Սեղմել Esc փակելու համար:
«ԶԱՐԳԱՑՄԱՆ ՀԱՅԿԱԿԱՆ ԳՈՐԾԱԿԱԼՈՒԹՅՈՒՆ» ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

«ԶԱՐԳԱՑՄԱՆ ՀԱՅԿԱԿԱՆ ԳՈՐԾԱԿԱԼՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱ ...

 

 

040.0519.250899

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«25» օգոստոսի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

25 օգոստոսի 1999 թվականի թիվ 519

 

i

«ԶԱՐԳԱՑՄԱՆ ՀԱՅԿԱԿԱՆ ԳՈՐԾԱԿԱԼՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐԻ ԿԱՌԱՎԱՐՄԱՆ ԼԻԱԶՈՐՈՒԹՅՈՒՆՆԵՐԻ ԵՎ ԿԱՆՈՆԱԴՐԱԿԱՆ ԿԱՊԻՏԱԼԸ ՀԱՄԱԼՐԵԼՈՒ ՄԱՍԻՆ

 

Հայաստանի Հանրապետության կառավարության ներդրումային և արտահանման քաղաքականության իրականացման, ներդրումների ներգրավման ու արտահանման զարգացման գործընթացների արդյունավետությունը բարձրացնելու և Հայաստանի Հանրապետության առևտրային կազմակերպությունների զարգացմանն աջակցելու նպատակով Հայաստանի Հանրապետության կառավարությունը որոշում է.

i

1. «Զարգացման հայկական գործակալություն» փակ բաժնետիրական ընկերության պետական սեփականություն հանդիսացող բաժնետոմսերի կառավարման լիազորությունները վերապահել Հայաստանի Հանրապետության կառավարության աշխատակազմ» պետական կառավարչական հիմնարկին:

(1-ին կետը փոփ. 04.06.09 թիվ 618-Ա որոշում)

2. Կանոնադրական կապիտալի համալրման նպատակով «Զարգացման հայկական գործակալություն» փակ բաժնետիրական ընկերությանը հատկացնել 120 մլն դրամ` Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

3. Կանոնադրական կապիտալի համալրման նպատակով «Նյութաբանություն» գիտաարտադրական ձեռնարկություն» պետական փակ բաժնետիրական ընկերության` Երևանի Չարենցի փողոցի N 17 հասցեում գտնվող շենքը հանձնել «Զարգացման հայկական գործակալություն» փակ բաժնետիրական ընկերությանը` «Նյութաբանություն» գիտաարտադրական ձեռնարկություն» պետական փակ բաժնետիրական ընկերության ժամանակավոր օգտագործմանը թողնելով նշված հասցեում գտնվող շենքի հետ չառնչվող հարակից շինությունները:

4. «Հայգունմետնախագիծ» պետական փակ բաժնետիրական ընկերության` Երևանի Խանջյան փողոցի N 19 հասցեում գտնվող շենքի «Զարգացման հայկական գործակալություն» փակ բաժնետիրական ընկերության զբաղեցրած տարածքը հանձնել «Նյութաբանություն» գիտաարտադրական ձեռնարկություն» պետական փակ բաժնետիրական ընկերության տնօրինությանը:

5. Հայաստանի Հանրապետության արդյունաբերության և առևտրի նախարարությանը` մեկամսյա ժամկետում «Զարգացման հայկական գործակալություն» փակ բաժնետիրական ընկերության և «Նյութաբանություն» գիտաարտադրական ձեռնարկություն» պետական փակ բաժնետիրական ընկերության հետ համատեղ ապահովել նշված շենքերի սահմանված կարգով հանձնման և ընդունման աշխատանքներն ու դրանց նկատմամբ իրավունքների պետական գրանցումը:

6. Սույն որոշումն ուժի մեջ է մտնում 1999 թվականի օգոստոսի 25-ից:

 

 

pin
ՀՀ կառավարություն
25.08.1999
N 519
Որոշում