041.0956.211013
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
21 հոկտեմբերի 2013 թվականի N 956-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ՆԻԿՈՍԻԱ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Հայաստանի Հանրապետության և Կիպրոսի Հանրապետության միջև ռազմատեխնիկական համագործակցության միջկառավարական հանձնաժողովի 2-րդ նիստին մասնակցելու նպատակով 2013 թվականի հոկտեմբերի 21-25-ը Նիկոսիա (Կիպրոսի Հանրապետություն) գործուղել Հայաստանի Հանրապետության պատվիրակություն` համաձայն հավելվածի:
2. Հայաստանի Հանրապետության պատվիրակության անդամների` Նիկոսիա գործուղման հետ կապված ծախսերը կատարել`
1) Ա. Միրզաբեկյանինը և Ս. Աբրահամյանինը` Հայաստանի Հանրապետության 2013 թվականի պետական բյուջեով Հայաստանի Հանրապետության պաշտպանության նախարարության համար նախատեսված միջոցների հաշվին.
2) Ս. Մկրտչյանինը` Հայաստանի Հանրապետության 2013 թվականի պետական բյուջեով Հայաստանի Հանրապետության արտաքին գործերի նախարարության աշխատակազմին հատկացված միջոցների հաշվին:
3. Հայաստանի Հանրապետության պաշտպանության նախարարին` ապահովել գործուղումից վերադառնալուց հետո եռօրյա ժամկետում Ա. Միրզաբեկյանի` Նիկոսիա գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2013 ԹՎԱԿԱՆԻ ՀՈԿՏԵՄԲԵՐԻ 21-ԻՆ
Հավելված
ՀՀ վարչապետի
2013 թվականի հոկտեմբերի 21-ի
N 956-Ա որոշման
ԿԱԶՄ
2013 ԹՎԱԿԱՆԻ ՀՈԿՏԵՄԲԵՐԻ 21-25-Ը ՆԻԿՈՍԻԱ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ
Ա. Միրզաբեկյան - ՀՀ պաշտպանության նախարարի
տեղակալ-նյութատեխնիկական ապահովման դեպարտամենտի
պետ (հանձնաժողովի հայկական մասի նախագահ)
Ս. Մկրտչյան - ՀՀ արտաքին գործերի նախարարության
սպառազինությունների վերահսկման և միջազգային
անվտանգության վարչության պետ (հանձնաժողովի
հայկական մասի նախագահի տեղակալ)
Ս. Աբրահամյան - ՀՀ պաշտպանության նախարարության պաշտպանական
քաղաքականության վարչության միջազգային
պայմանագրաիրավական ապահովման բաժնի պետ -
վարչության պետի տեղակալ (հանձնաժողովի հայկական
մասի քարտուղար)