ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

041.0004.100114

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

10 հունվարի 2014 թվականի N 4-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Հայաստանի Հանրապետությունում առողջապահական միասնական տեղեկատվական համակարգի (Էլ-առողջապահության համակարգ) ներդրման համակարգման և աշխատանքային գործընթացների առավել արդյունավետ կառավարման նպատակով ստեղծել աշխատանքային խումբ և հաստատել խմբի անհատական կազմը` համաձայն հավելվածի:

2. Աշխատանքային խմբին` Հայաստանի Հանրապետության կառավարության աշխատակազմի ղեկավար-նախարարին պարբերաբար ներկայացնել Հայաստանի Հանրապետությունում առողջապահական միասնական տեղեկատվական համակարգի ներդրման հետ կապված հարցերի վերաբերյալ համապատասխան եզրակացություններ:

3. Հայաստանի Հանրապետության կառավարության աշխատակազմի ղեկավար-նախարարին` սույն որոշման 1-ին կետով ստեղծված աշխատանքային խմբի աշխատանքներին աջակցելու նպատակով ստեղծել փորձագիտական խումբ:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2014 ԹՎԱԿԱՆԻ ՀՈՒՆՎԱՐԻ 10-ԻՆ

Հավելված

ՀՀ վարչապետի

2014 թվականի հունվարի 10-ի

N 4-Ա որոշման

ԱՆՀԱՏԱԿԱՆ ԿԱԶՄ

    Ս. Խաչատրյան       - ՀՀ առողջապահության նախարարի տեղակալ (աշխատանքային

                         խմբի ղեկավար)

    Վ. Աբրահամյան      - ՀՀ կենտրոնական բանկի խորհրդի անդամ

                         (համաձայնությամբ)

    Ս. Բարսեղյան       - ՀՀ կառավարության աշխատակազմի ղեկավար - նախարարի

                         խորհրդական

    Ա. Թունյան         - «Էլեկտրոնային կառավարման ենթակառուցվածքների

                         ներդրման գրասենյակ» ՓԲԸ-ի տնօրենի պաշտոնակատար

                         (աշխատանքային խմբի քարտուղար)

(հավելվածը փոփ. 20.05.15 թիվ 406-Ա որոշում)