ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՇԵՆՔԵՐ ԵՎ ՀՈՂԱՄԱՍԵՐ ՀԱՏԿԱՑՆԵԼՈՒ ՄԱՍԻՆ

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Լ. ՏԵՐ-ՊԵՏՐՈՍՅԱՆ

3 հոկտեմբերի 1995 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

3 հոկտեմբերի 1995 թվականի թիվ 45

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՇԵՆՔԵՐ ԵՎ ՀՈՂԱՄԱՍԵՐ ՀԱՏԿԱՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

Ընդունել Ամենայն Հայոց Կաթողիկոս Գարեգին Ա-ի խնդրանքը և, հաշվի առնելով Հայաստանի Հանրապետության քաղաքաշինության նախարարության կողմից ստեղծված հանձնաժողովի եզրակացությունը`

1. Հայաստանյայց Առաքելական եկեղեցուն սեփականության իրավունքով անհատույց հանձնել`

ա) Մայրավանքին հարող այգու տարածքում գտնվող պատգամավորների Էջմիածնի քաղխորհրդի գործկոմի նախկին գիտական հետազոտությունների կենտրոնի կիսավեր շենքը.

բ) Մայրավանքին կից` Հայաստանի Հանրապետության առևտրի, սպասարկումների և զբոսաշրջիկության նախարարության տարադրամով առևտրի խանութի շենքը (նախկին վանական մառանատուն),

գ) Ս. Գայանե վանքին մերձակա` Հայաստանի Հանրապետության գյուղատնտեսության և պարենի նախարարության երկրագործության գիտահետազոտական ինստիտուտի ռադիոլոգիական լաբորատորիայի մասնաշենքը` քրիստոնեական քարոզչական կենտրոն հիմնելու նպատակով:

2. Հայաստանի Հանրապետության գյուղատնտեսության և պարենի նախարարությանը, Հայաստանի Հանրապետության առևտրի, սպասարկումների և զբոսաշրջիկության նախարարությանն ու պատգամավորների Էջմիածնի քաղխորհրդի գործկոմին` Հայաստանյայց Առաքելական եկեղեցու հետ համատեղ մեկամսյա ժամկետում ավարտել նշված շենքերի սահմանված կարգով հանձնման-ընդունման աշխատանքները:

3. Պատգամավորների Էջմիածնի քաղխորհրդի գործկոմին` մեկամսյա ժամկետում, սահմանված կարգով, Հայաստանյայց Առաքելական եկեղեցուն մշտական օգտագործման հատկացնել`

ա) Հռիփսիմե վանքին հարակից 2.5 հեկտար տարածքը` վանական համալիրի բարեկարգման նպատակով.

բ) Գևորգյան ճեմարանին հարող նախկին ուսանողական այգին` 2.2 հեկտար տարածքով.

գ) սույն որոշման 1-ին կետին «գ» ենթակետում նշված մասնաշենքին հարակից 0.6 հեկտար տարածքը:

4. Հայաստանի Հանրապետության գյուղատնտեսության և պարենի նախարարությանն ու պատգամավորների Էջմիածնի շրջանային և քաղաքային խորհուրդների գործադիր կոմիտեներին` մեկամսյա ժամկետում, սահմանված կարգով, Հայաստանի Հանրապետության կառավարություն ներկայացնել առաջարկություն դեղագործական գործարան կառուցելու նպատակով Հայաստանի Հանրապետության գյուղատնտեսության և պարենի նախարարության երկրագործության գիտահետազոտական ինստիտուտի փորձադաշտի` Էջմիածին քաղաքի Արարատյան փողոցին հարող տարածքից 1.0 հեկտար Հայաստանյայց Առաքելական եկեղեցուն մշտական օգտագործման հատկացնելու վերաբերյալ:

5. Սույն որոշումն ուժի մեջ է մտնում 1995 թվականի հոկտեմբերի 3-ից: