Սեղմել Esc փակելու համար:
ՀՀ ՆՈՐ ԱՌԱՋԱՑԱԾ ՏԱՐԱԾԱԿԱՆ ՏՎՅԱԼՆԵՐԻ Ո...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ՆՈՐ ԱՌԱՋԱՑԱԾ ՏԱՐԱԾԱԿԱՆ ՏՎՅԱԼՆԵՐԻ ՈՒ ՏԵՂԱԳՐԱԿԱՆ ՏԱՐՐԵՐ ՊԱՐՈՒՆԱԿՈՂ ՕԲՅԵԿՏՆԵՐԻ Վ ...

 

 

040.0086.100214

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

16 հունվարի 2014 թվականի N 86-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆՈՐ ԱՌԱՋԱՑԱԾ ՏԱՐԱԾԱԿԱՆ ՏՎՅԱԼՆԵՐԻ ՈՒ ՏԵՂԱԳՐԱԿԱՆ ՏԱՐՐԵՐ ՊԱՐՈՒՆԱԿՈՂ ՕԲՅԵԿՏՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Սահմանել, որ պետական կառավարման համակարգի մարմինները քարտեզագրագեոդեզիական ֆոնդի արդիականությունն ապահովելու նպատակով մինչև յուրաքանչյուր տարվա նոյեմբերի 1-ը Կադաստրի կոմիտեին տրամադրում են նախորդող տարվա ընթացքում նոր առաջացած տարածական տվյալների և տեղագրական տարրեր պարունակող օբյեկտների վեկտորային (dwg/dxf, dgn, shapefile ֆորմատներով), ռաստրային (tif, img, Geotif, GRID ֆորմատներով) և տվյալների բազա (Exel, Access և այլ ֆորմատներով) տարբերակների վերաբերյալ տեղեկատվություն իրենց համապատասխան հատկանիշային տվյալներով` համաձայն հավելվածի:

(1-ին կետը փոփ. 16.07.2020 թիվ 1196-Ն որոշում)

2. Առաջարկել համայնքների ղեկավարներին մինչև յուրաքանչյուր տարվա նոյեմբերի 1-ը Կադաստրի կոմիտեին տրամադրել սույն որոշման 1-ին կետում նշված տվյալները:

(2-րդ կետը փոփ. 16.07.2020 թիվ 1196-Ն որոշում)

3. Պետական կառավարման համակարգի մարմիններին` իրենց վերապահված գործառույթների իրականացման գործընթացում նախատեսվող գեոդեզիական և քարտեզագրական աշխատանքներ պլանավորելիս համապատասխան նախագծերը կարծիքի ներկայացնել Հայաստանի Հանրապետության կառավարության լիազորած պետական կառավարման մարմնին:

(3-րդ կետը լրաց. 16.07.2020 թիվ 1196-Ն որոշում)

4. Գեոդեզիայի և քարտեզագրության բնագավառում Հայաստանի Հանրապետության պետական քարտեզագրագեոդեզիական ֆոնդի ամբողջական և լիարժեք տեղեկատվական բանկի վարման նպատակով առաջարկել սույն որոշման 1-ին կետում չնշված այլ պետական մարմիններին և հանրային ծառայություններ մատուցող կազմակերպություններին նախագծերի իրականացման արդյունքում ստեղծված հատակագծային (քարտեզագրական) նյութերը տրամադրել Հայաստանի Հանրապետության կառավարության լիազորած պետական կառավարման մարմնին` Հայաստանի Հանրապետության պետական քարտեզագրագեոդեզիական ֆոնդում ընդգրկելու նպատակով:

(4-րդ կետը լրաց. 16.07.2020 թիվ 1196-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2014 ԹՎԱԿԱՆԻ ՓԵՏՐՎԱՐԻ 10-ԻՆ

 

Հավելված

ՀՀ կառավարության

2014 թվականի հունվարի 16-ի

N 86-Ն որոշման

 

ՑԱՆԿ

ՆՈՐ ԱՌԱՋԱՑԱԾ ՏԱՐԱԾԱԿԱՆ ՏՎՅԱԼՆԵՐ ԵՎ ՏԵՂԱԳՐԱԿԱՆ ՏԱՐՐԵՐ ՊԱՐՈՒՆԱԿՈՂ ՕԲՅԵԿՏՆԵՐԻ

 

._____________________________________________________________________|

|Պետական կառավարման     |Նոր առաջացած     |Նոր առաջացած տարածական     |

|մարմնի անվանումը,      |տարածական տվյալի |տվյալի, տեղագրական տարրի   |

|լիազորված մարմինները   |և  տեղագրական    |տեսակը և  հատկանիշային     |

|                       |տարրի անվանումը  |տվյալները                  |

|_______________________|_________________|___________________________|

|            1          |        2        |             3             |

|_______________________|_________________|___________________________|

|ՀՀ տարածքային          |1. Վարչական      |1) մարզային                |

|կառավարման և           |սահմաններ        |2) համայնքային             |

|ենթակառուցվածքների     |                 |3) բնակավայրերի            |

|նախարարություն         |                 |(նախկին համայնքների        |

|                       |                 |վարչական սահմանները)       |

|ՀՀ շրջակա միջավայրի    |_________________|___________________________|

|նախարարություն         |2. Ջրագրություն  |1) ջրամբարներ              |

|                       |                 |2) ջրանցքներ               |

|                       |                 |3) հիդրոէլեկտրակայաններ    |

|                       |                 |4) ջրագծեր                 |

|                       |                 |6) ջրաղբյուրներ, կառուցապատ|

|                       |                 |աղբյուրներ, շատրվաններ և   |

|                       |                 |ցայտաղբյուրներ             |

|                       |                 |7) կապտաժներ, պոմպակայաններ|

|                       |                 |8) խմելու ջրի մաքրման      |

|                       |                 |կայաններ                   |

|                       |                 |9) կեղտաջրերի մաքրման      |

|                       |                 |կայաններ,                  |

|                       |                 |10) ջրհորներ, խորքային     |

|                       |                 |հորեր                      |

|                       |                 |11) թունելներ              |

|                       |                 |12) լճեր                   |

|                       |                 |13) գետեր                  |

|                       |                 |14) լեռները                |

|                       |                 |15) դաշտավայրերը           |

|                       |                 |16) բարձրավանդակները       |

|_______________________|_________________|___________________________|

|ՀՀ տարածքային          |3. Երկաթգծերի    |1) երկաթգծեր               |

|կառավարման և           |ենթակառուցվածք   |2) կայարաններ և  կայաններ  |

|ենթակառուցվածքների     |                 |3) թունելներ               |

|նախարարություն,        |                 |4) կամուրջներ              |

|                       |                 |5) մետրոպոլիտեն            |

|ՀՀ բարձր               |_________________|___________________________|

|տեխնոլոգիական          |4. Ավտոճանա-     |1) ավտոճանապարհներ (տարբեր |

|արդյունաբերության      |պարհների         |կարգի)                     |

|նախարարություն         |ենթակառուցվածք   |2) կառուցվող ճանապարհներ   |

|                       |                 |3) էստակադներ              |

|                       |                 |4) կամուրջներ              |

|                       |                 |5) ավտոկայաններ            |

|                       |                 |6) ավտոմայրուղիներ,        |

|                       |                 |խճուղիներ, գրունտային      |

|                       |                 |ճանապարհներ                |

|                       |                 |7) կապի գծեր (մալուխներ)   |

|                       |                 |8) թունելներ               |

|                       |_________________|___________________________|

|                       |5. Հեռուստա- և   |                           |

|                       |ռադիոաշտարակներ  |                           |

|_______________________|_________________|___________________________|

|ՀՀ տարածքային          |6. Գազատարներ    |                           |

|կառավարման և           |_________________|___________________________|

|ենթակառուցվածքների     |7. Էլեկտրագծեր,  |                           |

|նախարարություն         |ենթակայաններ     |                           |

|                       |_________________|___________________________|

|                       |8. Ընդերքի       |1) հանքավայրեր             |

|                       |տեղամասեր        |2) ուսումնասիրվող տարածքներ|

|                       |                 |3) հետախուզահորեր և        |

|                       |                 |հանքահորեր                 |

|                       |_________________|___________________________|

|                       |9. Ատոմա- և      |                           |

|                       |ջերմակայաններ,   |                           |

|                       |այլընտրանքային   |                           |

|                       |էլեկտրական       |                           |

|                       |կայաններ         |                           |

|_______________________|_________________|___________________________|

|ՀՀ էկոնոմիկայի         |10. Գյուղատնտե-  |1) գյուղատնտեսական         |

|նախարարություն         |սություն         |նշանակության հողատեսքեր    |

|                       |                 |2) անասնապահական ֆերմաներ  |

|                       |                 |3) անջրդի և  ջրովի         |

|                       |                 |հողատեսքեր                 |

|_______________________|_________________|___________________________|

|ՀՀ շրջակա միջավայրի    |11. Բնություն    |1) բնության հատուկ         |

|նախարարություն         |                 |պահպանվող տարածքներ        |

|                       |                 |(արգելոցներ, արգելավայրեր, |

|                       |                 |ազգային պարկեր, բնության   |

|                       |                 |հուշարձաններ)              |

|                       |                 |2) անտառային տարածքներ     |

|                       |_________________|___________________________|

|                       |12. Օդերևութա-   |                           |

|                       |բանական կայաններ |                           |

|                       |                 |                           |

|                       |14. Ջրաչափական   |                           |

|                       |դիտակետեր        |                           |

|                       |                 |                           |

|                       |13. Շրջակա       |                           |

|                       |միջավայրի        |                           |

|                       |մոնիթորինգի      |                           |

|                       |կայաններ         |                           |

|_______________________|_________________|___________________________|

|ՀՀ քաղաքացիական        |13. Օդանավակայան-|                           |

|ավիացիայի կոմիտե       |ներ              |                           |

|_______________________|_________________|___________________________|

|ՀՀ քաղաքաշինության     |14. Թաղամասեր    |                           |

|կոմիտե համայնքներ      |_________________|___________________________|

|                       |15. Շենքեր և     |1) հիվանդանոցներ, այլ      |

|                       |շինություններ    |բուժհիմնարկներ             |

|                       |                 |2) արդյունաբերական         |

|                       |                 |օբյեկտներ                  |

|                       |                 |3) ուսումնական և  գիտական  |

|                       |                 |հաստատություններ           |

|                       |                 |4) մարզական կառույցներ     |

|                       |                 |5) բնակելի շենքեր          |

|                       |_________________|___________________________|

|                       |16. Գերեզմանոցներ|                           |

|_______________________|_________________|___________________________|

|ՀՀ կրթության,          |17. Պատմության և |1) հնագիտական հուշարձաններ |

|գիտության, մշակույթի և |մշակույթի        |2) պատմական և  մոնումենտալ |

|սպորտի նախարարություն  |հուշարձաններ     |արվեստի հուշարձաններ       |

|                       |                 |(գերեզմաններ, կոթողներ,    |

|                       |                 |կառույցներ)                |

|                       |                 |3) քաղաքաշինական և         |

|                       |                 |ճարտարապետական հուշարձաններ|

._____________________________________________________________________.

 

(հավելվածը փոփ. 16.07.2020 թիվ 1196-Ն որոշում)

 

 

pin
ՀՀ կառավարություն
16.01.2014
N 86-Ն
Որոշում