040.0495.040899
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» օգոստոսի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 1999 թվականի թիվ 495
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐՈՒԹՅԱՆԸ ՇԵՆՔ ՀԱՏԿԱՑՆԵԼՈՒ ՄԱՍԻՆ
Հաշվի առնելով Հայաստանի Հանրապետության պետական եկամուտների նախարարության առաջարկությունը և Հայաստանի Հանրապետության սպառողական ընկերությունների միության վարչության 1999 թվականի հուլիսի 7-ի N 14/1 որոշմանը համապատասխան տրված համաձայնությունը` Հայաստանի Հանրապետության կառավարությունը որոշում է.
1. Հայաստանի Հանրապետության կրթության և գիտության նախարարության տնօրինության` Երևանի Խ. Աբովյանի անվան հայկական պետական մանկավարժական ինստիտուտի զբաղեցրած` Երևանի Խանջյան փողոցի N 13 շենքը սեփականության իրավունքով անհատույց հանձնել Հայաստանի Հանրապետության սպառողական ընկերությունների միությանը, իսկ Հայաստանի Հանրապետության սպառողական ընկերությունների միության սեփականությունը հանդիսացող` Երևանի Մովսես Խորենացու փողոցի N 7 հասցեում գտնվող վարչական շենքը, որպես մասնակի հատուցում և որպես պետական սեփականություն, հանձնել Հայաստանի Հանրապետության պետական եկամուտների նախարարության տնօրինությանը:
2. Հայաստանի Հանրապետության սեփականաշնորհման նախարարությանը մեկամսյա ժամկետում`
ա) Հայաստանի Հանրապետության կրթության և գիտության նախարարության, Հայաստանի Հանրապետության պետական եկամուտների նախարարության ու Հայաստանի Հանրապետության սպառողական ընկերությունների միության հետ համատեղ ապահովել նշված գործարքի սահմանված կարգով ձևակերպումը և գույքային իրավունքների պետական գրանցումը.
բ) Հայաստանի Հանրապետության կառավարություն ներկայացնել առաջարկություն Հայաստանի Հանրապետության կառավարությանն առընթեր լեզվի պետական տեսչությանը համապատասխան տարածք հատկացնելու վերաբերյալ:
3. Սույն որոշումն ուժի մեջ է մտնում 1999 թվականի օգոստոսի 4-ից: