ԳՈՒՅՔ ՀԱՆՁՆԵԼՈՒ ՄԱՍԻՆ

040.0222.110314

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

6 մարտի 2014 թվականի N 222-Ա

ԳՈՒՅՔ ՀԱՆՁՆԵԼՈՒ ՄԱՍԻՆ

Հիմք ընդունելով «Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ մասը` Հայաստանի Հանրապետության կառավարությունը որոշում է.

1. Թույլատրել «Հայաերոնավիգացիա» փակ բաժնետիրական ընկերությանը (այսուհետ` ընկերություն) սեփականության իրավունքով իրեն պատկանող` շահագործումից հանված` Երևան քաղաքի Արարատյան 63ա հասցեում գտնվող առբերիչ ռադիոփարոսի գույքի` համաձայն հավելվածի, 5740237,00 դրամ ընդհանուր հաշվեկշռային արժեքով վճարել ընկերության կողմից տեղաբաշխված` պետությանը պատկանող համապատասխան թվով բաժնետոմսերի` Հայաստանի Հանրապետության օրենսդրությամբ սահմանված կարգով ձեռքբերման դիմաց:

2. Ընկերության կողմից ձեռք բերված բաժնետոմսերի մարման միջոցով` Հայաստանի Հանրապետության օրենսդրությամբ սահմանված կարգով` համապատասխան չափով նվազեցնել ընկերության կանոնադրական կապիտալը:

3. Սույն որոշման հավելվածում նշված գույքի առանձնացման ժամանակ հաշվարկվող ավելացված արժեքի հարկը վճարել «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 11-րդ մասով սահմանված կարգով:

4. Հայաստանի Հանրապետության կողմից ձեռք բերված` սույն որոշման հավելվածում նշված գույքը հանձնել Հայաստանի Հանրապետության պաշտպանության նախարարության տնօրինությանը:

5. Հայաստանի Հանրապետության պաշտպանության նախարարին և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` սույն որոշումն ուժի մեջ մտնելուց հետո 1-ամսյա ժամկետում ապահովել սույն որոշման հավելվածում նշված գույքի հանձնման-ընդունման աշխատանքների կատարումը:

6. Հայաստանի Հանրապետության պաշտպանության նախարարին և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` օրենքով սահմանված կարգով ապահովել սույն որոշման հավելվածում նշված անշարժ գույքի նկատմամբ իրավունքների պետական գրանցումը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2014 ԹՎԱԿԱՆԻ ՄԱՐՏԻ 11-ԻՆ

Հավելված

ՀՀ կառավարության

2014 թվականի մարտի 6-ի

N 222-Ա որոշման

ՑԱՆԿ

ՀԱՆՁՆՎՈՂ ԳՈՒՅՔԻ

.____________________________________________________________________.

|NN |Գույքի անվանումը        |Գույքի   |Գույքի մակերեսը |Գույքի      |

|ը/կ|                        |քանակը   |                |արժեքը`     |

|   |                        |         |                |01.11.2013թ.|

|   |                        |         |                |դրությամբ   |

|   |                        |         |                |(դրամ)      |

|___|________________________|_________|________________|____________|

|1. |Շենք                    |1 հատ    |260,45 քառ. մետր|  3345516,00|

|___|________________________|_________|________________|____________|

|2. |Տրանսֆորմատորային       |1 հատ    |24,0 քառ. մետր  |  2324823,00|

|   |ենթակայան` ներառյալ     |         |                |            |

|   |տրանսֆորմատորը          |         |                |            |

|___|________________________|_________|________________|____________|

|3. |Պահեստ                  |1 հատ    |9,0 քառ. մետր   |    37205,00|

|___|________________________|_________|________________|____________|

|4. |Ռադիոկայան ՊԱՌ-10`      |1 լրակազմ|       -        |    32693,00|

|   |ներառյալ ԱՍԴԱ-12 դիզել  |         |                |            |

|   |գեներատոր և  ավտոմատիկան|         |                |            |

|____________________________|_________|________________|____________|

|    Ընդամենը                |         |                |  5740237,00|

.____________________________________________________________________.