ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
9 սեպտեմբերի 1999 թվականի N 47
18. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՐԵՆԱՅԻՆ ԱՊԱՀՈՎՈՒԹՅԱՆ ՔԱՂԱՔԱԿԱՆՈՒԹՅԱՆ ԾՐԱԳՐԻ ՄԱՍԻՆ
1. Հավանություն տալ Հայաստանի Հանրապետության պարենային ապահովության քաղաքականության ծրագրին (կցվում է):
2. Հայաստանի Հանրապետության գյուղատնտեսության նախարարությանը, Հայաստանի Հանրապետության ֆինանսների նախարարությանը, Հայաստանի Հանրապետության էկոնոմիկայի նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության սոցիալական ապահովության նախարարությանը, Հայաստանի Հանրապետության առողջապահության նախարարությանը, Հայաստանի Հանրապետության բնապահպանության նախարարությանը, Հայաստանի Հանրապետության վիճակագրության, պետական ռեգիստրի և վերլուծության նախարարությանը, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին`
ա) ոլորտների սոցիալ-տնտեսական զարգացման ծրագրերի մշակելիս հաշվի առնել Հայաստանի Հանրապետության պարենային ապահովության քաղաքականության ծրագրի հիմնադրույթները.
բ) հիմք ընդունելով Հայաստանի Հանրապետության պարենային ապահովության քաղաքականության ծրագրի դրույթները` մշակել և գործողության մեջ դնել ծրագրով նախատեսված միջոցառումների իրականացման ժամանակացույցը.
գ) Հայաստանի Հանրապետության պարենային ապահովության քաղաքականության ծրագրով նախատեսված միջոցառումների իրականացման ընթացքի վերաբերյալ տարեկան 3 անգամ (մայիսի 1-ին, սեպտեմբերի 1-ին և դեկտեմբերի 1-ին) տեղեկատվություն տրամադրել Հայաստանի Հանրապետության գյուղատնտեսության նախարարությանը:
3. Հայաստանի Հանրապետության գյուղատնտեսության նախարարությանը` 15-օրյա ժամկետում ամփոփել սույն որոշման 2-րդ կետի «գ» ենթակետով նախատեսված տեղեկատվությունները և ներկայացնել Հայաստանի Հանրապետության կառավարություն: