տեղեկությունները:

(26-րդ կետը փոփ. 20.03.14 թիվ 4-Ն հրաման)

27. Ծառայողական ավտոտրանսպորտն անհրաժեշտ վառելանյութով ապահովվում է միայն վարորդի գործուղման վկայականի և ավտոմեքենայի ուղեգրի առկայության դեպքում:

ՀՀ ԶՈՒ-ում սահմանված կարգով հաշվառված անձնական ավտոտրանսպորտն անհրաժեշտ վառելանյութով ապահովվում է միայն Գործուղվողի (վարորդի) գործուղման հրամանի (կամ քաղվածքի) և վկայականի պատճենների առկայության դեպքում` ծառայողական ավտոտրանսպորտից օգտվելու անհնարինության դեպքում սահմանված գործուղման չափաքանակների շրջանակներում:

28. Վերադառնալուց հետո ավտոտրանսպորտի վարորդը սահմանված կարգով լրացված գործուղման վկայականը ներկայացնում է համապատասխան վառելիքի տրամադրման ծառայություն` ծախսերը ձևակերպելու համար (վերահաշվարկը կատարվում է սույն Կարգի 11-րդ կետի 4-րդ ենթակետով նախատեսված դեպքում): Գործուղման վկայականում կատարվում են հետևյալ նշումները` «ենթակա է վերադարձման կամ ավելացման (վառելիքի անվանումը և քանակը), «լրացուցիչ ծախս չի պահանջվում»` համապատասխան տողի դիմաց: Նշված գրառման հիման վրա ավտոտրանսպորտի վարորդի հետ կատարվում է տրամադրված վառելիքի վերջնահաշվարկ, որը հիմք է սույն Կարգի 13-րդ հավելվածի 6-րդ սյունակում ծախսերը ներառելու համար:

29. Սույն Կարգի 20-րդ և 21-րդ կետերի համաձայն բյուջետային տարում փաստացի ծախսերը ենթակա են փոխհատուցման` սույն Կարգի 24-րդ կետում նշված փաստաթղթերի ներկայացման օրվանից հետո հինգ աշխատանքային օրվա ընթացքում:

30. Սույն Կարգի համաձայն գործուղման ծախսերի փոխհատուցման պարտադիր պայման է գործուղման համապատասխանությունը ՀՀ ԶՈՒ տվյալ տարվա ծրագրով հաստատված պլանին կամ արտապլանային գործուղմանը` ըստ ՀՀ պաշտպանության նախարարի կամ գլխավոր շտաբի պետի կարգադրության, հրամանի, դիրեկտիվի, կազմակերպչական ցուցման կամ հանձնարարականի:

 

IV. Գործուղման ծախսերի պլանավորումը

 

31. Հայաստանի Հանրապետության, Լեռնային Ղարաբաղի Հանրապետության տարածքում և արտերկիր ծառայողական գործուղումներն իրականացվում են ըստ նախապես հաստատված ծրագրային ցուցանիշների (այսուհետ` Ծրագիր):

32. Ծրագիրը ստորաբաժանման հրամանատարությունը (ղեկավարությունը) մշակում և սահմանված կարգով ամփոփման է ներկայացնում տարեկան բյուջետային հայտի կազմման ժամանակ, գաղտնի մակագրով:

33. Ծրագրի կազմման հիմնական բաղկացուցիչ մասերն են (հավելված 6` կազմում է հրամանատարությունը կամ ղեկավարությունը).

1) միջոցառումները.

ստորաբաժանման ակնկալած արդյունքին հասնելու միջոցառումները համառոտ նկարագրվում են (երկու կամ երեք նախադասությամբ) ըստ նպատակի, գործուղվող անձնակազմի (այդ թվում` վարորդների) ներգրավվածության, երթերի և տևողության: Միջոցառումները պետք է բխեն ՀՀ ԶՈՒ ուսումնական, մարտական պատրաստության, միջպետական, միջկառավարական և միջգերատեսչական երկկողմանի ու բազմակողմանի համագործակցության պլաններից և երկկողմանի այլ պայմանավորվածություններից (ըստ առաջնահերթության), ինչպես նաև ներառեն քրեադատավարական, դատավարական բնույթի կամ ծառայողական քննությունների հետ կապված գործողությունները (հիմք ընդունելով ընթացիկ տարվա հաստատված միջինացված տվյալները),

2) պայմանները.

միջոցառումների անցկացման պայմանները պետք է նկարագրվեն ըստ անցկացման կոնկրետ տեղի` զորավարժարան, լսարան, աշխատասենյակ, դաշտային և այլ պայմաններ, իսկ քննչական գործողությունների դեպքում` նաև ըստ վայրի,

3) գործունեությունն ըստ հետևյալ տեսակների.

ա. ուսումնական` տեսական (դասախոսություն) և գործնական (կրակային, շարային, ուսումնամարզական և այլն),

բ. մասնագիտական (մասնագիտական ծառայողական փաստաթղթերի ու փաստացի իրավիճակի ուսումնասիրություն, բժշկական ծառայություններ, անձնակազմի և բեռների տեղափոխում, տեխնիկայի, սարքերի, միջոցների նորոգման, կարգավորման և այլ աշխատանքներ, հետաքննական, նախաքննական, դատաքննական գործողությունների, ծառայողական քննությունների կատարում),

գ) այլ,

4) հաշվարկային հիմնավորումները.

ա. պլանավորվում են սույն Կարգի 23-րդ կետի 1-ին ենթակետով նախատեսված ծախսերը,

բ. հաշվարկները կատարվում են ըստ ստորաբաժանման պլանավորված միջոցառումների:

Եթե համաբանակային և այլ միջոցառումները դեռևս պարզ չեն, ապա պլանավորվում են միայն ստորաբաժանման միջոցառումները, իսկ մնացած միջոցառումները պլանավորվում են ճշտված ծրագրային ցուցանիշները կազմելու ժամանակ` սույն Կարգի 37-րդ կետի պահանջների համաձայն:

34. Սույն հրամանի 6-րդ հավելվածի հիման վրա համապատասխան ֆինանսական ստորաբաժանումը կազմում է տեղեկատվություն գործուղման ծախսերի մասին` ըստ միջոցառումների (հավելված 7):

Ճանապարհածախսը, գիշերավարձի և օրապահիկի միջին չափերը պայմանականորեն ընդունվում են ընթացիկ տարվա հաստատված ցուցանիշներով: Այլ ծախսերը պլանավորվում են սահմանված չափաքանակների համաձայն:

35. Ծրագրերի ցուցանիշներն ամփոփվում են ՀՀ պաշտպանության նախարարության աշխատակազմում ու ՀՀ ԶՈՒ գլխավոր շտաբի վարչական ապարատում և հիմք են տարեկան բյուջետային հայտի քննարկման համար:

36. Սույն հրամանի 6-րդ և 7-րդ հավելվածները կազմվում են բյուջետային հայտի կազմման ժամանակ:

37. Ծրագրային ցուցանիշները ստորաբաժանումը պարտադիր ճշտում է ՀՀ ԶՈՒ ուսումնական տարվա պատրաստության պլանի հաստատումից հետո` 10 աշխատանքային օրվա ընթացքում, որից հետո կազմվում են սույն հրամանի 8-րդ, 9-րդ և 10-րդ հավելվածները` ճշտված ցուցանիշների հիման վրա (այդ ստորաբաժանումներից ստացված հավելվածները ՀՀ ԶՈՒ գլխավոր շտաբի ֆինանսական վարչությունը և ՀՀ ՊՆ կենտրոնական ապարատի վարչությունների ու առանձին բաժինների կարգավիճակ ունեցող համապատասխան ֆինանսական ստորաբաժանումներն ամփոփում են և 15 աշխատանքային օրվա ընթացքում կազմում են գործուղումների ծախսերի նախահաշիվների նախագծեր).

1) նախքան ՀՀ ԶՈՒ ուսումնական տարվա պատրաստության պլանի հաստատումը, ստորաբաժանումները կազմակերպչական ցուցումներով հիմնավորում և ճշտում են գործուղման անցկացման համաբանակային միջոցառումների անհրաժեշտությունը և ժամկետները, դրանցով պլանավորվում են նաև զորամասի գործուղման ծախսերը,

2) համաբանակային միջոցառումների շրջանակից դուրս, այլ ստորաբաժանումներից (զորամասերից) ներգրավվող անձնակազմի գործուղման ծախսերը փոխհատուցվում են պլանավորող տվյալ ստորաբաժանման նախահաշվային ծախսերից և չեն համարվում լրացուցիչ կամ արտապլանային ծախսեր (օրինակ` պլանավորման գործընթացում դեռևս հայտնի չէ զորակոչային ռազմաբժշկական հանձնաժողովի կազմը: ՀՀ կառավարության որոշման, ՀՀ պաշտպանության նախարարի հրամանով ձևավորվում է հանձնաժողովի մասնակիցների կազմը: Այդ փաստաթղթերի հիման վրա ՀՀ զինկոմիսարիատը նախապատրաստում է ՀՀ ԶՈՒ գլխավոր շտաբի պետի հրաման` ՀՀ ԶՈՒ զորամասերի բուժծառայության անձնակազմին համապատասխան տարածքային զինկոմիսարիատներ գործուղելու և ծառայողական պարտականություններ կատարելու վերաբերյալ: Այս դեպքում գործուղման ծախսերը պլանավորվում և փոխհատուցվում են ոչ թե բուժծառայողների զորամասերի հաշվին, այլ ՀՀ զինկոմիսարիատի նախահաշվի գործուղման միջոցառումների հաշվին, իսկ գործուղման փոխհարաբերություններն իրականացվում են սույն Կարգի 7-րդ կետի պահանջներին համապատասխան): Փոխհատուցման ժամանակաշրջանում պարտադիր է ՀՀ պաշտպանության նախարարի կամ ՀՀ ԶՈՒ գլխավոր շտաբի պետի` տվյալ զորամասերից միջոցառումներին անձնակազմ ներգրավելու և գործուղման ժամկետների վերաբերյալ հրամանը` հրամանում նշելով Գործուղվողի անվան տվյալները,

3) ֆինանսական ցուցանիշները ճշտվում են միջոցառումների իրականացման առաջնահերթությամբ` ընդհանուր պլանավորված ծախսերի շրջանակներում:

38. Ճշտված ծրագիրը հիմք է նախահաշիվների և միջոցառումների նախագծերը կազմելու համար:

39. ՀՀ ԶՈՒ գլխավոր շտաբը և ՀՀ ՊՆ կենտրոնական ապարատի վարչություններն ու առանձին բաժինները ճշտված և ամփոփված ֆինանսական ցուցանիշները (այսուհետ` Նախահաշիվ) սույն Կարգի 37-րդ կետում նախատեսված ժամկետներից հետո ոչ ուշ, քան 5 աշխատանքային օրվա ընթացքում տրամադրում են ՀՀ ՊՆ ֆինանսաբյուջետային և պլանավորման վարչությանը (հավելված 11)` ՀՀ ՊՆ համակարգի գործուղումների Նախահաշիվները կազմելու և ՀՀ պաշտպանության նախարարին հաստատման ներկայացնելու նպատակով:

40. ՀՀ ՊՆ համակարգի գործուղումների Նախահաշիվները հաստատվելուց հետո 10 աշխատանքային օրվա ընթացքում միջոցառումները հաստատվում են ՀՀ ԶՈՒ գլխավոր շտաբի պետի, իսկ ՀՀ ՊՆ կենտրոնական ապարատում` ՀՀ պաշտպանության նախարարի համապատասխան տեղակալի հրամանով (հավելված 12): Միջոցառումների հաստատումից առաջ ստորաբաժանմանը թույլատրվում է նախահաշվի և միջոցառումների նախագծի ցուցանիշների սահմաններում կատարել ծախսերի ձևակերպումներ, բայց մինչև տվյալ բյուջետային տարվա փետրվարի 15-ը:

41. ՀՀ պաշտպանության նախարարի և ԶՈՒ գլխավոր շտաբի պետի հրամաններով արտապլանային գործուղումների ծախսերը փոխհատուցելու համար ՀՀ ՊՆ ֆինանսաբյուջետային և պլանավորման վարչությանն ու ՀՀ ԶՈՒ գլխավոր շտաբին թույլատրվում է գործուղման ծախսերի նախահաշվում նախատեսել չնախատեսված ծախսերի չափաքանակ` նախահաշվի ընդհանուր չափի մինչև 10 %-ը:

42. Ծրագրում թույլատրվում է կատարել փոփոխություն` միջոցառումների վերաբաշխմամբ, ՀՀ պաշտպանության նախարարի համապատասխան տեղակալի և գլխավոր շտաբի պետի հրամաններով, տվյալ ստորաբաժանման հիմնավորված առաջարկի դեպքում:

43. Գործուղման ծախսերի Նախահաշիվներում փոփոխությունները կատարվում են ՀՀ պաշտպանության նախարարի հրամանով, որի հիման վրա փոփոխություններ են կատարվում նաև միջոցառումների ցուցանիշների հրամանում:

 

V. Ծրագրային ցուցանիշների հաշվետվությունը

 

44. Հաշվետու ժամանակաշրջանի համար (զորամասերում` յուրաքանչյուր ամիս, վերադաս ղեկավարությանը ներկայացնելու համար` յուրաքանչյուր եռամսյակ) ստորաբաժանումները գործուղման փաստացի ծախսերի վերաբերյալ ամփոփ հաշվետվությունը կազմում են աճողական կարգով (հավելված 13):

Հաշվետվությունը կազմում է համապատասխան ֆինանսական ստորաբաժանումը:

45. Եռամսյակային հաշվետվությունների ամփոփման ժամանակ չիրականացված միջոցառումների արդյունքում չօգտագործված միջոցները հաջորդ ժամանակահատվածում ենթակա չեն օգտագործման (բացառությամբ այն միջոցառումները, որոնք իրականացվում են սույն Կարգի 15-րդ կետով նախատեսված դեպքերում կամ վերաբերում են քրեադատավարական, դատավարական բնույթի կամ ծառայողական քննությունների հետ կապված գործողություններին): Չօգտագործված միջոցների մասով ստորաբաժանման ֆինանսավորումը ենթակա է նվազեցման, որի դեպքում 13-րդ հավելվածի 10-րդ սյունակի բացատրագրի (այսուհետ` բացատրագիր) տողում նշվում է «ռեզերվ» բառը: Չօգտագործված միջոցներն ուղղվում են չնախատեսված ծախսերին (սույն Կարգի 41-րդ կետով նախատեսված ընդհանուր չափերի ավելացմամբ), բացառությամբ այն դեպքերը, երբ`

1) սույն Կարգի 42-րդ կետի ընթացակարգով ծրագրում կատարվել են փոփոխություններ,

2) միջոցառման սկիզբը նախորդ եռամսյակում է, իսկ ավարտը` հաջորդ եռամսյակի ընթացքում, գործուղման հրամանի հիման վրա բացատրագրի տողում նշվում է «շարունակելի» բառը,

3) «Առհաշիվ գումարների ծախսման մասին» հաշվետվությունը ներկայացվում է հաշվետու եռամսյակին հաջորդող օրերի ընթացքում, որի պատճառով հաշվեգրման եղանակով ծախսերը ձևակերպվում են հաջորդ եռամսյակում: Այս դեպքում գործուղման հրամանի հիման վրա բացատրագրի տողում նշվում է «հաշվեգրվելու է» բառը,

4) չիրականացված միջոցառման կատարման ժամանակացույցը հետաձգվել է հիմնավոր պատճառներով, որի դեպքում բացատրագրի տողում նշվում է հետագայում տվյալ միջոցառման կատարման ճշտված ժամկետը` եռամսյակային կտրվածքով:

46. Սույն Կարգի 45-րդ կետի 2-րդ և 4-րդ ենթակետերի վերաբերյալ տեղեկությունը հրամանատարությունը (ղեկավարությունը) համապատասխան ֆինանսական ստորաբաժանում է ուղարկում մինչև հաշվետվությունը կազմելը` հաստատված և փաստացի ցուցանիշներից շեղումների վերաբերյալ ֆինանսական ստորաբաժանման տվյալներով: Տեղեկատվությունը չներկայացնելու դեպքում ֆինանսական ստորաբաժանումը հաշվետվության բացատրագրի տողում նշում է «ռեզերվ» բառը:

47. Ֆինանսական ստորաբաժանումն ամփոփելով եռամսյակային հաշվետվությունները, վերլուծելով ծրագրային ցուցանիշները և բացատրությունները, վերադաս ղեկավարությանը ներկայացնում է առաջարկություններ` որոշումներ կայացնելու նպատակով:

 

Հավելված 2

ՀՀ պաշտպանության նախարարի

2013 թ. օգոստոսի 20-ի

N 915-Ն հրամանի

.________________.

|                |

|  Անկյունադրոշմ |

|                |

|                |

.________________.

 

ԳՈՐԾՈՒՂՄԱՆ ՎԿԱՅԱԿԱՆ N______

 

Գործուղվող __________________________________________________________

(կոչումը, անունը, հայրանունը, ազգանունը)

Գործուղվում է _______________________________________________________

(նշանակման կետերի, հիմնարկների և զորամասերի անվանումը)

_____________________________________________________________________

_____________________________________________________________________

Փոխադրամիջոցը _______________________________________________________

(տեսակը)

Հրամանը _____________________________________________________________

(օրը, ամիսը, տարեթիվը, հրամանն արձակող մարմնի համարը և պաշտոնյան)

Գործուղման նպատակը __________________________________________________

(միջոցառման անվանումը)

Գործուղման ժամկետը _____________ օր,

«_____» __________ 20 թ. մինչև «_____» ____________ 20 թ. ներառյալ

 

Պաշտոնը` ____________________________________________________________

(գործուղման վկայականը վավերացնողի կոչումը, ստորագրությունը,

անվանատառը, ազգանունը)

 

Այլ նշումներ`

 

Երթևեկում է`

ծառայողական _______________________________ ավտոմեքենայով

(նշել մակնիշը և պետհամարանիշը)

 

անձնական _______________________________ ավտոմեքենայով

(նշել մակնիշը և պետհամարանիշը)

 

Տեղեկություն վառելանյութով ապահովման մասին`

տրամադրվել է`

___________________________________________________________ լ բենզին

(գրառումը կատարվում է մեկնելուց առաջ` վառելիքի տրամադրման

օրը, նշելով բառերով ու թվերով)

 

______________________  __________________ ________________________

    (վառելիքը հաշվարկողի     (ստորագրությունը)   (անվանատառը, ազգանունը)

պաշտոնը, կոչումը)

 

Վերադառնալուց հետո փաստացի ձևակերպվել է ծախս` ______________ լ բենզին

(բառերով ու թվերով)

    վերադարձման                                   _______________ լ բենզին

                                                  (բառերով ու թվերով)

 

Ենթակա է`

 

լրալցավորման _____________________________  ________________ լ բենզին

                   (հիմնավոր փաստաթղթերի        (բառերով ու թվերով)

                    առկայության դեպքում)

 

    լրացուցիչ ծախս չի պահանջվում`     .____. (եթե ծախսված վառելիքի քանակը

|    | համապատասխանում է ուղեգրում

.____. նշված երթուղու տվյալներին)

 

______________________  __________________ ________________________

    (վառելիքը հաշվարկողի     (ստորագրությունը)   (անվանատառը, ազգանունը)

պաշտոնը, կոչումը)

 

Նշանակման վայրեր մեկնելու և ժամանելու վերաբերյալ նշումներ

 

    1) Մեկնել է _____________________     2) Ժամանել է ___________________

                (հիմնական ծառայության                  (զորամասի համարը,

                վայրից)                                կազմակերպության

                                                       անվանումը)

 

       «______» _____________ 20 թ.         «______» _____________ 20 թ.

 

.____.                               .____.

|Կ.տ.|                               |Կ.տ.|  հաշվառման գրքում

.____. __________________________    .____.  (գրանցամատյանում)

       (պատասխանատուի ստորագրությունը)           գրանցման հերթական N _____

                                           _______________________________

                                           (պատասխանատուի ստորագրությունը)

 

    3) Մեկնել է _____________________     4) Ժամանել է ___________________

                (զորամասի համարը,                      (զորամասի համարը,

                կազմակերպության                        կազմակերպության

                անվանումը)                             անվանումը)

 

       «______» _____________ 20 թ.         «______» _____________ 20 թ.

 

.____.                               .____.

|Կ.տ.|                               |Կ.տ.|  հաշվառման գրքում

.____. __________________________    .____.  (գրանցամատյանում)

       (պատասխանատուի ստորագրությունը)           գրանցման հերթական N _____

                                           _______________________________

                                           (պատասխանատուի ստորագրությունը)

 

....

 

    29) Մեկնել է ____________________    30) Ժամանել է ___________________

                 (զորամասի համարը,                      (զորամասի համարը,

                 կազմակերպության                        կազմակերպության

                 անվանումը)                             անվանումը)

 

       «______» _____________ 20 թ.         «______» _____________ 20 թ.

 

.____.                               .____.

|Կ.տ.|                               |Կ.տ.|  հաշվառման գրքում

.____. __________________________    .____.  (գրանցամատյանում)

       (պատասխանատուի ստորագրությունը)           գրանցման հերթական N _____

                                           _______________________________

                                           (պատասխանատուի ստորագրությունը)

 

Հավելված 3

i

ՀՀ պաշտպանության նախարարի

2013 թ. օգոստոսի 20-ի

N 915-Ն հրամանի

 

«ՀԱՍՏԱՏՈՒՄ ԵՄ»

______________________________________

N զորամասի հրամանատար կամ համապատասխան

վարչության, առանձին բաժնի պետ

______________________________________

ստորագրությունը, անունը, ազգանունը

 

«____»____________20__թ.

 

ՀԱՇՎԵՏՎՈՒԹՅՈՒՆ

 

ներհանրապետական (օտարերկրյա) գործուղումների վերաբերյալ

 

___________________________

                                               միջոցառման անվանումը

 

Ես`________________________________________________________________,

գործուղվողի պաշտոնը, կոչումը, անունը, ազգանունը

 

գործելով ___________________________________________________________

գործուղման հիմք համարվող գործուղողի պաշտոնը, նրա հրամանի

համարը, ամսաթիվը

___________________________________________________________ նպատակով

ծառայության (աշխատանքային) որ խնդրի լուծման համար էր

նախատեսված գործուղումը

 

«___»______20 __ թ-ից մինչև «___»_______20 __ թ-ը ներառյալ գործուղվել եմ ______________________________________________________________________:

անցկացման վայր, վայրեր

 

Մասնակցում էին`

 

ա) __________________________________________________________________

ներհանրապետական գործուղումների դեպքում` թվարկվում են ներգրավված

_____________________________________________________________________

                    զորամասերը, կազմակերպությունները,

բ) __________________________________________________________________

օտարերկրյա պետություններ գործուղվելու դեպքում` հրավիրող կողմը և

ներգրավված երկրները,

_____________________________________________________________________

կազմակերպությունները, դրանց ներկայացուցիչները` ընդհանրացված

 

Քննարկված թեմաները` _________________________________________________

_____________________________________________________________________

 

Հանդիպումները`_______________________________________________________

_____________________________________________________________________

 

Ելույթները` _________________________________________________________

_____________________________________________________________________

 

Այլ`_________________________________________________________________

գործուղմանը վերաբերող այլ գործողությունները, բացատրությունները,

գործուղման

_____________________________________________________________________

        ընթացքում առաջադրանքի կամ երթուղու փոփոխության վերաբերյալ

_____________________________________________________________________

                  առանձնահատկությունները` նշել որոնք են

_____________________________________________________________________

 

Բարձրացված կամ քննարկված հարցերը`____________________________________

_____________________________________________________________________

_____________________________________________________________________

 

Ընդունված որոշումները`_______________________________________________

_____________________________________________________________________

 

Պայմանավորվածություն է ձեռք բերվել` _________________________________

_____________________________________________________________________

_____________________________________________________________________

 

Ստորագրվել են հետևյալ փաստաթղթերը` _________________________________

_____________________________________________________________________

_____________________________________________________________________

 

Առաջարկում եմ` ______________________________________________________

արվում են հակիրճ առաջարկություններ` պայմանավորվածություններին,

_____________________________________________________________________

        ընդունված յուրաքանչյուր որոշմանն ընթացք տալու վերաբերյալ

_____________________________________________________________________

 

Առդիր` ______________________________________________________________

հաշվետվության տեքստին վերաբերող առանձին փաստաթղթեր

 

_______________________________________________________________ թերթ:

 

Հաշվետվությունը ներկայացրեց` ________________________________________

(պաշտոնը, կոչումը, ստորագրությունը,

անունը, ազգանունը)

 

«____»____________20___թ.

 

(3-րդ հավելվածը փոփ. 20.03.14 թիվ 4-Ն հրաման)

 

---------------------------------------------------------------

ԻՐՏԵԿ - շարունակությունը հաջորդ մասերում