040.0605.280999
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» սեպտեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 սեպտեմբերի 1999 թվականի թիվ 605
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1999 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՎ ՆԱԽԱՏԵՍՎԱԾ ԾԱԽՍԵՐԻ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության գիտությունների ազգային ակադեմիայի ինստիտուտների առանձին մասնաշենքերի հիմնանորոգման նպատակով և «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի 14 հոդվածի «ա» կետին համապատասխան` Հայաստանի Հանրապետության կառավարությունը որոշում է.
1. «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածի 04 խմբի 15 ենթախմբի «14. Թեմատիկ ֆինանսավորման և դրա հետ կապված այլ ծախսեր» տողով նախատեսված ծախսերից պակասեցնել 57900,0 հազ. դրամ` նույն չափով ավելացնելով 04 խմբի 15 ենթախմբի «01. Գիտությունների ազգային ակադեմիայի նախագահության պահպանում» տողով նախատեսված ծախսերը` այդ գումարից 35500 հազ. դրամ հատկացնելով քիմիական ֆիզիկայի ինստիտուտի տանիքի, 10700 հազ. դրամ` հիմնարար գրադարանի տանիքի և սանհանգույցների, 11 700 հազ, դրամ` ինֆորմատիկայի և ավտոմատացման պրոբլեմների ինստիտուտի սանհանգույցների նորոգման համար:
2. Սույն որոշումն ուժի մեջ է մտնում 1999 թվականի սեպտեմբերի 28-ից: