Սեղմել Esc փակելու համար:
1999 ԹՎԱԿԱՆԻ ԷԼԵԿՏՐԱԷՆԵՐԳԻԱՅԻ ԴԻՄԱՑ Վ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

1999 ԹՎԱԿԱՆԻ ԷԼԵԿՏՐԱԷՆԵՐԳԻԱՅԻ ԴԻՄԱՑ ՎՃԱՐՈՒՄՆԵՐՆ ԱՊԱՀՈՎԵԼՈՒ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

9 հունիսի 1999 թվականի թիվ 33

 

12. 1999 ԹՎԱԿԱՆԻ ԷԼԵԿՏՐԱԷՆԵՐԳԻԱՅԻ ԴԻՄԱՑ ՎՃԱՐՈՒՄՆԵՐՆ ԱՊԱՀՈՎԵԼՈՒ ՄԱՍԻՆ

 

Ելնելով Հայաստանի Հանրապետության կառավարության 1997 թվականի դեկտեմբերի 2-ի «Հայաստանի Հանրապետության էներգահամակարգի ֆինանսական կենսունակության վերականգնման միջոցառումների մասին» թիվ 551 և 1998 թվականի սեպտեմբերի 7-ի «Հայաստանի Հանրապետության էներգահամակարգի մինչև 2001 թվականի զարգացման միջոցառումների մասին» թիվ 555 որոշումների իրականացման, էներգահամակարգի ֆինանսական վիճակի բարելավման ուղղությամբ անհետաձգելի միջոցառումների իրականացման անհրաժեշտությունից նպատակահարմար համարել`

1. Առաքված էլեկտրաէներգիայի 1999 թվականի վճարումների մակարդակն ապահովելու համար Հայաստանի Հանրապետության 1999 թվականի պետական բյուջեից 4 մլրդ դրամ լրացուցիչ գումարի հատկացումը, այդ թվում`

 

խմելու ջրերի համակարգերին (ներառյալ

       համայնքների հաշվեկշռում գտնվող)              - 1 մլրդ

 

այդ թվում`

 

«Հայջրմուղկոյուղի» փակ բաժնետիրական

       ընկերությանը                                 - 0,25 մլրդ դրամ

 

«Ջրմուղ-կոյուղի» պետական փակ

       բաժնետիրական ընկերությանը                    - 0,75 մլրդ դրամ

 

ոռոգման ջրերի համակարգերին (ներառյալ

       համայնքների հաշվեկշռում գտնվող)              - 2 մլրդ դրամ

 

ջեռուցման տնտեսություններին (ներառյալ

       համայնքների հաշվեկշռում գտնվող)              - 0,65 մլրդ դրամ

 

       բյուջետային հիմնարկներին                     - 0,35 մլրդ դրամ

 

2. Էներգահամակարգի նվազագույն ծախսումներով ծրագրի վերանայումը: Այդ նպատակով`

ա) Հայաստանի Հանրապետության էներգետիկայի նախարարությանը` Հայաստանի Հանրապետության ֆինանսների և էկոնոմիկայի նախարարության հետ համատեղ մշակել խորհրդատուի տեխնիկական առաջադրանք` այն համաձայնեցնելով Համաշխարհային բանկի հետ: Ծրագրի մշակման ժամանակ հատուկ ուշադրություն դարձնել համակարգի վերանորոգման աշխատանքների ժամանակին և ամբողջ ծավալով կատարմանը.

բ) Հայաստանի Հանրապետության ֆինանսների և էկոնոմիկայի նախարարությանը` մինչև 1999 թվականի հուլիսի 15-ը ճշտել խորհրդատվական ծառայությունների վճարման աղբյուրները և Հայաստանի Հանրապետության էներգետիկայի նախարարության հետ համատեղ նախաորակավորված խորհրդատվական ընկերության հետ կնքել պայմանագիր:

3. Հայաստանի Հանրապետության էներգահամակարգում կուտակված դեբիտորական և կրեդիտորական պարտքերի վերակառուցման ծրագրի մշակումը և հետևողական իրականացումը: Այդ նպատակով`

ա) Հայաստանի Հանրապետության ֆինանսների և էկոնոմիկայի նախարարությանը և Հայաստանի Հանրապետության էներգետիկայի նախարարությանը` համաձայնեցնելով Համաշխարհային բանկի և Միջազգային արժութային հիմնադրամի հետ` մինչև 1999 թվականի հունիսի 15-ը համատեղ մշակել ձեռնարկությունների պարտքերի վերակառուցման ծրագիր.

բ) Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության էներգետիկայի նախարարությանը` մինչև 1999 թվականի հունիսի 15-ը Համաշխարհային բանկին տրամադրել «ՀայՌուսգազարդ» փակ բաժնետիրական ընկերության կանոնադրական հիմնադրամի համալրման ժամանակ կրեդիտորական պարտք - հիմնական միջոց փոխադարձ ձևակերպման մանրամասները` ներառելով այն կրեդիտորական և դեբիտորական պարտքերը, որոնք պետք է դուրս գրվեն, ինչպես նաև համապատասխան արտացոլումներն էլեկտրաէներգետիկ ձեռնարկությունների ֆինանսահաշվապահական հաշվետվություններում:

 

 

pin
ՀՀ կառավարություն
09.06.1999
N 33
Արձանագրային որոշում