Սեղմել Esc փակելու համար:
ԴՊՐՈՑԱԿԱՆՆԵՐԻ 1999 ԹՎԱԿԱՆԻ ԱՄԱՌԱՅԻՆ Հ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԴՊՐՈՑԱԿԱՆՆԵՐԻ 1999 ԹՎԱԿԱՆԻ ԱՄԱՌԱՅԻՆ ՀԱՆԳՍՏԻ ԿԱԶՄԱԿԵՐՊՄԱՆ ՄԱՍԻՆ

 

 

041.0383.280699

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

28 հունիսի 1999 թվականի թիվ 383

 

i

ԴՊՐՈՑԱԿԱՆՆԵՐԻ 1999 ԹՎԱԿԱՆԻ ԱՄԱՌԱՅԻՆ ՀԱՆԳՍՏԻ ԿԱԶՄԱԿԵՐՊՄԱՆ ՄԱՍԻՆ

 

Ի կատարումն Հայաստանի Հանրապետության վարչապետի 1999 թվականի ապրիլի 1-ի «Դպրոցականների ամառային հանգիստը կազմակերպելու մասին» N 188 որոշման 2-րդ կետի, ինչպես նաև մանկապատանեկան առողջարարական ճամբարների պատշաճ նախապատրաստումն ու դպրոցականների ամառային հանգստի կազմակերպումն ապահովելու նպատակով`

1. Դպրոցականների ամառային հանգստի կազմակերպման միջգերատեսչական հանձնաժողովին`

ա) կազմակերպել 3000 դպրոցահասակ երեխայի ամառային հանգիստը` 1999 թվականի հուլիսի 2-ից, երկու հերթափոխով, 20-ական օրով.

բ) միջազգային մարդասիրական կազմակերպությունների հետ համատեղ քննության առնել և լուծել մանկապատանեկան առողջարարական ճամբարներն անհրաժեշտ քանակությամբ և տեսականիով սննդամթերքով ապահովելու հարցը.

գ) մինչ 1999 թվականի հոկտեմբերի 25-ը ամփոփել մանկապատանեկան առողջարարական ճամբարների գործունեության արդյունքները:

2. Հաստատել`

ա) 1999 թվականին մանկապատանեկան առողջարարական ճամբարներում հանգստացող մեկ երեխայի մեկ օրվա ծախսերի հաշվարկը (կացվում է).

բ) Հայաստանի Հանրապետության 1999 թվականին գործող մանկապատանեկան առողջարարական ճամբարների վարչատնտեսական, դաստիարակչական, բուժական և սպասարկող անձնակազմերի տիպային հաստիքները (կցվում է).

գ) Հայաստանի Հանրապետությունում 1999 թվականին գործող մանկապատանեկան առողջարարական ճամբարների ցուցակը (կցվում է):

3. Մանկապատանեկան առողջարարական ճամբարներ ունեցող Հայաստանի Հանրապետության նախարարություններին և գերատեսչություններին` մանկապատանեկան առողջարարական ճամբարների նախապատրաստական աշխատանքներն ավարտել մինչև 1999 թվականի հունիսի 30-ը:

4. Հայաստանի Հանրապետության մարզպետներին և Երևանի քաղաքապետին, Հայաստանի Հանրապետության կրթության և գիտության նախարարությանը, Հայաստանի Հանրապետության սոցիալական ապահովության նախարարությանը` ճշտել զոհված ազատամարտիկների, ծնողազուրկ և սակավ ապահովված բազմազավակ ընտանիքների դպրոցահասակ երեխաների ցուցակները և մինչև 1999 թվականի հունիսի 29-ը դրանք ներկայացնել Հայաստանի արհեստակցական միությունների կոնֆեդերացիա:

5. Հայաստանի Հանրապետության ֆինանսների նախարարությանը ապահովել մանկապատանեկան առողջարարական ճամբարների ֆինանսավորումն ըստ հերթափոխների` Հայաստանի Հանրապետության սոցիալական ապահովագրության պետական հիմնադրամի միջոցով:

6. Հայաստանի Հանրապետության կրթության և գիտության նախարարությանը` մինչև 1999 թվականի հունիսի 29-ի մանկապատանեկան առողջարարական ճամբարներն ապահովել մանկավարժական կադրերով:

7. Հայաստանի Հանրապետության առողջապահության նախարարությանը Հայաստանի Հանրապետության Կոտայքի մարզպետի հետ համատեղ ձեռնարկել միջոցներ Հանքավանի միջճամբարային մեկուսարանի աշխատանքները 1999 թվականի հուլիսի 2-ից սկսելու և մանկապատանեկան առողջարարական ճամբարները ներկայացված հայտերի համաձայն բժշկական կադրերով ապահովելու համար:

8. Հայաստանի Հանրապետության ներքին գործերի նախարարությանը, Հայաստանի Հանրապետության տրանսպորտի նախարարությանը, Հայաստանի Հանրապետության մարզպետներին և Երևանի քաղաքապետին` ապահովել ամառային հանգստի մեկնող և վերադարձող երեխաների անվտանգ փոխադրումը:

9. Հայաստանի Հանրապետության էներգետիկայի նախարարությանը Հայաստանի Հանրապետության Կոտայքի մարզպետի հետ համատեղ ապահովել էլեկտրաէներգիայի անխափան մատակարարումը 1999 թվականի հուլիսի 1-ից մինչև օգոստոսի 20-ը մարզում գործող մանկապատանեկան առողջարարական ճամբարներին:

10. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` 1999 թվականի ամռան ընթացքում մամուլում և զանգվածային լրատվության մյուս միջոցներով պարբերաբար լուսաբանել դպրոցահասակ երեխաների ամառային հանգստի կազմակերպման հետ կապված աշխատանքները:

 

Հաստատված է

ՀՀ վարչապետի 1999 թ.

հունիսի 28-ի N 383

որոշմամբ

 

ՀԱՇՎԱՐԿ

 

1999 թվականի մանկապատանեկան առողջարարական

ճամբարներում հանգստացող մեկ երեխայի մեկ

օրվա ծախսերի

 

Գումարը

(դրամ)

---------

                   Սնունդ                       810

                   Աշխատավարձ                    58

                   Տնտեսական ծախսեր              86

                  _____________________________________

                     Ընդամենը                   954

 

Հաստատված է

ՀՀ վարչապետի 1999 թ.

հունիսի 28-ի N 383

որոշմամբ

 

ՏԻՊԱՅԻՆ ՀԱՍՏԻՔՆԵՐ

 

Հայաստանի Հանրապետության 1999 թվականին գործող

մանկապատանեկան առողջարարական ճամբարների

վարչատնտեսական, դաստիարակչական, բուժական

և սպասարկող անձնակազմերի

_________________________________________________________________________

Հաստիքների      80-120  121-160 161-200 201-240 241-280 281-320  321-360

անվանումները

_________________________________________________________________________

    1              2       3       4       5       6       7        8

_________________________________________________________________________

Պետ                1       1       1       1       1       1        1

 

Վարչատնտեսական աշխատողներ

___________________________

Տնտեսվար           1       1       1       1       1       1        1

 

Պահեստապետ         -       1       1       1       1       1        1

 

Առաքիչ             -       1       1       1       1       1        1

 

Հաշվապահ           1       1       1       1       1       1        1

 

Տնտեսուհի          1       1       1       1       1       4        4

 

Ավագ խոհարար       1       1       1       1       1       1        1

 

Խոհարար            -       2       3       4       5       6        7

 

Խոհանոցի բանվոր    1       2       3       4       5       6        7

 

Աման լվացող        1       2       3       4       5       6        7

_________________________________________________________________________

    ընդամենը       7      13      16      19      22      25       28

 

Դաստիարակչական անձնակազմ

_________________________

Ավագ մանկավարժ     -       1       1       1       1       1        1

 

Դաստիարակ          5       7       8      11      12      13       14

                   

Ջոկատավար          4       5       6       8       9      10       11

 

Ֆիզղեկ             1       1       1       1       1       1        1

 

Նվագակցող          1       1       1       1       1       1        1

_________________________________________________________________________

    ընդամենը      11      15      17      22      24      26       28

 

Բուժական անձնակազմ

____________________

Բժիշկ              1       1       1       1       1       1        1

 

Բուժքույր          -       1       1       1       1       1        1

_________________________________________________________________________

    ընդամենը       1       1       2       2       2       2        2

 

Սպասարկող անձնակազմ

_____________________

Հավաքարար          2      2.5      3      3.5      4      4.5       5

 

Վարորդ             1       1       1       1       1       1        1

 

Պահակ              3       3       4       4       4       4        4

 

Լվացարար           1       2       2      2.5      3      3.5       4

 

Էլեկտրիկ           1       1       1       1       1       1        1

 

Փականագործ         -       -       1       1       1       1        1

 

Օժանդակ բանվոր     -       -       -       1       1       1        1

_________________________________________________________________________

    Ընդամենը       8      10.5    12      14      15      16       17

 

-------------------

Ծանոթագրություններ: 1. Սպասարկող անձնակազմի վարձատրությունը կատարում

է հիմնադիրը:

2. Յուրաքանչյուր 3 ջոկատին տրվում է լրացուցիչ

մեկ փոխարինող մանկավարժի հաստիք:

3. Լողավազանի առկայության դեպքում հատկացվում է

մեկ լողի մարզչի հաստիք:

4. Չնորմավորված աշխատաժամանակով և բարձր

լեռնային պայմաններում աշխատելու համար

վարձատրությունը կատարվում է Հայաստանի

Հանրապետության օրենսդրությանը համապատասխան:

 

Հաստատված է

ՀՀ վարչապետի 1999 թ.

հունիսի 28-ի N 383

որոշմամբ

 

ՑՈՒՑԱԿ

 

Հայաստանի Հանրապետությունում 1999 թվականին գործող

մանկապատանեկան առողջարարական ճամբարների

 

Հանքավան

 

«Հասմիկ» «Լուսաբաց» «Արագած» «Բազե» «Զեփյուռ» «Արծվիկ»

 

Ծաղկաձոր

 

«Արտույտ» «Ծաղկահովիտ» «Գարուն»

 

 

pin
ՀՀ Վարչապետ
28.06.1999
N 383
Որոշում