041.0581.140999
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
14 սեպտեմբերի 1999 թվականի թիվ 581
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՅՈՒՂԱՏՆՏԵՍԱԿԱՆ ՀՈՂԱՏԵՍՔԵՐԸ ԳՈՒՅՔԱԳՐԵԼՈՒ ԵՎ ՀՈՂԱՅԻՆ ՀԱՇՎԵԿՇՌԻ ՏՎՅԱԼՆԵՐԸ ՃՇՏԵԼՈՒ ՄԱՍԻՆ
1. Հայաստանի Հանրապետության մարզերում և համայնքներում գյուղատնտեսական հողատեսքերի գույքագրման ու հողային հաշվեկշռի ճշգրտման նպատակով ստեղծել հանձնաժողով և հաստատել դրա հետևյալ կազմը`
Գ. Շահբազյան - ՀՀ գյուղատնտեսության նախարար (հանձնաժողովի նախագահ)
Մ. Վարդանյան - ՀՀ կառավարության առընթեր անշարժ գույքի կադաստրի
պետական կոմիտեի նախագահ
Կ. Միքայելյան - ՀՀ գյուղատնտեսության նախարարի տեղակալ
Ս. Օհանյան - ՀՀ կառավարության աշխատակազմի քաղաքաշինության և
բնական ռեսուրսների վարչության պետ
Վ. Տերտերյան - ՀՀ կառավարության աշխատակազմի տարածքային կառավարման
և տեղական ինքնակառավարման վարչության պետ
Հ. Կարապետյան - Արագածոտնի մարզպետ
Հ. Աբրահամյան - Արարատի մարզպետ
Ա. Հերոյան - Արմավիրի մարզպետ
Վ. Հակոբյան - Գեղարքունիքի մարզպետ
Հ. Քոչինյան - Լոռու մարզպետ
Ս. Ստեփանյան - Կոտայքի մարզպետ
Ս. Պետրոսյան - Շիրակի մարզպետ
Ռ. Նավասարդյան - Սյունիքի մարզպետ
Պ. Մանուկյան - Վայոց ձորի մարզպետ
Ա. Ղուլարյան - Տավուշի մարզպետ
2. Հանձնաժողովին` քննարկել և մինչև 2000 թվականի օգոստոսի 1-ը Հայաստանի Հանրապետության կառավարություն ներկայացնել առաջարկություն գյուղատնտեսական հողատեսքերի գույքագրման արդյունքների վերաբերյալ:
3. Հայաստանի Հանրապետության մարզպետներին` Հայաստանի Հանրապետության համայնքներում գյուղատնտեսական հողատեսքերն ուսումնասիրելու և հաշվառման աշխատանքներն իրականացնելու նպատակով մարզերում ստեղծել տարածքային հանձնաժողովներ` մարզպետների գլխավորությամբ:
Տարածքային հանձնաժողովների կազմում ընդգրկել համապատասխան համայնքի ղեկավարին, անշարժ գույքի կադաստրի պետական կոմիտեի տարածքային ստորաբաժանման ներկայացուցչին, «Հողաշինարար» պետական փակ բաժնետիրական ընկերության մասնագետներին:
4. Տարածքային հանձնաժողովներին`
ա) ըստ համայնքների ուսումնասիրել և ճշգրտել գյուղատնտեսական հողատեսքերի փաստացի առկայությունը` անկախ սեփականության ձևից և հողօգտագործողներից.
բ) պարզել գյուղատնտեսական շրջանառությունից դուրս մնացած հողատեսքերի տարածությունները, չօգտագործման պատճառները և Հայաստանի Հանրապետության կառավարություն ներկայացնել առաջարկություն դրանց հետագա օգտագործման նպատակահարմարության վերաբերյալ.
գ) գույքագրման տվյալները ներկայացնել ըստ համայնքների, սեփականության ձևերի, հողօգտագործողների` համաձայն ժամանակացույցի (կցվում է):
5. Հայաստանի Հանրապետության գյուղատնտեսության նախարարությանը` ստեղծել աշխատանքային խումբ` ընդգրկելով նաև Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի ներկայացուցչին:
Աշխատանքային խմբին` ժամանակացույցում նշված հերթականությանը համապատասխան ուսումնասիրել մարզերից ստացված գյուղատնտեսական հողատեսքերի գույքագրման արդյունքները և ամփոփ տվյալները ներկայացնել հանձնաժողովի քննարկմանը:
ԺԱՄԱՆԱԿԱՑՈՒՅՑ
Հայաստանի Հանրապետության գյուղատնտեսական հողատեսքերի
գույքագրման աշխատանքների կատարման
._______________________________________________________.
|NN | Մարզի անվանումը | Աշխատանքի ավարտման ժամկետը |
|ը/կ | | |
|____|_____________________|____________________________|
|1. | Արարատ | 15.04.2000 թ. |
| | | |
|2. | Արմավիր | 15.04.2000 թ. |
| | | |
|3. | Արագածոտն | 20.04.2000 թ. |
| | | |
|4. | Գեղարքունիք | 01.05.2000 թ. |
| | | |
|5. | Լոռի | 01.05.2000 թ. |
| | | |
|6. | Կոտայք | 15.04.2000 թ. |
| | | |
|7. | Շիրակ | 15.04.2000 թ. |
| | | |
|8. | Սյունիք | 20.05.2000 թ. |
| | | |
|9. | Վայոց ձոր | 15.04.2000 թ. |
| | | |
|10. | Տավուշ | 01.05.2000 թ. |
._______________________________________________________.