ԿՐԱՍՆՈՍԵԼՍԿԻ ՇՐՋԱՆՈՒՄ ԱՐՏԱԿԱՐԳ ԴՐՈՒԹՅՈՒՆ ՀԱՅՏԱՐԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

ԿՐԱՍՆՈՍԵԼՍԿԻ ՇՐՋԱՆՈՒՄ ԱՐՏԱԿԱՐԳ ԴՐՈՒԹՅՈՒՆ
ՀԱՅՏԱՐԱՐԵԼՈՒ ՄԱՍԻՆ

Կրասնոսելսկի շրջանի բնակչության անվտանգությունն ապահովելու, գյուղատնտեսական աշխատանքների բնականոն ընթացքը կազմակերպելու նպատակով, ընդառաջելով պատգամավորների Կրասնոսելսկի շրջանային խորհրդի գործադիր կոմիտեի խնդրանքին և ղեկավարվելով «Հայաստանի Հանրապետության նախագահի մասին» Հայաստանի Հանրապետության օրենքի 8 հոդվածի 15 կետով, որոշում եմ.

1. Կրասնոսելսկի շրջանում երկու ամիս ժամկետով հայտարարել արտակարգ դրություն:

2. Սույն հրամանագրի կատարման պատասխանատվությունը դնել Հայաստանի Հանրապետության ներքին գործերի և պաշտպանության նախարարությունների վրա:

29 հուլիսի 1992 թ.

ՆՀ-137